Morgunblaðið - 29.05.2003, Blaðsíða 3
Morgunblaðið/RAX
Sannkallaður sælusvipur er á Axel Sölvasyni og hundinum hans, Krúsa, er þeir rölta um túnið í blíðviðri á Kvískerjum í Öræfum.
In
ng
an
gu
r
Inngangur
Hátíðir á landinu
Náttúrulaugar
Íslandskort með upplýsingum
Vesturland
Búið á víkingasafni
Keppt í kleinubakstri
„Bílaleikir“ barna
Gönguleiðir kortlagðar
Vestfirðir
Tjaldað í Flókalundi
Krossaneslaug í Norðurfirði
Sæskrímsli á Bíldudal
Norðurland vestra
Grettir í lauginni
Húsdýragarður í Húnaveri
Hestar í hávegum
Norðurland eystra
Hjólabílar á Akureyri
Messað í tóftum
Gönguleið á Langanesi
Austurland
Þórbergssetur á Hala
Skrúður og bóndinn
Jöklasýning á Höfn
Hjólað á hálendi
Suðurland
Íbúðahótel í Vestmannaeyjum
Fræðsla á Þingvöllum
Hótel mamma
Suðvesturland
Nyrsti bonsai-garðurinn
Saltfisksetur í Grindavík
Dagsferðir frá Reykjavík
Girnilegt nesti
Umsjón efnis:
Guðbjörg R. Guðmundsdóttir
Gunnar Hersveinn
Helga Kristín Einarsdóttir
Umbrot:
Harpa Grímsdóttir
Forsíða og landslagsmyndir:
Ragnar Axelsson
Efnisyfirlit
Íslendingar eru mikið á faraldsfæti og
fóru í milljón ferðir á einu ári innanlands,
síðast þegar Hagstofan gerði könnun á
ferðavenjum landans. Gistinætur voru þá
rúmar 3,3 milljónir. Mestu ferðahelgarnar
eru í júní, júlí og ágúst og gefur hvíta-
sunnuhelgin verslunarmannahelginni lítið
eftir, hvað umferðarþunga á þjóðvegum
varðar. Yfir tíu þúsund sumarhús eru talin
í einkaeign á landinu og heildarfjöldi í upp-
sveitum Árnessýslu 4-5.000, svo íbúa-
fjöldi nær tvöfaldast þar á sumrin. Hvert
sem stefnan er tekin ætti skortur á við-
burðum og afþreyingu ekki að hamla
nokkrum. Að minnsta kosti fimmtíu
stærri hátíðir verða haldnar víða um land-
ið í sumar, margar hverjar nýjar, aðrar í
fimmtánda sinn. Ein ný hátíð er á Vest-
urlandi, þrjár nýjar hátíðir á Vestfjörðum,
tvær á Norðurlandi vestra og að minnsta
kosti ein ný hátíð á Suðurlandi.
Nýtt snið
Árlegu ferðablaði Morgunblaðsins, sem
nú er gefið út með glænýju sniði, er ætlað
að koma til móts við þann fjölda Íslend-
inga sem er á faraldsfæti um þessar
mundir, eða hyggur á ferðir í sumar.
Umfjöllun er skipt í sjö þætti, sam-
kvæmt jafnmörgum landshlutum, það er
Vesturland, Vestfirði, Norðurland vestra,
Norðurland eystra, Austurland, Suður-
land og Suðvesturland. Við vinnslu efnis
var stuðst við ábendingar og gögn frá at-
vinnu- og ferðamálafulltrúum í umrædd-
um landshlutum, sem og starfsfólki upp-
lýsingamiðstöðva landsins.
Reynt er að draga fram nýja eða óvenju-
lega dægradvöl á hverjum stað fyrir sig
eða kosti í afþreyingu og gistingu.
Á fyrstu opnu hvers landshluta er stór
landslagsmynd af náttúruperlu af viðkom-
andi svæði og lítið Íslandskort til glöggv-
unar. Einnig er listi yfir vefsíður, ferðafólki
til upplýsingar.
Þá fylgir blaðinu stærra Íslandskort
með þjónustuupplýsingum.
Ferðamálafulltrúar og aðrir sem starfa
að upplýsingagjöf ráðleggja fólki að koma
við í upplýsingamiðstöðvum í öllum lands-
hlutum; líta yfir kynningarefni og kort og
þiggja ábendingar um verðuga viðkomu-
staði og leynda dýrgripi.
Af nógu er að taka.
Gleðilegt ferðasumar!