Morgunblaðið - 24.05.2003, Blaðsíða 64
MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 LAUGARDAGUR 24. MAÍ 2003 VERÐ Í LAUSASÖLU 190 KR. MEÐ VSK.
Áskriftarsími 881 2060
Í FORMI
– leiðandi í lausnum
Skeifunni 17AcoTæknival Sími 550 4000 Fax 550 4001
SJALDAN hefur verið jafnmikil eftirvænting á
Húsavík fyrir Evróvisjón og í ár. Ástæðan er ein-
föld, Birgitta Haukdal, og munu bæjarbúar al-
mennt vera bjartsýnir á gengi hennar í keppn-
inni. Þeir eru þó umfram allt vissir um að hún
muni gera sitt besta fyrir land og þjóð, og ekki
síst heimabæinn Húsavík, burtséð frá því í hvaða
sæti lagið hafnar.
Eflaust verða evróvisjónpartíin mörg í bænum
í kvöld en það stærsta verður að öllum líkindum
haldið á Fosshóteli Húsavík. Þar verður hægt að
fylgjast með keppninni á breiðtjöldum og sjón-
varpstækjum og hlusta á hana í fullkomnu hljóð-
kerfi. Einnig verður getraun og fleira í gangi
varðandi keppnina og eins verður tilboð á uppá-
haldspizzu Birgittu, sem mun vera Hawaii-pizza.
Eftirvænting
á Húsavík
Borgin/58
Stigatafla/60
Húsavík. Morgunblaðið.
RAGNHILDUR
Steinunn Jónsdóttir,
22 ára fegurðar-
drottning Suður-
nesja, var kjörin
ungfrú Ísland 2003
við hátíðlega athöfn
á Hótel Íslandi í gær-
kvöldi. Í öðru sæti
varð Tinna Alavis og
Regína Diljá Jóns-
dóttir í því þriðja.Morgunblaðið/Jim Smart
Kjörin
ungfrú
Ísland
HEIÐSKÍRT var yfir öllu land-
inu samtímis í gær eins og sést á
þessari gervitunglamynd sem
tekin var í gær en samkvæmt
upplýsingum Veðurstofunnar er
það fremur sjaldgæft. Veður-
fræðingur Veðurstofunnar
sagði að ekkert í kortunum
benti til að annað kuldakast
gengi yfir landið líkt og gerðist
fyrr í mánuðinum. Lofthiti er
samt ekki orðinn mjög hár
ennþá en mikil sól að undan-
förnu hefur hlýjað landanum.
Í dag má búast við breytilegri
átt og léttskýjuðu veðri. Líkur
eru á síðdegisskúrum sunnan-
lands. Í nótt þykknar upp. Á
morgun má búast við að skýjað
verði með köflum og lítilsháttar
rigning víða um land. Hiti verð-
ur á bilinu 6 til 16 stig.
Hlýjan
mun endast
NÝ ríkisstjórn tók við völdum á
ríkisráðsfundi á Bessastöðum í
gær, fjórða ríkisstjórnin undir
forsæti Davíðs Oddssonar. Fyrir
hádegi var þriðja ráðuneyti Dav-
íðs veitt lausn frá störfum en að
því búnu snæddu ráðherrarnir
hádegisverð á Bessastöðum í
boði Ólafs Ragnars Grímssonar
forseta Íslands.
Tveir nýir ráðherrar, Björn
Bjarnason, Sjálfstæðisflokki, og
Árni Magnússon, Framsóknar-
flokki, undirrituðu eiðstaf og
hafa því formlega tekið við ráðu-
neytum dóms- og kirkjumála og
félagsmálaráðuneyti. Stefnt er
að því að 129. löggjafarþing Al-
þingis komi saman nk. mánudag.
Ráðherrar í nýrri ríkisstjórn
stilltu sér upp við tröppur Bessa-
staða í gær.
Morgunblaðið/Kristinn
Ný ríkisstjórn tekin við völdum
Fjórða ráðuneyti/4
BANDARÍKJAMENN hafa hert eftirlit með
innflutningi til landsins og hugsanlegt er að
þeir muni innan tíðar gera kröfu um að varn-
ingur sé eingöngu fluttur þangað um hafnir
sem standast ákveðnar öryggiskröfur. Sig-
urður Skúli Bergsson, forstöðumaður toll-
gæslusviðs tollstjórans í Reykjavík, segir að
geri Bandaríkjamenn slíkar kröfur þurfi Ís-
lendingar annaðhvort að flytja vörur til
Bandaríkjanna um erlenda höfn eða koma sér
upp búnaði til að gegnumlýsa gáma.
Sigurður bendir á að Bandaríkjamenn hafa
gert samninga um öryggismál við 20 stærstu
útflutningshafnir heims. Bandarískir eftir-
litsmenn séu þar að störfum og þar sé ákveðið
hlutfall gáma, sem er á leiðinni til Bandaríkj-
anna, gegnumlýst.
Hertar kröfur vegna
hryðjuverkavarna
Bandaríkjamenn hafi hert mjög eftirlit á
flugvöllum í kjölfar hryðjuverkanna 11. sept-
ember 2001 og hafi nú í auknum mæli beint
sjónum sínum að vöruinnflutningi með gám-
um en þeir óttast að reynt verði að smygla
efna- eða kjarnorkuvopnum til landsins þá
leiðina.
„Maður veit ekki hvar þessi þróun endar.
Hvort hugsanlega verði það þannig að ekki
verði leyfður útflutningur til Bandaríkjanna
nema frá viðurkenndum höfnum þar sem
ákveðin öryggisskoðun hefur farið fram,“
segir Sigurður. Íslendingar standi þá frammi
fyrir tveimur kostum; annaðhvort að flytja
vörurnar um erlenda höfn eða koma upp
gegnumlýsingarbúnaði sem stenst kröfur
Bandaríkjamanna.
Sigurður segir að embætti tollstjórans í
Reykjavík muni væntanlega gera úttekt á því
hvað slíkur búnaður kosti og hvort það sé
skynsamlegt eða nauðsynlegt að fá hann til
landsins. Aðspurður segir hann að gegnum-
lýsingarbúnaður fyrir gáma kosti frá 200
milljónum og upp í 1,4 milljarða, eftir því
hvaða eiginleika hann hefur.
Gegnumlýsingarbúnaður fyrir gáma kostar 200–1.400 milljónir
Gæti orðið nauðsynlegur fyrir
útflutning til Bandaríkjanna
BANDARÍSKI listamaðurinn
Matthew Barney opnar sýningu í
Nýlistasafninu í dag en þar hefur
hann sett upp nýtt verk sem er
yfirlit yfir Cremaster-hringinn,
frægasta verk hans, sem saman-
stendur af fimm íburðarmiklum
kvikmyndum sem sýndar verða á
sýningunni og á kvikmyndasýn-
ingum í Regnboganum. Barney
er einn af eftirsóttustu myndlist-
armönnum samtímans og sagður
mikilvægasti listamaður sinnar
kynslóðar af gagnrýnanda The
New York Times.
Sýning Matthew Bar-
ney í Nýlistasafninu
Yfirlit yfir
Cremaster-
hringinn
Líkaminn/Lesbók
HÉRAÐSDÓMUR Reykjavíkur dæmdi í gær
fyrrverandi atvinnurekanda á sviði múrverks og
flísalagna í eins árs fangelsi, þar af 9 mánuði skil-
orðsbundna, og 48,5 milljóna króna sekt fyrir
skattsvik og bókhaldsbrot á árunum 1999 og 2000.
Tveir menn til viðbótar voru ákærðir í sama máli,
þar af annar sonur ákærða, sem hlaut 6 mánaða
fangelsi og 3,6 milljónir króna í sekt. Þriðji mað-
urinn var dæmdur í 5 mánaða fangelsi.
Sá sem þyngstan dóminn hlaut játaði brot sín, en
hann hafði gefið út 29 tilhæfulausa sölureikninga,
sem hann fékk hjá öðrum meðákærða gegn endur-
gjaldi, til gjaldfærslu og innsköttunar í bókhaldi
sínu 1999 og 22 reikninga frá syni sínum árið 2000.
Oftalinn innskattur og vangreiddur tekjuskattur
og útsvar hans nam 24 milljónum króna. Að mati
dómsins var hér um að ræða skipulagða háttsemi
og mjög háar fjárhæðir og því voru brot ákærða
stórfelld að mati dómsins.
Einbeittur ásetningur og
skipulögð brotastarfsemi
Sá sem hlaut 5 mánaða fangelsi játaði að hafa
ýmist gefið út eða útvegað reikningana 29. Sannað
þótti að hann hefði fengið tvo menn til að gefa út
hluta reikninganna, en hafði áður séð sjálfur um að
láta prenta þá á nafni mannanna og sækja um virð-
isaukaskattsnúmer fyrir þá. Að mati dómsins
sýndi ákærði einbeittan ásetning og voru brot hans
skipulögð. Hann var hins vegar sýknaður af
ákærulið sem varðaði hlutdeild hans í bókhalds-
broti þess sem fékk þyngsta dóminn.
Sá sem hlaut 6 mánaða fangelsi játaði að hafa af-
hent umrædda 22 tilhæfulausa reikninga gegn
endurgjaldi. Af fjölda þeirra reikninga sem hann
gaf út, þeirri aðferð sem hann beitti og þeim háu
fjárhæðum sem um ræddi, þótti dóminum ljóst að
ásetningur hans hefði verið einbeittur og brot hans
skipulögð, en reikningarnir námu 51,4 milljónum
króna. Hann var hins vegar sýknaður af ákæru um
hlutdeild í bókhaldsbroti föður síns.
Dæmdur í eins
árs fangelsi og
48,5 milljóna
króna sekt
♦ ♦ ♦
♦ ♦ ♦