Morgunblaðið - 27.05.2003, Blaðsíða 19

AKUREYRI
MORGUNBLAÐIÐ ÞRIÐJUDAGUR 27. MAÍ 2003 19
Skógarhlíð 18, sími 595 1000. www.heimsferdir.is
Verð kr. 29.950
Flugsæti á mann með sköttum.
Alm. verð kr. 31.450.
Ferðir til og frá flugvelli, kr. 1.800.
Heimsferðir bjóða beint flug til Verona, þessarar fegurstu borgar Ítalíu alla
miðvikudaga í sumar. Tryggðu þér síðustu sætin til þessarar fögru borgar
og njóttu lífsins innan um sögufræga staði og heillandi náttúrufegurð í
nágrenninu, Gardavatn og Feneyjar. Val um úrvalshótel í hjarta Verona.
Munið Mastercard
ferðaávísunina
Óperan Carmen í Arenunni í Verona 27. júní
Verona
25. júní
frá kr. 27.062
Verð kr. 27.062
M.v. hjón með 2 börn, 2–11 ára, flug,
gisting, skattar, 25. júní
Alm. verð kr. 28.415.
ALLS brautskráðust 118 nemendur
frá Verkmenntaskólanum á Ak-
ureyri um helgina, þar af 63 stúd-
entar, 23 af starfs- og verknáms-
brautum, 1 úr starfsdeild og 31
iðnmeistari. Þar með lauk 19. starfs-
ári skólans en á vorönn hófu 1.070
nemendur nám og eilítið færr á vor-
önn eða 970 nemendur. Nemendur
sem stunduðu fjarnám við skólann
hafa aldrei verið fleiri en á liðnum
vetri eða um 800 manns.
Þórunn Indíana Lútersdóttir frá
Forsæludal í Austur-Húnavatns-
sýslu varð dúx skólans, en hún lauk
stúdentsprófi á þremur árum. Hlaut
hún verðlaun fyrir góðan náms-
árangur í raungreinum, íslensku,
þýsku og dönsku auk þess sem hún
fékk sérstaka viðurkenningu fyrir
þennan frábæran námsárangur.
Hjalti Jón Sveinsson skólameist-
ari gerði breytingar á aðalnámskrá
framhaldsskóla m.a. að umtalsefni í
ræðu sinni. Nefndi hann að menn
stæðu nú frammi fyrir umtalsverðri
fækkun kennslustunda í stærðfræði
sem væri bein afleiðing nýrrar nám-
skrár, en t.d. væri gert ráð fyrir að
nemendur á fjölmennustu stúdents-
prófsbrautinni, félagsfræðibraut
þyrftu aðeins 6 einingar í stærð-
fræði í stað 15 samkvæmt eldri nám-
skrá. „Fyrir bragðið verður sam-
dráttur í stærðfræðikennslu sem
leiðir annaðhvort til minni yfirvinnu
stærðfræðikennara ellegar fækkun
stöðugilda og dæmi um slíkt er að
finna í fleiri greinum af þeim sökum.
Mörgum þykir sem stigið sé stórt
skref aftur á bak með því að minnka
svo mjög kröfur til margra stúd-
entsefna í stærðfræði,“ sagði Hjalti
Jón.
Flest skólafólk mótfallið
samræmdum prófum
Hann ræddi einnig um samræmd
stúdentspróf sem tekin verða upp á
næsta ári og skólameistari sagði um-
deild meðal stjórnenda framhalds-
skóla. „Sitt sýnist hverjum en virðist
mér samt að flest skólafólk sé þessu
mótfallið,“ sagði hann. Mennta-
málaráðuneyti segði tilganginn m.a.
að athuga hvort námsmarkmiðum
aðalnámskrár hafi verið náð, en að
mati Hjalta Jóns er einfaldara og
jafngott að ráðuneytið léti fara fram
með skipulegum hætti mat á því í
skólunum hvort þau markmið náist.
Skólameistari nefndi einnig að einn
af meginkostum framhaldsskólanna
væri margbreytileiki, „en samræmd
próf munu mjög líklega stuðla að
óþarflega mikilli stýringu sem hefði
tilhneiginu til að steypa alla skóla í
sama mót,“ sagði Hjalti Jón. Einnig
nefndi hann að sú hætta væri fyrir
hendi að kennsla færi beinlínis að
taka mið af prófunum og þeim þátt-
um sem lögð yrði áhersla á í þeim á
kostnað hinna sem ekki yrði prófað
úr.
Grænt ljós á kjötiðnaðarnám
Hjalti Jón sagði í ræðu sinni að
matvælanámi í VMA hefði af hálfu
menntamálaráðherra verið veitt
brautargengi með því að gefa kjöt-
iðnaðarnámi á ný grænt ljós auk
grunnnáms fyrir kokka og þjóna, en
það gæti nemendur skólans rétt til
að fara inn á annað ár í kjarnaskóla
matvælagreina, Menntaskólann í
Kópavogi. Ekkert væri því heldur til
fyrirstöðu að kokkar og þjónar gætu
fullnumað sig norðan heiða, reynd-
ist fjöldi þeirra nægur. „Mér virðist
ýmislegt benda til þess að stefna yf-
irvalda í menntamálum þess efnis að
gera ákveðna skóla að kjarna-
skólum í matvælagreinum og bíliðn-
greinum hafi ekki gengið upp og
hún hafi átt sinn þátt í því að nem-
endum í þessum undirstöðugreinum
hefur beinlínis fækkað,“ sagði Hjalti
Jón en nefndi að menntamálaráð-
herra hefði sýnt vilja til að gera
nemendum kleift að eiga greiðan að-
gang að námi af þessu tagi í heima-
byggð væri fyrir því grundvöllur.
Þannig benti margt til að VMA gæti
á nýjan leik boðið upp á nám í bif-
vélavirkjun í samráði við fyrirtæki á
svæðinu. „Það hlýtur að bera vott
um alvarlegt ástand að ekki einn
einasti nemi sé á samningi í bifvéla-
virkjun á Akureyri og Eyjafjarð-
arsvæðinu – sem er bein afleiðing
þess að nám í greininni var flutt til
Reykjavíkur,“ sagði skólameistari.
Brautskráning frá Verkmenntaskólanum á Akureyri
Líklegt að samræmd próf
steypi alla skóla í sama mót
Morgunblaðið/Kristján
Jónína Snæfríður Einarsdóttir frá Vopnafirði var fyrst kvenna til að ljúka
fjórða stigi vélstjórnar frá Verkmenntaskólanum á Akureyri.
ÖKUMAÐUR fólksbíls var fluttur
á slysadeild FSA eftir umferðar-
óhapp á Hörgárbraut, við Dverg-
hól um miðjan dag á sunnudag.
Tildrög slyssins voru þau að hann
varð of seint var við að bifreið sem
á undan ók hafði verið stöðvuð og
beið ökumaður hennar færis á að
beygja. Í stað þess að aka aftan á
bifreiðina tók ökumaður þá
ákvörðun að aka heldur út af veg-
inum. Hann mun samkvæmt upp-
lýsingum lögreglu ekki hafa slas-
ast alvarlega.
Alls voru tuttugu ökumenn
kærðir fyrir of hraðan akstur á
Akureyri í síðustu viku og þrír fyr-
ir ætlaðan ölvunarakstur. Þá hafði
lögregla afskipti af 37 bifreiðaeig-
endum sem trassað höfðu að færa
bíla sína til skoðunar, en í dagbók
lögreglu segir að alltof margir
gleymi þessum sjálfsagða þætti og
lendi því í óþægindum. Átta um-
ferðaróhöpp urðu en án mikilla
meiðsla og þá var tilkynnt um tvö
vinnuslys þar sem menn höfðu fall-
ið í stiga í báðum tilvikum.
Ók frekar
útaf en aftan á
Ljósmynd/Andri Þór Friðriksson
Tveggja hæða rútu var ekið undir þakskýli við bensínstöð Esso við Hörg-
árbraut á Akureyri en hæð bifreiðarinnar reyndist 16 sentímetrum meiri
en neðri brún skýlisins. Við áreksturinn gekk þak bílsins tæpa tvo metra
inn í bílinn. Engin slys urðu á fólki, en talsvert tjón varð á bílnum.
FRAMKVÆMDARÁÐ Akureyrar-
bæjar hefur samþykkt að ganga til
samninga við lægstbjóðendur um
umfangsmiklar gatnaframkvæmdir í
bænum. Um er að ræða verkin
„Naustahverfi 2. áfangi“ og „Síðu-
braut 1. áfangi.“
Fjögur tilboð bárust í fram-
kvæmdir í Naustahverfi og var að-
eins eitt þeirra undir kostnaðaráætl-
un. G.V. Gröfur ehf. buðu lægst,
tæpar 77,5 milljónir króna, eða
97,3% af kostnaðaráætlun, sem
hljóðaði upp á um 79,6 milljónir
króna.
Fimm tilboð og eitt frávikstilboð
bárust í framkvæmdir við Síðubraut
og voru þrjú þeirra yfir kostnaðar-
áætlun. Trukkar og tæki ehf. buðu
lægst, 38 milljónir króna í verkið, eða
72,8% af kostnaðaráætlun, sem
hljóðaði upp á 52,3 milljónir króna.
Samið um
gatna-
fram-
kvæmdir
EYDÍS S. Úlfarsdóttir sópran held-
ur burtfararprófstónleika í Laugar-
borg í kvöld, þriðjudagskvöldið 27.
maí kl. 20.
Eydís hefur
verið í söngnámi
við Tónlistarskól-
ann á Akureyri og
í Garðabæ. Kenn-
arar hennar hafa
verið Jóhann
Smári Sigurðs-
son, Snæbjörg
Snæbjarnardóttir
og nú í vetur Sig-
ríður Aðalsteins-
dóttir. Á efnis-
skrá eru íslensk og erlend lög eftir
Björgvin Guðmundsson, Pál Ísólfs-
son, J. Sibelius, J. Brahms og einnig
verða óperuaríur eftir Strauss og
Puccini.
Meðleikari á tónleikunum er Daní-
el Þorsteinsson píanóleikari og einn-
ig mun strengjakvartett skipaður
nemendum úr Tónlistarskólanum
leika með.
Aðgangur að tónleikunum er
ókeypis og allir velkomnir.
Burtfarar-
tónleikar
Eydísar
Eydís Úlfarsdóttir
kemur fram á burt-
farartónleikum í
kvöld.
DREGIÐ var í Skíðablaðshapp-
drættinu með viðhöfn í Hlíðarfjalli
um helgina. Venjan er sú að draga
út vinningana í blaðinu á Andrésar
andar leikunum en þar sem þeir
féllu niður í ár var ákveðið að fresta
útdrætti. Skíðablaðið var síðan sent
öllum krökkum sem skráðir voru til
leiks á leikana og því ekki dregið út
fyrr en nú þegar þau eru komin
með blaðið í hendur. Áður hafði
blaðinu verið dreift í öll hús á Ak-
ureyri og einnig dreift á Dalvík og
Ólafsfirði.
JVC-sjónvarp frá Siemens-búð-
inni að verðmæti 34.990 kr. kom á
númer 1081. AIWA-ferðatæki frá
Siemens-búðinni að verðmæti
10.990 kr. kom á númer 7499.
Skíðafélag Akureyrar vonar að
lesendur hafi haft ánægju af
blaðinu og biður vinningshafa að
hafa sam-band við fulltrúa félagsins
í síma 862-1282.
Dregið í
Skíðablaðs-
happdrætti
♦ ♦ ♦
♦ ♦ ♦