Morgunblaðið - 01.06.2003, Blaðsíða 6
6 B SUNNUDAGUR 1. JÚNÍ 2003 MORGUNBLAÐIÐ
ferðalög
!"
Brýrnar þrjár í miðborg Ljúbljana eru einkennismerki borgarinnar.
L
JÚBLJANA, höfuðborg
Slóveníu, er vinaleg og lífleg
smáborg á evrópskan mæli-
kvarða. Íbúar hennar eru
svipað margir og íslenska þjóðin.
Það er því mjög notalegt að ganga
um götur hennar, smæðin er slík
að erfitt er að villast en þó er mjög
margt skemmtilegt um að vera. Í
miðbænum, rétt við hinar þekktu
þrjár brýr, er fjölbreyttur úti-
markaður. Markaðsstaðurinn var
hannaður af Joze Plecnik, þeim
hinum sama og hannaði brýrnar
sem eru nokkurs konar einkenn-
ismerki Ljúbljana. Á markaðnum
er bæði hægt að kaupa matvöru
beint frá sveitabæjum í nágrenni
borgarinnar sem og handverk og
fatnað. Markaðurinn er opinn alla
daga vikunnar nema sunnudaga.
En þó að Ljúbljana sé lítil borg
er götulífið fjölbreytilegt og spenn-
andi. Slóvenar eru duglegir við að
ferðast fótgangandi um borgina
enda er veðurfarið í Slóveníu, sem
er rétt við Miðjarðarhafið, einstak-
lega milt. Þúsundir háskólastúd-
enta setja einnig svip sinn á borg-
ina fram á sumar.
Skíði og sólböð
Heilsulindir og vatnsrenni-
brautagarðar eru algengir í Slóv-
eníu enda er jarðhiti landsins að-
allega nýttur í þeim tilgangi.
Heilsulindirnar eru aðallega utan
höfuðborgarinnar. Sú frægasta er
Radenci-heilsulindin en hún hefur
verið þekkt víða um lönd í áraraðir.
Heilsuferðaþjónusta er vaxandi at-
vinnugrein í Slóveníu og í henni
endurspeglast sérstaða landsins. Á
veturna sækja margir Evrópubúar
til Slóveníu á skíði enda skíðasvæð-
in fjölbreytt og örstutt frá höfuð-
borginni. En ekki má gleyma að
slóvenskir bændur eru einkar gest-
risnir og á mörgum bæjum er hægt
að gista og aðstoða í leiðinni við bú-
verkin. Þar er síðan framreiddur
matur, sem gerður er úr því hrá-
efni sem finna má á bóndabýlinu.
Það er ódýrt að fara út að borða í
Ljúbljana. Hægt er að fá fína mál-
tíð á einhverjum hinna hefðbundn-
ari slóvensku veitingastaða fyrir
innan við þúsund krónur. Margir
staðanna framleiða sín eigin vín
sem vert er að spyrja um og
bragða á. Slóvenar eru hrifnir af
sætum vínum en auðvitað er úrval-
ið mun margbreytilegra. Erfitt er
að tala um einn ákveðinn þjóðar-
rétt Slóvena en villisveppasúpur og
ýmsir kjötréttir, aðallega úr svína-
kjöti, eru þó víða á boðstólum. Þar
sem áhrif frá mörgum löndum
koma saman í Slóveníu í gegnum
aldirnar er matargerðin mjög
blönduð.
Slóvenía var fram til ársins 1991
hluti af Júgóslavíu. Er hún klauf
sig frá því ríki varð slóvenska þjóð-
in í fyrsta sinn sjálfstæð. Sem bet-
ur fer slapp Slóvenía við þær
hörmungar sem gengu yfir önnur
fyrrverandi ríki Júgóslavíu og hef-
ur alltaf haft það orð á sér að vera
ríki friðar og sáttar.
Heilsulindir og frægur
götumarkaður
Á árum áður var beint flug frá Íslandi til Slóveníu. Íslenskum ferðamönnum þar í
landi hefur fækkað síðan þá en Sunna Ósk Logadóttir segir að heilsulindir og
bændagisting dragi m.a. ferðamenn til landsins.
Veitingastaðir sem Sunna
segir að séu þess virði að heim-
sækja:
Pri Pavli (Hjá Pálu).
Staustræti 2,
Ljúbljana.
Villisveppasúpan hennar Pálu
er þekkt en hún hefur rekið
veitingastaðinn í meira en hálfa
öld.
Puccini.
Kersnikova-stræti, Ljúbljana.
Skemmtilegur stúdentastaður í
úthverfinu.
Gostilna Pod Lipo.
Borstnikov-stræti 3.
Ljúbljana.
Veitingastaður í miðborginni
sem býður fjölbreytta rétti og
úrval víns.
sunna@mbl.is
Ísland
Kraftganga á
Hornströndum
Hornstrandir ehf. á Ísafirði eru með
áætlunarsiglingar á Hornstrandir
og bjóða einnig upp á ýmsa skipu-
lagða ferðamöguleika um svæðið.
Ein af nýjungum í ferðamöguleikum
á Hornströndum er að taka þátt í
kraftgöngu sem ber heitið „Í fót-
spor feðranna“. Þar geta menn
reynt sig við gamlar tímamælingar
heimamanna á 25–30 kílómetra
leið. Leiðin er 26 kílómetra löng,
siglt er frá Ísafirði að Höfn í Horn-
vík og þaðan leggja göngumenn af
stað. Þeir halda sem leið liggur um
Tröllakamb í Rekavík bak Höfn og
yfir Atlaskarð og niður Skál-
arkamb. Svo er gengið upp Kjar-
ansvík og yfir Kjaransvíkurskarð og
haldið eftir Hesteyrarbrúnum til
Hesteyrar. Á þessari leið þarf
stundum að vaða tvær til þrjár ár
en það fer eftir vatnsmagni í þeim.
Þetta er leiðin sem fólkið í Hornvík
þurfti að fara ef það þurfti að ná í
lækni eða skipta um bækur hjá
lestrarfélaginu og þótti ekki til-
tökumál að fara fram og til baka
sama dag. Þess vegna er gangan
kölluð Í fótspor feðranna. Að göng-
unni lokinni er svo sameiginlegur
kvöldverður um borð í bátnum áður
en siglt er til Ísafjarðar.
Í sumar er einnig á boðstólum
hjólaferð á Straumnesfjall en þar
eru enn rústir eftir veru bandaríska
hersins og vegurinn þangað upp er
eini „færi“ akvegurinn á svæðinu.
Kajaka er hægt að leigja til að sigla
um Jökulfirði. Einnig er í boði fjög-
urra daga ferð þar sem dvalið er í
húsi í Aðalvík og farið í dagsferðir
þaðan. Um verslunarmannahelgina
verður farið í dagsferðir þar sem
siglt verður til Aðalvíkur og hægt
að velja um hvort dvalið er þar eða
gengið til Hesteyrar og siglt til
baka þaðan.
Slóvenía–Ítalía
Heimsferðir bjóða upp á eina ferð
til Slóveníu í sumar, þar sem Ítalía
kemur líka við sögu. Flogið er til
Verona hinn 16. júlí og gist þar eina
nótt. Síðan er haldið til fjallabæj-
arins Bled og dvalið þar í fjórar
nætur. Þá er ekið um fagurt landið
til Portoroz, sem er baðstrand-
arbær við Adríahafið, og dvalið þar
í fimm nætur. Boðið er upp á kynn-
isferðir frá stöðunum, m.a. til höf-
uðborgarinnar, Ljubljana, til hell-
anna við Postonja og hesta-
miðstöðvarinnar í Lipica svo dæmi
séu tekin. Síðustu tvær næturnar
er dvalið á Ítalíu, í miðaldaborginni
Mantova. Íslenskur fararstjóri er
með allan tímann en sætafjöldi er
takmarkaður.
Sigling á Dóná
Ferðaskrifstofan Heimsferðir býð-
ur upp á siglingu á Dóná sem
stendur yfir í viku. Lagt er af stað
frá Passau í Bæjaralandi og siglt til
borganna Vínar, Búdapest og Brat-
islava í Slóvakíu. Í þessum borgum
er boðið upp á kynnisferðir sem og
menningarlega viðburði meðan á
dvölinni stendur. Á siglingunni er
einnig áð í þorpum og bæjum á ár-
bakkanum, m.a. í Melk og Durnstein
í Austurríki og Esztergóm í Ung-
verjalandi. Siglt er á hollenska
fleyinu Dónárperlunni, herbergi eru
vel útbúin, sóldekk með sundlaug,
bar með söng og dansi öll kvöld og
veitingahús. Á undan siglingunni er
dvalið í austurrísku Ölpunum í
litlum Alpabæ þar sem boðið er
m.a. upp á gönguferðir og ferð til
Salzburg. Á eftir siglingunni verður
Gardavatn á Ítalíu fyrir valinu og
þar gefst kostur á að fara í kynn-
isferðir.
Fararstjórn er í höndum Lilju Hilm-
arsdóttur.
Nánari upplýsingar má fá hjá
Hornströndum ehf. í síma 456-
5690, www.Hornstrandir.is
Allar nánari upplýsingar hjá
Heimsferðum, sími 5951000,
og vefslóðin er www.heims-
ferdir.is.
Með AVIS kemst þú lengra
Pantaðu AVIS bílinn áður en þú
leggur af stað – Það borgar sig
Hringdu til AVIS í síma 591-4000
AVIS Knarrarvogi 2 – 104 Reykjavík – Sími 591 4000
Fax 591 4040 – Netfang avis@avis.is
Innifalið í verði er ótakmarkaður akstur, trygging,
vsk. og flugvallargjald. (Verð miðast við
lágmarksleigu 7 daga). Ekkert bókunargjald.
Verona kr. 2.900,- á dag m.v. B flokk
Bologna kr. 2.900,- á dag m.v. B flokk
Milano kr. 2.900,- á dag m.v. B flokk
www.avis.is
Við
gerum
betur
Ítalía