Morgunblaðið - 05.06.2003, Blaðsíða 8

BLÖÐ í Englandi og víða keppast
um að vera með fréttir um líkleg eða
væntanleg félagaskipti leikmanna.
Eins og oft áður þá er Eiður Smári
Guðjohnsen, leikmaður Chelsea,
nefndur til sögunnar. Hann er nú
orðaður við franska liðið Marseille,
sem er sagt hafa áhuga á honum.
Þetta er ekki í fyrsta skipti sem Eið-
ur er orðaður við Marseille.

INGVAR Ólason, leikmaður
Fram, lék sinn 200. deildaleik í fyrra-
kvöld þegar lið hans gerði 0:0 jafn-
tefli við ÍA í úrvalsdeildinni í knatt-
spyrnu. Þar af eru 73 í efstu deild
með Fram, Þrótti og Fylki, en hinir í
1. deild með tveimur síðarnefndu fé-
lögunum.

CHRISTOPH Daum, hinn litríki
knattspyrnuþjálfari frá Þýskalandi,
mun ekki þjálfa Austria Vín áfram,
en undir hans stjórn vann liðið tvö-
falt í Austurríki. Þess í stað heldur
hann á fornar slóðir til Tyrklands og
tekur við Fenerbahce.

BRASILÍSKI landsliðsmaðurinn
Cafu mun að öllum líkindum ganga
til liðs við Evrópumeistara AC Milan
en hann hefur leikið undanfarin sex
ár með Roma. Cafu, sem er 32 ára
gamall bakvörður, var í læknisskoð-
un hjá Mílanóliðinu í gær og fái hann
grænt ljós út úr henni skrifar hann
undir tveggja ára samning við liðið.

FINNSKI landsliðsmaðurinn
Joonas Kolka gekk í gær til liðs við
þýska 1. deildarliðið Borussia
Mönchengladbach en hann hefur
leikið með liði Panathinaikos í
Grikklandi.

GLADBACH vill ennfremur ganga
til samninga við Chelsea um að
kaupa framherjann Mikael Forssell
en hann var í láni frá Chelsea síðari
hluta tímabilsins og skoraði 7 mörk í
16 leikjum fyrir félagið.

DAVID Trezeguet, sóknarleik-
maður Juventus, er ósáttur við
hvernig knattspyrnustjóri Juventus,
Marcello Lippi, lagði upp leikinn á
móti AC Milan í úrslitum Meistara-
deildar Evrópu í knattspyrnu. „AC
Milan lék betur en við og átti skilið
að sigra. Undirbúningur okkar fyrir
leikinn var ekki góður og við hefðum
átt að nota aðra leikaðferð á móti
Milan,“ sagði Trezeguet en Juv-
entus tapaði í vítaspyrnukeppni.
FÓLK
ÞAÐ er óhætt að segja að
þessa dagana gangi yfir
„holu í höggi“-faraldur á
Bakkakotsvellinum í Mos-
fellsbæ. Á síðustu 20 dögum
hafa nefnilega fjórir kylf-
ingar náð draumahögginu
en meðaltal í 12 ára sögu
vallarins er ein hola í höggi
á ári.
Faraldurinn hófst 17.
maí þegar Hafliði Hjartar
Sigurdórsson, GOB, fór
holu í 9. braut. Fimm dög-
um síðar lék Ólafur I. Páls-
son, GOB, sama leikinn og
einnig á 9. holunni og þann
30. maí tókst Jakobi Má
Gunnarssyni, GOB, að slá
draumahöggið, og enn og
aftur á 9. brautinni.
Í fyrrakvöld fór svo
fyrsta konan holu í höggi á
Bakkakotsvellinum í ár.
Það gerði Ilona Viehel, GR,
á sjöttu brautinni.
„Hola í
höggi“-
faraldur í
Bakkakoti
Keppendur í fimleikum á Ólymp-íuleikunum eru 98 konur og
jafnmargir karlar, svo að barist er
um hvert sæti víða
um veröld. Á heims-
meistaramótinu
komast tólf stiga-
hæstu liðin fyrst inn,
alls 72 keppendur, en síðan eru vald-
ir 2 fimleikamenn frá þjóðunum í 13.
til 18. sæti, alls tólf manns. Þar næst
eru valdir 10 fimleikamenn frá
næstu 18 þjóðum, en Rúnar nældi
sér þar í keppnisrétt á Ólympíuleik-
unum árið 2000. Loks er dregið um
þrjú laus sæti og þar komst Rúnar
inn á Ólympíuleikana árið 1996.
Fimleikafólkið mun því hvergi
draga af sér við æfingar í sumar, æft
verður tvisvar á dag alla daga auk
þess að teknar verða upp nýjar og
erfiðari æfingar en það var ekki að
sjá að landsliðfólkið hefði neitt á
móti því og hugur í því.
Rúnar ætlar sér til Aþenu
Rúnar hefur verið afar duglegur
að taka þátt í mótum í Evrópu í vet-
ur, en setur nú stefnuna á Bandarík-
in og síðan Grikkland. „Ég vona að
þetta gangi vel hjá mér því ég ætla
mér að ná lágmörkum til að komast á
Ólympíuleikana í Aþenu, en þangað
stefna allir bestu fimleikamenn
heims. Ég keppi nú lítið á mótum í
Evrópu en þau voru mörg í vetur því
nú er undirbúningurinn hafinn fyrir
heimsmeistaramótið og það er í raun
stutt í það mót. Ef ekkert gengur
upp er draumurinn úti en ég ætla
mér betur. Það getur tekið á taug-
arnar að keppa á móti þar sem ekk-
ert má útaf bregða en ég er vanur
slíku,“ sagði Rúnar, sem æfir nú
mest með sterkum hópi í Lettlandi.
„Sjálfstraustið
er mjög gott“
Dýri var einnig mættur í Hafnar-
fjörðinn. „Mér líst því vel á að keppa
á þessu heimsmeistaramóti eftir vet-
urinn sem gekk framar öllum von-
um. Sjálfstraustið er mjög gott þessa
dagana og allt gengur vel, ég er heill
og get varla beðið,“ sagði Dýri, sem
stundar hagfræðinám í Minneapolis
og á rúmt ár eftir en hefur einnig náð
að bæta sig verulega í fimleikum.
„Ég get varla lýst því hvað er gott að
vera þarna úti. Fyrst fór ég til að
standa mig í skólanum og eitthvað í
fimleikunum en það varð meira úr
því. Mér tókst að bæta mig í hvoru
tveggja en því ég hefði aldrei náð
hérna heima. Þegar ég kom út bjóst
ég við að eiga möguleika á að keppa
fyrir skólann á einu áhaldi en hef
núna náð fjórum. Aðstaðan er ekkert
svo glæsileg en þarna er samt allt
sem til þarf, salurinn hjá okkur er
ekki stór er bara fyrir okkur tuttugu
strákana í hópnum og það er mikil
barátta um að komast í keppnisliðið,
sem drífur okkur áfram enda verður
annar strákur úr skólanum þarna að
keppa líka og það sýnir styrk skóla-
liðsins. Ég hef því lært mikið og með
auknu sjálfstrausti er meiri yfirveg-
un í æfingum mínum, nú er meiri at-
vinnubragur yfir þeim.“
Fjórar stúlkur á HM
Fjórar stúlkur keppa á mótinu,
þar af Íslandsmeistarinn Sif Páls-
dóttir. „Það leggst vel í mig að fara á
þetta mót. Ég hef keppt á mörgum
stórum mótum, eins og Evrópumót-
um og Ólympíumóti æskunnar, en
aldrei á heimsmeistaramóti. Ég er
samt ekki farin að stressa mig en
þegar kemur fram í ágúst gerist það
eflaust, annað yrði óeðlilegt en þá
þarf að halda því innan vissra marka.
Það er frábært að fá tækifæri til að
keppa á þessu móti og sjá allar þær
bestu svo að nú gildir að æfa vel og
vona að maður eigi góðan dag þarna
úti. Það þarf að vera tilbúinn bæði
andlega og líkamlega og þess vegna
förum við snemma út, til að venjast
umhverfinu, matnum, hitanum og
slíku.“
Fimleikalandsliðið æfir af kappi fyrir heimsmeistaramótið
í áhaldafimleikum, sem fer fram í Bandaríkjunum
Keppendur og þjálfarar á heimsmeistaramótinu í fimleikum, sem fram fer í Kaliforníu 16. til 24. ágúst. Efri röð frá vinstri: Ásdís B.
Pétursdóttir þjálfari, Sif Pálsdóttir, Tanja Björk Jónsdóttir, Inga Rós Gunnarsdóttir og Heimir Gunnarsson þjálfari. Neðri röð frá
vinstri: Rúnar Alexandersson, Dýri Kristjánsson, Gunnar Sigurðsson, Anton Heiðar Þórólfsson, Grétar K. Sigþórsson og Jónas Val-
geirsson. Á myndina vantar Kristínu Gígju Gíslasdóttur, sem býr í Bandaríkjunum.
Stefnan hefur verið
sett á ÓL í Aþenu
LANDSLIÐIÐ í fimleikum kom á mánudaginn saman í fimleikahúsi
Bjarkar í Hafnarfirði til að hefja á fullu æfingar fyrir heimsmeist-
aramótið í áhaldafimleikum, sem fram fer í Bandaríkjunum um
miðjan ágúst. Mótið er sérstaklega mikilvægt því það er eina mótið
sem gefur þátttökurétt á Ólympíuleikana í Aþenu á næsta ári. Rún-
ar Alexandersson hefur tvisvar tekið þátt í Ólympíuleikum – fyrst í
Atlanta í Bandaríkjunum 1996 og í Sydney í Ástralíu 2002. Hinir í
hópnum ætla sér nú að freista þess að fara í kjölfar Rúnars og kom-
ast á ÓL í Aþenu næsta sumar. Þar á meðal er Dýri Kristjánsson,
sem tekið hefur miklum framförum í vetur.
Stefán
Stefánsson
skrifar
Morgunblaðið/Stefán Stefánsson