Morgunblaðið - 06.06.2003, Blaðsíða 3

árum og hraðinn og möguleik-
arnir sífellt að aukast.
„Ástæðan fyrir því að vefsíðan
er búin að vera alveg ókeypis er
að ég hef gefið mér ákveðinn
tíma til að þróa þetta efni og þær
aðferðir sem ég er að nota. Til
þess að þróa það verð ég að geta
fengið hlutlaus viðbrögð fólks við
því, ég verð að geta áttað mig á
því hvað virðist ganga upp og
hvað ekki. Í framtíðinni mun
þetta fyrirkomulag breytast á
einhvern hátt, mögulega gef ég
út prentað efni og læt fylgja með
því aðgang að sérstökum hluta
vefsíðunnar og hef hluta hennar
opinn, ég hef ekki ákveðið það
ennþá. Einnig get ég notað vef-
síðuna á námskeiðum sem ég er
með, og það mun ég einmitt nýta
mér nú á næstunni, þegar ég
verð með tveggja vikna námskeið
fyrir byrjendur í spænsku. Á
námskeiðinu verður þessi öfluga
tækni notuð, bæði með hreyfi-
myndum og á annan hátt. Á vef-
síðunni er ég með allar upplýs-
ingar um námskeiðið og einnig er
hægt að skrá sig inn þar.
Það er ennþá erfitt að græða á
því að selja aðgang að netefni,
sérstaklega á litlum markaði eins
og þeim íslenska. Það getur hins
vegar breyst í framtíðinni og það
kunna að koma inn nýir mögu-
leikar sem maður veit ekki um í
dag. Netið er óvenjumagnað um-
hverfi til að vinna í og tækifærin
eru óþrjótandi,“ sagði Einar
Trausti Óskarsson og bætti því
við að hann væri með ýmsar fleiri
hugmyndir í kollinum varðandi
nýtingu kennsluefnis á Netinu,
notendum að sjálfsögðu til gagns
og gamans.
Sýnishorn af því hvernig hreyfimyndir og tengiorð eru notuð við spænskukennsluna: Grænmeti er verduras á
spænsku. Grænmetið fer hins vegar allt í rassinn á Varða og „verður rass“.
svg@mbl.is
stund á ránni áður en hann datt nið-
ur – vitlausum megin bölvaður.
Þessi ósigur fór í skapið á meist-
aranum, sem von var, og hann velti
dekkjunum eins og þau væru af þrí-
hjólum en ekki risatrukkum. Otri í
öðru sæti og Jón Valgeir í þriðja.
Eftir annan daginn var Magnús
Ver kominn með örugga forystu en
hálft stig var á milli þeirra Magn-
úsar yngri í öðru sæti og Jóns Val-
geirs í þriðja.
Á leiðinni heim í rútunni var ég að
drepast í löppinni, enda hafði lækn-
irinn sagt mér að liggja í rúminu en
ekki að hendast um Vestfirði. Magn-
ús yngri var svo yndislegur að gefa
mér bólgueyðandi og verkjalyf og
bjargaði mér alveg. Þessi elska.
Nú var aðeins einn dagur eftir. Ég
hef ekki tölu á þeim hjartaáföllum
sem ég var þegar búin að fá, en ég
mátti bara alls ekki vera að því að
deyja. Það væri nú líka algert tillits-
leysi af áhorfanda að geispa golunni í
miðri keppni.
Þriðji og síðasti dagurinn hófst
með sundlaugargrein á Suðureyri.
Þar varð Grétar í öðru sæti og
Magnús yngri í þriðja. Otri heyrði
ekki þegar flautað var til keppni
milli hans og Magnúsar Vers og tap-
aði þar með tíma. Hann náði samt
góðum tíma og fjórða sæti og ekki er
gott að segja hvar hann hefði lent ef
hann hefði ekki verið svona óhepp-
inn.
Þyngsti maðurinn
valhoppaði
Svo var það Ísafjörður enn og aft-
ur þar sem lokahrinan fór fram.
Fyrri greinin þennan dag var uxa-
ganga. Þá gangast keppendur undir
það að ganga með 320 kg ok tiltekna
vegalengd á sem stystum tíma.
Þarna kom Grétar Guðmundsson
verulega á óvart. Þessi þyngsti mað-
ur keppninnar bara valhoppaði eins
og ekkert væri og lenti í öðru sæti.
Áhorfendur hreinlega gleymdu að
hvetja hann, enda virtist hann svo
sem ekkert þurfa á því að halda. Jón
Valgeir varð þriðji.
Ekki veit ég hvað kom fyrir Magn-
ús yngri. Hann virtist fara mjög illa
af stað og átti í miklum erfiðleikum.
Vitanlega hefði ég átt að gleðjast yf-
ir óförum hans, þar sem hann var nú
einu sinni helsti keppinautur hans
Jóns, en ég bara gat það ekki. Það
var hræðilegt að horfa á þennan gíf-
urlega sterka mann nær sligast und-
an byrði sem hann að öllu jöfnu hefði
átt að fara létt með. Sökum með-
fæddrar afskiptasemi langaði mig að
hlaupa til hans og öskra; hættu
þessu, krakkaskömm, eins og log-
andi skot. Svipurinn á honum var þó
slíkur að hugleysið sigraði afskipta-
semina.
Ein grein eftir og Magnús Ver
orðinn sigurvegari. Það fór ekki á
milli mála. Hann notaði tækifærið
þarna og helgaði frænda sínum,
Magnúsi Frey Sveinbjörnssyni, sig-
urinn en Magnús Freyr var drepinn
á hrottalegan hátt í miðborg Reykja-
víkur fyrir skömmu. Þarna var
Verinu rétt lýst, enda drengur góð-
ur, og allir sem viðstaddir voru
keppnina voru minntir á að lífið er
ekki bara spennandi keppni og
skemmtilegheit, heldur á það svo
sannarlega sínar skuggahliðar.
Lokagreinin var hleðslugrein, að
hlaða tunnum upp á bílpall. Aðeins
hálft stig skildi þá að, Magnús
Magnússon og Jón Valgeir, um hvor
hlyti annað sætið. Þeir kepptu hvor á
móti öðrum og spennan var gífurleg.
Sem betur fer vissi ég ekki að sá sem
yrði í öðru sæti fengi þátttökurétt á
Sterkasta mann heims í Malasíu þá
um haustið, því þá væri ég örugglega
farin að stunda legsteinalyftu neðan
frá, nóg var nú spennan samt.
Jón og Magnús voru eins og
spenntir bogar þegar þeir hófu
keppni og voru hnífjafnir að sjá. Jóni
tókst þó að vera hálfri sekúndu á
undan Magnúsi og tryggði sér þar
með annað sætið. Mikið ofboðslega
var ég stolt og glöð. Þó verð ég að
segja að ég er ansi hrædd um að
þarna hafi Magnús fengið að gjalda
þrjóskunnar við að klára uxagöng-
una hvað sem tautaði og raulaði.
Engir þursar sem segja
döööö einu sinni í viku
Svo var bara allt í einu allt búið!
Ekki alveg samt. Um kvöldið fóru
allir á Hróa Hött þar sem keppend-
um og aðstandendum (mér líka) var
boðið upp á hlaðborð. Svo var haldið
í skólann þar sem haldið var eitt
heljarinnar lokapartí. Þeir, sem
halda að kraftakarlar séu einhverjir
þursar sem segi döööö einu sinni í
viku, þurfa endilega að lenda í svona
partíi. Kraftakarlar eru nefnilega
ekkert síður skemmtilegir en sterk-
ir. Svo eiga þeir allir afskaplega fal-
legar konur og ekki síðri börn svo ég
tel það alveg ljóst að við Íslendingar
séum öruggir með að halda áfram að
eiga fallegustu konurnar og sterk-
ustu karlana.
Nú sit ég og reyni að styrkja
hjarta- og æðakerfið fyrir næstu
keppni. Verst þykir mér að hafa ekki
átt fyrir farseðli til Malasíu – þótt
ekki væri nema aðra leiðina.
Ljósmyndir/JaFylkis
Íslenskir
kraftajötnar
Fimm íslenskir kraftlyftingamenn
tóku þátt í Vestfjarðavíkingnum
síðastliðið sumar. Meðal annars
var keppt í steinatöku á tunnur,
bóndagöngu, pokalyftingum á
krana, kasti yfir vegg, dekkja-
lyftu, uxagöngu og hleðslu. F.v.
Magnús Magnússon yngri, Guð-
mundur Otri, Grétar Guðmunds-
son, Jón Valgeir Williams og
neðsta myndin er af Magnúsi Ver
Magnússyni að setja met.
helgam@mbl.is
DAGLEGT LÍF
MORGUNBLAÐIÐ FÖSTUDAGUR 6. JÚNÍ 2003 C 3
Kringlunni, sími 588 1680.
Seltjarnanesi, sími 5611680.
iðunn
tískuverslun
MAC
gallabuxur
kvartbuxur
stuttbuxur
B-Complex
H
á
g
æ
ð
a
fra
m
le
ið
sla
A
ll
ta
f
ó
d
ýr
ir
Öflugur og
öruggur
FRÁ