Morgunblaðið - 29.05.2003, Blaðsíða 2
FRÉTTIR
2 FIMMTUDAGUR 29. MAÍ 2003 MORGUNBLAÐIÐ
RAUFARHÖFN Í VANDA
Þingmenn Norðausturkjördæmis
komu saman í gær til að ræða vanda
Raufarhafnar í atvinnumálum eftir
að greint var frá því að öllum starfs-
mönnum Jökuls ehf. yrði sagt upp
um mánaðamótin. Þingmenn eru
sammála um að grípa þurfi til sér-
tækra aðgerða í byggðamálum á
staðnum strax í júlí.
Riða í sauðfé í Ölfusi
Riða hefur greinst í sauðfé á bæn-
um Breiðabólsstað í Ölfusi og verður
öllu fé á bænum fargað á næstu dög-
um. Er þetta í fyrsta skipti í nær tvo
áratugi sem riða kemur upp í Ölfusi.
Leiklistarverðlaun afhent
Leiklistarsamband Íslands und-
irbýr nú afhendingu Grímunnar – ís-
lensku leiklistarverðlaunanna fyrir
framúrskarandi árangur á sviði at-
vinnuleiklistar. Stefnt er að því að
fyrsta verðlaunaafhendingin fari
fram 16. júní.
Drög ESB gagnrýnd
Romano Prodi, forseti fram-
kvæmdastjórnar Evrópusambands-
ins, gagnrýndi harðlega í gær ný
drög að stjórnarskrársáttmála sam-
bandsins. Hann sagði að drögin fælu
í sér „skref aftur á bak“.
Íhuga aðgerðir í Íran
Ali Khamenei, erkiklerkur og
æðsti leiðtogi Írans, sakaði í gær
Bandaríkjamenn um að reyna að
grafa undan írönsku klerkastjórn-
inni og sagði að þeim myndi ekki
takast að hræða Írana til undirgefni.
Að sögn bandarískra embættis-
manna er stjórnin í Washington að
kanna kosti og galla áætlunar
bandaríska varnarmálaráðuneyt-
isins um að steypa klerkastjórninni
með leynilegum aðgerðum.
PRENTSMIÐJA MORGUNBLAÐSINS FIMMTUDAGUR 29. MAÍ 2003 Á netinu mbl.is/vidskipti BLAÐ B
Sigurður Einarsson, stjórnar-
formaður Kaupþings Búnaðar-
bankans hf., segir rétt að upplýs-
ingar um á hvaða gengi
yfirtökutilboð Kaupþings í JP
Nordiska yrði hafi ekki legið fyrir í
júní á síðasta ári, þótt almennt hafi
þá verið ljóst að Kaupþing myndi
yfirtaka JP Nordiska, enda hafi
engin ákvörðun verið tekin um
gengi yfirtökutilboðsins á þeim
tímapunkti. Efnahagsbrotadeild
sænsku lögreglunnar gerði húsleit
í fimm löndum á þriðjudag vegna
gruns um að sex einstaklingar hafi
stundað innherjaviðskipti vegna
bréfa í sænska bankanum JP
Nordiska á síðasta ári skömmu áð-
ur en Kaupþing gerði yfirtökutil-
boð í bankann.
Sigurður segir að lítil viðskipti
hafi verið með bréf í JP Nordiska
og þótt hinir grunuðu hafi átt yfir
90% allra viðskipta með bréfin á
tímabilinu hafi það ekki verið mikil
viðskipti í sjálfu sér. „Miðað við
mína vitneskju sé ég ekki að það
hafi verið hægt að misnota ein-
hverjar upplýsingar,“ segir Sig-
urður.
Að hans mati hefur það komist
til skila í fjölmiðlum, bæði á Íslandi
og í Svíþjóð, að rannsóknin beinist
ekki gegn Kaupþingi heldur við-
skiptavinum fyrirtækisins. Hann
undanskilur þó sænska viðskipta-
blaðið Dagens Industri sem að
mati Sigurðar hefur verið óvægið í
garð Kaupþings frá því fyrirtækið
keypti hlut í JP Nordiska.
Blaðamaðurinn Peter Benson
ráðlagði á sínum tíma eigendum
JP Nordiska að skipta ekki bréf-
um sínum í Kaupþingsbréf í grein í
DI og í dálki í blaðinu í gær rifjar
hann þau ummæli upp og segir að
lögreglurannsóknin nú þurfi ekki
að koma á óvart. Í sama dálki segir
Benson að þetta sé ekki í fyrsta
skipti sem fólk tengt Kaupþingi er
rannsakað af lögreglunni en einn
af stjórnarmönnum í Kaupþingi sé
grunaður um efnahagsbrot.
Ekkert hæft í skrifum DI
Sigurður segir ekkert hæft í skrif-
um Bensons og bætir við að hann
ætti að skammast sín.
Sigurður segir að fyrrverandi
stjórnendur JP Nordiska hafi
einnig horn í síðu kaupþings-
manna og hafi m.a. látið útbúa
skýrslu um Kaupþing, að ein-
hverju leyti byggða á samtölum
við 10-15 álitsgjafa á Íslandi, alla
utan Kaupþings, og síðan dreift
skýrslunni til sænskra fjölmiðla,
fjármálaeftirlitsins og Kauphallar-
innar í Stokkhólmi. Sigurður hefur
þó ekki trú á að lögreglurannsókn-
in nú sé í orsakasambandi við
þessa skýrslu, en hún er full af
rangfærslum, að sögn Sigurðar.
Þekktur kaupsýslumaður
Í frétt Dagens Industri um málið í
gær er því haldið fram að þekktur
sænskur fjármálamaður sé einn af
þeim sex grunuðu en að hinir séu
Íslendingar, allir tengdir Kaup-
þingi í Lúxemborg. Heimildar-
menn DI segja að aðeins fáir hafi
vitað upp á hvað yfirtökutilboðið
ætti að hljóða og því hafi enn frek-
ar verið haldið leyndu vegna þess
að yfirtakan var fjandsamleg.
Sænsk blöð hafa ekki nafn-
greint Svíann, sem tengist málinu,
en segja að hann sé þekktur kaup-
sýslumaður í Gautaborg og hafi
áður verið meðal helstu eigenda
JP Nordiska. Fréttastofan Direkt
hefur eftir honum að lögregla hafi
spurt hann nokkurra spurninga en
að hann hafi ekki átt nein viðskipti
með bréf í JP Nordiska eftir 11.
júní á síðasta ári. Rannsókn
sænskra yfirvalda nær til við-
skipta er áttu sér stað eftir 10.
júní. „Mér þykir þetta allt vera hið
undarlegasta mál“ er haft eftir
manninum. Hann segist hafa
áhyggjur af því að umræða um
málið kunni að hafa slæm áhrif á
þau fyrirtæki er hann rekur. „Það
eru fyrirtæki sem ganga vel og það
væri leiðinlegt ef þetta myndi
spilla fyrir þeim.“
Sé ekki að misnota
hafi mátt upplýsingar
Stjórnarformaður Kaupþings gagnrýnir harðlega umfjöllun sænskra fjölmiðla
Morgunblaðið/Árni Sæberg
VIÐSKIPTABLAÐ MORGUNBLAÐSINS
H E I M U R I N N
Hrun í fast-
eignaverði?
Seðlabankar hafa lítið svigrúm
til að bregðast við ástandinu
FASTEIGNAVERÐ í heiminum mun
hrynja í nánustu framtíð, ef mark er takandi
á könnun sem breska tímaritið The Econom-
ist lét gera í sex þróuðum ríkjum, þar á með-
al Bandaríkjunum. Hrunið mun hafa mun al-
varlegri afleiðingar í för með sér fyrir
efnahagslíf heimsins en niðursveiflan sem
varð á hlutabréfamörkuðum um allan heim
hafði, en enn sér ekki fyrir endann á henni.
Múrsteinar og steypa
Vegna hins slæma árferðis á hlutabréfa-
mörkuðum hefur þótt gáfulegra að fjárfesta
í múrsteinum og steypu en hlutabréfum,
enda hefur fasteignaverð hækkað upp úr
öllu valdi um heim allan. Segir tímaritið að
núna sé fólk þó að byrja að átta sig á því að
heimili þeirra eru ekki eins verðmæt og það
batt vonir við að þau yrðu og fólk sé byrjað
að velta fyrir sér hvort að fasteignaviðskipti
séu eina rétta fjárfestingin eftir allt saman.
Í greininni segir að þar sem vextir séu
þegar svo lágir, hafi seðlabankar miklu
minna svigrúm en venjulega til að vernda
efnahagslífið gegn áföllum sem verða við
hrun á fasteignverði.
Vextir í Bandaríkjunum í dag eru 1,25%
og undirliggjandi verðbólga er 1,5% og fer
lækkandi. Í greininni segir að ef lækkun á
fasteignaverði fylgdi samdráttur í neyslu,
gæti seðlabankinn ekki lækkað vexti öllu
meira til að hleypa lífi í efnahaginn.
Dýrast að búa í London
Í skýrslu The Economist kemur einnig fram
að dýrasta borgin til að búa í í dag er Lond-
on, þar á eftir kemur New York og þá Tókýó.
The Economist ráðleggur því fólki í þess-
um sex löndum í það minnsta, að bíða með
húsakaup þar til verð hefur lækkað. Þeir
sem hins vegar eiga íbúð en verða að flytja af
einhverjum ástæðum, ættu að selja og leigja
íbúð þar til verðið lækkar á markaðnum.
Í lok greinarinnar segir að í heimi þar sem
að verðbólga er nánast engin, geti menn ekki
gert ráð fyrir miklum hagnaði af fjárfest-
ingum, hvorki af fasteignum né hlutabréfum.
S É R B L A Ð U M V I Ð S K I P T I , E F N A H A G S M Á L O G A T V I N N U L Í F Á S A M T S J Á V A R Ú T V E G S B L A Ð I
Hin raunsanna mynd?
Íslensk reikningsskil og staða reikningsskila 4
Breytt siðferði, ekki verra
Spilling ekki vaxandi vandamál 8
HVAÐ ÞÝÐIR
STJÓRNARSÁTTMÁLINN?
29. maí 2003
FYRRI vertíð Rússa á alaskaufsa í
Okhotsk-hafi lauk í apríl. Aflinn
varð alls 587.300 tonn. Það var mun
meiri afli en árið áður, en þrátt fyrir
það náðist leyfilegur afli ekki, en
hann var 635.000 tonn. Þar sem út-
gerðin þarf nú að borga hátt verð
fyrir aflaheimildir hefur aukin
áherzla verið lögð á vinnslu verð-
meiri afurða um borð í vinnsluskip-
unum en áður, en fyrir vikið minnka
afköstin. Þannig jókst flakavinnsla
um 50% miðað við árið áður.
Náðu ekki kvóta
SPÆNSKA sjávarútvegssamsteypan Pescanova
hyggst nú verja 4,3 milljörðum króna til að byggja upp
sandhverfueldi í Cabo Tourinan í Galisíu á Norðvestur-
Spáni. Athafnasvæðið mun ná yfir um 140.000 fermetra.
Fyrst í stað verður aðeins sandhverfa alin þar en fé-
lagið hefur einnig sótt um leyfi til eldis á kola. Ætlunin er að þarna verði
umsvifamesta sandhverfueldi í Evrópu. Framkvæmdir eiga að hefjast í lok
þessa árs og starfsemin fer af stað á næsta ári.
Pescanova sér fyrir sér 190 tonna framleiðslu á næsta ári, 1.555 tonn ár-
ið 2005, 3.000 árið 2006 og 4.000 tonn árið 2007. Gert er ráð fyrir veruleg-
um opinberum styrkjum til byggingarinnar.
Stærsta sandhverfueldi Evrópu
SALA á frönskum fiskmörkuðum
var svipuð á fyrsta fjórðungi þessa
árs og þess síðasta. Á hinn bóginn
var meira um það að fiskur seldist
ekki á mörkuðunum nú en í fyrra.
Alls voru seld um 70.000 tonn af fiski
á mörkuðunum bæði fyrsta fjórðung
þessa árs og þess síðasta. Verðmæt-
in voru nánast þau sömu og með-
alverð sömuleiðis. Nú voru hins veg-
ar 2.200 tonn sem seldust ekki á móti
1.900 tonnum í fyrra.
Sala á skötusel, bassa, smokkfiski,
lýsingi, makríl og sardínum jókst, en
samdráttur var í sölu á kola, ansjósu,
ufsa og alaskaufsa. Meðalverð á kola
á frönsku mörkuðunum umrætt
tímabil var 800 krónur hvert kíló, á
skötusel 380 krónur, 463 krónur á
smokkfiski, 216 á þorski, 77 á ufsa
og 683 krónur á leturhumri.
Morgunblaðið/Alfons Finnsson
Svipuð fisksala
í Frakklandi
ÚTFLUTNINGUR á laxi frá
Chile jókst um þriðjung á fyrsta
fjórðungi þessa árs í verðmætum
talið. Alls námu verðmætin nú 25
milljörðum króna. Magnið dróst
hins vegar saman um 27% og varð
aðeins 90.428 tonn.
Verðið á laxinum hækkaði því
mikið frá fyrsta ársfjórðungi á síð-
asta ári. Meðalverð á fyrstu þremur
mánuðum þessa árs var um 277
krónur á kíló, en var á sama tíma í
fyrra aðeins 153 krónur miðað við
gengi dollarsins í dag. Verðhækk-
unin kemur í kjölfar þess að Chile
hefur dregið úr framleiðslu til að
sníða framboð að eftirspurn. Það á
sérstaklega við útflutning til Jap-
ans. Þar varð 41% samdráttur í
magni, en 26% aukning á verðmæt-
um.
Á fyrsta ársfjórðungi fóru 49%
útflutnings á laxi og silungi frá
Chile til Japans, að verðmæti 12,3
milljarðar króna. 37% fóru til
bandaríkjanna að verðmæti 9,3
milljarðar. 5% fóru til landa innan
Evrópusambandsins og 3% til landa
í Suður-Ameríku.
Meiri fyrir
minna af laxi
ÓVENJULEGAR aðstæður í sjónum urðu til
þess að niðurstöður humarrannsókna Haf-
rannsóknastofnunar verða síður nýtanlegar
við stofnstærðarmat að þessu sinni. „Vorið
virðist einfaldlega ekki komið í sjóinn og því
vantar allan þörungablóma og gróður á hum-
arslóðinni. Það veldur því að sjórinn verður
mjög tær, en við slíkar aðstæður veiðist hum-
arinn mjög illa. Því er minna að marka afla-
brögðin nú og þær vísbendingar sem þau gefa
okkur heldur en við meðalaðstæður,“ segir
Hrafnkell Eiríksson, fiskifræðingur og leið-
angursstjóri í nýafstöðnum humarrannsókn-
um. Þó má bæta því við að hrygning og klak
virðist vera í fyrra lagi þetta vor enda botnhiti
hár.
Hrafnkell segir að þetta bendi þó alls ekki til
þess að humarstofninn sé minni. Mælingar frá
síðasta ári hafi gefið væntingar um stöðugan
stofn og þær vísbendingar sem hafi fengizt um
nýliðun við Suðausturland sýni að mjög sterk-
ur árgangur sé að koma inn í veiðina. Það þýði
aftur á móti að hlutfall smás humars sé fremur
hátt í aflanum og því gæti komið til svæða-
lokana til að humarinn næði að stækka meira
áður en hann verði veiddur.
Hrafnkell segir að því miður hafi engar vís-
bendingar fundizt um batnandi nýliðun suð-
vestanlands, en langvarandi léleg nýliðun á
vestasta útbreiðslusvæðinu hefur komið í veg
fyrir vöxt stofnsins þar.
„Farið verður nánar yfir aðstæður á hum-
arslóðinni með umhverfisfræðingum á næst-
unni. Síðan kemur þetta smám saman í ljós,
þegar humarinn verður veiðanlegri og vonandi
verður það fljótlega. Við fáum þá upplýsingar
úr veiðunum og getum nýtt okkur þær, en afl-
inn hefur verið mismunandi eftir svæðum það
sem af er vertíð,“ segir Hrafnkell Eiríksson.
Óvenjulegar aðstæður hamla rannsóknum
Hrygning og klak humarsins er nú fyrr á
ferðinni en í meðalárferði enda botnhiti hár.
Allar vörurnar eru úr polyethylene sem fullnægir ströngustu kröfum Efnahagsbandalagsins og US FDA um efni til nota í matvæla- og lyfjaiðnaði
17 gerðir kera
frá 300-1400 l
Notuð hvarvetna í
matvælaiðnaði
Endurvinnanleg vörubretti til
nota í hvers konar matvæla-
og lyfjaiðnaði. Vörubrettin
fullnægja kröfum hins alþjóðlega
flutningastaðals ISO 6780
Balar með traustum
handföngum. Heppilegir til
nota víða í matvælaiðnaði
og sem línubalar
Einangruð ker
Balar
Sérhannaðar vörur til nota í matvæla- og lyfjaiðnaði
framleiddar undir sérstöku eftirliti hins alþjóðlega gæðastaðals ISO 9001
Vörubretti
Sefgarðar 1-3A • 170 Seltjarnarnes
sími 561 2211 • Fax 561 4185 • www.borgarbplast.is • borgarplast@borgarplast.is
Miklir erfiðleikar eru í veiðum og
vinnslu á rækju, tregt á færin í
Breiðafirði og staðsetning skipanna
Landiðogmiðin
Sérblað um sjávarútveg
úrverinu
EIMSKIP tók í gær formlega í notk-
un þjónustusetrið Freshport á Schip-
hol-flugvelli í Amsterdam. Um setrið
fara fraktflugvélar sem annaðhvort
flytja kæliafurðir eða afurðir sem
þarfnast heilbrigðisskoðunar. Að
sögn Braga Þórs Marinóssonar,
framkvæmdastjóra Eimskips í Hol-
landi og Belgíu, er Freshport, sem er
í eigu Eimskips og skoska flugaf-
greiðslufyrirtækisins Menzies, eitt af
einungis fimm fyrirtækjum sem hafa
beinan aðgang að flugbraut Schiphol,
eins stærsta fraktflugvallar Evrópu.
Fyrir íslenska fiskútflytjendur er
Freshport kærkomið, að sögn Braga
Þórs.
Til Asíu á fimm dögum
„Við erum vinna að því að tengja sam-
an siglingakerfi Eimskips frá Íslandi
og Færeyjum við Freshport. Þannig
getum við boðið flutning á ferskum
fiski frá til dæmis Austfjörðum til As-
íu á fimm dögum, því frá Schiphol er
hægt að flytja fiskinn um allan heim.
Þetta opnar möguleika fyrir íslensk
sölufyrirtæki því með Freshport
myndast órjúfanleg kælikeðja frá Ís-
landi á erlenda markaði,“ segir Bragi.
Yfir eitt hundrað frakt- og flutn-
ingafyrirtæki eru með starfsemi á
Schiphol-flugvelli. Með tilkomu þjón-
ustusetursins Freshport styttist sá
tími sem það tekur fraktflugvél að
fara í gegnum Schiphol með farm sem
þarf að heilbrigðisskoða, eins og
ferskan fisk frá annarri heimsálfu,
um tvær klukkustundir að meðaltali.
Hátt í hundrað gestir voru við-
staddir opnun þjónustusetursins í
gær. Æðsti yfirmaður heilbrigðis-
mála í Hollandi opnaði Freshport
formlega og sagðist hæstánægður
með þetta verkefni sem Eimskip hóf
undirbúning að fyrir þremur árum.
Töluverð umfjöllun hefur verið um
setrið í hollenskum fjölmiðlum enda
talið mikilvægt fyrir Schiphol-flug-
völl. Eimskip hefur haft samstarf við
flugmálayfirvöld um opnun þjónustu-
setursins.
„Flugmálayfirvöld hérna eru
ánægð með þetta verkefni því Schip-
hol-flugvöll hefur vantað þjónustuset-
ur sem uppfyllir allar kröfur Evrópu-
sambandins. Ákveðnar tegundir af
flutningum, s.s. flutningur lifandi
fiska, hefur því flust á aðra flugvelli,“
segir Bragi.
Órjúfanleg keðja með
viðkomu í Amsterdam
Eimskip tekur í notkun miðstöð flutninga á ferskum afurðum á Schipol
Morgunblaðið/Eyrún Magnúsdóttir
Æðsti yfirmaður heilbrigðismála í
Hollandi opnar „Freshport“.
Yf ir l i t
Í dag
Sigmund 8 Viðhorf 34
Erlent 14/16 Minningar 34/40
Höfuðborgin 18 Skák 45
Akureyri 19/20 Bréf 44
Suðurnes 21 Kirkjustarf 41
Landið 22 Dagbók 46/47
Neytendur 23 Fólk 52/56
Listir 24/27 Bíó 54/57
Menntun 28 Ljósvakamiðlar 58
Forystugrein 30 Veður 59
* * *
Kynning – Blaðinu í dag
fylgir ferðablaðið Sumar-
ferðir 2003.
VILHJÁLMUR Þ. Vilhjálmsson
borgarfulltrúi hefur tekið við sem
oddviti sjálfstæðismanna í borgar-
stjórn af Birni Bjarnasyni, dóms-
og kirkjumálaráðherra og borgar-
fulltrúa. Björn mun sitja áfram í
borgarstjórn en segir sig úr borg-
arráði og tekur Hanna Birna Krist-
jánsdóttir sæti hans þar. Vilhjálmur
var einn í kjöri til oddvita flokksins
og einhugur var um kosningu hans
á fundi borgarstjórnarflokks sjálf-
stæðismanna í Ráðhúsinu í gær.
„Þetta leggst mjög vel í mig. Það
er fallegt veður úti og það er bjart
framundan og ég held að það sé
líka mjög bjart framundan fyrir
okkur sjálfstæðismenn í borginni,“
segir Vilhjálmur Þ. Vilhjálmsson,
nýkjörinn oddviti borgarstjórnar-
flokksins.
„Þótt að við séum enn í svoköll-
uðum minnihluta erum við ábyrgir
þátttakendur í stjórn borgarinnar
og munum haga málflutningi okkar
í samræmi við það. Við leggjum
áherslu á að vinna sérstaklega að
velferðar- og fjölskyldumálum í
þágu borgarbúa og skapa nauðsyn-
legar aðstæður til að í framtíðinni
geti borgin þróast með eðlilegum
og þróttmiklum hætti. Það á ekki
síst við um skipulags-, lóða- og um-
hverfismálin og aðgerðir í þeim
málaflokkum sem geta skipt sköp-
um, t.d hvað varðar íbúa- og at-
vinnuþróun í borginni,“ segir Vil-
hjálmur. Hann segir að dæmin sýni
einnig að efla þurfi samstarf við
íbúa þegar fjallað sé um mikilvæg
hagsmunamál í þeirra nánasta um-
hverfi.
Vilhjálmur segist að óbreyttu
gera ráð fyrir að leiða sjálfstæð-
ismenn í næstu borgarstjórnar-
kosningum eftir þrjú ár. Hann seg-
ir engar breytingar ráðgerðar á
öðrum störfum hans og mun áfram
gegna formennsku hjá Sambandi ís-
lenskra sveitarfélaga.
Björn Bjarnason, borgarfulltrúi,
sagði tíma sinn sem oddvita borg-
arstjórnarflokks D-lista hafa verið
fróðlegan og spennandi og hann
hefði tekist á við mörg ný viðfangs-
efni. Hins vegar hefði margt komið
á óvart sem betur mætti fara í
stjórnsýslunni. Aðspurður hvort
hann hyggist sitja út kjörtímabilið
segist Björn vera kosinn til fjög-
urra ára „þannig að ég hef fullt um-
boð til þess að gera það. Enginn
veit sína ævina fyrr en öll er en það
er ekkert sem segir mér annað en
ég geti gert það“.
Breytingar í nefndum
og ráðum
Á fundi borgarstjórnarflokks
sjálfstæðismanna í gær var jafn-
framt samþykkt að leggja til við
borgarstjórn að nokkrar breytingar
verði gerðar á setu fulltrúa Sjálf-
stæðisflokksins í nefndum, ráðum
og stjórnum borgarinnar.
Hanna Birna Kristjánsdóttir taki
sæti Björns í stjórn Aflvaka auk
borgarráðs, Þorbjörg Helga Vigfús-
dóttir taki sæti Björns í stjórn
Orkuveitu Reykjavíkur, Guðrún
Ebba Ólafsdóttir taki sæti hans í
stjórnkerfisnefnd og í stjórn sam-
starfssjóðs Nuuk, Reykjavíkur og
Þórshafnar og Guðlaugur Þór Þórð-
arson taki sæti Björns í stjórn
Skipulagssjóðs Reykjavíkur. Þá er
lagt til að Vilhjálmur taki sæti
Björns í almannavarnanefnd og
samstarfsnefnd við prófastsdæmin í
Reykjavík og Margrét Einarsdóttir
taki sæti Guðrúnar Ebbu Ólafsdótt-
ur í hverfisráði Austurbæjar suður.
Vilhjálmur nýr oddviti
D-lista í borgarstjórn
Björn áfram í borgarstjórn en segir sig úr borgarráði
Morgunblaðið/Kristinn
Borgarstjórnarflokkur Sjálfstæðisflokks kaus einróma Vilhjálm Þ.
Vilhjálmsson oddvita flokksins og eftirmann Björns Bjarnasonar.
MIKILL eldur braust út í gamalli
skemmu við Strandgötu 90 í Hafn-
arfirði í gær, þar sem geymd voru
veiðarfæri. Engan sakaði í eldsvoð-
anum, en gríðarmikinn reyk lagði
af brennandi húsinu yfir Hafn-
arfjörð og nágrenni. Lögreglan í
Hafnarfirði fékk tilkynningu um
brunann kl. 15.18 og voru slökkvi-
liðsmenn SHS frá þremur slökkvi-
liðsstöðvum kallaðir á vettvang.
Slökkvistarfi var að mestu lokið kl.
16.44. Rannsóknardeild lögregl-
unnar í Hafnarfirði rannsakar upp-
tök eldsins, en óvíst er um elds-
upptök og hvort um íkveikju hafi
verið að ræða. Enginn hafði verið
yfirheyrður vegna málsins í gær.
Morgunblaðið/Júlíus
Skemma með veiðarfærum brann
AÐ MINNSTA kosti 50 viðamiklar
hátíðir verða haldnar um landið í
sumar, samkvæmt úttekt í Sumar-
ferðum 2003, sem fylgir Morgun-
blaðinu í dag. Átt er við stærri við-
burði þar sem heimamenn kynna
sögu og menningu eða bjóða afþrey-
ingu ýmiss konar.
Nýjar hátíðir eru sex talsins en
sumar hverjar haldnar í 15. sinn.
Bíldudals grænar er ný hátíð á Vest-
fjörðum og fleiri dæmi eru Græn-
lenskir dagar í Önundarfirði og
Rækjuhátíð á Ísafirði.
Í Húnaþingi verður boðið upp á
listahátíð ungs fólks í fyrsta sinn og á
Hofsósi er ný hátíð, Íslendingadag-
ur, sem er menningardagskrá til
heiðurs íslensku Vesturförunum og
afkomendum þeirra.
Á Suðurlandi verður efnt til nýrr-
ar hátíðar á Hellu og Hvolsvelli þar
sem Miðsumarshátíð og Töðugjöld-
um er slegið saman í einn viðburð á
báðum stöðum.
Fjölbreyttir dagar
Önnur og eldri dæmi eru Danskir
dagar í Stykkishólmi, Góðir dagar í
Grundarfirði og Færeyskir dagar í
Ólafsvík. Þá má nefna Sæluhelgi á
Suðureyri, Listasumar í Súðavík og
Dýrafjarðardaga. Bryggjudagar
verða haldnir á Drangsnesi, Þýskir
dagar í Húnaþingi, Kátir dagar á
Þórshöfn, Mærudagar á Húsavík,
Fiskidagur á Dalvík og Humarhátíð
á Höfn. Á Austurlandi verða Fransk-
ir dagar á Fáskrúðsfirði, Norskir
dagar á Seyðisfirði, Vopnfirskir dag-
ar og Ormsteiti á Fljótsdalshéraði.
Á Suðurlandi verður Bláskóga-
blíða í Bláskógabyggð, Iðandi dagar
verða á Flúðum, Blómstrandi dagar í
Hveragerði og Hafnardagar í Þor-
lákshöfn. Og svo mætti lengi telja.
Hátíða-
höld í
tugatali
í sumar
Sumarferðir 2003
LEIKHÓPURINN Vesturport hefur gert
samning við Young Vic leikhúsið í London
um allt að 54 sýningar á uppfærslu Vest-
urports á Rómeó og Júlíu í leikhúsinu í
London frá byrjun október og fram í nóv-
ember í haust.
„Viðurkenningin er
náttúrlega frábær“
Samningurinn er einstakur í íslenskri
leiklistarsögu þar sem aldrei fyrr hefur ís-
lensk leiksýning verið keypt með manni og
mús af erlendu leikhúsi til almennra sýn-
inga á vegum þess. Annar leikstjóri sýning-
arinnar, Gísli Örn Garðarsson sem jafn-
framt leikur hlutverk Rómeós, segist
varla vita í hvorn fótinn hann eigi að stíga
þessa dagana því þetta sé „stórkostlegt og
staðfestir það sem oft er rætt um að ís-
lenskt leikhús sé með því besta sem gerist.
Viðurkenningin er náttúrlega frábær því
við lögðum gífurlega vinnu og metnað í
sýninguna,“ segir Gísli Örn. Vesturport
hefur sýnt verkið á Litla sviði Borgarleik-
hússins við miklar vinsældir frá því í
fyrrahaust og vakið sérstaka athygli fyrir
frumlega túlkun og glæsileg fimleikaatriði
sem sýningin byggist að miklu leyti á.
Vesturport sýnir Róm-
eó og Júlíu í London
Morgunblaðið/Golli
Gísli Örn Garðarsson
og Nína Dögg Filipp-
usdóttir í hlutverkum
Rómeós og Júlíu.