Morgunblaðið - 25.05.2003, Blaðsíða 14
14 B SUNNUDAGUR 25. MAÍ 2003 MORGUNBLAÐIÐ
ferðalög
Hvernig var í Prag?
Það var dálítið kalt fyrstu dagana og regnhlífin kom að
góðum notum en þótt veðrið hafi ekki verið sem ákjósan-
legast er Prag engu að síður dásamleg borg. Gamli bær-
inn er alveg sérstaklega fallegur með sínar gömlu bygg-
ingar sem eru margar hverjar útflúraðar, með styttum og
stórum gluggasyllum.
Fóruð þið í skoðunarferðir?
„Já, við fórum t.d. strax fyrsta daginn í skoðunarferð með
Soffíu Halldórsdóttur fararstjóra sem býr í Prag. Hún er
einstakur fararstjóri og afar vel að sér um borgina. Soffía
leiddi okkur um gamla bæinn og fræddi okkur um það
sem fyrir augu bar. Við skoðuðum líka Gyðingahverfið,
Karlsbrúna og enduðum á Café Reykjavík.
Síðan fórum við í siglingu um Moldá með djassbát og það
var virkilega gaman.
Eftirminnileg var líka dagsferð til Karlsbad og önnur í
Karlstejn kastala þar sem við skoðuðum kristalsverk-
smiðju. Þarna fylgdumst við með því hvernig hlutir verða
til eins og t.d. vörur í Möttu rósinni sem margir þekkja.
Það er ótrúleg vinna að búa til hvern einasta hlut og það
verður að segjast eins og er að eftir að hafa séð ferlið þá
kann ég miklu betur að meta kristalinn minn hér heima.“
Heimsóttuð þið einhver söfn?
„Eitt það skemmtilegasta sem við gerðum
var að fara í smásjársafn sem er í klaust-
urgarðinum Strahvoský.
Það var einstakt að sjá handverkið sem
var svo smátt að það var bara hægt að
greina það með smásjá. Þarna voru t.d.
járnbrautarlestir sem voru á mannshári.
Ég hef aldrei séð önnur eins listaverk.“
Er hagstætt verðið í Prag?
„Okkur fannst ekki borga sig að vera að
kaupa föt í Prag, verðið var ósköp svipað
og heima. Gull og silfur var á góðu verði,
kristallinn líka, strengjabrúður og leir-
vörur.
Úrvalið er hins vegar mjög mikið t.d. af
gull- og silfurskartgripum og ég sá fljótt að ég myndi gera
lítið annað en þræða slíkar verslanir ef ég ætlaði að skoða
það sem í boði væri.“
Funduð þið spennandi veitingahús?
„Já, við fórum á ýmsa staði og það var t.d mjög gaman
að borða í útsýnisturninum í Prag. Við fundum líka tvo
góða staði nálægt hótelinu okkar, sem heitir Tosca. Þetta
eru Rauði baróninn og Hvíti fíllinn.
Sá fyrrnefndi var ekki dýr og skemmti-
legur. Við borðuðum t.d. nautasteik og
með drykkjarföngum kostaði máltíðin fyrir
okkur hjónin um 2.000 krónur.
Hvíti fíllinn er eins og hellir þ.s. fíla-
mynstur eru skröpuð á veggina. Matseðill-
inn er mjög fjölbreyttur á þessum stað og
maturinn ódýr. Fyrir aðalrétt og eftirrétt
með drykkjum borguðum við um 1.500
krónur fyrir okkur bæði.
Er auðratað um borgina?
Já, og það er líka mjög auðvelt að ferðast
um með lestum milli bæjarhluta. Það er
mun sniðugra að taka neðanjarðarlest
milli staða en leigubíla eða sporvagn því
umferðin er svo þung ofanjarðar. Auk þess borgar sig ekki
að eiga viðskipti við allar leigubílastöðvar. Sú sem mælt
var með heitir AAA, þeir eiga að vera nokkuð traustir.“
Getur þú hugsað þér að heimsækja borgina aftur?
„Það er ekki nokkur spurning en þá myndi ég kannski fara
aðeins seinna þegar það væri orðið hlýrra. Ég á eftir að
skoða mjög margt í Prag.“
Um páskana fór Sigurbjörg Sigurðardóttir til Prag með eiginmanni sínum, Kristni Hraunfjörð, til að halda upp á 35 ára brúðkaupsafmæli þeirra.
Kristinn Hraunfjörð og Sigurbjörg Sigurðardóttir héldu upp á
35 ára brúðkaupsafmælið sitt í Prag.
Sigurbjörg segir að margar byggingar séu mjög fallegar í
gamla bænum.
Morgunblaðið/Ásdís
Úrvalið af strengjabrúðum er ótrúlega fjölbreytt og hægt að
gera hagstæð kaup á þeim.
Smásjársafnið var einstakt
Hvaðan ertu að koma?
Útsýnisturninn
Tower Praha
Mahlerovy sady 1,
Prag 3
Sími: 00420 2 67 00 57 78
Vefslóð: www.tower.cz
Tölvupóstfang: info@tover.cz
Veitingahúsið Rudý Baron
(Rauði baróninn)
Korunni 23 Prag 2
Sími: 00420 222 511 348
Hvíti fíllinn
Budecska 6 Prag
STÆRSTA verslunarhús Evrópu,
og hið frægasta í Berlín, heitir Ka-
DeWe sem stendur fyrir „Kaufhaus
des Westens“, eða verslunarhús
vestursins. Það var stofnað árið 1907
og vilja sumir meina að það sé jafn-
frægt kennileiti borgarinnar og
sjálft Brandenborgarhliðið.
KaDeWe er á átta hæðum og er
verslunaraðstaðan alls 60.000 fer-
metrar. Með öll helstu merkin í boði
er þetta risastóra verslunarhús víst í
dýrari kantinum miðað við aðrar
verslanir í Berlín. En það eitt að
njóta ótrúlegs vöruúrvalsins er upp-
lifun út af fyrir sig – auk ánægjunnar
að stelast til að kaupa eitthvað
smá …
Frægust og vinsælust er 6. hæðin,
heimsfræg fyrir ferska matvöru frá
öllum heimshornum. Þar vinna
hvorki meira né minna en 150 kokk-
ar við að gleðja viðskiptavinina sem
eru allt að 80.000 daglega. Í þessa
Mekka sælkeranna, innlendra sem
erlendra, mæta Berlínarbúar gjarn-
an á laugardögum til að sýna sig og
sjá aðra, og smakka ókeypis á ótelj-
andi girnilegum réttum sem í boði
eru: kavíar, ostrum, kampavíni, há-
gæðasúkkulaði … namm!
Mörg verslunarhverfi
En Berlín hefur meira í boði fyrir
verslunarglaða, og taka má U2-neð-
anjarðarlestina til að komast á milli
allra helstu verslunarstaða Berlínar,
jafnt í austri sem vestri.
Kurfürstendamm er aðal-
verslunargata vestursins; þar er Ka-
DeWe og einnig dýru merkjabúðirn-
ar, vinsælu tískuverslanakeðjurnar,
s.s H&M og Zara, minni tísku- og
hönnunarbúðir, auk kaffihúsa, leik-
húsa og skemmtistaða.
Í austrinu er aðalgatan Fried-
richstraße. Reyndar liggur hún í
gegnum mismunandi hverfi, þar sem
frábær arkitektúr, menning og mat-
arhefð blandast verslunarleiðangrin-
um á ánægjulegan máta. Ekki er
ónýtt að hvíla þreytta þrammfætur á
kaffihúsi á hinu sögulega breiðstræti
Unter den Linden. Aðalverslunar-
miðstöð austursins er Galeries Laf-
ayette, glæný og glæsileg með yfir
2.000 verslanir innanborðs.
Hið heimsfræga torg Potsdamer
Platz hefur nú verið endurgert, þar
sem Potsdamer Platz Arkaden er
vinsælasta verslunarmiðstöðin. Öll
úr gleri er hún nýtískuleg og í sam-
ræmi við annan tilkomumikinn arki-
tektúr á svæðinu.
Markaðir og neðanjarðarmenning
En fyrir þá sem kjósa frjálslegri
stemmningu er úrval úti- og flóa-
markaða í Berlín. Þeir eiga sér langa
sögu og þá má finna víða á torgum,
og eru þeir oftast opnir tvisvar í viku.
Vinsælasti og stærsti flóamarkað-
urinn er sá á Straße des 17. Juni, eða
á 17. júní strætinu. Þar má finna allt
frá brotnum forngripum upp í ný-
stolnar geislagræjur. Þegar kemur
að götumörkuðum er Winterfeldt-
platz-markaðurinn í Schöneberg
skemmtilegastur, og fínasta göngu-
ferð á milli formbókabúða og forn-
gripaverslana.
Minni og sérstæðari tískuverslan-
ir ásamt búðum með notuðum fötum
gætu hentað unga fólkinu. Upplagt
er fyrir það að leggja leið sína í tvö
áhugaverð hverfi: Prenzlauer Berg
og Kreuzberg. Það fyrrnefnda er
mjög þýskt, en fullt af stúdentum og
listamönnum og því margt skemmti-
legt að gerast. Það síðarnefnda er
eitt þekktasta Tyrkjahverfið, eigin-
lega 4. stærsta Tyrkjasamfélagið í
heiminum. Unga fólkið, námsmenn-
irnir og hipparnir lifa þar góðu lífi
innan um tyrkneska verkamenn,
neðanjarðarmenningin blómstrar,
sköpunargleðin einnig og búðirnar
bera keim af því.
Margbreytileiki og menning
Morgunblaðið/Hildur
Kreuzberg hefur búðir fyrir unga fólkið, með notuð föt og listræn tískuföt.
Morgunblaðið/Hildur Lofts
KaDeWe: Stærsta verslunarhús Evrópu, með veitingastað með útsýni yfir Berlín.
Verslunarborgin Berlín
Það er ekki vitlaust að skella
sér í verslunarleiðangur til
Berlínar, segir Hildur Lofts-
dóttir, enda ku vöruverðið
þar vera lægra en í öðrum
vinsælum verslunarborgum
Evrópu.
hilo@mbl.is
Vefslóð: www.kadewe.com
Opið: Mán.–fös. kl. 9.30–20 og
lau. kl. 9–16.
www.kurfuerstendamm.de
www.friedrichstrasse.de
U2-neðanjarðarlestin fer milli
allra helstu verslunarstaða
Berlínar.
Alltaf stemmning á Kurfürstendamm.