Morgunblaðið - 01.06.2003, Blaðsíða 4

Upplýsingar um ýmsar uppá-
komur í Barcelona á Spáni fást
á slóðinni www.bcn.es
FERÐAKORT hafa tekið breyt-
ingum á undanförnum árum enda
breyttir tímar í ferðamynstri land-
ans og með því að kortin eru kom-
in á stafrænt form er auðveldara
en áður að uppfæra breytingar
með skjótum hætti og gefa þau út
örar.
Þórdís G. Arthursdóttir, sölu-
fulltrúi hjá Landmælingum Ís-
lands, segir að Landmælingar
reyni í auknum mæli að koma til
móts við ferðamenn, t.d. með því
að merkja helstu staði þar sem
þjónusta er í boði fyrir ferðamenn.
„Við hjá Landmælingum reynd-
um að setja okkur í spor ferða-
mannsins og gefum nú út þrjú
mjög nákvæmt kort í mælikvarð-
anum 1:250 000 í stað níu áður.
„Hvert ferðamannasvæði er tek-
ið fyrir og í fyrsta kortinu tókum
við Norðurland og Vestfirði sem
eitt ferðasvæði. Í öðru kortinu eru
allar dagsferðir sem hægt er að
fara í útfrá Reykjavík. Kortið nær
yfir Snæfellsnes, meginhluta há-
lendis og austur að Skaftafelli.
Þriðja og síðasta kortið kemur
út í júlí. Það kort er af Austur-
landi. Á því er Húsavík, Mývatn,
Dettifoss, Askja, allir Austfirðir og
það nær vestur fyrir Skaftafell.“
Öll grunnþjónusta á kortunum
Þórdís segir að á kortunum sé
öll grunnþjónusta sem ferðamaður
þarf á að halda,
s.s. bensínstöðv-
ar, gisting, þá
bæði heilsárs
eða sumargist-
ing, tjaldsvæði
og afþreying
eins og golf-
vellir, friðlýst-
ar fornminjar, húsasafn Þjóð-
minjasafnsins, bátsferðir, hring-
sjár, auk sundlauga og safna og
áningastaða Vegagerðarinnar.
Upplýsingarnar eru fengnar víða
að, en stofnunin er í samstarfi við
aðila eins og Örnefnastofnun,
Vegagerðina, Þjóðminjasafnið,
Umhverfisstofnun, Ferðamálaráð
Íslands og ferðamálafulltrúa.
„Það lá mikil vinna hjá okkur í
að brjóta kortið sem hagkvæmast
svo það sé meðfærilegt í bíl.
Reykjanes er til dæmis í einni
opnu, Kaldidalur í annarri og Kjöl-
ur og Sprengisandur einnig á
opnu.“
Þórdís segir að miklar breyting-
ar eigi sér stað í ferðaþjónustu á
ári hverju og þær þurfi að uppfæra
á kortunum. „Á fyrsta kortinu í
þessum nýja kortaflokki sem kom
út í júlí í fyrra og nær yfir Snæ-
fellsnes, Vestfirði og austur fyrir
Akureyri eru alls 294 þjónustu-
staðir. Á tæpu ári hafa orðið breyt-
ingar hjá 42 aðilum, 25 nýir staðir
bæst við og 7 hafa hætt starfsemi.
Nú gefa Landmælingar Íslands út þrjú landshlutakort í stað níu.
Ferðakort taka
breytingum

FLUGFARÞEGAR geta bráðum stillt
sæti sín á margvíslega vegu með því
að stýra loftflæði inn í einstaka hluta
sætanna. Svissneskt fyrirtæki hefur
hannað nýja gerð af flugvélasætum
sem eiga að vera mun þægilegri en
gömlu sætin.
Talsmaður Lantal Textiles í Sviss
segist sannfærður um að flugfélög
muni taka loftfylltu sætin fram yfir
þau gömlu vegna þess að þau eru létt-
ari og munu spara flugfélögum stórar
fjárhæðir í eldsneytiskostnaði.
Lantal hefur framleitt flugvélasæti í
fimmtíu ár og meðal viðskiptavina er
bandaríska forsetaembættið, Luft-
hansa-flugfélagið og popparinn Mich-
ael Jackson.
Loftfyllt flugvélasæti

Ægisklúbburinn hefur tekið í notkun
vefsíðuna www.seglagerdin.is en Æg-
isklúbbur er hagsmunafélag þeirra
sem keypt hafa tjaldvagn, fellihýsi eða
fellihjólhýsi frá Seglagerðinni Ægi.
Klúbburinn, sem var stofnaður árið
2000, hefur skipulagt tvær stórar há-
tíðir í Galtalækjarskógi, í samvinnu við
Neistann og auk þess kom hann að
skipulagningu Fjölskylduhátíðar Gull-
aldarinnar sem haldin var á Kirkjubæj-
arklaustri í fyrra.
Félagsmenn sem eru um 1.500 tals-
ins eru duglegir að ferðast um landið
og hefur klúbburinn skipulagt nokkrar
ferðir m.a. á Faxa í Biskupstungum, að
Iðufelli í Biskupstungum og til Stykk-
ishólms á Danska daga svo nokkuð sé
nefnt.
Vefsíðu klúbbsins er fyrst og fremst
ætlað að veita klúbbfélögum upplýs-
ingar um það sem hæst ber í starfinu
en einnig er þar fróðleikur um ýmis-
legt er lýtur að ferðalögum á Íslandi.
Ný vefsíða
Ægisklúbbsins
F
ERÐAMENN sem eiga leið um Eyjafjörð í
sumar geta fengið leigð reiðhjól og kanóa
hjá gistiheimilinu Árgerði sem stendur í
mynni Svarfaðardals, steinsnar frá Dalvík.
Kolbrún Reynisdóttir og Ari Baldursson eru
nýtekin við rekstri gistiheimilisins.
„Við heilluðumst alveg af húsinu og staðsetning-
unni en rétt við Árgerði er friðland Svarfdæla, en
það er þekkt fyrir fjölskrúðugt fuglalíf. Um 30
fuglategundir verpa að staðaldri í friðlandinu.“
Kolbrún segir að frá Árgerði sé gott útsýni yfir
Svarfaðardalsá og friðlandið.
Hún segir að Dalvíkurbyggð og næsta nágrenni
hafi upp á fjölbreytta afþreyingu að bjóða hvort
sem það er fyrir fólk sem vill njóta kyrrðar eða
hafa eitthvað fyrir stafni.
Meðal nýjunga hjá gistiheimilinu Árgerði er
reiðhjólaleiga og einnig geta ferðamenn fengið
leigða kanóa.
Níu holu golfvöllur er skammt frá Árgerði og fá
gestir gistiheimilisins sérstakan afslátt af vallar-
gjöldum. Hægt er að fara í skipulagðar gönguferð-
ir með leiðsögn eða á eigin vegum og sama gildir
um hestaferðir.
Gistiheimilið Árgerði er rétt við friðland
Svarfdæla og Dalvík.
Gistiheimilið Árgerði við Dalvík
Leigja út
reiðhjól og
kanóa

Gistiheimlið Árgerði
620 Dalvík
Veffang: www.argerdi.com
Tölvupóstfang: argerdi@argerdi.com
Sími 8622109 eða 5554212
GULUR, rauður, grænn og blár
er yfirskrift ferðahandbókar fyr-
ir börn sem kom út fyrir
nokkru.
„Ég fer með börn í ævin-
týraferð um Ísland í þessari
bók, skoða hella, skrepp með
þau á Látraströnd, skoða eld-
gos, skrepp í Surtsey, síg niður
í gíga og skoða fallegar kirkjur
svo dæmi séu tekin,“ segir
Björn Hróarsson höfundur bók-
arinnar.
Björn segist kynna landið
með litskrúðugum myndum og í texta bókarinnar segist hann leggja
áherslu á að tala ekki niður til lesenda sinna heldur á því tungumáli
sem honum finnst að eigi að tala við börn. „Ég er að reyna að sýna
börnum hvað landið okkar hefur upp á að bjóða og hvað þau geti haft
gaman af ferðalögum og þekkingu. “
Bókin segir hann að henti börnum á öllum aldri.
„Eitt meginmarkmið mitt með bókinni var að þegar börn flettu henni
þá myndi vakna spurningin: Hvað er þetta. Og þegar flett væri á
næstu síðu myndi sama spurning vakna. Hafi börnin ekki lestrarþroska
þarf að hjálpa þeim að finna svar en ef þau eru læs geta þau fundið
svörin sjálf.“
Annars segir Björn það reynslu sína að fullorðnir spyrji oft þessarar
sömu spurningar þegar þeir fletti bókinni.
Myndirnar, sem sýna 126 augnablik í íslenskri náttúru, koma úr safni
Björns en hann hefur verið að taka ljósmyndir í yfir tuttugu ár.
Hann segir að myndirnar eigi að endurspegla hversu sterk litbrigðin
eru í íslenskri náttúru og í bókinni eru gular myndir, rauðar, grænar og
bláar og af því dregur bókin nafn sitt.
Ferðahandbók fyrir börn
Ævintýraferð um Ísland
Bílaleigubílar
Sumarhús
í Danmörku
og Mið-Evrópu
Ódýrari bílaleigubílar fyrir
Íslendinga.
Bílar frá dkr. 1.975 á viku.
Innifalið í verði:
Ótakmarkaður akstur, allar
tryggingar. (Afgrgjöld á
flugvöllum.)
Aðrir litlir og stórir bílar, 6-7
manna, minibus og rútur.
Sumarhús og íbúðir.
Norðurlönd og Mið-Evrópa.
Hótel. Heimagisting. Bændagisting.
Heimasíðan www.fylkir.is
með fjölbreyttar upplýsingar.
Nýjustu verðlistarnir komnir.
Hringið og fáið sendan.
Dancenter, Lalandia,
Novasol/Dansommer.
Fylkir Ágústsson,
Fylkir — Bílaleiga ehf.,
ferðaskrifstofan
sími 456 3745.
Netfang fylkirag@fylkir.is
Heimasíða www.fylkir.is