Morgunblaðið - 02.06.2003, Blaðsíða 7
FRÉTTIR
MORGUNBLAÐIÐ MÁNUDAGUR 2. JÚNÍ 2003 7
HÁTÍÐARDAGSKRÁ sjó-
mannadagsins í Hafnarfirði var
krydduð stórfenglegri afmæl-
istertu í tilefni 95 ára afmælis bæj-
arins. Bæjarbúar fjölmenntu að
Fiskmarkaðshúsinu á suðurbakk-
anum og gæddu sér á gómsætri
tertunni sem var í boði bakaranna
Lúðvíks Geirssonar bæjarstjóra,
Jóns Rúnars Arilíusarsonar, Köku-
meistaranum, og Ingimundar Sig-
urðssonar, Smárabrauði.
Kakan var fagurlega skreytt
með merki Hafnarfjarðar úr
marsipani. Bæjarfulltrúar með
bakarann Lúðvík í fararbroddi
skáru tertuna fyrir bæjarbúa. Af-
mælisdeginum lauk síðan með há-
tíðartónleikum kórakvartetts í Há-
sölum.
Morgunblaðið/Jim Smart
Ekki var annað að sjá en afmælistertan bragðaðist ljómandi vel.
Bæjarstjórinn
bakaði tertuna
ÍSLENSKUR sjómaður sem verið
hefur í haldi í Dubai í rúman mán-
uð var látinn laus gegn tryggingu í
gærmorgun. Pétur Ásgeirsson,
rekstrarstjóri utanríkisráðuneytis-
ins, segir að maðurinn hafi á
grundvelli blóðrannsóknar verið
sýknaður af ákæru um að hafa
neytt áfengis. Mun hann fara til
Abu Dhabi, höfuðborgar Samein-
uðu arabísku furstadæmanna, að
Péturs sögn.
Maðurinn var einnig ákærður
fyrir að hafa byssu meðferðis er
hann kom til Dubai á sínum tíma
og verður því í farbanni í Abu
Dhabi.
Ræðismaður Noregs í Samein-
uðu arabísku furstadæmunum hef-
ur aðstoðað íslensku utanríkis-
þjónustuna vegna máls
sjómannsins og segir Pétur að
réttað verði vegna byssunnar í
Abu Dhabi, þar sem alríkisdóm-
stóll furstadæmanna sé þar og
vopnaburður alríkismál.
Engar áreiðanlegar upplýsingar
hafa fengist um það hvenær málið
verður tekið fyrir, segir Pétur
ennfremur.
Síðastliðinn fimmtudag afhenti
fulltrúi í fastanefnd Íslands í New
York sendiherra Sameinuðu arab-
ísku furstadæmanna þar ytra bréf
frá Halldóri Ásgrímssyni utanrík-
isráðherra. Bréfið er stílað á
starfsbróður utanríkisráðherra í
furstadæmunum og þar er óskað
eftir því að hann beiti sér fyrir því
að réttarhaldi yfir sjómanninum
verði hraðað og að hann verði jafn-
framt látinn laus gegn tryggingu.
Laus úr
fangelsi en
í farbanni
KONUNGLEGI danski
ballettinn heimsækir Ís-
land í vikunni og heldur
tvær sýningar í Þjóð-
leikhúsinu á þriðjudags-
og miðvikudagskvöld.
„Við erum mjög spennt
að fá hann til landsins
því flokkurinn þykir
einn sá besti í Evrópu,
en það eru 4–5 ár síðan
hann kom síðast,“ segir
Stefán Baldursson,
þjóðleikhússtjóri.
Tólf dansarar eru með
í för, þar á meðal nokkr-
ir af fremstu sólódöns-
urum Konunglega leik-
hússins og nefnir Stefán
þekkt nöfn á borð við
Silju Schandorff,
Cristinu Olsson, Claire
Still og Kenneth Greve.
Dansararnir sýna
fimm balletta, tvo klass-
íska eftir Balanchine og
Bournonville og þrjá
balletta eftir nútíma-
danshöfundana John Neumeier og
Tim Rushton.
„Það verða aðeins þessar tvær sýn-
ingar og það er sama dagskráin bæði
kvöldin. Þetta er eitthvað sem þau
eiga á sinni verkefnaskrá þarna úti.
Þetta þykja mjög spennandi nútíma-
ballettar og svo er náttúrlega mjög
gaman fyrir okkur að fá þessa tvo
klassísku, af því það er orðið svo
sjaldgæft að sjá klassískan ballett
eftir að Íslenski dansflokkurinn fór
að einbeita sér að nútímadansi, sem
er vissulega góðra gjalda vert,“ bend-
ir hann á.
Stefán segir að eftirspurn eftir
miðum hafi verið ágæt en ennþá sé
eitthvað til og bætir við, að ef fólk
bregðist skjótt við í dag ætti það að
geta náð í miða.
Konunglegi
danski ballett-
inn í heimsókn
Konunglegi danski ballettinn verður með tvær
gestasýningar í Þjóðleikhúsinu í vikunni.