Morgunblaðið - 29.05.2003, Qupperneq 1

ROMANO Prodi,
forseti fram-
kvæmdastjórnar
Evrópusambands-
ins (ESB), gagn-
rýndi harðlega í
gær ný drög að
stjórnarskrársátt-
mála sambands-
ins. Sagði hann
þau fela í sér „skref aftur á bak“.
„Drögin sem forsætisnefnd
Framtíðarráðstefnunnar [„stjórn-
lagaþings“ ESB] hefur lagt fram
valda vonbrigðum,“ sagði Prodi.
„Þrátt fyrir alla þá vinnu sem búið
er að leggja í þetta skortir einfald-
lega metnað og framtíðarsýn í þann
texta sem við nú höfum í hönd-
unum.“
Fyrir Framtíðarráðstefnuna voru
á mánudag og þriðjudag lögð nýj-
ustu drögin að sáttmála sem á að
geta þjónað sem ígildi stjórnar-
skrár sambandsins næstu ár og
jafnvel áratugi. Í drögunum er
kveðið á um flest stefnumið ESB og
fyrirkomulag ákvarðanatöku, sem
viðurkennt er að þarfnist umbóta til
að sambandið haldist starfhæft og
skilvirkt eftir stækkun. Samkomu-
lag hefur þó ekki enn náðst um
stofnanaþáttinn, þ.e. framtíðarhlut-
verkaskiptingu og valdsvið stofnana
ESB, einkum milli ráðherraráðs og
framkvæmdastjórnar.
Aþenu, Lundúnum. AFP.
Romano Prodi
Ósáttur við drög ESB
Bítlabarn á
leiðinni
Paul McCartney og Heather Mills
eiga von á erfingja Fólk 55
Opið í dag
kl. 12-18 í Smáralind
KLÓR í vatni innisundlauga kann að vera
ein af ástæðum þess að börn fá asma ef
marka má niðurstöðu nýrrar rannsóknar
belgískra vísindamanna.
Rannsóknin bendir til þess að nitur-
þríklóríð (NCl 3), gaskennt og ertandi efni
sem myndast þegar klórvatn hvarfast við
þvag, svita eða önnur lífræn efni frá sund-
fólki, geti valdið asma þegar börn anda því
að sér. Áður höfðu rannsóknir bent til þess
að nitur-þríklóríð væri kveikja að þremur
prótínum er eyða frumum sem verja lung-
un, þannig að þau verða berskjölduð fyrir
ofnæmisvökum sem valda asmaköstum.
Vísindamennirnir tóku blóðsýni úr 226
ungum skólabörnum sem höfðu synt
reglulega í innisundlaugum. Rannsókn á
sýnunum leiddi í ljós að fyrrnefnd prótín
höfðu safnast saman í börnunum, þannig
að þau voru líklegri til að fá asma. Í þeim
börnum sem syntu mest var álíka mikið af
prótínunum og í reykingamönnum.
Mjög breytilegt er hversu mikið er af
nitur-þríklóríði í sundlaugunum og fer það
eftir loftræstingunni og því hversu margir
nota laugarnar og hversu hreinir þeir eru.
Fá börn asma
af innisundi?
París. AFP.
ALI Khamenei erkiklerkur, æðsti leiðtogi
Írans, sakaði í gær stjórn George W. Bush
Bandaríkjaforseta um að reyna að grafa
undan írönsku klerka-
stjórninni með því að
hafa í frammi hótanir
en sagði að ekki væri
hægt að hræða Írana
til undirgefni.
„Þeir sem hræðast
hótanir óvinarins
hörfa smám saman og
gefast að lokum upp,“
sagði Khamenei. „En
enginn hefur rétt til að
láta kúga sig til undirgefni, þjóðin leyfir
það ekki.“
Stjórn Bush sakar Írana um að þróa
kjarnavopn á laun, reyna að grafa undan
hernámsliðinu í Írak og halda hlífiskildi yf-
ir liðsmönnum hryðjuverkasamtakanna al-
Qaeda. Írönsk yfirvöld sögðust í gær ætla
að saksækja nokkra al-Qaeda-liða sem
hefðu verið handteknir í Íran.
Stjórn Bush
svarað
fullum hálsi
Teheran. AFP.
Ali Khamenei

Bandaríkjastjórn/16
AC Milan vann í Meistaradeild Evrópu í knatt-
spyrnu þegar liðið lagði Juventus, 3:2, í víta-
spyrnukeppni í úrslitaleik sem fram fór á Old
Trafford í Manchester í gærkvöldi.
Andrei Shevchenko tryggði Mílanó-liðinu
sigurinn með því að skora úr síðustu vítaspyrnu
liðsins fyrir framan rúmlega 63.000 áhorf-
endur. Er þetta í sjötta sinn sem AC Milan sigr-
ar í Meistaradeild Evrópu, sem hófst á leiktíð-
inni 1992–93, og Evrópukeppni meistaraliða.
Reuters
AC Milan Evrópumeistari í sjötta sinn

AC Milan/50
♦ ♦ ♦
ÞINGMENN Norðausturkjör-
dæmis komu saman í gær og ræddu
þá stöðu sem upp er komin í at-
vinnumálum á Raufarhöfn í kjölfar
uppsagnar alls starfsfólks Jökuls
ehf. Þingmenn sem við var rætt eru
sammála um að grípa verði til sér-
tækra aðgerða í byggðamálum á
staðnum strax í júlí með þátttöku
Byggðastofnunar og/eða Atvinnu-
leysistryggingasjóðs.
„Mér finnst þetta dæmi á Rauf-
arhöfn vera talandi dæmi um það
sem hefur gerst á nokkrum stöðum,
samanber t.d. Hrísey, og getur
gerst á ansi mörgum stöðum á
landsbyggðinni á næstu misserum,“
segir Kristján Möller, þingmaður
Samfylkingar. „Þá verða stjórnvöld
að hafa eitthvað í hand-
raðanum til að spila út
til þessara byggðarlaga,
vegna þess að það verð-
ur aldrei unað við að
menn segi aðeins að það
séu hinar markaðslegu
aðstæður sem geri að
verkum að svona fer.“
Kristján segir að varan-
leg lausn á vanda Rauf-
arhafnar sé fólgin í að
áfram verði veiddur þar
og unninn fiskur. „Ef byggðakvóti
er lausn er ég mjög hlynntur því.“
Halldór Blöndal, þingmaður
Sjálfstæðisflokksins, frétti af upp-
sögnum starfsfólks Jökuls í gær-
kvöldi. „Ég hafði strax samband við
Hafþór Sigurðsson odd-
vita og mun setja mig inn
í málið. Þetta er auðvitað
mjög slæmt ástand og
erfitt að sjá fram úr því,“
segir hann. Halldór segir
blasa við að ástandið á
Raufarhöfn kalli á
viðbrögð frá Byggða-
stofnun.
Steingrímur J. Sigfús-
son, þingmaður vinstri-
grænna, segir sjálfgefið
að heimamenn, atvinnurekendur og
stjórnvöld reyni að taka höndum
saman um að draga úr áhrifum af
því höggi sem byggðarlagið hafi
orðið fyrir. „Ég óttast því miður að
við eigum eftir að fá fleiri fréttir á
næstu vikum og mánuðum af þess-
um toga,“ segir hann.
„Held að staðurinn leggist af“
Mikil uppgjöf ríkir meðal íbúa
Raufarhafnar í kjölfar uppsagna alls
starfsfólks Jökuls ehf., en ljóst er að
þótt 20 manns verði endurráðnir
missa 30 íbúar vinnuna. „Það vinnur
enginn sitt dauðastríð,“ segir Þor-
steinn Hallsson, varatrúnaðarmaður
starfsfólksins. „Ég held að staðurinn
leggist af.“
Guðný Hrund Karlsdóttir sveitar-
stjóri segir uppsagnirnar mikið áfall.
Aðeins varanlegur kvóti geti bjargað
sveitarfélaginu.
Þingmenn ræða vanda Raufarhafnar eftir fjöldauppsagnir hjá Jökli ehf.
Opinberir aðilar grípi
til björgunaraðgerða

Öllum starfsmönnum/10
 






 
 
    


STOFNAÐ 1913 144. TBL. 91. ÁRG. FIMMTUDAGUR 29. MAÍ 2003 PRENTSMIÐJA ÁRVAKURS HF. mbl.is
Hraustmenni
á hjóli
Varð fyrir bíl og missti í
fyrsta sinn dag úr vinnunni 8
Guðjón Ketilsson sýnir á Kirkju-
listahátíð sem hefst í dag Listir 27
Verk sem
umfaðmar þig