Morgunblaðið - 01.06.2003, Blaðsíða 14

14 C SUNNUDAGUR 1. JÚNÍ 2003 MORGUNBLAÐIÐ
LANDIÐ
Sumarveður í sumarbrids
Föstudaginn 22. maí var spilaður
Howell tvímenningur með þátttöku
12 para. Spiluð voru 33 spil og með-
alskor var 165. Efstu pör voru:
Guðlaugur Sveinss. – Erlendur Jónsson191
Páll Þórsson – Hermann Friðriksson 188
Eyþór Hauksson – Helgi Samúelsson 187
Eggert Bergsson – Friðrik Jónsson 173
Guðjón Sigurjónsson – Helgi Bogason 173
Guðlaugur og Erlendur unnu líka
Verðlaunapottinn, en 8 pör tóku
þátt í honum.
Miðnætursveitakeppninni var
frestað um 1 viku.
Mánudaginn 26. maí var spilaður
Howell Barómeter tvímenningur.
Meðalskor var 108 og efstu pör
voru:
Sigrún Pétursdóttir – Jón Þór Karlsson124
Ragnheiður Niels. – Ísak Örn Sigurðss. 120
Jón Stefánsson – Magnús Sverrisson 114
Friðrik Jónsson – Eggert Bergsson 114
6 pör tóku þátt í Verðlaunapott-
inum og rann hann til Ragnheiðar
og Ísaks.
Þriðjudaginn 27. maí var spilaður
Howell tvímenningur. Meðalskor
var 108 og efstu pör voru:
Vilhjálmur Sig. jr. – Heiðar Sigurjónss. 129
Ragnheiður Niels. – Sigtryggur Sig. 121
María Haraldsdóttir – Ómar Olgeirsson118
Sumarbrids er spilað öll virk
kvöld. Monrad Barómeter á mánu-
dögum og miðvikudögum annars
Snúnings-Mitchell. Spilarar geta
tekið þátt í Verðlaunapotti á mánu,
miðviku og föstudögum auk þess
sem Miðnætursveitakeppnin verð-
ur á sínum stað að tvímenningnum
loknum á föstudögum.
Sú nýbreytni verður í sumar að
allir sigurvegarar í sumarbrids fá
verðlaun. Í maí verður það í formi
frímiða í sumarbrids en glæsilegir
vinningar verða auglýstir síðar.
Öll úrslit og aðrar upplýsingar
um sumarbrids er að finna á vefsíðu
BSÍ, www.bridge.is og er sumar-
brids efst í valröndinni vinstra meg-
in, auk þess sem sumarbrids kemur
sér á framfæri á textavarpinu á síðu
326.
Spilarar sem eru 20 ára og yngri
borga 300 kr en aðrir 700 kr.
Umsjónarmaður sumarbrids er
Sveinn R. Eiríksson, s. 899-0928
Alheimstvímenningur
í sumarbrids
Hinn árlegi Alheimstvímenning-
ur verður spilaður föstudaginn 6.
júní og laugardaginn 7. júni. Báða
dagana verður spilað í sumarbrids,
Mitchell fyrri daginn og Barómeter
seinni daginn. Mikill áhugi hefur
verið á þessari keppni undanfarin
ár, og til dæmis má taka að 12000
pör spiluðu á föstudeginum í fyrra.
Veitt verða humarverðlaun fyrir
efstu pör í boði Hafliða.
Bridsdeild Félags eldri
borgara í Reykjavík
Tvímenningskeppni spiluð á Ás-
garði í Glæsibæ mánud. 26. maí
2003.
Spilað var á 7 borðum. Meðalskor
168 stig.
Árangur N-S:
Júlíus Guðmundss. – Rafn Kristjánss. 200
Albert Þorsteinsson – Bragi Björnsson 182
Sæmundur Björnsson – Olíver Kristóf. 176
Björn E. Pétursson – Gísli Hafliðason 176
Árangur A-V:
Eysteinn Einarsson – Magnús Oddsson
192
Alda Hansen – Jón Lárusson 185
Jón Karlsson – Valur Magnússon 179
Tvímenningskeppni spiluð fimm-
tud. 29. maí. Spilað var á 6 borðum.
Meðalskor 100.
Árangur N-S:
Björn E. Pétursson – Gunnar Péturss. 116
Kristján Jónsson – Ragnar Björnsson 106
Sæmundur Björnsson – Olíver Kristóf. 106
Árangur A-V:
Sigtryggur Ellertss. – Þórarinn Árnas. 111
Halldór Magnússon – Þórður Björnsson
109
Elín Jónsdóttir – Soffía Theódórsdóttir
108
BRIDS
Umsjón Arnór G.
Ragnarsson
Sigrún Pétursdóttir og Jón Þór Karlsson voru kampakátir sigurvegarar
í sumarbrids og ekki var ánægjan minni hjá Ragnheiði Nielsen og Ísaki
Erni Sigurðssyni sem tóku Verðlaunapottinn.
JÓN Óskar Guðlaugsson, tvítugur
Þorlákshafnarbúi, lauk sunnudag-
inn 18. maí sl. 8. stigs prófi í tromp-
etleik frá Tónlistarskóla Árnes-
inga. Þetta mun vera í fyrsta sinn í
fjörutíu ára sögu þess skóla sem
nemandi lýkur þaðan burtfar-
arprófi í hljóðfæraleik, en nokkrir
hafa lokið söngnámi frá skólanum
áður.
Jón Óskar hélt burtfararpróf-
stónleika sína í Versölum í Þorláks-
höfn og voru þeir afar skemmti-
legir og fjölbreyttir. Jón Óskar lék
trompeteinleik í flestum verkanna
en fékk til liðs við sig nokkra unga
tónlistarmenn sem ýmist aðstoðuðu
hann við flutninginn eða hvíldu
hann frá blæstrinum á milli atriða.
Meðleikari Jóns á píanó var Jörg
Sondermann. Náðu þeir sérlega vel
saman og fluttu tónlistina af miklu
listfengi og tilfinningu.
Jón Óskar hóf ungur að læra á
trompet hjá Róbert Darling í Þor-
lákshöfn, þá hjá Laszlo Czenek en
síðustu ár hefur Jóhann Stefánsson
á Selfossi verið kennari hans. Þess
má til gamans geta að Jón Óskar
lauk stúdentsprófi frá Fjölbrauta-
skóla Suðurlands á Selfossi í des-
ember 2002.
Jón Óskar hefur frá blautu
barnsbeini leikið einleik á trompet
við ýmis tækifæri í Þorlákshöfn og
víðar. Hann lék með Skólalúðra-
sveit Grunnskólans og Tónlistar-
skólans, Lúðrasveit Þorlákshafnar,
Lúðrasveitinni Svaninum og Lúðra-
sveit æskunnar. Þá hefur hann
slegið á léttari strengi í tónlist-
arflutningi, m.a. tekið þátt í söng-
keppnum í F.Su. bæði sem hljóð-
færaleikari og söngvari og brugðið
sér í ýmis gervi á leiksviði. Það
verður því spennandi að fylgjast
með þessum unga listamanni í
framtíðinni.
Morgunblaðið/Jón H. Sigurmundsson
Jón Óskar Guðlaugsson var með
burtfarartónleika í Versölum í
Ráðhúsi Ölfuss er hann lauk 8. stigi
í trompetleik.
Burtfarar-
prófstón-
leikar í
Versölum
Þorlákshöfn
GRÍMSEYJARFERJAN Sæfari
fær að flytja 90 manns í hverrri
ferð nú í sumar líkt og verið hefur
undanfarin ár. Sæfari fékk undan-
þágu frá reglum Evrópusambands-
ins, sem að öllu óbreyttu hefðu
dæmt skipið úr leik til að þjóna
þessari siglingaleið. Einar Her-
mannsson, skipaverkfræðingur og
tæknilegur ráðgjafi fyrir Vegagerð-
ina, segir að ekki sé langt síðan
reglurnar tóku gildi og að sótt hafi
verið um undanþágu til Eftirlits-
stofnunar EFTA frá ákveðnum
ákvæðum í þessum nýju reglum til
þess að gera skipinu kleift að halda
áfram siglingum sínum. „Þetta eru
nú minni háttar ákvæði í raun og
veru sem um er að ræða. Þessi
ákvæði eru fyrst og fremst í sam-
bandi við öryggisbúnað skipsins og
annað slíkt,“ bendir hann á.
Hann segir að með þessum nýju
reglum hafi siglingasvæði verið
flokkuð niður í fjögur svæði eftir
ölduhæð og svo gerðar ákveðnar
kröfur til skipa eftir siglingasvæð-
um, en þær kröfur séu gerðar á
ársgrundvelli.
„Þetta skip sem um er að ræða,
Sæfari, er með lausu farþegahúsi,
sem er sett á skipið einungis á
sumrin. Yfir vetrartímann er þetta
einfaldlega flutningaskip og flutn-
ingaskip mega flytja allt að 12 far-
þega og eru því ekki háð þessum
reglum. Þannig hefur þetta verið
rekið um árabil,“ leggur Einar
áherslu á.
Hann bætir við að þegar farþega-
húsinu hafi verið komið fyrir geti
skipið flutt 90 farþega og þá gildi
umræddar reglur. „Við hins vegar
nýttum okkur það að það er öldu-
dufl á Grímseyjarsundi sem gefur
stöðugt upplýsingar um ölduhæð,
öldustefnu og vind. Með því að tak-
marka siglingar við ígildi siglinga-
svæðis C fengum við undanþágu frá
þessum minni háttar atriðum, á
þeirri forsendu að ekki yrði siglt
með fleiri en 12 farþega nema þeg-
ar ölduhæðin væri innan þessara
ákveðnu marka,“ segir Einar.
Mögulegt að sækja um
undanþágur fyrir ferðir
Að hans sögn hefur Siglinga-
stofnun Íslands komið upp öldu-
duflum í kringum landið og því er
óhætt að segja að Íslendingar séu
þar með betur í stakk búnir en
flestar aðrar þjóðir til að segja til
með nokkurri vissu hvernig sjólag
verður á siglingaleiðinni áður en
lagt er af stað. Hann bendir á að
þetta séu rök sem Eftirlitsstofnunin
hafi fallist á.
„Farþegafjöldinn með ferjunni
helst óbreyttur frá því sem verið
hefur yfir sumartímann. Að vísu er
um aðeins þrengra tímabil að ræða
en verið hefur, það nær frá 1. júní
til 31. ágúst og er hálfum mánuði
styttra en áður,“ nefnir Einar og
bendir á að ef þörf þyki sé mögu-
leiki að sækja um undanþágu fyrir
einstaka ferðir. Til dæmis verði á
fimmta tug brúðkaupsgesta ferjaðir
til og frá Grímsey nú fyrir mán-
aðamót.
„Það skal haft í huga að þetta
skip er búið að sigla á þessari sigl-
ingaleið í langan tíma og það verð-
ur ekkert óöruggara við það að
Evrópusambandið setji einhverjar
reglur en auðvitað verðum við að
fylgja þeim og fara að þessum leik-
reglum sem gilda. Undanþágan frá
Eftirlitsstofnun EFTA er þannig
orðuð að hún er til eins árs en er
veitt til frekari tveggja ára, það er
til loka þessa árs og svo til tveggja
ára til viðbótar með einhliða
ákvörðun Siglingastofnunar Ís-
lands, án þess að þurfi að sækja um
það til Eftirlitsstofnunarinnar,“
segir hann.
Sæfari fær að flytja 90 manns í sumar
Grímseyjarferjan Sæfari hefur leyfi til að flytja allt að 90 manns í sumar.
Grímsey
NÝLEGA afhentu Hollvinasamtök
Fjórðungssjúkrahússins í Neskaup-
stað, Sjálfsbjörg, Kvenfélagið
Nanna í Neskaupstað, Félag hjarta-
sjúklinga á Austurlandi og Lions-
klúbbur Eskifjarðar sjúkrahúsinu
þolbraut að gjöf.
Þolbrautin eða hlaupabrautin er af
fullkominni gerð og mun nýtast vel í
endurhæfingarstarfsemi sjúkra-
hússins. Það var Björn Magnússon,
forstöðulæknir FSN, sem tók við
gjöfinni. En jafnframt var Jón Krist-
jánsson heilbrigðisráðherra við-
staddur og brá hann sér á brautina.
Þolbraut á
sjúkrahúsið
Neskaupstaður
♦ ♦ ♦