Morgunblaðið - 29.05.2003, Blaðsíða 2
2 B FIMMTUDAGUR 29. MAÍ 2003 MORGUNBLAÐIÐ
NFRÉTTIR
"# #$
# #
%
&
# & '
#
(
)
* +%
, #
#
!!
-./012
34
GENGIÐ hefur verið frá samn-
ingum Smartkorta hf. við Reykja-
víkurborg og Strætó bs. um rafvæð-
ingu á þjónustu stofnana og fyrir-
tækja borgarinnar. Hið nýja kerfi
verður tekið í notkun á fyrsta árs-
fjórðungi 2004 en það eru Strætó,
ÍTR og Fræðslumiðstöðin sem hefja
notkun þess.
Lausnin felur í sér að hægt verði
að greiða með sama smartkortinu í
strætisvagna, skóla og sundlaugar.
Ennfremur má geyma á kortinu
árskort í sundlaugarnar eða gula,
rauða eða græna kortið í strætis-
vagna. Lárus Gísli Halldórsson, í
viðskiptaþróun Smartkorta, segir að
kortin sem um ræðir skiptist í fjöl-
mörg lokuð hólf. Inn á þessi hólf
megi hlaða ýmiss konar miðum og
fyrirframgreiddri þjónustu. Hann
segir afar einfalt fyrir fyrirtæki og
bæjarfélög að fá sérhólf fyrir eigin
þjónustu á smartkortinu í stað þess
t.d. að prenta miða eða gefa út
plastkort. Með þessum hætti sé
hægt að nýta sama kortið fyrir
margs konar þjónustu ýmissa aðila.
Smartkort býður nú upp á nýja
lausn fyrir kortin sem kallast
SmartFirma og byggist á því að fyr-
irtæki geti keypt sér pláss á kortinu
sem er takmarkað til notkunar inn-
an fyrirtækisins sjálfs. Þannig má
nota kortið til að geyma matarmiða í
mötuneyti fyrirtækisins og til
greiðslu í sjálfsölum innan fyrirtæk-
isins. Auk þess er mögulegt að nota
það við aðgangsstýringar að svæð-
um innan fyrirtækis, sem lykil að
húsnæði eða bílastæðahúsum þess.
Lárus segir að í raun megi setja á
kortið hvaðeina sem felur í sér fyr-
irframgreidda notkun (s.s. strætó-
miða) eða sem tengist staðfestingu á
auðkenni (s.s. aðgangur að bíla-
geymslu).
„Starfsmaðurinn notar sama
kortið hvort sem hann er í vinnunni
eða annars staðar. Vinnuveitandinn
losnar við kostnaðinn af því að út-
búa ný kort fyrir hvern starfsmann
því að persónulega greiðslukort
starfsmannsins verður notað. Hins
vegar þarf að setja upp posa ein-
hvers staðar í fyrirtækinu, t.d. hjá
gjaldkera, þar sem hægt er að hlaða
inn á kortið matarmiðum og slíku
sem er þá til að mynda dregið af
launum starfsmannsins.“
Að sögn Lárusar svipar þessari
nýju lausn mjög til þeirrar sem
hönnuð hefur verið fyrir grunn-
skólanemendur þar sem foreldrar
geta fengið hlaðið inn á kort barna
sinna t.d. matar- og strætómiðum.
Smartkort í notkun á
fyrri hluta næsta árs
AP
Örsmá tölvuflaga
SHUSAKU Maruko hjá Sony-fyrirtækinu japanska sýnir hér hið svokallaða My Sony
smart kort. Kortið inniheldur örsmáa tölvuflögu sem heimilar færslur um kortið.
Debetkort, aðgangskort, sundmiðar, strætómiðar og matarmiðar í einu og sama kortinu
ÖSSUR HF. fékk í ár verð-
laun Investor Relations Magaz-
ine, eða tímarits um fjár-
festatengsl, fyrir góð samskipti
og upplýsingagjöf til fjárfesta,
í flokki stórra og meðalstórra
fyrirtækja á Íslandi. Opin kerfi
fengu verðlaun tímaritsins í
flokki smærri fyrirtækja.
Að því er fram kemur í frétt
frá Össuri fékk Nokia verðlaun
sem besta fyrirtækið að þessu
leyti í Finnlandi, Novo Nordisk
í Danmörku, Norske Skog í
Noregi og SCA í Svíþjóð.
Í flokki Össurar voru einnig
tilnefnd Bakkavör og Íslands-
banki.
Í flokki smærri fyrirtækja
voru Nýherji, Marel og Opin
kerfi tilnefnd og hlutu Opin
kerfi verðlaunin, eins og fyrr
sagði.
Fyrirtæki í flokki stærri fyr-
irtækja eru fyrirtæki í úrvals-
vísitölunni en í flokki smærri
fyrirtækja eru fyrirtæki utan
úrvalsvísitölunnar.
Í fréttinni segir að tilnefn-
ingarnar séu byggðar á við-
tölum við ýmsa aðila á íslenska
markaðnum, svo sem sjóðs-
stjóra og greiningaraðila.
Össur og
Opin kerfi
með bestu
tengslin
YFIRVÖLD á Norðurlöndunum, stærstu fyr-
irtæki á Norðurlöndum og margir stærri hlut-
hafar í fyrirtækjum þar hafa nú slegið skjald-
borg um hið svokallaða tvíflokka hlutabréfafyr-
irkomulag sem við lýði er á Norðurlöndunum,
en Evrópusambandið, ESB, vill að kerfið verði
afnumið þar sem það sé bæði ósanngjarnt og
geti komið í veg fyrir samruna félaga á milli
Evrópulanda.
Norræna kerfið er þannig uppbyggt að hluta-
bréf fyrirtækja skiptast í A hlutabréf og B
hlutabréf. Í mörgum tilfellum ber A bréf tíu
sinnum meira atkvæðamagn en B bréf. Með því
að safna saman A bréfum getur hluthafi því ver-
ið ráðandi í félagi þrátt fyrir að eiga aðeins brot
af heildarhlutabréfum félagsins. Stjórnvöld á
Norðurlöndum, studd af stórum fyrirtækjum og
hluthöfum, segja kerfið búa yfir kostum fyrir
hluthafa og fyrirtæki og segja það ekki hafa
komið í veg fyrir yfirtökur eða samruna fyr-
irtækja eins og haldið er fram.
Þekktasta dæmið um þetta tvíflokkakerfi er
hjá Ericsson símafyrirtækinu í Svíþjóð. Hjá fé-
laginu eru A bréfin með 1000 sinnum meiri vægi
en B bréfin. Flestir eru þó sammála um að það
sé allt of mikið af hinu góða, jafnvel þeir sem
styðja fyrirkomulagið, og vinnur hópur hluthafa
Ericsson að samkomulagi um að minnka hlut-
fallið í 1 á móti 10 svipað og gengur og gerist í
mörgum öðrum fyrirtækjum í Svíþjóð.
Í Svíþjóð er kerfið við lýði í meira en helmingi
skráðra félaga, en á meðal þeirra félaga sem eru
með bæði A og B hlutabréf eru fyrrnefnt Er-
icsson, tískufyrirtækið Hennes & Mauritz og
raftækjaframleiðandinn Electrolux. Kerfið er
einnig, samkvæmt frétt í The Wall Street Jo-
urnal, helsta vopn í valdastöðu Wallenberg fjöl-
skyldunnar í Svíþjóð og fyrirtækis þeirra Inve-
stor AB.
Sett upp fyrir frumkvöðla
Í Danmörku eru meira en 60 fyrirtæki með bæði
A og B hluti, fyrirtæki eins og Carlsberg og
lyfjafyrirtækið Novo Nordisk.
Kerfið var sett upp fyrir nokkrum áratugum
síðan til að gera frumkvöðlum fært að útvega
fjármagn án þess að þurfa að láta af hendi stjórn
fyrirtækja sinna, ásamt því einnig að vernda
fyrirtækin fyrir því að falla í hendur útlendinga.
Stuðningsmenn kerfisins segja það bjóða upp
á mikilvæga kosti. Tomas Nicolin, forstjóri
sænska lífeyrissjóðsins Third AP, sem höndlar
með eignir að verðmæti 120 milljarðar sænskra
króna, þar á meðal bæði A og B bréf, sagði að
með því að gefa ákveðnum hluthöfum ráðandi
hlut hvetti það þá til að fylgjast enn nánar með
rekstri fyrirtækisins frá degi til dags. „Ég er
hræddari um misnotkun af hendi stjórnenda
fyrirtækjanna en handhafa A hlutabréfa,“ sagði
Nicolin í samtali við The Wall Street Journal.
ESB vill afnema A og B hlutabréf
!
"
#
"$