Morgunblaðið - 01.06.2003, Blaðsíða 7

MORGUNBLAÐIÐ SUNNUDAGUR 1. JÚNÍ 2003 B 7
ferðalög
A
ÐALTÁKN Flórensborgar
er dómkirkja borgarinnar
en hún er geysistór og rúm-
ar allt að 20.000 kirkjugesti.
Kirkjan er talin ein mikilvægasta
bygging í gotneskum stíl á Ítalíu en
bygging hennar hófst árið 1296 og
tók um 150 ár að ljúka við verkið.
Framhliðinni var síðan breytt á 19.
öld. Þegar búið er að skoða þessa fal-
legu byggingu er tilvalið að gera sér
ferð í Giotto klukkuturninn sem er
við hliðina á Dómkirkjunni. Þeir sem
eru í góðu formi geta hæglega
skokkað upp í turninn, en til þess að
njóta útsýnisins þarf að fara upp 414
tröppur.
Palazzo Vecchio er ráðhús Flór-
ensborgar en það var reist á árunum
1298 til 1314. Húsið stendur við
Signoria torgið sem hefur vakið at-
hygli fyrir þær sakir að ráðhúsið er
ekki á miðju torginu og turninn ekki
á miðri byggingunni. Ástæðan er sú
að á þessum tíma var rígur milli
tveggja fylkinga, Ghibellina og
Guelfa. Ráðhúsið átti því alls ekki að
vera inni á svæði Guelfa, því þegar
það var byggt voru Ghibellinar við
völd.
Uffizi-safnið
Flestir ferðamenn sem leggja leið
sína til Flórens heimsækja Uffizi-
safnið. Byggingin var reist á árunum
1560 til 1585 og fól Medici fjölskyld-
an Vasari nokkrum að sjá um að
koma henni upp. Árið 1737 gaf Anna
Maria Ludovica de’ Medici Flórens-
borg bygginguna með þeim lista-
verkum sem voru í henni, gegn því
að húsið yrði gert að safni, sem væri
opið fyrir almenning. Listaverkin í
safninu eru frá árunum 1300 til 1800.
Medici-fjölskyldan, sú sem lét
reisa húsið sem hýsir Uffizi-safnið,
bjó í Pitti-höllinni í Flórens og þang-
að leggja margir leið sína sem heim-
sækja borgina.
Í Pitti-höllinni er listaverkasafn
og gestir geta einnig skoðað hinar
konunglegu íbúðir. Það sem vekur
furðu er hvað veggirnir eru sneisa-
fullir af málverkum. Einn safnvörð-
urinn tjáði mér að safn fjölskyldunn-
ar hefði verið orðið svo stórt að
þegar Medici-fjölskyldan hefði feng-
ið nýtt málverk var vandi að finna
því stað á veggjunum. Í Pitti höllinni
er líka nýlistasafn og eru þar verk
eftir málara frá 20. öldinni.
Frá ráðhúsinu, Palazzo Vecchio og
að Pitti-höllinni liggur svo gangur,
sem Vasari byggði og er hann
kenndur við hann. Gangurinn er
opnaður fyrir almenning á nokkurra
ára fresti.
Gotneskar kirkjur
Það er erfitt að tala um markverð-
ar byggingar í Flórens án þess að
minnast á nokkrar kirkjur.
Santa Croce er ein af þeim. Hún
var byggð að beiðni munka af Heil-
ags Frank reglunni í lok 13. aldar.
Talið er að Arnolfo di Cambio hafi
byggt hana. Núverandi framhlið var
hinsvegar byggð á árunum 1857 til
1865. Kirkjan er í gotneskum stíl og
þess virði að skoða. Þá er Santa
Maria Novella-kirkjan einnig í
gotneskum stíl. Bygging hennar
hófst árið 1246 og voru það tveir
munkar af dóminísku reglunni, sem
hófu byggingu hennar. Byggingunni
var lokið á miðri 14. öld. Framhliðin
var á hinn bóginn gerð á árunum
1456 til 1470. Að lokum má benda
gestum borgarinnar á San Lorenzo
kirkjuna. Bygging hennar hófst að
beiðni Medici fjölskyldunnar árið
1419 og framkvæmdum við hana var
ekki lokið fyrr en 1460.
Markaðir alla daga
Íslendingar vilja örugglega kíkja í
verslanir og í Flórens koma þeir ekki
að tómum kofa hvað búðir eða mark-
aði snertir. Út frá San Lorenzo-
kirkjunni er markaður sem er opinn
alla daga nema mánudaga. Rétt hjá
markaðnum er skemmtileg verslun-
argata, sem heitir Via dei Ginori. Þar
er verslun sem heitir Scandinavia,
einnig mexíkanskur veitingastaður
og auk þess er þar áhugaverð indó-
nesísk verslun, sem heitir New
Store. Aðal hátískuverslunargatan
er Via Tornabuoni.
Auk þess sem markaður er alla
daga nema mánudag út frá San Lor-
enzo-kirkjunni þá er á þriðjudögum
markaður í Cascine garðinum í Flór-
ens, á miðvikudögum er markaður í
Siena og á laugardögum er markað-
ur í Greve in Chianti sem er stutt frá
borginni.
Greve in Chianti er 10.000 manna
bær miðja vegu á milli Flórens og
Siena ef farið er vínveginn (strada
del vino). Þar er skemmtilegt torg og
í nágrenni við torgið er athyglisverð-
ur vínkjallari með 100 rauðvínsteg-
undum.
Siena er gotnesk borg. Dómkirkj-
an er mjög falleg. Hægt er að fara
annað hvort vínveginn frá Grassina í
Suður Flórens eða fara til Firenze
Certosa og er þá hægt að fara hrað-
brautina frá Firenze Sud til Firenze
Certosa og aka síðan Superstrada til
Siena.
Fyrir smáfólkið
Þeir sem eru á ferðalagi með börn
á þessum slóðum kunna eflaust vel
að meta dýragarðinn í Pistoia. Frá
Flórens er farin hraðbrautin Firenze
Sud í áttina að Firenze Nord og það-
an haldið áfram til Pistoia. Það er
fleira við hæfi barna á þessum slóð-
um og má t.d. nefna Gosagarðinn eða
Parco del Pinocchio. Hann er nálægt
dýragarðinum í þorpinu Collodi en
þar var sagan um Gosa skrifuð á sín-
um tíma.
Ponte Vecchio eða
gamla brúin.
Santa Croce-kirkjan í Flórens er í
gotneskum stíl.
Margt að skoða
í Flórens
Í Flórens á Ítalíu eru hvorki meira né minna en 40 söfn til að
skoða og 24 einstakar kirkjur. Bergljót Leifsdóttir Mensuali
heimsótti borgina nýlega.

Hægt er að panta í síma að-
gang að ríkislistasöfnum: 0039
055 294883 á milli kl. 8:30 og
18 frá mánudegi til föstudags
og frá kl. 8:30 og 13 á laug-
ardögum. Það þarf að panta á
söfnin með viku fyrirvara.
Palazzo Vecchio er ráðhús
Flórensborgar.
Pantaðu Fríþjónustu Morgunblaðsins
í síma 569 1122, askrift@mbl.is
eða á
Þjónustan gildir fyrir fjóra daga að lágmarki
og hana þarf að panta fyrir kl.16 daginn áður.
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
M
O
R
21
02
1
0
5/
20
03
Fáðu Morgunblaðið sent
Við sendum blaðið innpakkað og merkt
á sumardvalarstaði innanlands.
Morgunblaðið bíður þín
Við söfnum blaðinu fyrir þig á meðan þú ert
í fríi og sendum til þín þegar þú kemur
heim aftur.
Fríþjónusta
Ertu
að fa
ra
í frí?
Viltu vinna flugmiða?
Á mbl.is geta áskrifendur Morgunblaðsins
tekið þátt í léttum spurningaleik um
Fríþjónustuna. Heppnir þátttakendur eiga
möguleika á að vinna flug fyrir tvo til Prag
eða Budapest með Heimsferðum.
Taktu þátt!