Morgunblaðið - 28.05.2003, Síða 56

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 MIÐVIKUDAGUR 28. MAÍ 2003 VERÐ Í LAUSASÖLU 190 KR. MEÐ VSK.
Lágmúla og Smáratorgi
opið kl. 8-24
alla daga
ÞÆR voru tignarlegar skúturnar sem sigldu um
sundin úti fyrir Reykjavík í góða veðrinu í gærkvöldi.
Þar voru á ferð félagar í skútusiglingaklúbbnum
Brokey sem voru í kappsiglingu sín á milli, en þeir
hafa fyrir sið að sigla út frá Reykjavíkurhöfn á
þriðjudagskvöldum.
Ellefu skútur mættu til leiks og var siglt út að
Akurey og aftur til baka og fengu blaðamaður og ljós-
myndari að vera með í för. Lognið gerði það að verk-
um að ferðin tók dágóðan tíma en á móti kemur að
gott var í sjóinn og vart hægt að finna betri slökun.
Hátt á fimmta hundrað félagar eru í Brokey og eru
bátarnir sjósettir í maí og þeim siglt yfir sumartím-
ann. Keppnin er oft býsna hörð, en þó er þetta allt í
gamni gert, að sögn formannsins, Jóns Rafns Sigurðs-
sonar, sem í þetta sinn var í dómarabát. Yfirleitt er
fimm til sjö manna áhöfn á hverjum bát, bæði land-
krabbar og þeir sem eru vanari til sjós. Sjá mátti ýms-
ar skútur sem báru skemmtileg nöfn eins og Flóin,
Egla og Nornin, sem sigldi þó ekki í gær.
Kappsigling á sundunum
Morgunblaðið/Kristinn
Páll Magnússon, framkvæmdastjóri
samskipta- og upplýsingasviðs ÍE,
segir ekkert hægt að fullyrða um
það hvort fleiri starfsmönnum fyr-
irtækisins verði sagt upp á næst-
unni. „Þetta er einfaldlega liður í
þeirri hagræðingu sem við höfum
verið í síðustu misserin,“ segir
hann. „Við erum að reyna að reka
þetta með eins hagkvæmum hætti
og hægt er og munum halda áfram
að gera það. Hvort það leiðir til
fleiri uppsagna er ekkert hægt að
fullyrða um á þessu stigi.“
50 starfsmenn hjá Eddu
eftir fækkun
Stjórn Eddu útgáfu hf. hefur þá
ákveðið að leggja niður 18 störf hjá
félaginu vegna skipulagsbreytinga.
Alls lætur 21 starfsmaður af störf-
um á næstu vikum, en þrír þeirra
hættu sjálfir. Eftir fækkunina eru
um 50 starfsmenn hjá Eddu.
Á stjórnarfundi Eddu í gær var
samþykkt nýtt aðalskipurit og eru
helstu nýmælin þau að bókaklúbbar
Eddu verða starfræktir á sjálf-
stæðu sviði undir stjórn Drafnar
Þórisdóttur. Þá verður Pétur Már
Ólafsson forstöðumaður útgáfu-
sviðs.
Samhliða skipulagsbreytingum
fækkar störfum hjá félaginu.
Tilgangur breytinganna er að
skerpa áherslur félagsins sem út-
gáfufélags enda hafa rekstrarerf-
iðleikar þess í kjölfar sameiningar
Máls og menningar hf. og Vöku-
Helgafells árið 2000 verið félaginu
þungir í skauti að sögn Páls Braga
Kristjónssonar, forstjóra Eddu.
Segir hann félagið stefna að því
markmiði að efla bókaútgáfuna með
kraftmiklu markaðs- og sölustarfi.
ÍE segir upp
28 starfs-
mönnum
18 störf lögð niður hjá Eddu út-
gáfu vegna skipulagsbreytinga
TUTTUGU og átta starfsmönnum Íslenskrar erfðagreiningar var sagt
upp í gær. Eru uppsagnirnar liður í þeirri stefnu fyrirtækisins að ná því
markmiði fyrir árslok að tekjur dugi fyrir útgjöldum og ekki verði leng-
ur gengið á eigið fé. Þá hafa 18 störf verið lögð niður hjá Eddu útgáfu hf.
vegna skipulagsbreytinga og verða um 50 manns í starfi hjá félaginu eft-
ir breytingarnar. Þá mun Tímarit Máls og menningar hætta göngu sinni
þar sem tap hefur verið á útgáfunni undanfarin misseri.
ÚTGÁFU hins gamalgróna Tíma-
rits Máls og menningar, TMM,
verður hætt á þessu ári eftir 64
ára göngu þess og er von á síð-
asta heftinu í september nk. Að
sögn Páls
Braga Krist-
jónssonar, for-
stjóra Eddu
útgáfu hf.,
hefur áskrif-
endum og
kaupendum að
tímaritinu
fækkað stöð-
ugt, en áskrif-
endur eru nú
um 1.200 tals-
ins. Tímaritið hefur verið rekið
með tapi undanfarin ár og til-
raunir útgefanda til að snúa
blaðinu við reynst árangurs-
lausar.
„Endar hafa ekki náð saman,
og það er tvímælalaust leitt að
þurfa að hætta útgáfunni. Þegar
við komum að félaginu fyrir ári
blasti sú staðreynd við að útgáfan
væri í hættu. Við vildum hins veg-
ar gera tilraun til að halda tíma-
ritinu á lífi í að minnsta kosti eitt
ár til viðbótar og breyttum því til
eldra horfs ásamt því að hagræða
mikið í útgáfunni. Við lögðum
okkur mjög fram um að halda út-
gáfunni áfram en það skilaði ekki
árangri, þannig að nú verður að
horfast í augu við staðreyndir
málsins,“ segir Páll Bragi.
Útgáfu TMM
hætt í haust
ÁFALLIN skuldbinding vegna líf-
eyrisréttinda alþingismanna og ráð-
herra nam rúmum 5 milljörðum
króna í árslok 2002 og óx um rúmar
500 milljónir króna frá árinu áður.
Verðmæti eigna Lífeyrissjóðs alþing-
ismanna og ráðherra til þess að mæta
þessum skuldbindingum nam 210
milljónum króna um síðustu áramót
eða innan við 5% af skuldbindingu.
Þessar upplýsingar koma meðal
annars fram í nýrri ársskýrslu Líf-
eyrissjóðs starfsmanna ríkisins, en
lífeyrissjóðir alþingismanna og ráð-
herra starfa sem deildir innan LSR.
Sjóðirnir eru reknir með bakábyrgð
ríkisins þannig að ríkið tryggir
greiðslur skuldbindinganna séu ekki
eignir í sjóðunum til greiðslu þeirra.
Áfallnar skuldbindingar sundur-
liðast þannig að skuldbinding Lífeyr-
issjóðs alþingismanna nam 4,2 millj-
örðum kr. um síðustu áramót og óx
um 11,2% frá fyrra ári. Eignir upp í
skuldbindingar námu 180 millj. eða
4,3%. Áfallin skuldbinding Lífeyris-
sjóðs ráðherra nam hins vegar 900
milljónum króna og hækkaði um
12,3% milli ára. Eignir sjóðsins upp í
skuldbindingar voru um 30 millj. kr.
eða 3,5% af skuldbindingu. Iðgjöld
sjóðfélaga og launagreiðenda í alþing-
ismannadeild á árinu 2002 námu tæp-
um 27 milljónum króna. Lífeyris-
greiðslur úr sjóðnum námu hins
vegar 196 milljónum króna á árinu.
Þar af voru um 55% ellilífeyrir og tæp
42% makalífeyrir. Iðgjöld ráðherra-
deildar námu tæpum 4,2 millj. á árinu
2002, en lífeyrisgreiðslur úr sjóðnum
voru um 30 millj.
Fram kemur að við útreikning á
skuldbindingum sjóðanna er miðað
við laun sjóðfélaga eins og þau voru
greidd í árslok 2002.
Áfallin skuldbinding lífeyrissjóða ráðherra og þingmanna
Eignir innan við 5%
af skuldbindingum
FRAMKVÆMDIR við gatna- og
gönguleiðir í Bankastræti í Reykja-
vík eru nú í fullum gangi en sam-
kvæmt upphaflegri áætlun er ráð-
gert að verkinu ljúki um miðjan
næsta mánuð. Í endurbótunum felst
að skipt er um jarðveg, allar lagnir
eru endurnýjaðar og hitalagnir sett-
ar í jörðu. Að loknum breytingum
mun ásýnd og yfirbragði Banka-
strætis svipa til endurbætts hluta
Skólavörðustígs.
Morgunblaðið/Brynjar Gauti
Hillir undir nýtt Bankastræti
MJÓLKURSAMSALAN í
Reykjavík áformar að hefja
sölu á mjólk í flöskum um
næstu mánaðamót og má
reikna með að hún komi í
verslanir fyrstu dagana í
júní. Þrjátíu og sex ár eru
liðin síðan mjólk í gler-
flöskum hvarf af sjón-
arsviðinu.
Að sögn Baldurs Jóns-
sonar, markaðsstjóra hjá
Mjólkursamsölunni, hefur
mjólkurneysla dregist
saman síðustu ár og mun-
ur á milli aldurshópa og
neyslu mjólkur minnkað.
Er hún að mestu bundin
við heimilin og heim-
ilispakkningar sem fólk
geymir í ísskápnum. Nýja
drykkjarmjólkin frá MS verður
seld í 320 ml plastflöskum
og fáanleg hrein og í þrem-
ur bragðtegundum.
„Við erum með þessu að
stíla inn á stóran hóp og
reyna að gera neytandanum
það kleift að finna mjólkina
alls staðar; á bensín-
stöðvum, ferðamanna-
stöðum, bakaríum og
annars staðar, og í
pakkningum sem geta
keppt við gosdrykki,“
segir Baldur.
Mjólkin verður fram-
leidd í Búðardal líkt og
önnur tilraunafram-
leiðsla Mjólkursamsöl-
unnar. Ef vel gengur seg-
ir Baldur að mjólkin verði
síðar meir framleidd á Bitru-
hálsi líkt og önnur neyslumjólk
sem Mjólkursamsalan framleiðir.
Nýja drykkjarmjólkin er fitulaus
(0,5%) og án bragðefna en verð-
ur einnig fáanleg með jarðar-
berja-, súkkulaði- og vanillu-
bragði.
Brúsar, flöskur,
hyrnur og fernur
Frá því snemma á síðustu öld
hefur mjólk verið afgreidd með
ýmsum hætti til viðskiptavina. Í
fyrstu var hún seld í brúsa en
um árabil var mjólk seld í end-
urnýtanlegum glerflöskum. Árið
1958 komu mjólkurhyrnur á
markað og síðar -fernur. Mjólk í
glerflöskum var á markaði allt
til ársins 1967. Á síðasta ári
drakk hvert mannsbarn í land-
inu sem svarar 128 lítrum af
mjólk eða 340 ml á dag.
Mjólk á flöskum eftir 36 ára hlé