Morgunblaðið - 02.06.2003, Blaðsíða 4
FRÉTTIR
4 MÁNUDAGUR 2. JÚNÍ 2003 MORGUNBLAÐIÐ
Síðustu sætin til Rimini þann 24. júní
í eina eða tvær vikur. Kynnstu Feneyjum, Flórens, Rimini og Róm.
Sumarið er komið og yndislegt veður á þessum vinsælasta áfangastað á
Ítalíu. Þú bókar núna, og tryggir þér síðustu sætin, og fjórum dögum
fyrir brottför hringjum við í þig og tilkynnum þér hvar þú býrð. Að
sjálfsögðu nýtur þú traustrar
þjónustu fararstjóra Heimsferða
allan tímann.
Síðustu 17 sætin
Stökktu til
Rimini
24. júní
frá kr. 39.963
Skógarhlíð 18, sími 595 1000.
www.heimsferdir.is
Munið Mastercard
ferðaávísunina
Verð kr. 39.963
M.v. hjón með 2 börn, 2–11 ára, flug,
gisting, skattar, 24. júní.
Alm. verð kr. 41.960.
Verð kr. 49.950
M.v. 2 í stúdíó/íbúð, flug, gisting,
skattar. Alm. verð kr. 52.450.
Ferðir til og frá flugvelli, kr. 2.800.
„ÉG GET alveg sagt þér frá þessu
því ég var þarna um borð,“ sagði
Guðmundur Hjaltason, húsasmíða-
meistari og flugmaður, í samtali við
Morgunblaðið, en hann og sonur
hans, Hjalti Geir, urðu að lenda á
heimreiðinni að Bessastöðum
vegna bilunar í eldsneytisgjöf á
laugardagskvöld. Lendingin gekk
að óskum og þremur stundum síðar
tók vélin á loft af afleggjaranum.
Guðmundur var ásamt syni sín-
um, sem er atvinnuflugmaður, að
koma frá Patreksfirði og hugðust
þeir lenda á vestur-austurbraut
flugvallarins í Reykjavík. Þeir voru
í aðflugi þegar þeir urðu þess varir
að bensíngjöfin var biluð þannig að
ekki var hægt að draga af mót-
ornum. Þeir hættu því við lendingu
og flugu út yfir Skerjafjörð og ætl-
uðu að freista þess að gera aðra
lendingartilraun. Fljótlega varð
þeim ljóst að aflið á mótornum
myndi ekki duga til að halda nægi-
legri flughæð og þeir yrðu að nauð-
lenda á Álftanesi.
„Hjalti hafði einhvern tímann
spáð í það að þetta væri góður lend-
ingarstaður. Þarna var engin hætta
á ferðum því það er engin umferð
þarna en það var mikil umferð um
Álftanesveginn. Þarna eru heldur
engir ljósastaurar og svo er tún við
hliðina,“ sagði Guðmundur.
Hjalti stýrði vélinni til lendingar
með aðstoð föður síns. Lendingin
var ekki ýkja mjúk en góð engu að
síður. Guðmundur segir staðinn
ekki hafa getað verið betri, túnin í
kring séu mörg stutt og sundur-
grafin af skurðum. „Þetta var eig-
inlega orðinn síðasti séns.“
Flugvirki var kallaður til en þar
sem hann var austur í sveitum þeg-
ar kallið barst var viðgerð ekki lok-
ið fyrr en skömmu fyrir mið-
nætti.Aðspurður sagði Guðmundur
að Ólafur Ragnar Grímsson, forseti
Íslands, hafi ekki komið til að
kanna hvað um væri að vera. „Og
ég saknaði þess nú að hann skyldi
ekki koma út, en hann hefur
kannski ekki vitað af þessu strax,“
segir hann. Flugvélin er sex sæta
Cessna 185 með 300 hestafla mótor.
Guðmundur á vélina einn og hann
og eiginkona hans, Elísabet Krist-
bergsdóttir, flugu á henni til Kyrra-
hafsstrandar Bandaríkjanna og til
baka árið 2000.
Steinar Steinarsson í Rannsókn-
arnefnd flugslysa vill frekar kalla
þetta varúðarlendingu en nauð-
lendingu enda hafi flugmennirnir
haft nokkuð góða stjórn á vélinni.
Hún sé auk þess óskemmd og eng-
inn hafi meiðst.
Morgunblaðið/JúlíusHeimreiðin til Bessastaða hentar afar vel til lendingar, þar eð umferð er lítil og engir ljósastaurar.
„Spáði því að
þetta yrði góður
lendingarstaður“
STJÓRN Stangaveiðifélags
Reykjavíkur náði aðeins einum
laxi á land í gærmorgun, er lax-
veiðivertíðin hófst formlega á
bökkum Norðurár í Borgarfirði.
Eini laxinn var gullfalleg 10
punda hrygna sem Friðrik Þ.
Stefánsson veiddi í Myrkhyl á
rauða Frances.
Menn hafa séð laxa víða í
Norðurá að undanförnu, en þeg-
ar til kastanna kom sáust aðeins
nokkrir fiskar í Myrkhylnum þar
sem sá eini veiddist. Þekktir
snemm sumarstaðir á borð við
Brotið, Eyrina og Stokkhylsbrot
voru að sjá fisklausir. Lítið vatn
var í ánni, sól og blíða. Skilyrði
því óhagstæð, en ýmsir töldu að
lax gæti verið kominn í einhverj-
um mæli upp fyrir Laxfoss. Í
Stekknum var ekkert kvikt að
sjá.
Nokkrir silungar veiddust á
aðalsvæðinu, m.a. 4 punda
bleikja.
Óskar Örn Guðmundsson,
veiðimaður við Laxá í Laxárdal,
sagði byrjunina á svæðinu hafa
verið glæsilega og verið væri að
reikna út hvort þetta væri besta
byrjun sem vitað væri um eða sú
næst besta. „Þetta byrjaði á
laugardaginn og það komu yfir
70 urriðar á land. Það voru
margir milli 4 og tæp 6 pund og
það voru fantafiskar að taka og
slíta, jafnvel 15 punda tauma,“
sagði Óskar Örn. Mest var veitt
á straumflugur, Black Ghost,
Rektor og svartan Nobbler.
Að sögn Harðar Halldórsson-
ar, kokks í veiðihúsinu Hofi við
Laxá í Mývatnssveit, var hörku-
veiði í Laxá í Mývatnssveit
fyrsta daginn, laugardaginn, um
það bil 130 fiskar hefðu veiðst og
þótt hann hefði ekki tölu frá
gærmorgninum vissi hann til að
enn voru menn í fjörugri veiði.
„Það er mikill fiskur og vænn
innan um. Tveir stærstu eru 6,2
pund á Shaggy Dog úr Brun-
hellshrófi og 6 punda á Guðmann
úr Strákaflóa,“ bætti Hörður við.
Róleg
byrjun í
Norðurá
Morgunblaðið/Golli
Friðrik Þ. Stefánsson með fyrsta lax vertíðarinnar 2003.
ERU
ÞEIR AÐ
FÁ’ANN?
HARÐUR árekstur varð á gatna-
mótum Langatanga og Skeiðholts/
Bogatanga í Mosfellsbæ á laugar-
dag þegar jeppi skall á fólksbíl.
Gatnamótin voru nokkuð til um-
ræðu sl. haust eftir að þeim var
breytt og biðskylda sett á Langa-
tanga, sem áður
var aðalbraut.
Lýstu margir
íbúar yfir megnri
óánægju með
breytingarnar og
sögðu að búast
mætti við tíðum
árekstrum.
Samkvæmt
upplýsingum frá
lögreglunni í
Reykjavík var
jeppanum ekið
suður Langa-
tanga og skall hann á bifreið sem
ekið var vestur Bogatanga. Við
áreksturinn valt jeppinn og lenti
framan á þriðju bifreiðinni. Öku-
maður jeppans var fluttur á slysa-
deild og allir bílarnir fluttir með
kranabíl í burtu.
Gatnamótunum var breytt síðast-
liðið sumar. Ný gata, Skeiðholt, var
lögð að Bogatanga og göturnar
gerðar að aðalbraut en biðskylda
sett á Langatanga. Fljótlega eftir
að gatnamótunum var breytt höfðu
orðið þar fjórir árekstrar og voru
umræður á vefsvæði Mosfellsbæjar
og lögðu margir til að biðskylda
yrði sett á Bogatanga eða Skeið-
holt.
Á Langatanga eru nú tvö bið-
skyldumerki, hvort upp af öðru, og
fleiri viðvörunarmerki hafa verið
sett upp.
Ragnheiður Ríkharðsdóttir, bæj-
arstjóri Mosfellsbæjar, segir engar
áætlanir um að breyta gatnamót-
unum. Biðskylda hafi verið sett á
Langatanga eftir að gatan um
Skeiðholt var lögð og tengd við
Bogatanga en þetta sé mikilvæg
stofnbraut um bæinn. Umferðin um
Skeiðholt sé töluvert meiri en um
Langatanga og m.a. þess vegna hafi
verið eðlilegt að setja biðskyldu á
Langatanga. Þetta hafi verið mat
þeirra sérfræðinga sem best til
þekkja.
Árekstrar séu alltaf alvarlegt mál
en fólk verði að virða umferðar-
merki.
Engar áætlanir um að
breyta gatnamótum
Morgunblaðið/Júlíus
Jeppinn var fluttur af slysstað með kranabíl enda í gjörsamlega óökufær.
Biðskyldumerkin
eru tvö – en það
dugar ekki alltaf
til.