Morgunblaðið - 25.05.2003, Blaðsíða 25
Innritað verður
26. 27. og 28. maí kl. 10–16.
Fyrir þá sem ljúka grunnskóla í vor
verður innritað 10.–11. júní kl. 10–17.
G
Ú
ST
A
Upplýsinga- og margmiðlunarsvið
Málmtæknisvið
Grunnnám upplýsinga- og fjölmiðlagreina
Sérsvið: Bókband Grafísk miðlun Tækniteiknun
Prentun Veftækni
Tækniteiknun
Margmiðlunarskólinn
2ja ára nám þar sem umsækjendur þurfa að hafa lokið tveggja ára námi í upplýsinga- og
fjölmiðlagreinum, lokið námi af listnámsbrautum, tölvubrautum, lokið stúdentsprófi
eða öðru sambærilegu námi.
Grunnnám bíliðna Málmtæknibraut
Byggingasvið
Grunnnám byggingagreina Húsasmíði Húsgagnasmíði
Málaraiðn, 1. og 2. önn Múrsmíði
Rafiðnasvið
Grunnnám rafiðna Rafvirkjun Rafeindavirkjun
Rafvélavirkjun Símsmíði
Hönnunarsvið
Klæðskurður Hársnyrting Listnámsbraut, almenn hönnun
Kjólasaumur
Almennt svið
Almennar námsbrautir Tæknibraut Nám til stúdentsprófs
Nýbúabraut
Tölvusvið
Tölvubraut, grunnnám Sérsvið í forritun og netstjórn
Fjölbreytt nám
við allra hæfi
IÐNSKÓLINN Í REYKJAVÍK
Skólavörðuholti • 101 Reykjavík • Sími 522 6500 • www.ir.is • ir@ir.is
LISTIR
MORGUNBLAÐIÐ SUNNUDAGUR 25. MAÍ 2003 25
STARFSEMI kirkjukóra hefur
eflst mjög á undanförnum árum og
njóta þeir þess að tiltækur er góður
hópur þjálfaðra
söngvara, sem
notið hafa
kennslu við tón-
listarskólana í
landinu. Mikil-
vægt er að hafa
gott söngfólk en
dugandi stjórn-
andi, sem óragur
tekst á við erfið
verkefni og brýst
út úr venjuhring hefðarinnar, sem
heftir alla framþróun, getur náð
ótrúlegum árangri, því í erfiðum
verkefnunum fæst dýrmæt reynsla
og þjálfun. Kór Hjallakirkju hefur nú
haslað sér völl sem vel syngjandi
stofnun og hefur stjórnandi kórsins,
Jón Ólafur Sigurðsson, unnið vel, svo
sem heyra mátti á tónleikum sem
haldnir voru í Hjallakirkju sl. þriðju-
dagskvöld.
Tónleikarnir hófust á messu í C-
dúr K.259 eftir Mozart, síðustu af
þremur (K.257–59) C-dúr messum
meistarans en sjö af messum hans
eru í C-dúr, en eru aðgreindar með
ýmsum nöfnum og sú sem hér var
flutt er kölluð „Orgel-sólo“-messa.
Messurnar þykja hvað snertir form
mjög bundnar af notkun tónlistar-
innar við messu, svo að tónskáldinu
gafst ekki mikið rými til að leika sér
með textann. Þrátt fyrir þetta er ým-
islegt fallegt í þessari þjónustumessu
og var flutningurinn allur framfærð-
ur af öryggi. Til að bæta nokkuð úr
var sunginn Lacrimosa-þátturinn úr
sálumessu Mozarts, sem er meðal
þess áhrifamesta í kirkjutónlist Moz-
arts, þó hann hafi í raun aðeins samið
fyrstu átta taktana en Süssmayr síð-
an unnið úr hugmyndinni, sem er
stórkostlegt angistaróp deyjandi
manns. Kórinn söng þennan þátt á
sérlega áhrifamikinn máta.
Guð heilagur andi í útsetningu Ró-
berts A. Ottóssonar, fallegt smálag,
Drottinn, ég er þess eigi verður eftir
Saint- Saëns, Hvítasunnusálmur við
texta eftir Sigurbjörn Einarsson,
Fyrirlátið mér við texta úr Lilju eftir
Eystein Ásgrímsson og sigursöngur-
inn frægi úr Júdasi Maccabeusi eftir
Handel voru viðfangsefnin fyrir hlé,
öll mjög vel flutt og sérstaklega sig-
ursöngur Handels, þar sem kven- og
karlaraddir skiptu með sér verkum
við undirleik orgels (Lenka Mátéová)
og tveggja trompetta (Ásgeir H.
Steingrímsson og Guðmundur Haf-
steinsson). Í þessum smáverkum,
ásamt messunni, sungu kór Hjalla-
kirkju og einstaka einsöngvarar
(Gréta Jónsdóttir, Laufey Helga
Geirsdóttir og Gunnar Jónsson) oft
mjög vel en kórinn hefur á valdi sínu
mjög vítt styrkleikasvið með þéttum
og góðum hljómi.
Eftir hlé flutti kórinn með orgel-
undirleik Panis angelicus eftir Cesar
Franck en einsönginn í þessum fal-
lega kanón söng María Guðmunds-
dóttir mjög vel, með sinni fallegu og
hljómþéttu röddu. Eftir að kórinn
söng fallegt en nokkuð erfitt lag eftir
Max Bruch, var flutt aðalverk
kvöldsins, Te Deum eftir Jón Þór-
arinsson, sem var samið árið 2000 en
nú flutt í endurskoðaðri gerð. Verkið
er í þremur köflum. Fyrsti kaflinn
hefst á samspili trompetta og orgels
og ritháttur kóraraddanna er fyrst
hljómrænn en í söng kerúbanna,
Santus, sanctus, má heyra fúgufram-
sögu og kemur upphaf fúgustefsins
síðar fyrir í hljómrænni útfærslu og
sem millistef í miðkafla þáttarins,
sem endar á upphafsstefinu. Annar
þáttur, Tu Rex gloriæ, Christe, er
lofsöngskórall með rismiklu niður-
lagi á orðunum Eterna fac cum
sanctis tuis. Lokakaflinn hefst á ka-
nón sem fluttur var af tveimur ein-
söngvurum (Laufeyju Helgu Geirs-
dóttur og Hákoni Hákonarsyni) og
eftir smá innskot með upphafstónum
verksins endar það á tvöfaldri og ris-
mikilli fúgu.
Te Deum er vel samið verk, ofið
saman af andstæðum í blæ og styrk
og rismikið á köflum, sem undirstrika
mætti enn frekar með því að umrita
undirleikinn fyrir hljómsveit. Í heild
var verkið vel sungið, bæði af kór og
einsöngvurum, í ágætum samleik
orgels og tveggja trompetta. Jón
Ólafur Sigurðsson hefur náð að
byggja upp góðan kór, sem sérstak-
lega kom vel fram í „a capella“-söng,
og verður fróðlegt að fylgjast með
kórsöng í Hjallakirkju í framtíðinni.
Þá sakar ekki að geta þess, að Hjalla-
kirkja er sérlega söngvænt hús.
Tvöföld og rismikil fúgaTÓNLISTHjallakirkja
Kór Hjallakirkju flutti erlend
og íslensk kórverk, m.a. Te Deum,
nýlegt og endursamið verk eftir
Jón Þórarinsson. Stjórnandi Jón Ólafur
Sigurðsson. Þriðjudagurinn 20. maí,
2003.
KÓRTÓNLEIKAR
Jón Ólafur
Sigurðsson
Jón Ásgeirsson
Vorhátíð LHÍ Listasafn Reykjavík-
ur – Hafnarhúsi kl. 12–2.30 Fók-
usinn – verk nemenda skoðuð.
Á MORGUN
ATVINNA
mbl.is