Morgunblaðið - 27.05.2003, Blaðsíða 26

26 B ÞRIÐJUDAGUR 27. MAÍ 2003 MORGUNBLAÐIÐHeimiliFasteignir
E
imskipafélagslóðin svo-
nefnda við Skúlagötu á eft-
ir að breyta mikið um svip á
næstu árum. Þar á að rísa
þyrping 18 nýbygginga með um 250
íbúðum. Undir húsunum verða svo
bílageymslur. Helztu kennileitin
verða þrjár sextán hæða byggingar
og aðal útsýnishlið þeirra snýr að
Skúlagötunni. Götumyndin verður
orðin heilleg á eftir og Skúlagatan án
vafa ein glæsilegasta og tilkomu-
mesta gata borgarinnar.
Að þessum byggingaframkvæmd-
unum stendur hlutafélagið 101
Skuggahverfi, sem er í eigu Fast-
eignafélagsins Stoða og Burðaráss,
fjárfestingafélags Eimskipafélags Ís-
lands. Hönnuðir eru danska arki-
tektastofan Schmidt, Hammer &
Lassen í samstarfi við arkitektastof-
una Hornsteina og VSÓ ráðgjöf.
Heildarkostnaður við þessar fram-
kvæmdir er áætlaður á sjötta milljarð
króna og gert ráð fyrir, að allt að 200
manns hafi atvinnu af framkvæmd-
unum, á meðan þær standa yfir. Þessi
nýja byggð rís á reit, sem markast af
Skúlagötu í norðri, Lindargötu í
suðri, Frakkastíg í austri og bygging-
um við Klapparstíg í vestri.
Byggð á þessu svæði á sér annars
langa sögu, en það er eitt af elztu út-
hverfum Reykjavíkur, sem kann að
koma fólki spánskt fyrir sjónir í dag.
Fyrsta býlið á þessum slóðum var
reist um aldamótin 1800 og hét
Skuggi og dregur hverfið nafn sitt af
því, en 101 gefur til kynna nálægðina
við miðborgina.
101 Skuggahverfi er ætlað mikið
hlutverk í miðborg Reykjavíkur, en
gert er ráð fyrir að 700-800 manns
muni búa í hverfinu og að fullbyggt
muni það leiða til um 30% fjölgunar
íbúa í miðbænum á svæði sem af-
markast af Aðalstræti, Skólavörðu-
stíg, Frakkastíg og Skúlagötu. Gert
er ráð fyrir, að þessum miklu fram-
kvæmdum verði lokið um áramótin
2006-2007.
Frá 54 og upp í 270 ferm.
að stærð
Í fyrsta áfanga 101 Skuggahverfis,
sem er fyrir vestan Vatnsstíg, verða
93 íbúðir. Þær eru í fjórum háhýsum,
sem verða 6-16 hæðir og svo nokkrum
lægri byggingum, sem verða fjórar
hæðir. Alls er um átta stigaganga að
ræða, sem verða allir byggðir á sama
tíma. Íbúðirnar eru mjög mismun-
andi, en um tólf stærðir er að ræða á
bilinu 54 ferm. og upp í 270 ferm. á
verðbilinu 14,5 millj. og yfir 40. millj.
kr. en verðið ræðst m. a. af staðsetn-
ingu íbúðanna.
Undirbúningur að þessum fram-
kvæmdum hefur staðið lengi og verið
vandað til verka og íbúðirnar verið
kynntar talsvert á undirbúningsstig-
inu. Að sögn Einars Halldórssonar,
framkvæmdastjóra 101 Skuggahverf-
is, hafa viðbrögð verið mjög góð. Mik-
ill áhugi er til staðar á þessum íbúðum
úti á markaðanum og margir hafa
þegar lagt inn pantanir.
Þar er aðallega um þrjá hópa að
ræða. Í fyrsta lagi fólk 45 ára og
eldra, sem er þá gjarnan að fara úr
einbýlishúsum eða stórum íbúðum og
vill minnka við sig og fara í íbúðir,
sem eru vel úr garði gerðar og lítið
þarf að hafa fyrir. Í öðrum hópnum er
gjarnan yngra fólk, sem er nýkomið
frá námi og hefur einkum áhuga á
minni íbúðunum og í þriðja hópnum
er fólk búsett erlendis. „Fram-
kvæmdir við fyrsta áfanga eru þegar
hafnar og það á að skila íbúðunum þar
í september 2004, “ segir Einar. „Við
ætlum ekki að byggja eftir því, hvern-
ig selst heldur klárum þennan áfanga
alveg. Það eru öflugir aðilar, sem
standa að 101 Skuggahverfi, annars
vegar fasteignafélagið Stoðir, sem er
lang stærsta fasteignafélag landsins
og hins vegar Burðarás, sem er fjár-
festingafélag Eimskipafélagins.
Þó að sala gangi ekki jafn vel og við
gerum okkur vonir um, þá verður séð
til þess að lokið verður við íbúðirnar
og það er þegar búið að semja við
Landsbankann um fjármögnun á öll-
um fyrsta áfanganum.“
Einar segir þessar íbúðir og stað-
setningu þeirra taka mið af þeirri þró-
un, sem átt hefur sér stað í borgum í
Evrópu og víðar og bætir við: „Gömul
iðnaðar- og hafnarsvæði nærri mið-
borgunum hafa verið tekin undir nýj-
ar og vandaðar íbúðarbyggingar, sem
reynslan sýnir, að mikil ásókn er í.
Fólk vill flytjast í góðar íbúðir í mið-
borgunum, þar sem er stutt í alla
þjónustu og þægilegt að búa. Þessi
þróun er áberandi í mörgum borgum
Evrópu t. d. Kaupmannahöfn.
Í þessu skyni fengum við til liðs við
okkur þekkta danska arkitektastofu,
Schmidt, Hammer & Lassen, sem
hefur hannað hverfi af þessu tagi á
ýmsum stöðum í Evrópu og býr því
yfir mikilli reynslu einmitt á þessu
sviði. Þessir dönsku arkitektar hafa
hannað Skuggahverfið allt í samstarfi
við arkitektastofuna Hornsteina og
VSÓ ráðgjöf.“
Aðkoma að fyrsta áfanga Skugga-
hverfis verður um Skúlagötu og
Sala hafin á íbúðum í fyrsta
áfanga 101 Skuggahverfis
Alls verður reist þyrping 18 nýbygginga með um 250 íbúðum. Undir húsunum verða svo bílageymslur. Helztu kennileitin verða þrjár sextán hæða byggingar og að-
al útsýnishlið þeirra snýr að Skúlagötunni. Götumyndin verður orðin heilleg á eftir og Skúlagatan án vafa ein glæsilegasta og tilkomumesta gata borgarinnar. Í
fyrsta áfanga, sem er fyrir vestan Vatnsstíg, verða byggðar 93 íbúðir.
Í fyrsta áfanga 101
Skuggahverfis við Skúla-
götu verða 93 íbúðir af
mismunandi stærð.
Magnús Sigurðsson
kynnti sér þessar íbúðir,
sem verða tilbúnar til af-
hendingar haustið 2004.
Morgunblaðið/Kristinn
Framkvæmdir við fyrsta áfanga hafa gengið vel og íbúðirnar þar eiga að vera tilbúnar til afhendingar í september 2004.
Á byggingarstað. Frá vinstri: Pétur Guðmundsson, framkvæmdastjóri verk-
takafyrirtækisins Eyktar, Sverrir Kristinsson frá Eignamiðluninni, Björg Þórð-
ardóttir, markaðsstjóri hjá 101 Skuggahverfi, Einar Halldórsson, fram-
kvæmdastjóri 101 Skuggahverfis, og Brynjar Harðarson frá Húsakaupum. Horft til norðurs frá byggingarsvæðinu. Mikið útsýni er til fjalla.
Vatnsstíg og er mjög greið, sem er að
sjálfsögðu mikill kostur. „Það verður
auðvelt og stutt að fara út á Skúlagöt-
una og þaðan út á Sæbrautina, þannig
að þessar íbúðabyggingar munu ekki
koma til með að hafa nein áhrif á um-
ferðina,“ segir Einar.
Þegar er búið að ganga frá drögum
að samþykktum fyrir húsfélagið, en
það verður eitt rekstrarfélag fyrir allt
svæðið. „Við ætlum að sjá til þess að
þarna geti fólk búið í sátt og sam-
lyndi, segir Einar Halldórsson að lok-
um. „Sérstakt rekstrarfélag mun sjá
um daglegan rekstur, þrif á sameign
og lóð og viðhald bygginganna. Það er
búið að gera áætlun um húsgjöld og
þau verða svipuð og gengur og gerist í
fjölbýlishúsum, þar sem húsvarzla er
eða 12.000-16.000 kr. á mánuði.“
Eignamiðlunin og Húsakaup
annast söluna
Nú er hafin sala á íbúðum í fyrsta
áfanga Skuggahverfis, en samningur
um sölu á íbúðunum var undirritaður
í síðustu viku af fulltrúum 101
Skuggahverfis og Eignamiðlunarinn-
ar og Húsakaupa, en þessar fast-
eignasölur voru valdar til þess að ann-
ast sölu á íbúðunum.
Sérstök sýningaraðstaða verður
líka á skrifstofu 101 Skuggahverfis á
3. hæð í Kringlunni, þar sem hægt
verður að fá hvers konar upplýsingar
um íbúðirnar. Sérstakur kynningar-
bæklingur hefur og verið gerður og á
veraldarvefnum á slóðinni
www.101skuggi.is eru bæði myndir,
teikningar og ítarlegar upplýsingar
um íbúðirnar, jafnt að utan sem inn-
an.