Morgunblaðið - 03.06.2003, Blaðsíða 36
ÍÞRÓTTIR
36 ÞRIÐJUDAGUR 3. JÚNÍ 2003 MORGUNBLAÐIÐ
FÓLK
TOTTENHAM hefur slegist í hóp
nokkurra liða sem vilja fá serbneska
framherjann Mateja Kezman til liðs
við sig í sumar. Kezman leikur með
PSV og skoraði 35 mörk á leiktíð-
inni en PSV varð hollenskur meist-
ari á dögunum. Barcelona hefur
einnig borið víurnar í leikmanninn.
KEZMAN var í fyrrakvöld út-
nefndur leikmaður ársins í Hollandi
af leikmönnum deildarinnar. Ronald
Koeman þjálfari Ajax var útnefndur
þjálfari ársins en þar á eftir kom
Guus Hiddink hjá PSV.
ZINEDINE Zidane verður ekki
með Frökkum í Álfukeppninni svo-
kölluðu sem haldin verður í Frakk-
landi 18.–29. júní. Forráðamenn
Real Madrid óskuðu eftir því við
Jacques Santini landsliðsþjálfara
Frakka að hann fengi frí frá keppn-
inni þar sem Real Madrid á í harðri
baráttu um spænska meistaratitil-
inn þegar tveimur umferðum er
ólokið. Santini varð við beiðni Real
Madrid og tekur Zidane ekki þátt í
keppninni og heldur ekki Claude
Makelele félagi Zidanes í Real
Madrid.
FRAKKAR stilla engu að síður
upp feikisterku liði og koma átta
leikmenn frá enskum úrvalsdeildar-
liðum, þar á meðal eru Thierry
Henry, Sylvain Wiltord og Robert
Pires frá Arsenal, Michael Silvestre
og Fabien Barthez frá Man.Utd. og
William Gallas og Marcel Desailly
frá Chelsea.
BRASILÍUMENN verða án Ron-
aldos og Robertos Carlos en þeir
leika sem kunnugt er einnig með
Real Madrid. Auk Frakka og Bras-
ilíumanna taka Bandaríkjamenn,
Tyrkir, Japanir, Kólumbíumenn,
Ný-Sjálendingar og Kamerúnar
þátt í Álfukeppninni.
EDGAR Davids og Jimmy Floyd
Hasselbaink geta ekki leikið með
Hollendingum þegar þeir mæta
Hvít-Rússum í undankeppni EM í
knattspyrnu á laugardaginn. Davids
er meiddur í nára og Hasselbaink í
hné.
ÚKRAÍNSKI varnarmaðurinn
Oleg Luzhny fær ekki endurnýjað-
an samning við Arsenal og þar með
yfirgefur hann Highbury eftir fjög-
urra ára dvöl hjá liðinu. Arsenal
keypti Luzhny frá Dynamo Kiev
fyrir 1,8 milljónir punda og lék hann
108 leiki fyrir félagið. Charlton hef-
ur sýnt áhuga á að fá Luzhny í sínar
raðir en Úkraínumaðurinn vill helst
leika með liði frá Lundúnum.
BANDARÍSKI spretthlaupinn
Maurice Green sigraði í 100 metra
hlaupi á móti í Los Angeles í fyrri-
nótt. Green kom í mark á 9,94 sek-
úndum sem er næst besti tími sem
náðst hefur í heiminum í ár, aðeins
Ástralinn Patrick Stevens hefur
náð betri tíma en hann hljóp vega-
lengdina á 9,93 sekúndum í byrjun
maí.
LÁRUS Orri Sigurðsson, landsliðsmaður í
knattspyrnu, sagði í samtali við enska blaðið
Birmingham Mail í gær að hann væri sann-
færður um að reynslan sem leikmenn WBA
fengu af úrvalsdeildinni síðasta vetur kæmi
þeim verulega til góða þegar þeir mæta til
leiks í 1. deildinni síðar í sumar. Lið hans féll
úr úrvalsdeildinni í vor eftir aðeins eins árs
dvöl þar.
„Það eru vonbrigði að hafa fallið en ég reyni
líka að líta á björtu hliðarnar. Þetta var góður
skóli fyrir alla sem tengjast félaginu og ég er
viss um að ef við fáum annað tækifæri í úrvals-
deildinni munum við standa okkur miklu bet-
ur. Það er ekki auðvelt að komast upp úr 1.
deildinni, en eftir að við höfum komist á
bragðið í úrvalsdeildinni munum við allir
leggja enn harðar að okkur en ella til að ná
þangað aftur,“ sagði Lárus Orri.
Lárus Orri lítur á
björtu hliðarnar
ÞÓREY Edda Elísdóttir, FH,
bætti sinn fyrri árangur í stang-
arstökki utanhúss þegar hún
stökk 4,48 metra í Rucklinghaus-
en í Þýskalandi á sunnudaginn og
vann í keppni við tólf stang-
arstökkvara. Þetta er þremur
sentimetrum hærra en hún hefur
áður stokkið utanhúss og lofar
svo sannarlega góðu fyrir fram-
haldið, en hún keppir á stigamóti
Alþjóða frjálsíþróttasambandsins
í Mílanó í kvöld en síðan á al-
þjóðlegu móti í Sevilla á laug-
ardaginn. Árangurinn æfst þó
ekki staðfestur þar sem um sýn-
ingu var að ræða en ekki við-
urkennt mót.
Vala Flosadóttir, ÍR, var á
meðal keppenda og stökk 4,18 m
sem er nokkuð frá hennar besta.
Þetta var fyrsta mótið sem Vala
tekur þátt í sumar.
Á mótinu í Mílanó í kvöld mæt-
ir Þórey sterkum stökkvurum,
m.a. fimm frá Þýskalandi sem
stokkið hafa 4,40 eða hærra auk
Anzhelu Balakhanovu frá Úkra-
ínu sem lengi hefur verið í
fremstu röð. Hún keppti lítið í
fyrra, en er að ná sér á strik á
nýjan leik.
Þórey Edda fór
yfir 4,48 metra
Þórey Edda Elísdóttir
Morgunblaðið hafði í gær sam-band við þjálfara þeirra liða í
úrvalsdeildinni sem leika í kvöld og
kannaði ástand leik-
manna auk þess sem
upphaf mótsins var
lítillega rætt. Þrír
leikir fara fram í úr-
valsdeild karla í kvöld. Eyjamenn
halda til Grindavíkur, Fram tekur á
móti ÍA á Laugardalsvelli og Knatt-
spyrnufélag Akureyrar fær Knatt-
spyrnufélag Reykjavíkur í heimsókn.
ÍBV og Grindavík geta stillt
upp óbreyttum liðum
Bjarni Jóhannsson, þjálfari
Grindavíkur, getur stillt upp sama
liði og sigraði Fram sl. föstudag, 3:2.
Bjarni var ánægður með leikinn gegn
Fram en ekki með byrjunina hjá sínu
liði á Íslandsmótinu og vonaðist til
þess að liðið myndi ná í þrjú stig í
kvöld. Eyjamenn halda til Grindavík-
ur fullir sjálfstrausts eftir góðan sig-
ur á bikarmeisturum Fylkis. Þar eru
allir heilir að Páli Almarssyni und-
anskildnum sem er með slitin kross-
bönd.
Ellefu leikmenn byrja
inná hjá KA
Slobodan Milisic tekur út leikbann
í dag. Milisic fékk rautt spjald gegn
Þrótti í síðustu umferð. Talsvert er
um minniháttar meiðsli hjá KA-
mönnum, nafnarnir Þorvaldur Ör-
lygsson og Þorvaldur Makan eru
báðir tæpir og útséð er um að Örn
Kátó Hauksson leiki. En Þorvaldur
Örlygsson þjálfari hafði ekki miklar
áhyggjur af meiðslunum sem hrjáir
liðið og sagði þau engu máli skipta.
„Það byrja ellefu leikmenn inná svo
mikið er víst,“ sagði Þorvaldur.
Hjá meisturum úr KR er Veigar
Páll Gunnarsson frá keppni í þrjár til
fjórar vikur. Sigurður Ragnar Eyj-
ólfsson og Einar Þór Daníelsson eru
leikfærir á ný en ekki er enn komið í
ljós hvort Sigurvin Ólafsson geti leik-
ið vegna nárameisla.
„Tilhlökkun hjá útiliðunum
að fara á Laugardalsvöll“
„Það er ekkert nýtt að frétta héðan
úr Fram annað en það að þeir sem
hafa verið lengi frá eru enn meiddir.
Við fengum mjög erfiða byrjun á
þessu Íslandsmóti en það er engin af-
sökun. Það hjálpar óneitanlega ekki
til að vera heimavallarlausir því okk-
ur líður ekkert eins og heima á Laug-
ardalvellinum. Ég kynntist því þegar
ég þjálfaði ÍBV að það kom aukin til-
hlökkun í drengina að fá að leika á
Laugardalsvelli,“ sagði Kristinn R.
Jónsson þjálfari Fram.
Unnar Valgeirsson er aftur orðinn
leikfær hjá Skagamönnum. Í samtali
við Morgunblaðið sagðist Ólafur
Þórðarsson eiga von á því að hann
myndi gera einhverjar breytingar á
liðinu sem tapaði fyrir KR.
Hyggstu refsa Stefáni Þórðarsyni
fyrir hegðun sína þegar honum var
skipt út af gegn KR í Frostaskjóli?
„Ég er búinn að ræða þetta mál við
Stefán og gera honum grein fyrir því
að svona hegðun sé óásættanleg og
ég get fullvissað menn um að hann
endurtekur ekki þennan leik.“
Morgunblaðið/Rax
Stefán Þórðarson skorar fyrsta mark Skagamanna gegn Þrótti uppi á Skipaskaga á dögunum, 3:1.
Mikilvægt að byrja
„hraðmótið“ vel
„YFIRLEITT byrjar Íslandsmótið á því að spilaðir eru þrír til fjórir
leikir á stuttum tíma. Það er mjög mikilvægt fyrir liðin að byrja þetta
„hraðmót“ í upphafi móts vel. Við í Grindavík ætlum að gera allt
sem í okkar valdi stendur til að vinna ÍBV og tryggja okkur sex stig
að loknum þessum fjórum umferðum en stigin hefðu alveg mátt
vera fleiri,“ sagði Bjarni Jóhannsson, þjálfari Grindavíkur.
Fjórða umferð úrvalsdeildar karla klárast í kvöld
Eftir
Hjörvar
Hafliðason
Markverðir
Birkir Kristinsson, ÍBV 73
Árni Gautur Arason, Rosenb. 27
Aðrir leikmenn
Rúnar Kristinsson, Lokeren 98
Guðni Bergsson, Bolton 78
Arnar Grétarsson, Lokeren 59
Hermann Hreiðarss., Charlton 47
Helgi Sigurðsson, Lyn 45
Þórður Guðjónsson, Bochum 44
Lárus Orri Sigurðsson, WBA 39
Brynjar B. Gunnarsson, Stoke 36
Arnar Gunnlaugsson, KR 32
Tryggvi Guðmundsson, Stabæk 30
Arnar Þór Viðarsson, Lokeren 24
Eiður S. Guðjohnsen, Chelsea 22
Marel Baldvinsson, Lokeren 11
Ívar Ingimarsson, Wolves 11
Jóhannes K.Guðjónsson, A.Villa 11
Indriði Sigurðsson, Lilleström 8
Landsliðs-
hópurinn
ÁSGEIR Sigurvinsson, landsliðs-
þjálfari í knattspyrnu, kallaði í
gær saman landsliðshóp sinn –
sem mætir Færeyjum á Laug-
ardalsvelli á laugardag og Lithá-
en í Vilnius á miðvikudeginum
eftir viku. Leikirnir eru liðir í
forkeppni Evrópumóts landsliða.
Ásgeir fær góðan tíma með lið-
ið og ætlar að nota tækifærið og
æfa vel auk þess sem ákveðið
hefur verið að brjóta aðeins upp
dagskrána með því að gista á Sel-
fossi, fara í golf og óvissuferð.
„Við verðum saman í ellefu
daga sem er langur tími. Við
byrjum á að fara tvo daga á Sel-
foss. Höldum síðan aftur í bæinn
og á meðan á þessu stendur ætl-
um við að gera ýmislegt til að
brjóta dagskrána upp. Það er
ómögulegt að láta landsliðsmenn-
ina hanga eingöngu inni á hóteli.
Ég þekki það af fenginni reynslu,
að það er ekki upplífgandi,“
sagði Ásgeir Sigurvinsson lands-
liðsþjálfari.
Logi Ólafsson, fyrrverandi
landsliðsþjálfari, er hægri hönd
Ásgeirs. „Ég er mjög ánægður
með að hafa fengið Loga til
starfa, þar sem hann einn okkar
besti þjálfari. Við munum reyna
að hátta verkaskiptingunni þann-
ig að hæfileikar hans nýtist sem
best.“
Sigur í Þórshöfn
Ísland lék síðast landsleik við
Færeyjar í Þórshöfn 18. ágúst
1999. 3.511 áhorfendur sáu Þórð
Guðjónsson skora sigurmark Ís-
lands á þriðju mín., 1:0. Birkir
Kristinsson varði vítaspyrnu í
leiknum. Sex leikmenn sem nú
eru í hópnum, léku í Færeyjum.
Birkir, Árni Gautur, Lárus Orri,
Tryggvi, Rúnar, sem var fyrirliði,
Helgi og Þórður.
Landsliðið
á Selfoss