Morgunblaðið - 05.06.2003, Blaðsíða 4

ÍÞRÓTTIR
4 C FIMMTUDAGUR 5. JÚNÍ 2003 MORGUNBLAÐIÐ
ÍSLENSKA karlalandsliðið í handknattleik tapaði
fyrir úrvalsliði Katalóníu, 30:26, í Girona í gær-
kvöldi. Íslensku strákarnir voru þremur mörkum
undir í hálfleik, 16:13. Mikil stemning var á leiknum
en um 3000 áhorfendur studdu úrvalslið Katalóníu
til dáða. Margir af bestu leikmönnum íslenska lands-
liðsins voru ekki með í leiknum og því fengu margir
ungir leikmenn tækifæri til að spreyta sig gegn
góðu úrvalsliði Katalóníu, en margir sterkir at-
vinnumenn léku með því.
Guðjón Valur Sigurðsson var markahæstur Ís-
lendinga með sjö mörk, Einar Hólmgeirsson skoraði
fimm mörk og þeir Bjarni Fritzson og Róbert Sig-
hvatsson skoruðu þrjú mörk.
Í dag fer íslenska landsliðið til Belgíu og á morg-
un leikur Ísland við Slóveníu í Antwerpen í Fland-
ers-bikarmótinu.
Ísland tapaði
fyrir úrvalsliði
Katalóníu
GEIR Þorsteinsson, framkvæmdastjóri
KSÍ, vonast til þess að ekki færri en
5.000 manns mæti á Laugardalsvöllinn
á laugadaginn til berja augum lands-
leik Íslendinga og Færeyinga í und-
ankeppni EM í knattspyrnu sem hefst
klukkan 16.
Að sögn Geirs hefur miðasala á leik-
inn farið rólega af stað en hann gerir
sér vonir um að salan taki kipp í dag og
á morgun.
„Ég verð svekktur ef færri en fimm
þúsund manns mæta á völlinn. Við vit-
um að þessi leiktími er ekki sá áhorf-
endavænasti. Framundan er hvíta-
sunnuhelgi og margir sem fara út úr
bænum en landsliðið þarf á stuðningi
að halda og því skora ég á fólk að koma
og styðja við bakið á strákunum,“ sagði
Geir við Morgunblaðið.
Forsala á leikinn er á flestum Esso-
stöðvunum og lýkur henni annað
kvöld.
Opin landsliðsæfing
Almenningi gefst kostur á að fylgjast
með æfingu íslenska landsliðsins á
Laugardalsvellinum í dag kl. 16.
Landsliðsmennirnir munu gefa eig-
inhandaráritanir til handa þeim sem
vilja og þá verður dreift plakati með
mynd af landsliðinu.
KSÍ vill að
minnsta
kosti 5000
manns
Ásgeir sagði að það væri kominntími til að snúa við þeirri slæmu
þróun sem hefur verið að eiga sér
stað. „Ég má ekki til
þess hugsa að við
förum enn neðar, nú
þegar okkur hefur
loks tekist að komast
í þann styrkleikaflokk sem við erum í
núna. Það er stefna okkar að taka sjö
stig úr næstu þrem leikjum. Fari svo
að okkur takist það og ég tala ekki
um ef okkur tekst að fá níu stig úr
næstu þrem leikjum þá held ég að við
gætum farið að stokka spilin upp á
nýtt. En auðvitað er það fyrst og
fremst markmiðið að ná þriðja sæt-
inu og halda okkur í þriðja styrk-
leikaflokki,“ sagði Ásgeir.
Leikirnir þrír sem Ásgeir talar um
eru tveir leikir gegn Færeyjum –
heima og heiman, og leikur gegn
Litháen í Vilnius á miðvikudaginn
kemur, en landsliðið heldur til Lithá-
en á sunnudaginn.
Hefurðu áhyggjur af því að Árni
Gautur Arason, aðalmarkvörður liðs-
ins, sé úti í kuldanum hjá félagsliði
sínu?
„Vissulega er þetta ekki gott
ástand. Við þekkjum mál Árna Gauts
og höfum hvatt hann til að ganga sem
fyrst frá sínum málum. Árni Gautur
er samt okkar besti markvörður, á
því leikur enginn vafi. Nú er Birkir að
fara að kveðja eftir þessa keppni og
við höfum verið að fylgjast með
markvörðum hér á landi og það eru
nokkrir sem koma til greina.“
Nú gekk Atla Eðvaldssyni illa að
finna leikmann til að leika stöðu
hægri bakvarðar. Bjarni Þorsteins-
son lék gegn Skotlandi og Gylfi Ein-
arsson í Finnlandi, en hvorugur
þeirra er í hópnum hjá þér. Hvernig
hyggst þú leysa þessa stöðu?
„Við erum að skoða íslenska mark-
aðinn svo er það ánægjulegt að vita til
þess að Auðunn Helgason er kominn
á fullan skrið í Svíþjóð. Við verðum
búnir að leysa þessi mál fyrir fram-
tíðina en ég tel að innan þessa hóps
sem ég hef nú yfir að ráða séu menn
sem geti leyst þetta verkfni.“
Hver verður munurinn á þínu
landsliði og landsliði Atla Eðvalds-
sonar?
„Ég held að það sé ómögulegt að
tala um það alveg strax. Ég held bara
að það sé best að þjóðin dæmi um það
þegar þar að kemur.“
Ásgeir Sigurvinsson, landsliðsþjálfari í knattspyrnu,
hlakkar mikið til viðureignarinnar við Færeyinga
„Ætlum okkur sjö
stig úr næstu
þremur leikjum“
ÁSGEIR Sigurvinsson, landsliðsþjálfari Íslands í knattspyrnu dreg-
ur ekkert úr mikilvægi þeirra leikja sem Ísland á fyrir höndum á
næstu dögum. „Ég hlakka mikið til og það er kominn spenningur í
mig fyrir viðureignina við Færeyjar á laugardag. Leikurinn gegn
Færeyjum er tímamótaleikur fyrir framtíð íslenskrar knattspyrnu.
Við höfum verið að hríðfalla á styrkleikalista alþjóða knattspyrnu-
sambandsins. Nú er svo komið að við erum fallnir úr fertugasta og
áttunda sæti í það sjötugasta og ef það tekst ekki að vinna Fær-
eyjar yrði það afhroð fyrir íslenska knattspyrnu,“ sagði Ásgeir.
Eftir
Hjörvar
Hafliðason
Morgunblaðið/Kristinn
Árni Gautur Arason, landsliðsmarkvörður, í leiknum gegn Skotlandi á Hampden Park í Glasgow.
KNATTSPYRNA
1. deild karla:
Víkin: Víkingur R. - HK............................ 20
Keflavíkurv.: Keflavík - Afturelding ....... 20
Efsta deild kvenna, Landsbankadeild:
Valbjarnarv.: Þróttur/Haukar - Valur .... 20
Stjörnuvöllur: Stjarnan - FH ................... 20
1. deild kvenna:
Ólafsvíkurv.: HSH - ÍR............................. 20
Garðsvöllur: RKV - HK/Víkingur............ 20
Í KVÖLD
KNATTSPYRNA
Bikarkeppni karla
VISA-bikar, 2. umferð:
KR-23 – ÍA-23............................................3:5

ÍA-23 sigraði í framlengingu og er komið
í 32-liða úrslit.
1. deild kvenna B
Fjarðabyggð – Leiknir F..........................7:1
Höttur – Sindri ..........................................3:1
Staðan:
Höttur 2 2 0 0 6:1 6
Tindastóll 1 1 0 0 10:1 3
Fjarðabyggð 1 1 0 0 7:1 3
Sindri 1 0 0 1 1:3 0
Einherji 1 0 0 1 0:3 0
Leiknir F 1 0 0 1 1:7 0
Leiftur/Dalvík 1 0 0 1 1:10 0
Svíþjóð
Bikarkeppnin, 32-liða úrslit:
Sundsvall – Hammarby ............................1:1
Leiðrétting
Áhorfendur á leik KA og KR í úrvalsdeild
karla í knattspyrnu í fyrrakvöld voru 1.113
talsins, ekki um 400 eins og mishermt var í
blaðinu í gær.
ÚRSLIT
Björgvin
komst
áfram
BJÖRG-
VIN Sig-
urbergs-
son lék
mjög vel
á öðrum
degi
Euro-
pro-
golfmóts-
ins í
Portúgal
í gær.
Eftir fyrsta keppnisdaginn
leit ekki út fyrir að hann
kæmist áfram því að hann
lék þá á 77 höggum, sex
höggum yfir pari. Í gær
bætti hann stöðu sína heldur
betur, lék á 67 höggum eða
fjórum höggum undir pari.
Þar með var hann sam-
anlagt á tveimur höggum
yfir pari og það nægði hon-
um til þess að komast í
gegnum niðurskurðinn en
hann er í 50.–66. sæti og
heldur áfram keppni í dag.
Björgvin
Sigurbergsson
GRINDVÍKINGAR eiga í viðræðum við nágranna sína í
Keflavík um að kaupa af þeim sóknarmanninn Þórarin
Kristjánsson. Jónas Þórhallsson, formaður knatt-
spyrnudeildar Grindavíkur, staðfesti þetta við Morg-
unblaðið í gær og sagði að vegna slæmrar byrjunar liðsins
í mótinu hefði verið ákveðið að leita leiða til að styrkja
sóknarleik þess.
„Við föluðumst fyrst eftir því að fá Þórarin eða Magnús
Þorsteinsson leigðan frá Keflavík en því var hafnað. Þá
var rætt við Þórsara um að fá Orra Frey Hjaltalín og við
B36 í Færeyjum um að fá færeyska landsliðsmanninn Ják-
up á Borg, en bæði félög settu of hátt verð á leikmennina
og því fór það ekki lengra. Eftir það kom á daginn að
möguleiki væri á að kaupa Þórarin af Keflvíkingum og
það mál er í vinnslu þessa dagana,“ sagði Jónas.
Þórarinn er 22 ára og hefur ýmist leikið á sókn eða
miðju hjá Keflvíkingum en hann hefur spilað með meist-
araflokki þeirra frá 15 ára aldri. Hann á að baki 90 leiki í
efstu deild og hefur skorað í þeim 26 mörk.
Þórarinn til
Grindvíkinga?
Þórarinn Kristjánss