Morgunblaðið - 04.06.2003, Blaðsíða 7
breyst en bíllinn hefur gengið vel á
markaði ytra, og eins og með Golf,
telur VW litla ástæðu til að gera
róttækar útlitsbreytingar á bílum
sem enn njóta vinsælda. Engu að
síður hefur bíllinn stækkað nokkuð.
Transporter sendibíllinn er núna
t.a.m. boðinn með þremur þakhæð-
um og með hjólhaf í tveimur mis-
munandi lengdum sem gefur mikið
flutningsrými og tryggir honum
góða stöðu á markaði atvinnubíla á
bilinu 2,6 til 3,4 tonn.
Shuttle er hins vegar fólksflutn-
ingagerðin og tekur allt að sjö far-
þega í sæti. Hann er með stórri
rennihurð á hægri hlið og aðeins
tveimur sætum í miðjuröðinni svo
það er þægilegt að ganga um bílinn.
Einfalt er að fella niður aftasta
sætabekkinn og jafnvel taka hann
úr bílnum og búa þannig til mun
meira flutningsrými.
Aflmikil dísilvél
Minnsta dísilvélin, sem er fjög-
urra strokka og skilar að hámarki
104 hestöflum, kemur með fimm
gíra handskiptingu eða sjálfskipt-
ingu en allar fimm strokka og sex
strokka vélarnar, bæði bensín- og
dísilvélar, eru boðnar með sex gíra
handskiptum kassa eða sjálfskipt-
ingu. Minni dísilvélin skilaði þess-
um 4,89 m langa fólksflutningabíl
rösklega áfram enda togar vélin
ágætlega. Spurning er þó hvort
ekki dragi úr akstursánægjunni
þegar bíllinn er fullhlaðinn farþeg-
um og farangri. Við þær aðstæður
hlýtur fimm strokka vélin að vera
mun álitlegri kostur. Með bílinn
tóman skilaði fimm strokka vélin
fantavinnslu og bílnum upp á mik-
inn hraða á augabragði. Þetta er
fínstilltur og fremur lágvær véla-
búnaður og togið er 250 Nm að há-
marki sem gerir að verkum að lítið
þarf að hræra í sex gíra handskipt-
um gírkassanum þegar þjóðvega-
hraða er náð. Þetta er svokölluð
pumpudísilvél sem er svar VW við
samrásardísilvélinni. Gírstöngin er
í miðju mælaborðinu sem sparar
pláss við framsætin og staðsetning-
in er þægileg. Skiptingin er líka ná-
kvæm og traustvekjandi.
Auk þessara tveggja dísilvéla
verður bíllinn boðinn með 2ja lítra,
116 hestafla bensínvél en flaggskip-
ið er með V6 vél, 235 hestafla.
Sveitavegirnir í kringum Poznan
eru ekki þeir rennisléttustu í Evr-
ópu. Það reyndi því talsvert á fjöðr-
unarkerfi bílsins. Fjöðrunin var
nægilega stíf til þess að draga úr
hreyfingum yfirbyggingarinnar en
um leið vildi glymja dálítið í tómum
bílnum. Shuttle-gerðin er enda
hrárri í útfærslu að innan en Multi-
van.
Transporter, sem er samnefnari
fyrir þessar þrjár gerðir bíla, er
4,89 m á lengd, 1,91 m á breidd og
1,96 m á hæð. Hins vegar er hægt
að panta bílinn með hærra þaki,
annaðhvort 2.165 mm eða 2.466
mm. Sé það ekki nóg má einnig
panta bílinn með lengra hjólhafi, 3,4
m, og er bíllinn þá orðinn 5,29 m á
lengd. Auk þess er hægt að fá
sendibílagerðina með fimm mis-
munandi útfærslum á flutnings-
rýminu.
Bíllinn verður kynntur í endaðan
júlí hjá Heklu, umboðsaðila VW.
Fyrst kemur styttri gerð bílsins en
síðan verða hinar mismunandi út-
gáfur kynntar koll af kolli út árið.
gugu@mbl.is
MORGUNBLAÐIÐ MIÐVIKUDAGUR 4. JÚNÍ 2003 C 7
bílar
VOLKSWAGEN framleiðir Transporter
bæði í Hannover í Þýskalandi og í
Poznan í Póllandi. Í síðustu viku gafst
kostur á því að skoða verksmiðjuna í
Poznan en hún vekur athygli fyrir
hreinleika og skilvirkni í framleiðslu. Á
þessu ári verða þar framleiddir 12.696
Transporter af fjórðu kynslóð, sem nú
er að renna sitt skeið, og 34.000
Transporter af fimmtu kynslóð.
Starfsemin í Poznan hófst árið
1993 og var upphafleg áætlun VW sú
að setja þar saman létta atvinnubíla
og síðar einnig fólksbíla frá dótturfyr-
irtækjunum Seat, Audi og Skoda. Á
fimm ára tímabili, fram til 1998, voru
framleiddir þar og settir saman alls
70.000 bílar. Á þessu ári stefnir í að
þar verði framleiddir 155.000 bílar.
Starfsemi VW skiptir miklu máli
fyrir efnahag í þessum hluta Póllands.
Fjárfesting Atvinnubíladeildar VW í
verksmiðjunni í Poznan verður komin
upp í 600 milljónir evra árið 2006,
sem samsvarar um 51 milljarði ÍSK. Á
þessu ári nemur fjárfestingin 178
milljónum evra. Verksmiðjan veitti í
upphafi 500 manns vinnu en núna
starfa þar 3.400 manns og verða
5.000 á árinu 2005. Þetta eru vel
þegin störf þar sem atvinnuleysi er
landlægt. Atvinnuleysi í Póllandi er nú
um 18% en undir 7% í Poznan. Einnig
þykir VW greiða hærri laun en al-
mennt þekkjast á þessum slóðum.
Engu að síður kom það skýrt fram á
fundi með blaðamönnum að megin-
ástæðan fyrir starfseminni í Póllandi
væru lág laun í samanburði við laun
verkamanna í Þýskalandi.
Volkswagen AG og pólski bílafram-
leiðandinn FSR Tarpan stofnuðu bíla-
verksmiðjuna í Poznan árið 1993 en
þremur árum síðar hafði VW eignast
verksmiðjuna alla. Þetta er ábatasam-
ur rekstur því VW áætlar að hann skili
fyrirtækinu um 1,7 milljónum evra í
tekjur á árinu 2006.
Skel af bíl á bandinu í Poznan.
Morgunblaðið/Guðjón Guðmundsson
Mikil lyftistöng fyrir Poznan