Morgunblaðið - 25.05.2003, Blaðsíða 19
FRÉTTIR
MORGUNBLAÐIÐ SUNNUDAGUR 25. MAÍ 2003 19
Til leigu
Skrifstofuherbergi í miðbænum er til leigu fyrir
starfandi grafískan hönnuð. Aðgangur að fund-
arherbergi, kaffistofu og salerni.
Mánaðarleiga kr. 30.000.
Lysthafendur sendi línu á thororn@simnet.is
Reykjavíkurhöfn —
skrifstofur
Til leigu 4-5 skrifstofuherbergi (96 til 125 m²)
með stórkostlegu útsýni yfir höfnina og flóann.
Nýuppgert, parket á gólfum o.fl.
Upplýsingar í síma 695 7722.
Til leigu í Hlíðasmári 17,
Kópavogi
Til leigu 150 m² skrifstofuhúsnæði í Hlíða-
smára 17 í Kópavogi. Húsnæðið býður upp
á ýmsa möguleika og er laust strax.
Næg bílastæði og frábær staðsetning.
Upplýsingar í símum 820 6100 og 820 6111.
SMÁAUGLÝSINGAR
TILKYNNINGAR
Sálarrannsóknarfélag
Reykjavíkur,
Síðumúla 31,
s. 588 6060.
Miðlarnir, spámiðlarnir og hug-
læknarnir Þórhallur Guð-
mundsson, Ólafur Hraundal
Thorarensen, Ingibjörg Þeng-
ilsdóttir, Erla Alexanders-
dóttir, Katrín Sveinbjörns-
dóttir, Matthildur Sveins-
dóttir, tarrot-lesari og Garðar
Björgvinsson, michael-miðill,
starfa hjá félaginu og bjóða
félagsmönnum og öðrum upp á
einkatíma.
Upplýsingar um félagið, starf-
semi þess, einkatíma og tíma-
pantanir eru alla virka daga árs-
ins frá kl. 13—18. Utan þess
tíma er einnig hægt að skilja ef-
tir skilaboð á símsvara félagsins.
Sálarrannsóknarfélag Reykjavíkur
starfar í nánum tengslum við Sál-
arrannsóknarskólann á sama stað.
SRFR.
Sálarrannsóknarfélag
Íslands,
stofnað 1918,
sími 551 8130,
Garðastræti 8, Reykjavík
Huglæknarnir Hafsteinn Guð-
björnsson, Kristín Karlsdóttir,
miðlarnir Birgitta Hreiðarsdótt-
ir, Guðrún Hjörleifsdóttir, Laufey
Héðinsdóttir, María Sigurðar-
dóttir, Oddbjörg Sigfúsdóttir,
Rósa Ólafsdóttir, Skúli Lórenzs-
on og Þórunn Maggý Guð-
mundsdóttir starfa hjá félaginu
og bjóða upp á einkatíma. Frið-
björg Óskarsdóttir sér um hópa-
starf.
Upplýsingar og bókanir eru í
síma 551 8130. Opið mánudaga,
þriðjudaga og miðvikudaga frá
kl. 9—13, fimmtudaga frá kl.
12—16, lokað á föstudögum.
Heimasíða:
www.salarrannsoknarfelagid.is .
Netfang:
srfi@salarrannsoknarfelagid.is .
SRFÍ.
FÉLAGSLÍF
Hörgshlíð 12.
Boðun fagnaðarerindisins.
Bænastund í dag kl. 14.00.
Vorferð kirkjunnar kl. 11.00
Fjölbreytt samkoma kl. 20.00
í umsjá unga fólksins í kirkjunni.
Í kvöld kl. 19.30 Bænastund.
Kl. 20.00 Hjálpræðisam-
koma. Umsjón majór Inger Dahl
og Björn Thomas Njálsson.
Allir hjartanlega velkomnir.
Mánud. 26. maí kl. 15.00
Heimilasamband.
Valgerður Gísladóttir talar.
Allar konur velkomnar.
Samkoma í dag kl. 16.30.
Gunnar Þorsteinsson predikar.
Þriðjud.: Samkoma kl. 20.30.
Miðvikud.: Bænastund kl. 20.30.
Fimmtud.: Unglingarnir kl. 20.00.
Laugard.: Samkoma kl. 20.30.
Smiðjuvegi 5, Kópavogi.
Kennsla um trú í höndum Jóns
Gunnars Sigurjónssonar kl. 10.
Bænastund kl. 16.00.
Samkoma kl. 16.30.
Högni Valsson predikar.
Lofgjörð, fyrirbænir og uppskeru-
hátíð krakka og ungbarnakirkj-
unnar. Allir velkomnir.
„Drottinn er styrkur minn og lof-
söngur, og hann varð mér til
hjálpræðis.“
Almenn samkoma kl. 16:30.
Ræðum. Vörður L. Traustason.
Barnastarf fyrir börn 1—9 ára og
10—12 ára.
Allir hjartanlega velkomnir.
Mið. Mömmumorgun kl.10:00.
Fimmt. Eldur unga fólksins
kl. 21:00.
Föstud. Unglingasamkoma kl.
20:30.
Lau. Bænastund kl. 20:00.
Bænastundir alla virka morgna
kl. 6:00.
Allir hjartanlega velkomnir.
filadelfia@gospel.is
Á RÁÐSTEFNU sem nýlega var
haldin á Egilsstöðum um málefni
verslunar og þjónustu á Austurlandi,
kom fram að mikilvægt er að byggja
upp einn sterkan verslunarkjarna í
fjórðungnum. Menn greinir á um
hvar hann á að vera og koma Egils-
staðir eða Reyðarfjörður helst til
greina.
Ráðstefnan fjallaði að öðru leyti
um málefni verslunar og tengdrar
þjónustu á Austurlandi, þróun og
breytingar á neytendamarkaði og
stefnur og strauma í verslunar-
rekstri. Talið er nauðsynlegt að á
Austurlandi verði mótuð stefna um
þróun verslunar í framtíðinni og
leiða leitað til að svæðið geti orðið
betri valkostur í verslun og þjónustu.
Í framsögu Gunnlaugs Aðal-
björnssonar, kaupfélagsstjóra
Kaupfélags Héraðsbúa, kom fram að
Austurland sé fámennur og dreifður
markaður og Egilsstaðir séu, að við-
bættu strjálbýlinu í kring, fjölmenn-
asta þjónustusvæði fjórðungsins. Að
auki bætist ferðamenn við þann
fjölda á sumrin, en þeir séu lang-
flestir á Egilsstöðum. Telur Gunn-
laugur að velta ferðamanna yfir árið
jafngildi veltu um 1.000 manna
byggðar.
Hverfur dagvöruverslun úr
smærri bæjarfélögum?
„Enginn veit hvað framtíðin ber í
skauti sér í austfirskri verslun, en
það er víst að breyting verður á
henni,“ sagði Gunnlaugur. „Áfram-
haldandi kjarnamyndun er líkleg
þróun. Hvort hún leiðir til þess að
dagvöruverslun falli niður á ein-
hverjum stöðum á Austurlandi verð-
ur að koma í ljós. Það er alþekkt víða
um heim og er í raun alþjóðlegt
vandamál. Við þekkjum dæmin úr
fjölmiðlum, bæði í kringum Ísafjörð
og Selfoss. Þar hafa bæjarfélög
misst dagvöruverslanir sínar á síð-
ustu árum. Í Svíþjóð misstu 117 bæj-
arfélög síðustu dagvöruverslun sína
á liðnu ári. Verður þetta þróunin á
Austurlandi og til hvers mun það
leiða?“
Jóhannes Jónsson í Bónus sagði
að í sínum huga væru fjórir megin-
verslunarkjarnar á landinu; í
Reykjavík, á Akureyri, Ísafirði og
Egilsstöðum. Hann sagði þann íbúa-
fjölda sem á Austurlandi er ekki þola
meira en einn verslunarkjarna,
vegna þess að íbúarnir geri kröfur
um sambærilegt verð og best sé á Ís-
landi. „Eigi að brjóta slíkan kjarna
upp í fleiri einingar er það fórn sem
framtíðin sættir sig ekki við.“ Hann
sagði að á Austurlandi ætti að vera
einn meginkjarni, byggður upp á
hagkvæmasta hátt og hafa þyrfti að
leiðarljósi þau fjölmörgu mistök sem
átt hafa sér stað í uppbyggingu
margra slíkra kjarna á Stór-Reykja-
víkursvæðinu. Jóhannes telur yfir-
byggðar verslunargötur vænlegan
kost fyrir sérvöruverslanir og að
sveitarstjórnir eigi að líta á slíkar
göngugötur sem hluta af skipulagi
miðbæja.
Fákeppni er eðlileg
í Íslandsþorpinu
Í máli Sigurðar Jónssonar, fram-
kvæmdastjóra SVÞ – Samtaka versl-
unar og þjónustu,
kom fram að verslun er sú starfs-
grein sem veitir flestum atvinnu á Ís-
landi. „Verslun skapar um 14% allra
starfa og flest af nýskráðum hluta-
félögum eru í verslun og þjónustu,“
sagði Sigurður. „Smásöluverslun á
Íslandi nemur um 180 milljörðum án
vsk. árlega. Því miður er það þannig
að orðið þjónusta er ekki til í tungu-
taki hins opinbera og það er ekkert í
stjórnsýslunni sem gefur til kynna
að rekin sé þjónustustarfsemi á Ís-
landi. Þegar embættismenn, sem því
miður eru enn fastir í hugsunarhætti
og tungutaki síðustu aldar, tala af
mikilli hugljómum um mikilvægi
sjávarútvegs og landbúnaðar, þá eru
þeir fastir í gamalli mynd sem liðin
er hjá.“
Sigurður segir að þróun smásölu-
verslunar sé með þeim hætti að færri
og stærri fyrirtæki nýti hagkvæmni
stærðar í innkaupum og rekstri.
„Það er hlálegt að heyra talað um fá-
keppni í þessari eða hinni greininni.
Það er eins og menn haldi að þeir búi
á milljónamarkaði, en auðvitað er
svona þorp eins og Ísland ekki með
nema fákeppni. Hér er einfaldlega
ekki hægt að koma við hagkvæmni
án þess að vera með tiltölulega fáar
og stórar einingar.“
Kaupmenn þurfa að vera
skemmtikraftar
„Gæði vöru og þjónustu eru ekki
lengur nóg,“ sagði Gísli Blöndal
markaðsráðgjafi í erindi sínu. „Í dag
er þetta úrelt fyrirbrigði og menn
keppa nú á öðrum sviðum. Rann-
sóknir sýna að það sem skiptir máli í
dag er að menn hafi gaman af því að
gera viðskipti. Það sem liggur þar til
grundvallar er að hraðinn og verk-
efnin eru svo mörg, að við gefum
okkur ekki lengur tíma til að gera
viðskipti. Eina leiðin til að fá okkur
til að staldra við, skoða og kynna
okkur það sem boðið er upp á, er að
við höfum gaman af því. Kaupmenn í
dag þurfa því að vera skemmtikraft-
ar, eldhugar og tilbúnir í hvað sem er
og að breyta hvenær sem er.“
Málþing um stöðu verslunar og þjónustu á Austurlandi
Vilja einn sterkan
verslunarkjarna
Morgunblaðið/Steinunn Ásmundsdóttir
Á málþingi um framtíð verslunar og þjónustu á Austurlandi brann það
mest á mönnum hvar byggja ætti upp miðlægan verslunarkjarna fyrir
fjórðunginn og hvort það myndi leiða til þess að þjónusta legðist í ein-
hverjum mæli af í smærri bæjarfélögum.
Egilsstöðum. Morgunblaðið.
Reyðarfjörður
og Egilsstaðir
helstu kostir
MEÐ lengingu skólaársins hafa margir skólar reynt að
nýta vorið og góða veðrið til útiveru og óhefðbundins
skólastarfs. Að sögn skólastjórnenda hér gefst það fyr-
irkomulag vel enda margir nemendur orðnir lang-
þreyttir á því að verma skólabekkinn á þessum árstíma.
Fréttaritari rakst á þessa krakka úr 7. bekk Grunn-
skólans í Borgarnesi sem voru að leggja upp í hjól-
reiðaferð ásamt kennurum sínum. Ferðinni var heitið í
Andakílsvirkjun en vegalengdin þangað er 34 km fram
og tilbaka.
Hjólað í stað þess að vera í skóla
Borgarbyggð. Morgunblaðið.
Morgunblaðið/Guðrún Vala