Morgunblaðið - 05.06.2003, Blaðsíða 2

SMÁÞJÓÐALEIKARNIR Á MÖLTU
2 C FIMMTUDAGUR 5. JÚNÍ 2003 MORGUNBLAÐIÐ
EFTIR þrjá keppnisdaga á Möltu eru Kýp-
urbúar búnir að fá flest gullverðlaun – 13 gull,
11 silfur og 11 brons. Lúxemborgarmenn
koma næstir með ellefu gull, tíu silfur og átta
brons. Íslendingar hafa fengið tíu gull, tólf
silfur og tólf brons. Möltumenn hafa fengið
fjögur gull, fimm silfur og sex brons. Mónakó-
menn koma næstir með fjögur gull, fjögur silf-
ur og fimm brons. San Marínó hefur fengið
þrjú gull, tvö silfur og tvö brons, Andorra tvö
gull, þrjú silfur og fjögur brons og Liechten-
stein eitt gull og eitt silfur.
Verðlaunahafar á leikunum fá, fyrir utan
verðlaunapening, litla útskorna tréstyttu, sem
er ágæt minning. En fyrir þá íþróttamenn sem
vinna til margra verðlauna er lítið annað að
gera en nota einhvern hluta þeirra sem jóla-
gjafir, eins og einn íþróttamaðurinn orðaði
það.
Kýpur með
flest gull
Morgunblaðið/Brynjar Gauti
Örn Arnarson á verðlaunapallinum á Möltu.
GUÐMUNDUR E. Stephensen og
Markús Árnason, Víkingi, tryggðu
sér gullverðlaun í liðakeppni karla í
borðtennis er þeir fögnuðu sigri á
borðtennismönnum frá Kýpur í úr-
slitaleik í gær á Smáþjóðaleikunum
á Möltu, 3:1. Áður höfðu þeir fé-
lagar unnið San Marínó örugglega í
undanúrslitum, 3:0. Kýpur lagði
Lúxemborg, 3:0.
„Það má nú eiginlega segja að
þeir hafi unnið Búlgaríu því kepp-
endurnir frá Kýpur eru allt Búlg-
arar,“ sagði Pétur Stephensen,
flokksstjóri borðtennismanna.
Guðmundur og Markús léku í
riðli með keppendum frá Lúx-
emborg, Andorra og Möltu. Þeir
byrjuðu á að vinna Lúxemborg 3:1
og síðan Andorra 3:0. Þeir háðu
harða keppni við Möltubúa og lauk
þeirri viðureign með því að Markús
fagnaði sigri gegn Wayne Gerada í
oddaleik 3:1 eftir að Guðmundur
hafði tapað fyrir Simon Gerada 3:1.
Stúlkurnar Halldóra Ólafs, Vík-
ingi, og Aldís Rún Lárusdóttir, KR,
töpuðu fyrir San Marínó 3:0, Kýpur
3:1, Lúxemborg 3:0 og Möltu 3:1 og
höfnuðu í fimmta og neðsta sæti í
liðakeppni kvenna. „Þær eru ungar
og óreyndar,“ sagði Pétur.
Seint í gærkvöldi hófst einstakl-
ingskeppnin og henni verður haldið
áfram í dag og jafnframt verður
sérstök tvíliðakeppni og þar gera
menn sér voni rum góðan árangur
Guðmundar og Markúsar.
Guðmundur og
Markús með gull
ÍRIS Edda Heimisdóttir hefur lagt
áherslu á bringusundið undanfarin
ár og náði hún í gullverðlaun í 100
metra bringusundi í þriðja sinn í röð
á Smáþjóðaleikum í gær þrátt fyrir
að hafa verið frá æfingum undan-
farnar vikur vegna veikinda. „Ég hef
lítið æft undanfarnar tvær vikur
vegna veikinda og er nokkuð frá
mínu besta en það er ljúft að vinna.
Árangurinn er mun betri en ég átti
von á miðað við undirbúninginn,“
sagði Íris sem kom í mark á tímanum
1.14,19 mínútum en Erla Haralds-
dóttir varð önnur í sundinu á 1.16,02
mínútum.
„Ég verð með á heimsmeistara-
mótinu í lok júlí og hef náð lágmörk-
unum inn á það mót og nú er stefnan
sett á Ólympíuleikana í Aþenu á
næsta ári,“ sagði Íris sem keppir í
200 metra bringusundi í dag og í boð-
sundi á föstudaginn. „Ég er 1 sek-
úndu frá Ólympíulágmarkinu í 100 m
bringusundi og 1,5 sekúndum í 200 m
bringusundinu og stefnan er sett á
lágmörkin fyrir Ólympíuleikana á
þessu ári,“ sagði Íris Edda.
„Betra en ég
átti von á“
Stúlkurnar eru ekki eins ogmargir sjá fyrir sér kastkonur,
þær eru báðar hávaxnar og grannar
– ímyndin hefur ef
til vill verið dálítið
önnur í gegnum tíð-
ina, sérstaklega
þegar kastarar frá
Austur-Evrópu
voru upp á sitt besta. Ástæðan fyrir
því að þær Sigrún og Ásdís völdu
frjálsíþróttir og kastgreinar hefur
heldur ekkert með það að gera að
austur-evrópskar íþróttakonur hafi
verið fyrirmynd þeirra. „Ég var í
frjálsum og fótbolta á sumrin og síð-
an í körfubolta á veturna,“ segir
Sigrún sem er 19 ára, fædd og upp-
alin á Patreksfirði en er flutt á möl-
ina fyrir sunnan. „Ég var í badmin-
ton og svo ráðlagði leikfimi-
kennarinn minn mér að prófa
frjálsar þar sem mér gekk vel í
stökkum og öðru sem voru í leikfim-
inni,“ segir Ásdís.
Pabbinn kenndi henni glímu
Tilviljun ein réði sem sagt að þær
fóru í frjálsar. Ásdís byrjaði ekki að
æfa frjálsar af fullri alvöru fyrr en
fyrir tveimur árum. „Ég var skráð á
mót rétt fyrir áramót og var í öllum
greinum. Þegar ég varpaði kúlunni
sextán sentímetrum frá Íslandsmet-
inu í mínum flokki fékk ég áhuga á
kastgreinum, en ég hafði ekki einu
sinni séð kúlu áður en ég kastaði í
þessu móti,“ segir Ásdís sem leggur
þó mesta áherslu á spjótkast og
kringlukast þar sem hún varð önnur
á þriðjudaginn. Ásdís er á átjánda
ári, fædd og uppalin í Reykjavík og
faðir hennar, Hjálmur Sigurðsson,
mikill glímukóngur, kenndi henni
glímu á yngri árum og hún keppti í
greininni nokkrum sinnum og kann
að glíma. Badmintonið tók síðan við
en nú einbeitir hún sér að frjálsum
og ætlar í badmintonið aftur þegar
hún verður eldri. „Það er fínt að
byrja aftur í því í ellinni,“ segir hún
brosandi.
Frá Patreksfirði
Sigrún flutti tólf ára gömul frá
Patreksfirði og fyrirmynd hennar í
íþróttum er Egill Fjeldsted, móð-
urbróðir hennar. „Hann var efnileg-
ur bæði í körfu og frjálsum og fyrir
vestan voru allir krakkar í öllum
íþróttum. Egill lamaðist í umferð-
arslysi fyrir nokkrum árum en er
samt enn á fullu í körfunni og er að
þjálfa þar,“ segir Sigrún. Hún var
komin í stúlknalandsliðið í körfu en
varð að velja. „Ég valdi frjálsar þar
sem ég taldi meiri framtíð í því en að
halda áfram í körfunni,“ segir hún
og greinilegt er að hún hefur hugsað
þetta mál til þrautar á sínum tíma.
Hún er að ljúka námi í MK og stefn-
an er sett til útlanda að loknu námi.
„Svíþjóð heillar mig en ætli ég fari
ekki fyrst til Bandaríkjanna því þá
kemst maður á styrk og losnar við
að borga skólagjöldin,“ segir hún.
Þegar Sigrún byrjaði í frjálsum
kastaði hún spjótinu tvo metra frá
Íslandsmeti og þá kviknaði áhuginn,
aðeins ellefu ára gömul. „Markmiðið
hjá mér í keppninni hér er að bæta
mig, en ég á best 49,31. Ég ætla að
kasta yfir 49 metra en það er lág-
markið fyrir EM undir 19 ára og ég
þarf að ná því núna á næstunni
þannig að ég komist á það mót.
Keppnin hér verður spennandi því
ég, Vigdís Guðjónsdóttir og stelpa
frá Kýpur erum allar mjög jafnar og
dagsformið mun ráða röðuninni. Við
Vigdís erum reyndar búnar að
ákveða að íslenski þjóðsöngurinn
verði leikinn við verðlaunaafhend-
inguna, sama hvort það verður hún
eða ég sem verður á efsta þrepi.“
Báðar eru þær í sinni fyrstu A-
landsliðsferð og kunna vel við það.
„Það eina sem er dálítið leiðinlegt
hér er hversu lengi við erum að
koma okkur á keppnisstað,“ segja
þær.
FYRIR nokkrum árum var talað
um frjálsíþróttavorið vegna
þess hversu margir ungir krakk-
ar stóðu sig vel í frjálsíþróttum.
Sumarið lét á sér standa en nú
virðist sem annað frjáls-
íþróttavor sé brostið á. Altént
eru margir ungir og efnilegir
frjálsíþróttakrakkar við keppni
á Smáþjóðaleikunum á Möltu.
Tvær ungar stúlkur eru til dæm-
is meðal keppenda í kast-
greinum, FH-ingurinn Sigrún
Fjeldsted og Ásdís Hjálmsdóttir
úr Ármanni, ætla að halda uppi
merki Íslands á frjálsíþróttavell-
inum hér og á öðrum völlum í
náinni framtíð.
Morgunblaðið/Brynjar Gauti
Kastararnir ungu, Ásdís Hjálmsdóttir úr Ármanni til vinstri og Sigrún Fjeldsted úr FH.
Skúli Unnar
Sveinsson
skrifar
frá Möltu
Tilviljun ein réð því
að þær urðu kastarar
Tvær ungar stúlkur halda uppi heiðri Íslendinga í kastgreinum í frjálsíþróttum