Morgunblaðið - 29.05.2003, Blaðsíða 4
FRÉTTIR
4 FIMMTUDAGUR 29. MAÍ 2003 MORGUNBLAÐIÐ
ALLT útlit er fyrir að takast muni
að ryðja síðasta ljóninu úr vegi svo
stækkun Evrópska efnahagssvæðis-
ins geti farið fram samhliða stækk-
un Evrópusambandsins. Fram-
kvæmdastjórn ESB gerir sér nú
vonir um að endanlegt samkomulag
um stækkun EES geti legið fyrir
þegar í næstu viku en í frétt norska
blaðsins Aftenposten er greint frá
því að Pólverjar séu nú reiðubúnir
að slá af kröfum sínum um aukna
innflutningskvóta. Pólland lagðist
gegn þeirri samningslausn sem
EFTA-löndin þrjú og framkvæmda-
stjórn ESB höfðu náð samkomulagi
um um í apríl og kröfðust hærri inn-
flutningskvóta á síld, makríl og laxi
frá Noregi og Íslandi.
Samkvæmt fréttum Aftenposten
hafa Pólverjar, eftir strangar samn-
ingaviðræður við framkvæmda-
stjórnina, nú slegið af kröfum sínum
og lýst sig reiðubúna að vinna á
grundvelli málamiðlunartillagna
hennar.
EFTA-ríkin þrjú, Ísland, Noreg-
ur og Liechtenstein, koma ekki að
þeim viðræðum sem nú eiga sér
stað enda telja þau þetta vera „inn-
anríkismál“ ESB og hafa haft þá
stefnu að blanda sér alls ekki í mál-
ið. Þau fylgjast þó vitaskuld grannt
með framgangi mála og heimildar-
menn Morgunblaðsins telja að full
ástæða sé til þess að ætla að deila
Pólverja og framkvæmdastjórnar-
innar muni leysast á allra næstu
dögum.
Takist endanlegt samkomulag í
næstu viku verða síðan ýmsar deild-
ir innan framkvæmdastjórnarinnar
að leggja blessun sína yfir það en
síðan er hægt að senda samkomu-
lagið til aðildarlandanna.
Samkomulag um
stækkun EES í augsýn
Pólverjar sagðir hafa slegið af kröfum sínum
gagnvart framkvæmdastjórn ESB
ÍSLENDINGURINN sem var hand-
tekinn Dubai í Sameinuðu arabísku
furstadæmunum 24. apríl fyrir ólög-
legan vopnaburð, reyndist ekki ölv-
aður við handtöku.
Manninum var gefið tvennt að sök
við handtökuna; annars vegar að hafa
neytt áfengis og hins vegar að vera
með vopn í tösku sinni. Dæmt er fyrir
brot á neyslu áfengis í Dubai en brot
fyrir ólöglegan vopnaburð er alríkis-
mál og tekið fyrir í Abu Dhabi, höf-
uðborg Sameinuðu arabísku fursta-
dæmanna.
Pétur Ásgeirsson, rekstrarstjóri
utanríkisráðuneytisins, segir að í
blóðprufu hafi komið í ljós að mað-
urinn var með 0,0% áfengismagn í
blóðinu. Vonast íslensk stjórnvöld til
að það mál verði fellt niður í kjölfarið.
Búist er við að Íslendingurinn verði
fluttur til Abu Dhabi í framhaldinu til
að dæma í máli hans fyrir ólöglegan
vopnaburð. „Við höfum búist við þess-
um flutningi í hálfan mánuð. Það hef-
ur ekki enn gerst og gæsluvarðhalds-
úrskurður er alltaf framlengdur um
viku í senn,“ segir Pétur.
Norski sendiherrann í Dubai hefur
sjálfur tekið málið að sér eftir að
norskur lögmaður á vegum sendi-
ráðsins fór aftur til Noregs. Hyggst
hann beita sér í því þar sem málið hef-
ur dregist og gengið illa. Hann hefur
þegar átt þrjá fundi með þarlendum
stjórnvöldum og óskað eftir því að af-
greiðslu málsins verði hraðað. Þar á
meðal var fundur með saksóknara
landsins. Íslendingurinn var með riffil
sem hann hafði flutt með sér sjóleið-
ina til Dubai og ætlaði hann að flytja
vopnið með sér til Evrópu. Var hann
handtekinn er hann framvísaði því á
flugvellinum í Dubai.
Situr enn
í fangelsi
í Dubai
Reyndist ekki ölv-
aður við handtöku
HÆSTIRÉTTUR staðfesti í gær
gæsluvarðhaldsúrskurði héraðs-
dóms yfir fjórum mönnum sem
handteknir hafa verið vegna rann-
sóknar á Landssímamálinu svokall-
aða, þar sem grunur leikur á um allt
að 150 milljóna kr. fjárdrátt.
Aðalsakborningurinn í málinu sit-
ur því í gæsluvarðhaldi til 6. júní en
hann var settur í gæsluvarðhald 23.
maí ásamt tveimur öðrum sakborn-
ingum, sem sitja í gæsluvarðhaldi til
2. júní. Fjórði sakborningurinn var
settur í gæsluvarðhald 27. maí og
nær varðhald hans til 2. júní.
Úrskurður um
gæsluvarðhald
staðfestur
ÍSLENSKIR hestar settu svip sinn
á Íslandsdaginn sem haldinn var há-
tíðlegur í Kungsträdgården í Stokk-
hólmi í gær. Íslensku forsetahjónin
afhentu sænsku krónprinsessunni
Viktoríu íslenska gæðinginn Galdur
frá Flugumýrarhvammi í Skagafirði,
sem prinsessan tók við fyrir hönd
sænsku þjóðarinnar og gaf svo aftur
Landssamtökum sænskra hesta-
manna. Ætlunin er að fatlaðir hesta-
menn fái að njóta Galdurs, en hest-
inum fylgir íslenskur hnakkur,
sérhannaður fyrir fatlaða.
10 til 20 þúsund gestir
Á bilinu 10-20 þúsund gestir komu
í Kungsträdgården í gær. Þjóðhátíð-
arstemning ríkti meðal þeirra fjöl-
mörgu Íslendinga sem eru búsettir í
Svíþjóð og lögðu leið sína í garðinn í
gær og Svíar lýstu einnig ánægju
sinni með hátíðahöldin. Kungsträd-
gården er í miðborg Stokkhólms og
er alla jafna vel sóttur af Stokk-
hólmsbúum. Í gær var garðurinn ís-
lenskt yfirráðasvæði og íslensk fyr-
irtæki og stofnanir kynntu vöru sína
og þjónustu, en markmiðið með Ís-
landsdeginum var að kynna Ísland á
sænskum markaði og vekja athygli á
viðskiptamöguleikum Svía við Ís-
land.
Ólafur Ragnar Grímsson, forseti
Íslands, var ánægður með Íslands-
daginn. „Ég held að þessi nýjung að
tengja saman kynningu á íslensku
viðskiptalífi, menningu og íslenska
hestinum hafi gefist vel. Ég vona að
við getum haldið áfram á þessari
braut.“
Sænsku konungshjónin til
Íslands á næsta ári?
Að mati Ólafs Ragnars gæti ís-
lenski hesturinn verið leynivopn í
kynningu á Íslandi þar sem hann
sameinar íslenska menningu og
náttúru og vekur mikla hrifningu.
Forsetahjónin snæddu hádegisverð
með sænsku konungsfjölskyldunni í
gær og var m.a. rætt að hugsanlega
kæmu konungshjónin í heimsókn til
Íslands á næsta ári.
Svavar Gestsson, sendiherra Ís-
lands í Svíþjóð, á frumkvæðið að því
að efna til Íslandsdagsins en hug-
myndin er fengin frá Kanada þar
sem hann var áður sendiherra og Ís-
landsdagar hafa verið haldnir. Svav-
ar er ánægður með hvernig til tókst
og leggur áherslu á að leiðin að
hjarta Svíanna liggi í gegnum ís-
lenska hestinn. „Ég leit á þetta sem
tilraunaverkefni, þannig að ef þetta
tækist hér væri hægt að gera þetta í
öðrum löndum og ég er viss um að
það er hægt. Þetta hefur tekist mjög
vel og við erum í skýjunum,“ segir
Svavar brosandi.
Íslenskir og sænskir hestamenn
riðu um garðinn á íslenskum hest-
um, en þeir eru yfir 20 þúsund í Sví-
þjóð. Áhuginn á íslenska hestinum
er mikill meðal Svía, en talið er að
áhugamenn um íslenska hestinn séu
um 100 þúsund í Svíþjóð. Sýning
hestamannanna vakti mikla lukku
en heimsmeistarar voru meðal
þeirra sem sýndu.
Íslensk hestaferðafyrirtæki
kynntu þjónustu sína á Íslandsdeg-
inum, enda er markaðurinn fyrir ís-
lenska hestinn í Svíþjóð enn vaxandi,
en hann er sá næststærsti, á eftir
Þýskalandi. Einar Bollason, fram-
kvæmdastjóri Íshesta, var meðal
þeirra sem skipulögðu þátt íslenska
hestsins í Íslandsdeginum og valdi
hestinn sem gefinn var krónprins-
essunni. Einar segir að Íslandsdag-
urinn eigi örugglega eftir að skila
miklu, m.a. fyrir íslenska ferðaþjón-
ustu.
Landsvirkjun var á meðal þeirra
orkufyrirtækja sem kynntu starf-
semi sína og Jóhannes Geir Sig-
urgeirsson, stjórnarformaður
Landsvirkjunar, vonast til að tekist
hafi að koma jákvæðari skilaboðum
á framfæri við Svía, en þeim sem
birst hafi í sænskum fjölmiðlum í
tengslum við Kárahnjúkavirkjun. Í
þeim tilgangi var m.a. haldin ráð-
stefna í tengslum við Íslandsdaginn
þar sem íslensk orkufyrirtæki
kynntu sjónarmið sín og mynd
Hrafns Gunnlaugssonar, Ísland í
nýju ljósi, var sýnd í styttri útgáfu.
„Við urðum vör við það síðasta vetur
að umræðan í sænskum fjölmiðlum
um orkunýtingu á Íslandi var nei-
kvæð og okkur fannst það byggjast
á vanþekkingu. Því slógum við til og
tókum þátt í Íslandsdeginum með
þessum hætti. Þetta skilar sér, en
kynningarstarf þarf að halda áfram,
segir Jóhannes Geir.
Fjölmörg fyrirtæki kynntu vöru sína og þjónustu á Íslandsdeginum í Stokkhólmi
Sænska krónprinsessan fékk
afhentan íslenskan gæðing
Morgunblaðið/Gunnar Hólmsteinn Ársælsson
Forseti Íslands afhenti Viktoríu krónprinsessu gæðinginn sem mun nýtast fötluðum í Svíþjóð.
Forsetinn og frú ásamt sænsku krónprinsessunni og sendiherra Íslendinga.
♦ ♦ ♦
VIÐBÆTUR og breytingar er nú
að finna á veðurvef mbl.is,
www.mbl.is/frettir/vedur. Þar
má nú finna gervitunglamynd þar
sem skoða má veðurfar tengt Ís-
landi og næstu löndum í kring.
Þegar smellt er á myndina birtist
stærri útgáfa hennar. Myndirnar
eru uppfærðar nokkrum sinnum
á dag. Hægt er að skoða eldri
myndir með því að smella á ten-
gil sem staðsettur er vinstra
megin við myndina. Birting
myndanna er í samvinnu við
gervitunglastöð háskólans í
Dundee í Skotlandi.
Þá er einnig boðinn greiðari
aðgangur að upplýsingum um
veður víða um heim. Neðst í mið-
dálki á veðurvefnum er nú að
finna nöfn 28 borga víða um heim
með upplýsingum um veður. Þeg-
ar smellt er á nöfn borganna opn-
ast gluggi þar sem sjá má veður í
viðkomandi borg sex daga aftur í
tímann. Allar upplýsingar á veð-
urvef mbl.is eru fengnar frá Veð-
urstofu Íslands.
Viðbætur og
breytingar á
veðurvef mbl.is