Morgunblaðið - 29.05.2003, Blaðsíða 22

LANDIÐ
22 FIMMTUDAGUR 29. MAÍ 2003 MORGUNBLAÐIÐ
SAUTJÁN manna hópur heima-
manna og utanaðkomandi fagaðila
vann í tvo daga nýlega að undirbún-
ingi mótunar hins nýja Fjölbrauta-
skóla Snæfellinga sem taka á til
starfa haustið 2004.
Hópvinnunni stjórnaði Susan Stu-
ebing en hún er bandarískur sér-
fræðingur búsett í Hollandi. Í hópn-
um voru fulltrúar menntamála-
ráðuneytis, framhaldsskóla, Háskóla
Íslands, kennari sem reynslu hefur
af upplýsingatækni og fjarkennslu,
fulltrúi nemenda í fjarnámi í Grund-
arfirði, undirbúningsnefnd að stofn-
un Fjölbrautaskóla Snæfellinga, for-
maður húsnæðisnefndar skólans,
fulltrúar foreldra á skólavæðinu og
starfsmaður verkefnisins, Hrönn
Pétursdóttir.
Þetta var fyrsti fundur af þrem
sem vinnuhópurinn mun halda. Sér-
stök hópvinna mun síðan fara fram
með væntanlegum nemendum skól-
ans í byrjun júní. Markmiðið með
þessari hópvinnu er að móta fram-
tíðarsýn skólans og hugmyndafræði
námsumhverfis. Spurð um gang
mála í þessari hugmyndavinnu svar-
aði Hrönn Pétursdóttir verkefnis-
stjóri:
„Það er góður hópur sérfræðinga
og heimamanna sem kemur að því að
þróa námsumhverfi og starfsemi
skólans. Hópurinn sem fundaði í
Grundarfirði er þannig að vinna til-
lögur að framtíðarsýn fyrir skólann,
hvernig námsfyrirkomulagið verði
og hvaða væntingar skólahúsnæðið
þurfi að uppfylla. Við erum jafn-
framt svo heppin að hafa fengið Sus-
an Stuebing til að leiða okkur í gegn-
um þessa vinnu, en hún er
sérhæfður ráðgjafi í þróun lærdóms-
umhverfis. Hópurinn mun hittast
aftur í Reykjavík og síðan á Ólafsvík,
til að halda vinnunni áfram. Niður-
staða þessarar vinnu ætti síðan að
liggja fyrir í byrjun september
2003.“
Sérfræðingar móta nýjan fjöl-
brautaskóla með heimamönnum
Grundarfjörður
Morgunblaðið/Gunnar Kristjánsson
Vinnuhópurinn samankominn á þeim stað sem hinn nýi Fjölbrautaskóli mun rísa í Grundarfirði.
UNDANFARIN misseri hefur verið
vöxtur í starfsemi Fjórðungssjúkra-
hússins í Neskaupstað (FSN), en
töluverð aukning hefur verið á verk-
um á skurðstofu. Þá er undirbúning-
ur er hafinn við endurbætur á gamla
hluta Fjórðungssjúkrahússins í Nes-
kaupstað. Fyrirhugað er að innrétta
þar nýja sjúkradeild fyrir aldraðra
og koma á fót endurhæfingardeild á
efstu hæðinni.
Brýn þörf er nú orðin fyrir sjúkra-
deild aldraðra við FSN og hefur
Heilbrigðisstofnun Austurlands,
heilbrigðisráðuneytið og sveitarfé-
lagið Fjarðabyggð átt samstarf um
málið. Ráðuneytið hefur lagt til 15,7
m.kr. til undirbúnings framkvæmda
og vegna hönnunar. Arkitektateikn-
ingar og frumkostnaðaráætlun
liggja fyrir en ákvarðanir hafa ekki
verið teknar um framkvæmdir.
Sérstök endurhæfingardeild
Á FSN hefur lengi verið mikil
endurhæfingarstarfsemi og mun ný
aðstaða á efstu hæð gamla sjúkra-
hússins gera því kleift að byggja upp
sérstaka endurhæfingardeild þar
sem einblínt verður á endurhæfingu
hjarta- og lungnasjúklinga, offitu-
sjúklinga og sykursýkisjúklinga.
Auk þess er gert ráð fyrir öflugri
fræðslu og námskeiðum fyrir al-
menning.
Gamli hluti FSN hefur ekki verið
nýttur að fullu um árabil vegna lé-
legs ástands hússins. Mikil þörf er á
viðbótarhúsnæði við Fjórðungs-
sjúkrahúsið og því brýnt að ráðast í
umfangsmiklar endurbætur á eldra
húsinu, sem er vönduð bygging en
skort hefur viðhald í gegnum tíðina.
Hagkvæmnisrök hníga að því að
endurbyggja gamla húsið fyrir starf-
semi endurhæfingardeildar og
hjúkrunardeild aldraða. Endur-
byggingin er talin mun hagkvæmari
kostur en nýbygging. Þá er mikil-
vægt að bæta aðstöðu á Fjórðungs-
sjúkrahúsinu, enda er það mikilvæg-
ur þáttur í þeirri uppbyggingu sem
nú fer fram á Mið-Austurlandi.
48% aukning verka
á skurðstofu
Mikil fjölgun varð á verkum á
skurðstofunni á milli áranna 2002 og
2001 eða um 48%. Skýring á þessari
miklu aukningu er meðal annars sú
að í byrjun árs 2002 var ráðinn til
starfa ungur og áhugasamur skurð-
læknir, Jón H. H. Sen. Einnig hefur
reglubundnum komum sérfræðinga
á skurðsviði fjölgað sl. ár. Tegundir
skurðaðgerða eru svipaðar og verið
hefur en þó hefur fjölgað aðgerðum á
kviðarholi, sérstaklega kviðsjárað-
gerðum. Einnig voru gerðar nokkrar
lýtaaðgerðir á sl. ári sem er nýjung í
starfsemi FSN.
Vegna þessara auknu umsvifa á
skurðstofu FSN hefur reynst nauð-
synlegt að endurnýja þar ýmsan
búnað. Í lok síðasta árs veitti heil-
brigðisráðuneytið Heilbrigðisstofn-
un Austurlands 6,5 milljónir króna
til tækjakaupa á skurðstofu Fjórð-
ungssjúkrahússins og var sú fjárhæð
notuð til að kaupa nýtt skurðarborð,
nýjan skurðstofulampa, monitor fyr-
ir svæfingavél, sogtæki og fleiri
tæki.
Unnið að uppbygg-
ingu sjúkrahússins
Neskaupstaður
Í STYKKISHÓLMI fléttast saman
fjölmargir kostir þar sem fallegt um-
hverfi, saga, gamall bæjarkjarni og
gott samfélag móta umgjörð sem
hefur um langa hríð laðað að fólk til
búsetu, sem og ferðafólk. Nú bregð-
ur hins vegar svo við að bærinn
stendur að ýmsu leyti á krefjandi
tímamótum, m.a. vegna stöðvunar
skelveiða sem hafa verið meginuppi-
staða í atvinnulífi bæjarins til fjölda
ára. Það er hins vegar ætlun Hólm-
ara að snúa vörn í sókn og það geta
þeir best gert með markvissri vinnu
þar sem íbúar, félagasamtök, fyrir-
tæki og bæjaryfirvöld taka höndum
saman.
Í þessu skyni hefst nú eins árs
verkefni þar sem allir þessir aðilar
verða virkjaðir til góðra verka, undir
yfirskriftinni „Hólmarar taka hönd-
um saman“. Verkefnið hófst með
tveimur fundum í síðustu viku. Á
fyrri fundinn mættu bæjarfulltrúar,
forstöðumenn stofnana bæjarins og
helstu embættismenn. Á þann seinni
komu fulltrúar fyrirtækja, félaga-
samtaka og skóla.
Atvinnumálanefnd Stykkishólms
stóð fyrir málþingi laugardaginn 24.
maí í samvinnu við Atvinnuráðgjöf
Vesturlands. Umræðuefnið var á
hvern hátt er hægt að treysta og
auka fjölbreytni í atvinnu Hólmara.
Fyrirlesari á málþingi var dr. Örn D.
Jónsson, prófessor í frumkvöðla-
fræðum við HÍ. Hann ræddi um
margvísleg úrræði í atvinnumálum
og benti á nauðsyn þess að horfa á
tækifærin frá nýjum sjónarhóli.
Hann telur að hægfara þróun slævi
framkvæmdaviljann og oft þurfi
höggið til að opna augun. Málþingið
sóttu um 40 manns og eins voru fyrri
fundirnir vel sóttir.
Ákveðið er að boða til íbúaþings í
Stykkishólmi 1. nóvember nk. Fram
að þeim tíma verður fylgt eftir
smærri verkefnum til undirbúnings
íbúaþingi. Umsjón með verkefninu
er í höndum ráðgjafarfyrirtækisins
Alta og er verkefnisstjórinn Sigur-
borg Kr. Hannesdóttir sem ættuð er
úr Hólminum.
Morgunblaðið/Gunnlaugur Árnason
Fundarmenn hlýða á erindi um framtíð Stykkishólms.
Hólmarar taka
höndum saman
Stykkishólmur
EFTIR einmunatíð, mildan og snjóléttan vetur hófst
sauðburður hjá óðalsbóndanumá Eiðum, Gunnari Stef-
áni Ásgrímssyni. Það var Frekja sem kom með ekki
færri en þrjú lömb. Óðalsbóndanafngiftina fær Gunnar
af því að búa á lögbýli. Gunnar segist hafa átt kindur
alla ævi. En fyrstu kindina fékk hann frá bróður sínum
í skírnargjöf. Hann segist vel muna litinn – hún hafi
verið göltótt!
Gunnar sem er verkstjóri í Sigurbirninum segir
kindurnar vera sitt sport, rétt eins og aðrir stundi
hestamennsku, skíði eða vélsleða. Í fjárhúsunum er
ekki bara sauðfé heldur líka endur og nokkrar al-
íslenskar hænur. Ekki er Gunnar einn við bústörfin,
með honum eru kona hans Jóna Sigurborg Einarsdóttir
og einkasonurinn Einar Helgi.
Lömbin fæðast á
heimskautsbaug
Grímsey
Morgunblaðið/Helga Mattína
Jóna Sigurborg Einarsdóttir, sonurinn Einar Helgi og
Gunnar Stefán Ásgrímsson með lömbin.
HÖFUNDAR
VITJI
HANDRITA
Dómnefnd Verðlaunasjóðs
íslenskra barnabóka hefur
lokið störfum og valið verð-
launahandrit í samkeppn-
inni um Íslensku barna-
bókaverðlaunin 2003.
Nefndin hefur skýrt við-
komandi höfundi frá niður-
stöðu sinni en úrslit verða
tilkynnt opinberlega, um
leið og verðlaunabókin
kemur út. Dómnefnd
biður aðra þátttakendur í
samkeppninni um að vitja
handrita sinna sem fyrst
hjá Eddu útgáfu,
Suðurlandsbraut 12, í
afgreiðslu á 3. hæð. Þar eru
þau afhent gegn því að
nefnt sé dulnefni höfundar
eða titill handrits.
Verðlaunasjóðurinn
þakkar góða þátttöku
í samkeppninni.