Morgunblaðið - 28.05.2003, Blaðsíða 3
MORGUNBLAÐIÐ MIÐVIKUDAGUR 28. MAÍ 2003 B 3
bílar
VIÐ val á bílskúrshurðum er margt
að athuga. Útlit, þægindi, virkni,
efni, áferð; allt þarf að smella sam-
an.
Bílskúrshurðir
Það er ekki svo ýkja langt síðan
þær voru einn hættulegasti hluti
hússins; risafleki sem þurfti að
beygja sig niður niður að, nánast
niður í götu, snúa snerli og lyfta síð-
an í heilu lagi og vera nógu hávax-
inn, eða teygjanlegur, til þess að ýta
henni inn eftir efri loftsleðanum til
þess að tryggja að hún héldist
örugglega opin – en rynni ekki til
baka og dældaði bíltoppinn, eða
maður fengi hana einfaldlega í haus-
inn … Og ætli flestir sem komnir
eru til vits og ára hafi ekki einhvern
tímann klemmt sig á bílskúrshurð,
eða þekki einhvern sem hefur orðið
fyrir því.
En nú er öldin önnur og hvað bíl-
skúrshurðir varðar, miklu betri. Og
ef hægt er að tala um vandamál í
sambandi við bílskúrshurðir, þá er
helst að úrvalið geti þvælst fyrir
fólki, því eins og Pétur Þórarinsson
hjá Gluggasmiðjunni sagði, þegar
hann var spurður að því hvernig bíl-
skúrshurðir þeir væru með: „Við er-
um með ótal tegundir.“
En hverjar eru helstu tegundirn-
ar?
„Við erum annars vegar með stál-
hurðir sem við flytjum inn og þá eru
þær annaðhvort sléttar, eða með
fulningamunstri og hægt að fá þær í
öllum litum og stærðum.“
Hverjir eru helstu kostir þeirra?
„Þær eru léttar og mjög þægileg-
ar í allri umgengni. Annað sem
skiptir miklu máli er að þær eru með
klemmuvörn, bæði á brautum og á
hurðunum sjálfum, þannig að krakk-
ar geta ekki klemmt sig. Í þeim er
slitin kuldabrú, þannig að þær sagg-
ast ekki að innan og þær eru með
þéttingar allan hringinn, sem er
kostur.“
Hvað er fulningamunstur?
„Hurðin er gerð úr mörgum flek-
um sem ganga hver upp í annan en
ekki út, þannig að hurðin kemur
aldrei á móti þér.“
En þið eruð líka með viðarhurðir,
ekki satt?
„Jú, og þær smíðum við hér. Við
erum með tvær gerðir; þá hefð-
bundnu sem er bara einn fleki og
hurð sem hefur sömu eiginleika og
stálhurðir, er samsett úr mörgum
flekum sem ganga hver upp í annan.
En þær hafa sömu útfærslu og stál-
hurðirnar, hvað varðar brautir,
klemmuvörn og annað.“
Hvaða viðartegundir bjóðið þið
upp á?
„Við erum með oregon pine,
mahóní og tekk.“
Hvers vegna eru bílskúrshurðir
svona mikið mál?
Þær eru stór hluti af útliti hússins.
Það má segja að bílskúrshurðin geti
annaðhvort lyft húsinu, eða skemmt
það. Þegar til dæmis útihurð og bíl-
skúrshurð harmónera saman, er það
stór hluti af útliti hússins og þess
vegna er mjög algengt að fólk velji
útihurð og bílskúrshurð saman.“
Hvernig er með viðhald á þessum
bílskúrshurðum?
„Stálhurðirnar eru viðhaldsfríar
en á viðarhurðirnar þarf að bera.
Það verður aldrei hjá því komist.“
Færist það í aukana að fólk velji
stálhurðir umfram viðarhurðir?
„Já, þær eru mikill meirihluti af
þeim bílskúrshurðum sem við selj-
um; viðarhurðir heyra nánast til
undantekninga.“
Sérsmíðið þið viðarhurðir fyrir
hvern og einn?
„Já, viðarhurðir eru alltaf sér-
smíðaðar. Þar erum við ekki með
staðlaðar hurðir.“
Sjáið þið um að setja þær upp?
„Við bjóðum upp á það og gerum
það í flestum tilfellum. Stálhurðirn-
ar koma með öllum útbúnaði; sleð-
um, mótum og lömum og við bjóðum
upp á það sama með viðarhurðun-
um.“
Eruð þið líka með útidyrahurðir?
„Já, við erum með útidyrahurðir,
hurðir í iðnaðarhúsnæði af öllum
stærðum og gerðum og í rauninni
með hurðir og glugga í allar teg-
undir af húsnæði.“
Stór hluti af
útliti hússins
Morgunblaðið/Árni Torfason
Pétur Þórarinsson