Morgunblaðið - 23.05.2003, Blaðsíða 6
DAGLEGT LÍF
6 C FÖSTUDAGUR 23. MAÍ 2003 MORGUNBLAÐIÐ
MEÐAL andlita kanadíska snyrtivörufyrirtækisins MAC
eru skemmtikraftarnir RuPaul og Elton John. Fyrir-
tækið hefur enda orð á sér fyrir að vera framsækið
og óhefðbundið og ber augnskuggaúrval MAC m.a.
vitni um það. Auk hefðbundinna litatóna má m.a. sjá
sterkbláa eða skærgula, en alls eru MAC-augn-
skuggar til í 120 litum.
Íslenskir förðunarfræðingar og almenningur geta
nú nálgast MAC-vörurnar hér á landi, eftir að hafa les-
ið um þær í tískublöðum eða prófað þær erlendis hing-
að til. Snyrtivöruheildsalan Artica hefur fengið umboð
fyrir MAC og sett upp sölubás í Debenhams í Smára-
lind. Artica er fyrir með umboð fyrir Clinique og Est-
ée Lauder, en MAC er í eigu síðarnefnda merkisins.
MAC, sem stendur fyrir Make-up Art Cosmetics,
var stofnað í Toronto í Kanada árið 1985 af þeim
Frank Angelo og Frank Toskan, förðunarfræðingi
og ljósmyndara. Allt frá þeim tíma hafa MAC-
snyrtivörurnar verið markaðssettar sem tæki til
persónulegrar tjáningar og vörur sem standa fyrir
óhefðbundna förðun, eins og fram kemur í kynn-
ingu fyrirtækisins. Slagorð MAC er m.a.: „All Rac-
es, All Sexes, All Ages.“ MAC-snyrtivörurnar eru
nú seldar í 44 löndum.
Sjóður til styrktar alnæmissjúklingum
Árið 1994 setti MAC á fót sjóð til að styrkja
alnæmissjúklinga. Sérstök varalitalína, Viva
Glam, er framleidd fyrir sjóðinn og allt sölu-
andvirðið er látið renna til alnæmissjúklinga á
hverjum stað, og verður einnig svo hér á landi.
Þekkt fólk, þ.á m. RuPaul, hefur lagt mál-
staðnum lið með því að vera andlit þessarar
varalitalínu, en fjórar slíkar hafa verið settar
á markað frá árinu 1994.
Vöruúrval MAC er mótað af 35
manna liði förðunarfræðinga víðs
vegar að úr heiminum. Þetta lið
bregst við tískustraumum og mót-
ar þá, m.a. þegar það hannar förð-
un fyrir helstu tískusýningar í
heimsborgunum. Fyrirsætur í
myndaþáttum tískublaðanna eru oft
farðaðar með MAC-snyrtivörum, sem og
sjónvarpsstjörnurnar m.a. í Vinum og
Beðmálum í borginni.
MAC-snyrtivörur eru einnig mikið
notaðar í leikhúsförðun, að sögn Sigríð-
ar Björnsdóttur hjá Artica. Einungis
förðunarfræðingar starfa í verslunum
og sölubásum MAC og eru miklar
kröfur gerðar af höfuðstöðvunum, að
sögn Sigríðar. Förðunarfræðingar
sem hefja störf hjá MAC fara á nám-
skeið í höfuðstöðvunum og regluleg
hæfnispróf eru haldin.
Túrkísblátt og bleikt eru meðal
litanna í nýjustu línu MAC, Aquad-
isiac, sem kynnt var við opnunina
fyrr í þessum mánuði. Litirnir vísa
í sjóinn, kóralrif, skeljar, sand og
fiska, og koma fram í varalitum
og -glossi, naglalakki, augn-
skuggum og kinnalitum. Gyllt og
brons ásamt sterkbleikum kem-
ur saman í línunni TanRay sem
kynnt verður í næsta mánuði og
vísar til hásumars. Litir í nýjustu línunni frá MAC, Aquadisiac.
FÖRÐUNARVÖRUR fráMAC settu að venju sinnsvip á tískusýningarpalla íNew York, London, París
og Mílanó er hausttískan var kynnt
nú fyrr á árinu. Enda tóku stílistar
og förðunarfræðingar frá fyrirtæk-
inu þátt í að hanna og móta útlit fyr-
irsætnanna svo það félli að straum-
um hausttískunnar.
Einn þeirra stílista sem tóku þátt í
þessari vinnu var Nadine Luke, einn
af yfirmönnum teymisins sem mótar
förðunarlínur MAC. En Nadine var
stödd hér á landi fyrir skemmstu og
kynnti þá íslenskum förðunar-
fræðingum, stílistum og snyrtifræð-
ingum strauma og stefnur haust-
tískunnar.
„Galdurinn við að ná að flytja förð-
unarlínu af tískusýningarpöllunum
og yfir í hversdagsleikann er að taka
hlutina ekki of bókstaflega,“ segir
Nadine sem telur gott að velta fyrir
sér í því sambandi hvaða förðunar-
línur séu raunhæfastar, þó að henn-
ar mati megi oftast tóna farða og
áhersluatriði þannig
niður að þau eigi vel
heima í hversdagsleik-
anum.
Nadine hefur unnið
með fjölda þekktra
hönnuða og nægir að
nefna Alexander
McQueen, Oscar de la
Renta, Roberto Cavalli
og Patrick Cox svo
nokkrir séu nefndir,
auk þess sem hún hefur
farðað tónlistarfólk á
borð við Aliciu Keys og
Kelly Osborne. Sjálf
segir hún McQueen
vera í sérstöku uppá-
haldi hjá sér. „Það er
alltaf viss áskorun að
vinna með McQueen
því maður mætir á
svæðið fyrir sýningu og
veit aldrei hvað bíður
manns, enda hönnun
hans einstaklega ævintýraleg.“
Róttækar hugmyndir Nadine
sjálfrar hafa einmitt fallið vel að hug-
myndafræði MAC, en hún þykir sér-
lega skapandi, litaglöð og hug-
myndarík, auk þess að vera lítið fyrir
að útiloka nýjar og óvenjulegar hug-
myndir. „Það er í raun allt leyfilegt,“
segir Nadine sem æfði sig upphaf-
lega með förðunarpenslana á móður
sinni og bróður áður en vinnan hjá
MAC tók við. „Við notum til dæmis
oft varablýanta við augnmálningu og
augnblýanta við varamálningu þegar
unnið er við tískusýningar. Sömu-
leiðis höfum við sett gerviaugnhár
öfug á augnlokin til að ná fram réttu
áhrifunum og að sjálfsögðu er þetta
allt gert til að ná fram ýktari áhrifum
fyrir tískusýningapallana.“
Innblástur að hugmyndum að nýj-
um förðunarlínum kveðst Nadine
hins vegar helst fá úr náttúrunni.
„Til dæmis,“ segir hún og bendir á
hafnarsýnina sem blasir við út um
glugga Hafnarhússins þar sem við-
talið fer fram, „rauði liturinn á skip-
inu hérna fyrir utan og andstaðan
sem er milli hans og bláa litar him-
insins, sem er í raun alveg ótrúlega
bjartur miðað við þennan tíma
kvölds. Ég tók strax eftir
þessu og velti litunum fyrir mér
og það er einmitt svona sem ég fæ
flestar mínar hugmyndir. Þetta
virkar þó líka á hinn veginn og til
dæmis málaði ég einu sinni húsið
mitt í sama lit og augnskugga.“
Sjö mismunandi förðunarlínur
verða ráðandi í hausttískunni að
þessu sinni og má staðfæra þær allar
fyrir hversdagsleikann.
Borgarbarnið – Lykilorðin í þess-
ari línu, sem Nadine kynnti sérstak-
lega eru glæsimennska, eintóna litir
og sterkur augnsvipur. Augnsvipur-
inn er hér gerður sterkur með augn-
skugga í dökkum jarðlitum með
metalískum undirtónum. Maskari er
hafður þykkur, varir í hlutlausum
glosslit og húðin ungleg og frísk
ásýndar.
Skækjuskarið – Innblásturinn er
hér sóttur í níunda áratuginn, rokk-
tónlist, hvassar brúnir og skæra liti.
Augnlínupenni, skærlitir augn-
skuggar og ýmist hlutlaus eða sterk-
bleik gloss setja sinn svip á línuna.
Snæskvísan – Sterkir hvítir og
ljósir litir eru áberandi í útliti snæ-
skvísunnar og frískleg, ljós húð með
perlumóðurkenndu og glitrandi yf-
irbragði er miðpunktur athyglinnar.
Ástargyðjan – Lykilorð ástar-
gyðjunnar eru rómantík, kvenleiki,
daður og bleikir litir. Augnskuggar
eru ljósir, sanseraðir og frostkennd-
ir ásýndar, húðin frískleg, kinnarnar
rjóðar og varir bleikar.
Geimaldarglyðran – Geimmynd-
ir frá sjöunda áratugnum, myndir á
borð við Barbarellu og fyrstu Star
Trek þættina setja sterkan svip á
geimaldarglyðruna sem einnig var
kynnt sérstaklega af Nadine. Augn-
skuggi er ýmist í sterkum litum eða
pastel tónum, augnlínupenni setur
sinn svip á línuna, sem og þykkur
maskari, ljósbleikur eða ferskjulitur
kinnalitur og hlutlaus perlumóður-
kenndur varalitur.
Hitchcock-hetjan – Endurhvarf
til Hollywoodmynda fimmta og
sjötta áratugarins þar sem kynþokki
og glæsileiki er hafður í hávegum.
Augabrúnir eru sterkar og áberandi
og varir í djúpum flauelskenndum
litum.
Kúbistakvendið – Geómetrísk og
línulaga form eru lykilorð kúbista-
kvendisins sem byggir augnmáln-
ingu sína á geómetrískum formum.
Nadine Luke mundar pensilinn á einum þátt-
takanda á kynningunni á hausttískunni.
Geimaldarglyðran og borgarbarnið eru
tvær af línunum í haustförðuninni.
Hitchcock-hetjan Grace Kelly.
Hin upprunalega
geimaldarglyðra,
Jane Fonda sem
Barbarella.
Málað með MAC
Dragdrottningin
RuPaul var fyrsta
andlit VivaGlam-
línunnar árið 1994.
Borgarbarn eða
geimaldarglyðra?
Morgunblaðið/Árni Torfason
Morgunblaðið/Árni Torfason
Lið-a-mótLið-a-mót
FRÁ
H
á
g
æ
ð
a
fra
m
le
ið
sla
Extra
sterkt
A
ll
ta
f
ó
d
ýr
ir