Morgunblaðið - 29.05.2003, Blaðsíða 4
Á Vesturlandi er í fyrsta sinn efnt til Við-
burðaveislu á Safnasvæðinu á Akranesi,
en átta ólíkir viðburðir verða þar á dag-
skrá í sumar. Eitt dæmi er Landsmót
kleinusteikingarfólks, þar sem Kleinu-
meistari Íslands verður krýndur með við-
höfn. Írskir dagar verða líka á Akranesi
og Fornvéladagur. Á Leifsstöðum í Eiríks-
dal verður haldin Leifshátíð og síðan
verður hátíðin Mannrækt undir Jökli á
Hellnum á Snæfellsnesi haldin í fimm-
tánda sinn. Hefðbundnu fjölskylduhátíð-
irnar Danskir dagar á Stykkishólmi, Góðir
dagar í Grundarfirði og Færeyskir dagar í
Ólafsvík eru á sínum stað og þar miðast
dagskráin við að allir fjölskyldumeðlimir
finni eitthvað við sitt hæfi.
Á Vestfjörðum er bryddað upp á nýj-
um hátíðum í sumar. Bíldudals grænar er
heiti á hátíð sem Arnfirðingafélagið á
hugmyndina að. Þar verður höfðað til fjöl-
skyldufólks, farið í þrautir og leiki, boðið
upp á skoðunarferðir, bátsferðir og dans-
leik og grillað, veitt, sungið og farið í
skrímslaferð.
Grænlenskar nætur í Önundarfirði er
yfirskrift á nýrri hátíð á Vestfjörðum. Þar
verður fjölbreytt dagskrá með tónlist, kaj-
aksiglingum, handverkssýningu og
fleiru. Sæluhelgi á Suðureyri er enn eitt
dæmið, Listasumar í Súðavík, Dýrafjarð-
ardagar einnig, og síðan er boðið upp á
nýja hátíð, Rækjuhátíð á Ísafirði, í tilefni
þess að 80 ár eru frá upphafi rækjuveiða
við Ísland.
Bryggjudagar á Drangsnesi verða líka
haldnir í sumar.
Á Norðurlandi vestra verður
Jónsmessuhátíð á Hofsósi og Þýskir
dagar í Húnaþingi vestra. Sömu helgi í
júlí verður sérstök hátíðarhelgi á Blöndu-
ósi. Hafnardagurinn á Sauðárkróki verð-
ur haldinn hátíðlegur með götumarkaði,
dorgkeppni, bryggjuballi og flugeldasýn-
ingu og síðan verður í fyrsta skipti boðið
upp á Listahátíð ungs fólks í Húnaþingi
vestra.
Verið er að undirbúa nýja hátíð á Hofs-
ósi, Íslendingadaginn, sem er menning-
ardagskrá til heiðurs íslensku vesturför-
unum og afkomendum þeirra.
Síldarævintýrið á Siglufirði verður haldið
um verslunarmannahelgina, nú sem
endranær, en það er sígild fjölskylduhá-
tíð. Hólahátíð á Hólum í Hjaltadal er á
dagskrá í ágúst. Það er einnig hátíð sem
höfðar til allrar fjölskyldunnar, með leikj-
um, veiðikeppni, gönguferðum og fleiru.
Á Norðurlandi eystra er sérstök
Hvalaskoðunarhátíð á Húsavík í júní, þar
sem þátttakendur geta farið í sandhvala-
keppni eða Grímseyjarferð. Kátir dagar á
Þórshöfn verða haldnir í júlí, en þar er
fjölbreytt fjölskyldudagskrá skipulögð.
Þeir sem eru á ferðinni um Norðurland
eystra í júlí geta líka skroppið á Fjöl-
skylduhátíð í Hrísey og í ágúst verða
Mærudagar í Húsavík, sem einnig er fjöl-
skylduhátíð. Fiskidagurinn á Dalvík vakti
athygli í fyrra og í ár verður öllum boðið í
mat eins og þá. Áður en haustið skellur á
er ferðamönnum á Akureyri boðið að
taka þátt í Menningarnótt og afmæli Ak-
ureyrar með ýmsum uppákomum sem
höfða til allra aldurshópa.
Heimsmeistaramót í Hornafjarðar-
manna er aðeins hægt að halda á einum
stað og tíma: Á Humarhátíðinni á Höfn.
Þrjú hundruð manns tóku þátt í mótinu
og veitt voru 180 verðlaun. Þetta var árið
1999, á aldarafmæli byggðar á Höfn í
Hornafirði, og var ákveðið að heims-
meistaramótið yrði framvegis haldið á
Humarhátíðinni. Auk Humarhátíðar eru
fjórar aðrar meiriháttar hátíðir á Austur-
landi í sumar; Franskir dagar, Norskir
dagar, Vopnfirskir dagar og Ormsteiti.
Ormsteiti er haldin á Fljótsdalshéraði,
og nú í tíunda sinn. Um er að ræða hart-
nær tveggja vikna hátíð, í senn héraðs-
og uppskeruhátíð. Franskir dagar nefnist
hátíðin á Fáskrúðsfirði og verður hún nú
haldin í áttunda sinn. Að þessu sinni
verður bætt um betur því safnið Frans-
menn verður opnað þar í sumar.
Norskir dagar eru hins vegar á Seyð-
isfirði og eru nú haldnir í sjötta sinn. Að-
altilgangur hátíðarinnar er að minnast
tengsla Seyðisfjarðarkaupstaðar við
frændur vora Norðmenn. Vopnfirðingar
hafa þróað hátíð sem nefnd var Vopna-
skak, hún var upphaflega haldin um
verslunarmannahelgi en er nú fjöl-
skylduhátíðin Vopnfirskir dagar síðustu
helgina í júlí.
Á Suðurlandi eru Bláskógablíða í Blá-
skógabyggð, Iðandi dagar á Flúðum, ný
sameinuð Miðsumarshátíð og Töðugjöld
á Hellu og Hvolsvelli, Blómstrandi dagar í
Hveragerði og Hafnardagar í Þorláks-
höfn, fáein tækifæri til skemmtunar. Þá
verður þjóðlagahátíðin Undir bláhimni í
Árnesi um verslunarmannahelgina, svo
og stór goslokahátíð í Eyjum.
Á suðvesturhorninu eru Hátíð hafs-
ins í Reykjavík, Bjartir dagar í Hafnarfirði,
Listahátíð Smekkleysu, Tískuvika mið-
sumars, „Gay pride“ og Menningarnótt
fleiri dæmi um stóra viðburði. Það verður
svo sannarlega nóg við að vera í sumar.
Kleinusteikingakeppni og tískuvika miðsumars
Há
tíð
ir