Morgunblaðið - 26.05.2003, Blaðsíða 12
Birgir
Leifur á 3
undir pari
BIRGIR Leifur Hafþórsson,
kylfingur úr GKG, endaði í
16.–20. sæti á Peugout-
golfmótinu í Hollandi um
helgina en það er liður í áskor-
endamótaröðinni svonefndu.
Birgir Leifur lék síðasta hring-
inn á tveimur höggum undir
pari og var því alls á þremur
undir pari og fékk um 150 þús-
und krónur fyrir árangurinn.
Hann lék þrjá hringi af fjór-
um undir pari, fyrsta daginn á
69 höggum eða þremur undir,
síðan kom slæmur dagur þar
sem hann var á 6 höggum yfir
pari, þriðja hringinn lék hann
á fjórum undir og í gær endaði
hann á tveimur undir pari.
Sigurvegari var Svíinn John
Edfors sem lék á 15 höggum
undir pari og fékk tæpar tvær
milljónir fyrir vikið. Annar
varð landi hans, Kalle Brink, á
13 undir og Mark Sanders í
þriðja sæti á 12 undir pari.
Heiðar Davíð byrjaði gríðarlegavel, setti vallarmet í fyrsta
hring þegar hann lék á 66 höggum.
Sáraeinfalt fyrir kappann, fékk par
á þrettán holum og fugla á fimm,
fyrstu, annarri, sjöttu, níundu og
sextándu. Alls lék hann á 212 högg-
um sem er einu höggi undir pari og
var hann sá eini sem afrekaði það í
mótinu.
„Þetta er fyrsti sigur minn á
mótaröðinni og ég er auðvitað mjög
ánægður með það og þetta er ekki
síðasti sigur minn. Ég hef nokkrum
sinnum orðið í þriðja sæti og ég
æfði mjög vel í vetur og er kominn
með þá reynslu sem þarf til að
vinna,“ sagði sigurvegarinn ánægð-
ur að leik loknum.
„Ég ætlaði mér að vinna á einu
móti í sumar og það tókst núna í
fyrsta mótinu þannig að nú er bara
að halda því áfram,“ sagði kappinn
sem sagðist þokkalega sáttur með
hvernig hann spilaði síðasta hring-
inn en hann lék hann á einu höggi
yfir pari. „Ég var ekki alveg sáttur
við hvernig ég kom af teignum til
að byrja með en það lagaðist. Ég
átti tvö högg á Magnús [Lárusson]
þegar við komum á síðustu holuna
og það var því ekkert annað en að
spila hana af öryggi. Völlurinn er
góður, dálítið harður fyrir utan flat-
irnar en þær sjálfar eru ágætlega
mjúkar. Eins og þetta spilaðist í
dag þá voru margar brautir í lengri
kantinum og erfið upphafshöggin á
þeim,“ sagði Heiðar Davíð.
Magnús lenti í vanda á síðustu
holunni, tók áhættu og sló beint inn
á flötina, en þeir kappar luku leik á
9. holunni. Bolti hans sveif yfir
draslið og lenti inn á flötinni,
skoppaði út af henni, yfir veginn og
lak niður í innkeyrsluna að geymsl-
unni fyrir golfbílana. Óheppinn og
hann varð að taka víti en það kom
þó ekki að sök, hann náði öðru sæt-
inu, tveimur höggum á eftir Heiðari
Davíð og höggi á undan Erni Æv-
ari.
– Þú hefur æft mjög vel í vetur,
finnst þér ekkert leiðinlegt að æfa
á veturna?
„Nei, nei, ekki ef maður hefur
alltaf eitthvert markmið til að
stefna að. Það er hins vegar hund-
leiðinlegt ef maður gerir ekkert
annað en slá og slá án þess að vita
til hvers maður er að því. Eins og
veturinn var þá var þetta ekkert
mál, ég fór alltaf út þegar viðraði
og þetta hefur sjálfsagt verið miklu
leiðinlegra og kaldara fyrir Inga
Rúnar [Gíslason] kennara því hann
þurfti að hanga yfir manni,“ sagði
Heiðar Davíð.
Morgunblaðið/Óskar Sæmundsson
HEIÐAR Davíð Bragason, 25 ára
kylfingur frá Blönduósi, sem
keppir fyrir Golfklúbbinn Kjöl í
Mosfellsbæ, kom, sá og sigraði
á fyrsta stigamóti Golf-
sambandsins, á Korpúlfs-
staðavelli um helgina. Annar
varð félagi hans í GKj, Magnús
Lárusson, og Örn Ævar Hjart-
arson, GS varð þriðji.
Fyrsti sigur Heiðars Davíðs Bragasonar á stigamóti í golfi
HEIÐAR Davíð Bragason, sigur-
vegari í Búnaðarbankamótinu um
helgina, sem er fyrsta mótið á
Toyotamótaröðinni, setti glæsilegt
vallarmet á Korpúlfsstaðavelli í
fyrsta hring á laugardeginum. Þá lék
hinn 25 ára gamli kylfingur á 66
höggum, fimm höggum undir pari.
GAMLA vallarmetið átti Haraldur
Heimisson úr GR, en hann lék á 70
höggum í einu mótinu árið 2001. Sig-
urþór Jónsson, Keili, lék einnig und-
ir gamla vallarmetinu í fyrsta hring
þegar hann kom inn á 69 höggum.
Þeir Heiðar Davíð og Sigurþór náðu
þó ekki að fylgja þessu eftir í næsta
hring, Heiðar Davíð bætti átta högg-
um við og Sigurþór níu.
ÓTTAR Yngvason, kylfingur úr
Golfklúbbi Reykjavíkur, færði
klúbbnum sínum höfðinglega gjöf
um helgina. Hann kom færandi hendi
með 24 golfsett með poka og öllu
saman, 8 karlasett, 8 kvennasett og 8
barnasett. Tilefnið sagði hann vera
að 50 ár væru liðin frá því hann gekk í
GR og hefði hann því viljað minnast
þess með því að leggja klúbbnum lið.
TINNA Ósk Óskarsdóttir, GKG,
var ein átta kylfinga sem bætti skor
sitt milli allra hringjanna þriggja á
Korpúlfsstaðavelli um helgina. Eng-
inn bætti sig þó meira en Tinna Ósk
sem lék á 92 höggum fyrsta hringinn,
annan á 88 og í gær lék hún á 81
höggi, sem var besta skor hjá stúlk-
unum í gær. Bæting um 11 högg frá
fyrsta hring.
ANNA Jódís Sigurbergsdóttir,
Keili, bætti sig einnig og hjá körl-
unum voru það Sigmundur Einar
Másson, GKG, Rúnar Óli Einarsson,
GS, Ásgeir Jón Guðbjartsson, Keili,
Ragnar Þór Ragnarsson, GKG,
Kjartan Einarsson, GR og Hólmar
Freyr Christiansson, GR. Sigmund-
ur Einar átti besta skor gærdagsins,
en hann lauk leik á pari, 71 höggi.
ÞAÐ voru miklar sveiflur í leik
sumra kylfinga. Sigþór Óskarsson
úr GR var þó með þeim óstöðugri ef
þannig má að orði komast. Hann lék
fyrsta hringinn á 80 höggum, hitti
ekki alveg á það í næsta hring þegar
hann kom inn á 92 höggum, 12 högg-
um meira en í fyrsta hring. Í gær
bætti hann sig hins vegar um 11 högg
og kom inn á 81 höggi.
ÓLÖF María Jónsdóttir komst
ekki í gegn um niðurskurð á Future
mótaraðarmóti um helgina, lék á 79
og 83 höggum.
FÓLK
ÞÓRDÍS Geirsdóttir úr Keili sigr-
aði í Búnaðarbankamótinu í golfi,
fyrsta mótinu á Toyotamótaröð-
inni, sem fram fór á Korpúlfs-
staðavelli um helgina. Þórdís lék á
235 höggum, 22 höggum yfir pari,
og var fimm höggum á undan
Ragnhildi Sigurðardóttur úr GR.
Þriðja varð Karlotta Einarsdóttir
úr GKj, sex höggum á eftir Ragn-
hildi.
Þórdís lék fyrstu tvo hringina á
laugardeginum hvorn um sig á 76
höggum og var það besta skor hjá
konunum. Hún átti því fimm högg á
Ragnhildi fyrir síðasta hring og sá
munur hélst til loka.
Ragnhildur byrjaði þokkalega en
síðan komu slæmar holur og fékk
hún sem dæmi sjö á par þrjú holu.
„Þá sagði ég hingað og ekki lengra.
Þetta var hræðilegt en eftir þetta
spilaði ég ágætlega,“ sagði Ragn-
hildur eftir að hún hafði lokið leik.
Þórdís lék hins vegar jafnt allan
hringinn. „Fyrstu tveir hringirnir
voru allt í lagi, ekkert sérstaklega
góðir, en í lagi. Í dag var erfitt að
spila, hvasst og völlurinn nokkuð
harður. Ég þekki völlinn heldur
ekkert og ég spilaði síðari níu hol-
urnar á honum í fyrsta sinn á æv-
inni á föstudaginn,“ sagði Þórdís.
Hún sagðist hafa æft þokkalega í
vetur. „Ég hef raunar ekki slegið
mjög mikið, verið meira í stutta
leiknum, vippum og púttum. Við
erum búin að fara í gegn um ákveð-
ið prógramm og vonandi skilar það
árangri í sumar,“ sagði sigurveg-
arinn í kvennaflokki.
Þórdís hefur verið lengi að í golf-
inu og segist vera búin að fara yfir
mótaskrána. „Ég er ekki búin að
merkja við í hvaða sæti ég ætla að
verða. En það er alveg á hreinu að
ég ætla að vera með,“ segir hún
hlæjandi. En þrátt fyrir að hafa
verið lengi að segist hún ekkert á
þeim buxunum að hætta. „Ég sé
enga ástæðu til þess á meðan ungu
stelpurnar geta ekki ennþá skilið
mann eftir í botnsætinu, þá er eng-
in ástæða til að hætta. Svo hef ég
líka svo gaman að þessu enn þá,“
segir hún.
Sé enga ástæðu
til að hætta
Morgunblaðið/Óskar Sæmundsson
Þórdís Geirsdóttir úr Keili
slær hér inn á flöt.
Ekki
síðasti
sigurinn
Heiðar Davíð Bragason úr GKj vann sinn fyrsta sigur á stigamóti Golfsambandsins um helgina.