Morgunblaðið - 03.06.2003, Blaðsíða 19
LANDIÐ
MORGUNBLAÐIÐ ÞRIÐJUDAGUR 3. JÚNÍ 2003 19
! !
" !
$% &%
' ( % )% &
& SUÐURNES
DAGSKRÁ sjómannadagsins á
Húsavík var með hefðbundnum
hætti í ár og fór vel fram, veður
ágætt og hátíðarhöldin vel sótt.
Að þessu sinni voru heiðraðir af
sjómannadagsráði þeir Hreiðar
Jósteinsson og Sigurður Gunn-
arsson. Hreiðar gat ekki verið við
athöfnina og tók sonarsonur hans
og alnafni Hreiðar Jósteinsson við
orðunni í hans stað.
Hreiðar Jósteinsson er fæddur í
Kirkjubæ á Húsavík 1933. Hann
byrjaði að fara til sjós með föður
sínum um fermingaraldur. Hann
stofnaði til eigin útgerðar um tví-
tugt er hann keypti trillubátinn Ás
af Þórði Eggertssyni. Hreiðar fór
síðan á stærri báta til síldveiða
fyrir Norðurlandi og á vetr-
arvertíðir suður með sjó sem alls
urðu níu talsins. Hann stofnaði
síðar aftur til eigin útgerðar er
hann lét smíða trillubátinn Drífu
ÞH. Hreiðar hefur alls átt og gert
út níu báta, alla undir 6 tonnum að
stærð og flestir þeirra hafa borið
nafnið Vilborg. Hreiðar hefur alla
tíð róið einn á sínum bátum og í
dag gerir hann út 5 tonna plast-
bát, Vilborgu ÞH 11. Kona Hreið-
ars er Þóra Erlendsdóttir frá
Keflavík.
Sigurður Gunnarsson er fæddur
í Arnarnesi í Kelduhverfi 1931.
Sigurður byrjar til sjós 1958. Síð-
an var hann á smærri bátum frá
Raufarhöfn þar sem þau hjón
bjuggu í tvö ár. Sigurður flytur til
Húsavíkur 1958 með fjölskylduna
og setja þau upp heimili að Ytri-
Hlíð þar sem hann býr enn. Árið
1961 stofnar Sigurður til útgerðar
ásamt öðrum er þeir félagar
kaupa 16 tonna bát sem þeir nefna
Andvara ÞH 81 og síðar 36 tonna
bát sem þeir nefndu Glað ÞH 150.
Árið 1972 stofnar Sigurður til eig-
in útgerðar er hann kaupir 3
tonna trillubát, Sólveigu ÞH sem
hann gerir út í sjö ár. Þá kaupir
hann sér 7 tonna hálfdekkaðan bát
sem hann gerir út í 17 ár og 1998
kaupir hann síðan 5 tonna plastbát
en báðir þessir bátar fengu sama
nafn og sá fyrsti. Sigurður stund-
ar enn sjóinn á Sólveigu ÞH 226
og hefur verið farsæll í starfi.
Kona hans er Þorbjörg Theódórs-
dóttir úr Öxarfirði.
Morgunblaðið/Hafþór Hreiðarsson
Sigurður Gunnarsson og kona hans Þorbjörg Theódórsdóttir.
Húsavík
Tveir sjómenn heiðraðir
Í STYKKISHÓLMI var sjó-
mannadagurinn haldinn hátíðlegur
að vanda. Í boði var fjölbreytt dag-
skrá sem fór öll fram á sunnudeg-
inum. Dagskráin hófst með sjó-
mannamessu klukkan 11. Í
messunni heiðruðu sjómenn í
Stykkishólmi Erling Viggósson. Er-
lingur er fæddur í Hólminum og
starfaði lengstan sinn starfsferil
þar. Hann stundaði sjóinn frá unga
aldri og var vélstjóri á mörgum bát-
um sem gerðir voru út frá Hólm-
inum. Eftir hádegi fór fram
skemmtidagskrá við höfnina. Þar
vakti athygli að aftur var farið að
keppa í kappróðri, en sú keppni
hefur legið niðri í mörg ár síðan
kappróðrarbátnarir Leiknir og
Þróttur urðu ónothæfir. Tveir
kappróðrarbátar voru fengnir að
láni frá Bíldudal.
Morgunblaðið/Gunnlaugur Árnason
Erlingur Viggósson var heiðraður á sjómannadeginum í Stykkishólmi. Á
myndinni er hann með konu sinni Siggerði Þorsteinsdóttur.
Erlingur Viggósson
vélstjóri heiðraður
Stykkishólmur
SJÓMANNADAGS-hátíðahöldin í
Neskaupstað fóru að mestu fram
með hefðbundnum hætti þrátt fyrir
að ekki viðraði sem best til útihátíða-
halda en veður var frekar vætusamt.
Hátíðahöldin hófust á föstudag
með sjóstangveiðimóti. Þátttakend-
ur í mótinu voru á milli 40 og 50 víðs-
vegar af landinu og öfluðu vel. Á
laugardag var opnaður fyrsti hluti af
Sjóminja- og smiðjusafni Jósafats
Hinrikssonar en ekkja Jósafats og
afkomendur gáfu safnið til Neskaup-
staðar fyrir nokkrum árum. Þá var á
laugardag dorgveiðikeppni barna,
kappróður og málverkasýningar.
Björgunarsveitin og þyrla Land-
helgisgæslunnar sýndu björgunar-
æfingar. Á sjómannadaginn hófust
hátíðahöldin með hinni vinsælu hóp-
siglingu norðfirska flotans og fjöl-
mennti fólk um borð í skipin í sigl-
inguna, sjómannamessa var og
blómsveigur var lagður á leiði
óþekkta sjómannsins. Samkoma var
við sundlaugina þar sem farið var í
hina ýmsu leiki, t.d. fór fram flot-
gallasund í stað hins hefðbundna
stakkasunds. Þá voru fjórir fyrver-
andi sjómenn heiðraðir, þeir Ari Sig-
urjónssn, Birgir Sigurðsson, Björg-
vin Jónsson og Jens Olsen. Þessum
þriggja daga hátíðahöldum lauk með
sjómannadansleik.
Morgunblaðið/Ágúst Blöndal
Fyrrverandi sjómennirnir Ari Sigurjónsson, Birgir Sigurðsson, Björgvin
Jónsson og Jens Olsen Ágúst Blöndal voru heiðraðir í Neskaupstað.
Fjórir
heiðraðir
Neskaupstaður
FORSVARSMENN Sjómannadags-
ráðs í Grindavík telja að um 10 þús-
und manns hafi komið í bæinn um
sjómannadagshelgina, en þá var
haldin hátíðin Sjóarinn síkáti. Hátíð-
in fór vel fram.
Allir gestir voru stöðvaðir á leið
inn í bæinn og þeim afhent dagskrá
auk þess sem börnin fengu glaðning.
Fjörið byrjaði raunverulega
snemma á föstudag er húsbílar tóku
að streyma á tjaldstæðið og þegar
knattspyrnuleikur heimamanna við
Fram hófst um kvöldmatarleytið var
tjaldstæðið sneisafullt af húsbílum.
Líklega hafa tjaldstæðisgestir aldrei
verið fleiri en síðar um kvöldið hófst
hin formlega dagskrá með sundlaug-
arpartíi fyrir 8.–10. bekk grunnskól-
ans undir dynjandi tónlist sem
heyrðist víða.
Laugardagurinn var ekki spenn-
andi hvað veðrið varðaði en dag-
skráratriðin voru fjölmörg allt frá
því að láta sig falla í frjálsu falli úr
tuga metra hæð í það að hoppa og
skoppa í loftköstulum ýmsum. Gest-
irnir létu veðrið lítið hafa áhrif á sig
enda loftkastalar færðir inn og um
kvöldið stytti upp. Harmonikkuhljóð
heyrðust af tjaldstæðinu annað
kvöldið í röð og gestir fóru að tínast á
böllin sem í boði voru en þau voru
nokkur auk ýmissa tónleika.
Sunnudagurinn var með besta
móti og höfðu gestir það að orði þar
sem þeir sátu á pöllunum við Salt-
fisksetur Íslands að það væri eigin-
lega of heitt til að sitja þó þeir væru
léttklæddir. Meðal annars var boðið
var upp á skemmtilesningu, verð-
launaafhendingu, töfragrínmann,
keppnina Á mörkum dauðans, auk
hefðbundinna atriða við höfnina.
Keppnin á mörkum dauðans vakti
mesta athygli en þar þurftu menn að
láta sig falla tugi metra í lausu lofti
niður í net, drekka ógeðsdrykk og
hlaupa flekahlaup.
Allir jákvæðir
Viðar Geirsson er gjaldkeri Sjó-
manna- og vélstjórafélags Grinda-
víkur en sjómannadagsráð félagsins
sá um skipulagningu hátíðarinnar.
„Við höfum talið að um 10 þúsund
manns hafi komið í bæinn miðað við
það sem við létum í bílana. Við erum
mjög ánægðir, allt heppnaðist mjög
vel. Þarna voru í boði atriði fyrir alla
aldurshópa, allt í allt á milli 30 og 40
atriði í dagskránni. Fyrirtæki og ein-
staklingar komu að þessu með okkur
með sannkölluðum glæsibrag. Veðr-
ið lék við okkur og allir gestirnir
voru sérstaklega jákvæðir og
skemmtilegir,“ sagði Viðar.
HÁTÍÐARHÖLDIN á Sjóaranum
síkáta í Grindavík fóru einstaklega
vel fram, að mati lögreglunnar sem
hælir skipulagningu hátíðarinnar.
„Það er skoðun lögreglunnar að
mannlífið á Suðurnesjum sé að
gjörbreytast til hins betra og vill
þakka það markvissri for-
varnastefnu bæjaryfirvalda og lög-
reglunnar á svæðinu. Ekki má
gleyma að þakka fólkinu sjálfu sem
sótti þessi hátíðarhöld, en lög-
reglan þurfti ekki að hafa afskipti
af einum einasta manni. Til ham-
ingju Grindvíkingar með vel heppn-
aða fjölskylduskemmtun,“ segir í
dagbók lögreglunnar í Keflavík.
Lögreglan
ánægð
Metaðsókn að Sjóaranum síkáta
Áætla að 10 þús-
und manns hafi
sótt bæinn heim
Morgunblaðið/Garðar Páll Vignisson
Pallarnir við hús Saltfiskseturs Íslands í Grindavík voru þétt skipaðir og
þar var fólk hreinlega að stikna í hitanum á sjómannadagshátíðinni.
Grindavík
LIONSKLÚBBURINN Keilir í
Vogum hélt blómasölu ekki alls
fyrir löngu og ágóði af sölunni, 40
þúsund krónur, rann til Þroska-
hjálpar á Suðurnesjum. Helgi
Valdimarsson, formaður klúbbs-
ins, afhenti Halldóri Leví Björns-
syni, formanni Þroskahjálpar á
Suðurnesjum, afrakstur blómasöl-
unnar. Viðstödd voru Stefán Al-
bertsson, gjaldkeri klúbbsins, og
Hrönn Kristbjörnsdóttir ritari.
Afrakstur blómasölu
til Þroskahjálpar
Vogar