Morgunblaðið - 29.05.2003, Blaðsíða 37
MINNINGAR
MORGUNBLAÐIÐ FIMMTUDAGUR 29. MAÍ 2003 37
Fjórða maí s.l. andaðist hér á Ak-
ureyri Stefán B. Einarsson lög-
reglumaður og kunnur félagsmála-
maður. Með honum hverfur okkur
sjónum einn tryggasti stuðnings-
maður Golfklúbbs Akureyrar. Stef-
án kom víða við. Á þeim árum sem
hann starfaði við fógetaembættið í
Ólafsfirði gekkst hann fyrir stofnun
golfklúbbs þar á staðnum og einnig
var hann einn af máttarstólpum
Rótaryklúbbsins hér í bæ. Hin síð-
ari árin og þá einkum eftir að hann
komst á eftirlaun naut Golfklúbbur
Akureyrar áhuga hans og dugnað-
ar. Fjölmörg eru þau orðin golfmót-
in sem þau hjónin Stefán og Guð-
munda störfuðu við og fyrir
nokkrum árum var hann heiðraður
af GA þegar hann hafði verið ræsir
á Arctic Open mótunum - 15 ár í
röð.
Nú á kveðjustund minnumst við
golffélagar hans með þakklæti og
virðingu. Stjórn GA mun um langa
hríð muna vinsemd hans og fórnfúst
starf.
Fjölskyldu hans sendum við hug-
heilar samúðarkveðjur.
F.h. Golfklúbbs Akureyrar
Ásgrímur Hilmisson
formaður.
Kveðja frá
Golfklúbbi Ólafsfjarðar
Okkur eldri félögum í Golfklúbbi
Ólafsfjarðar brá mjög er við frétt-
um af skyndilegu fráfalli Stefáns B.
Einarssonar fyrrv. lögregluvarð-
stjóra í Ólafsfirði..
Hugurinn reikar allt aftur til árs-
ins 1967 er hann og Sigurður Guð-
jónsson þáverandi bæjarfógeti
fengu okkur til liðs við sig við stofn-
un golfklúbbs. Þeir voru kunnáttu-
mennirnir í golfíþróttinni og þar af
leiðandi leiðbeinendur okkar hinna
á því sviði. Við áttum saman mörg
ógleymanleg ár í golfíþróttinni. Það
kom strax fram hvað hjálpsamur
Stefán var og viljugur til allra verka
í þágu klúbbsins. Hann sat í fyrstu
stjórn hans sem ritari og er mér
minnisstætt hvað hann skrifaði á
skemmtilegu máli um viðfangsefni
okkar frumbyggjanna fyrstu árin
fram á Bakka.
Lipurð og hæfileiki Stefáns til að
vinna félagsstörf aflaði honum fljótt
trausts og allir vorum við vinir
hans, þá ekki síst yngri piltarnir.
Þeir nutu tilsagnar hans á vellinum
og voru vinir hans sem lögreglu-
manns í litlu sjávarþorpi. Ef til vill
segir það meira um Stefán sem
mann en mörg orð.
Oft voru þau Stefán og Gógó bæði
að störfum fyrir klúbbinn og börnin
þeirra iðkuðu einnig golfið. Eftir að
þau hjónin fluttust til Akureyrar
hittumst við auðvitað sjaldnar en
alltaf var hann boðinn og búinn ef
eitthvað gæti hann gert fyrir okkur.
Oft fengum við Stefán til móts-
stjórnarstarfa og komu þau þá
gjarnan bæði hjónin út í Ólafsfjörð
og aðstoðuðu okkur.
Stefán var fyrir mörgum árum
útnefndur „Heiðursfélagi“ Golf-
klúbbs Ólafsfjarðar.
Þessum fátæklegu orðum er ætl-
að að þakka þér, Stefán, fyrir
ógleymanlegar samverustundir í
golfíþróttinni Við minnumst þín
sem mannvinar og afburða félaga
innan vallar sem utan.
Innilegar samúðarkveðjur send-
um við eiginkonu hans, börnum og
fjölskyldum þeirra.
F. h. Golfklúbbs Ólafsfjarðar
Hilmar Jóhannesson.
Það var ekki bara að
það fylgdu honum
sviptingar, það bjuggu
í honum sviptingar
sem settu svip á allt
andrúm þar sem hann
fór. Birgir Karlsson minnti á allt
annað en kyrrt vatn, því hann naut
þess af lífs og sálar kröftum að gára
vatnið, gára mannlífið og ögra
ótæpilega ef honum fannst hégóm-
inn fara fram úr öllu hófi. Birgir
lagði það sem sagt ekki í vana sinn
að klípa af hlutunum, fremur önd-
vert. Þó hann væri frá hjartarótum
hlýr og opinskár þá var hann þeirr-
ar gerðar að hann lagði ekki ofur-
kapp á að slípa skoðanir sínar bit-
lausar. Samt var kæti og glaðlyndi
hans aðalsmerki og hann bar það
með snerpu stormsveipsins. Birgir
naut þess að umgangast fólk og í
fluginu gat hann fengið fólk til þess
að gleyma stund og stað með
hnyttnum athugasemdum og inn-
skotum, stundum að vísu með því að
tefla á tæpasta vað, en hann var allt-
af sjálfum sér samkvæmur. Flestir
tóku glettni og gálgahúmor Birgis
vel af því að það fór ekkert á milli
mála að hann kom til dyranna eins
og hann var klæddur, en slíkt getur
verið viðkvæmt gagnvart þeim sem
búa við takmarkaða lífsgleði. Um
langt árabil vann ég með Birgi í
fluginu og okkur sem unnum með
honum þótti gaman að vinna með
honum.
Birgir var snjall flugþjónn, enda
bjó hann yfir mikilli reynslu. Hann
var menntaður í hótel- og veitinga-
skóla í Bandaríkjunum og var auk
BIRGIR
KARLSSON
✝ Birgir Karlssonfæddist í Reykja-
vík 15. mars 1932.
Hann lést á Land-
spítala í Fossvogi
miðvikudaginn 7.
maí síðastliðinn og
var útför hans gerð
frá Fríkirkjunni í
Reykjavík 15. maí.
þess lærður í siglinga-
fræðum. Í mörg ár áð-
ur en hann varð flug-
þjónn kenndi hann á
námskeiðum fyrir flug-
freyjur. Þegar hann
tók síðan að starfa sem
flugþjónn var hann
alltaf boðinn og búinn
að rétta okkur sam-
starfsmönnum hjálpar-
hönd, lá aldrei á liði
sínu ef verk var að
vinna og það er nú svo
í þjónustustarfi fluglið-
anna að þar er sjaldan
dauður tími til að spila
úr eitthvað annað en að þjóna far-
þegunum. Birgir vann með sér-
kennilegum takti lipurðar og stjórn-
semi og stundum datt hann í
hlutverk herforingjans. Það var ekki
alltaf eftir protokollinum, en virkaði
að öllu jöfnu þótt það truflaði stund-
um eilítið fólk sem ekki þolir til að
mynda spennukvikmyndir.
Birgir var mikill spjallari og gerði
í því að koma til rabbsins úr ólíkustu
áttum. Honum líkaði sem sagt líf og
fjör þar sem maður á að vera manns
gaman. Hann ræddi oft um konuna
sína, Svövu, og leyndi sér aldrei hve
vænt honum þótti um hana og hve
mikils hann mat hana. Þannig var
hún fasti punkturinn, en hann eins
og í eilífu kappi við vindana, á fullri
ferð, í reddingum, að kaupa fyrir
Pétur og Pál smátt og stórt eins og
greiðvikinna er siður.
Birgir stóð sínar vaktir með
sóma. Við sem unnum með honum
minnumst hans með hlýju og vin-
arþeli og kaupaukans sem fylgir
þeim sem búa yfir glettni og gam-
ansemi. Fyrir hönd þeirra flugliða
sem unnu með Birgi á hraðbrautum
skýjanna er þakkað fyrir samfylgd-
ina um leið og við óskum þess að
góður Guð varðveiti vininn snara á
nýjum þjónustuleiðum, verndi eft-
irlifandi vini og vandamenn þessa
lífs.
Halldóra Filippusdóttir.
Sími 567 9110 • 893 8638
www.utfarir.is • runar@utfarir.is
Útfararþjónustan
Ástkær móðir okkar, tengdamóðir, amma og
langamma,
KRISTÍN JÓNA BENEDIKTSDÓTTIR,
Hlíðarhúsum 3,
Reykjavík,
andaðist á Landspítala við Hringbraut þriðju-
daginn 27. maí.
Jarðarförin fer fram frá Grafarvogskirkju þriðju-
daginn 3. júní kl. 13.30.
Þeim, sem vilja minnast hennar, er bent á Sjálfsbjörg.
Guðlaug S. Hauksdóttir, Sigurbjörn Sigurbjartsson,
Konstantín H. Hauksson, Guðný K. Garðarsdóttir,
Smári Hauksson, Sigurlaug M. Óladóttir,
Haukur L. Hauksson, Aðalbjörg Sigurþórsdóttir,
barnabörn og barnabarnabörn.
Elskulegur eiginmaður minn, faðir, tengda-
faðir og afi,
ÁRNI ÓLAFSSON,
Þórunnarstræti 110,
Akureyri,
lést á Fjórðungssjúkrahúsinu á Akureyri
mánudaginn 26. maí. Útför hans fer fram í
kyrrþey að ósk hina látna.
Sveinfríður Kristjánsdóttir,
Erna G. Árnadóttir, Geir Jóhannsson,
Kristrún Árnadóttir, Lúðvík Lúðvíksson,
Ólafur Árnason,
Gunnar Árnason, Alma Oddgeirsdóttir
og afabörn.
Ástkær móðir okkar, tengdamóðir og amma,
SIGRÍÐUR KRISTJÁNSDÓTTIR,
Bólstaðarhlíð 41,
lést mánudaginn 26. maí.
Útförin verður í Fossvogskapellu þriðjudaginn
3. júní kl. 13.30.
Þeim, sem vilja minnast hennar, er bent á
Krabbameinsfélagið.
Sérstakar þakkir til starfsfólks og lækna á Landspítala Landakoti.
Steinunn Bergsteinsdóttir, Sigurður G. Tómasson,
S. Elfa Bergsteinsdóttir, Hörður Þórðarson,
Bergur Eldjárn Sigurðarson,
Steinn Eldjárn Sigurðarson,
Vala Steinsen,
Erla Harðardóttir.
Ég var erlendis, er
Sigríður Árnadóttir,
húsfreyja á Sauðár-
króki, var jarðsungin,
og gat því ekki minnst
hennar þá. En ég á henni það mikið
að þakka, að ég hlýt að tjá það hér
og nú. Orð mín túlka ekki minn hug
einan, heldur fjölskyldu minnar í
heild og tengjast bæði samstarfi á
kirkjulegum vettvangi og persónu-
legri vináttu. Í upphafi tengdu okk-
ur sameiginleg bönd við Svarfaðar-
dal. Í kjölfarið kom sterkur
vinarhugur, og við nutum mikils frá
Sigríði og hennar trausta, hógværa
og gullvandaða eiginmanni, Jóni H.
Jóhannssyni.
Ég fékk leyfi sóknarnefndar árið
1965 til að kaupa „Gamla spítalann“
á Sauðárkróki og nýta hann sem
safnaðarheimili. Skilyrðin voru
ströng. Sóknarnefnd vildi ekki koma
sjálf að þessum málum. Sérstök
safnaðarheimilisstjórn skyldi kosin
og presturinn skyldaður til for-
mennsku.
Stjórninni var afhent nokkurt
upplag, sem til var, af fermingar-
skeytum og póstkortum. Að öðru
leyti varð hún sjálf að afla tekna til
þess að geta keypt húsið, fram-
kvæmt viðgerðir og komið starfi af
SIGRÍÐUR
ÁRNADÓTTIR
✝ Sigríður Árna-dóttir fæddist á
Atlastöðum í Svarf-
aðardal 22. maí 1917.
Hún lést á Heilbrigð-
isstofnuninni á Sauð-
árkróki að kvöldi 4.
maí síðastliðinn og
var útför hennar
gerð frá Sauðár-
krókskirkju 24. maí.
stað. Þess vegna valt
allt á því að fá til starfa
dugmikið, hæft fólk,
sem allir treystu.
Sigríður Árnadóttir
var í stjórninni öll árin,
sem ég átti eftir á
Króknum eða til
hausts 1971. Auk henn-
ar voru þar Stefán
Ólafur Stefánsson
póst- og símstjóri, sem
lést 1983, Valur Ing-
ólfsson húsasmíða-
meistari og Sólborg
Valdimarsdóttir hús-
freyja. Þarna varð til
afar samhentur, hugmyndaríkur
hópur, sem vann hörðum höndum að
sameiginlegri hugsjón. Æskulýðs-
starf, fermingarundirbúningur, fjöl-
breytt námskeiðahald, einkum í
handavinnu, og mörg verkefni önn-
ur fengu þarna inni. Málefnið varð
svo vinsælt, að nægt fé kom inn til
þess að sífellt var hægt að bæta að-
stöðuna.
Hlýr hugur, jákvæður og fórnfús
fylgdi Sigríði hvar sem hún kom.
Hún átti hagar hendur og afkasta-
miklar. Hún vann Safnaðarheim-
ilinu af lífi og sál, studd af sínum
ágæta eiginmanni, sem vegna þessa
kom æ meira að kirkjulegu starfi.
Þau hjón voru meðal minna trygg-
ustu kirkjugesta og hollustu vina
fjölskyldunnar. Það segir sína sögu,
að á heimili þeirra borðuðum við síð-
ustu máltíðina á Sauðárkróki, áður
en við ókum suður til starfa á nýjum
vettvangi. Fyrir þetta allt, og svo
margt annað, er nú þakkað, og góð-
ur Guð beðinn að blessa Sigríði
Árnadóttur.
Þórir Stephensen.
Afmælis- og minningargreinum má skila í
tölvupósti eða á disklingi (netfangið er
minning@mbl.is, svar er sent sjálfkrafa um
leið og grein hefur borist). Ef greinin er á
disklingi þarf útprentun að fylgja. Nauð-
synlegt er að símanúmer höfundar og/eða
sendanda (vinnusími og heimasími) fylgi
með. Þar sem pláss er takmarkað getur
þurft að fresta birtingu greina, enda þótt
þær berist innan hins tiltekna frests. Nán-
ari upplýsingar eru á mbl.is. Um hvern lát-
inn einstakling birtist formáli og ein aðal-
grein af hæfilegri lengd á útfarardegi, en
aðrar greinar skulu ekki vera lengri en 300
orð, u.þ.b. 1.500 slög (með bilum) eða um 50
línur í blaðinu (17 dálksentimetrar). Tilvitn-
anir í sálma eða ljóð takmarkast við eitt til
þrjú erindi. Einnig er hægt að senda ör-
stutta kveðju, HINSTU KVEÐJU, 5–15 lín-
ur, og votta virðingu án þess að það sé gert
með langri grein. Greinarhöfundar eru
beðnir að hafa skírnarnöfn sín en ekki stutt-
nefni undir greinunum.