Morgunblaðið - 07.06.2003, Blaðsíða 8

GRÍÐARLEGUR hávaði var í
körfuknattleikshöllinni í gær þegar
Ísland og Lúxemborg léku enda var
salurinn vel skipaður af skólabörn-
um sem skiptust á um að hvetja lið-
in. Íslensku leikmennirnir kunnu vel
að meta stuðninginn og tóku þátt
með skólabörnunum af varamanna-
bekk liðsins. Kristinn Óskarsson,
körfuknattleiksdómari, sem dæmir á
leikunum, sagði að svo margir áhorf-
endur kæmu ekki á úrslitaleik
kvennaliða í bikarkeppni KKÍ en um
500 áhorfendur voru á svæðinu í gær
– höllin rúmar um 1.000 áhorfendur.

PÉTUR Sigurðsson, fram-
kvæmdastjóri KKÍ, dreifði nælum
frá íslenska keppnishópnum til
stuðningsmanna liðsins og var
handagangur í öskjunni þegar börn-
in reyndu að ná sér í nælu þar sem
eftirspurnin var mun meiri en fram-
boðið hjá Pétri.

SKIPTA þurfti um net í körfu á
keppnisvellinum þegar Íslendingar
léku við Möltu í keppni karlaliða og í
gær þegar konurnar kepptu við
Lúxemborg tafðist upphaf síðari
hálfleiks þar sem leikklukkan var í
ólagi.

THIERRY Henry, sóknarmaður
Arsenal, telur nauðsynlegt fyrir lið-
ið að halda í Arsene Wenger sem
knattspyrnustjóra liðsins. Wenger
hefur að undanförnu verið orðaður
við Real Madrid. „Það er bráðnauð-
synlegt fyrir Arsenal að halda
Wenger. Hann er frábær þjálfari og
ég nýt þess virkilega að starfa með
honum og ég vil hafa hann áfram hjá
Arsenal,“ sagði Henry.
FÓLK
Lousia Ísaksen sigraði í 800 metraskriðsundi í gær en hún bætti
tíma sinn í greininni um 19 sekúndur
og kom í mark á
9.09,64 mínútum.
Jakob Jóhann
Sveinsson varð fjórði
í 1.500 metra skrið-
sundi en tími hans var 17.02,25 mín-
útur.
Hafdís Hafsteinsdóttir varð önnur
í 400 metra fjórsundi á tímanum
5.09,80, Erla Haraldsdóttir varð
fimmta á 5.35,03 mínútum, en fimm
keppendur syntu til úrslita.
Ómar Friðriksson varð þriðji í 400
metra fjórsundi á 4.45,21 mínútu en
Örn Arnarson varð síðastur í því
sundi á tímanum 5.07,84 mínútum.
Örn notaði þetta sund til þess að hita
upp fyrir 4x100 metra skriðsundið
sem var síðar um daginn. Hocaine
Haicane bætti mótsmetið um tvær
sekúndur sem var í eigu Arnar, en
nýja metið er 4.33,16 mínútur.
Kolbrún Kristjánsdóttir, Hafdís
Hafsteinsdóttir, Lousia Ísaksen og
Eva Hannesdóttir skipuðu íslensku
boðsundsveitina sem varð í öðru sæti
á eftir Lúxemborg í 4x100 metra
skriðsundi. Íslenska sveitin kom í
mark á tímanum 4.00,76 mínútum
eða rétt um sex sekúndum á eftir
Lúxemborg.
Karlasveit Íslands varð einnig í
öðru sæti í 4x100 metra skriðsundi
og var rétt á eftir sveit Kýpur sem
sigraði. Samanlagður tími þeirra
Guðlaugs Guðlaugssonar, Birkis
Jónssonar, Heiðars Marinóssonar og
Arnar Arnarsonar var 3.29,33 mín-
útur.
Morgunblaðið/Brynjar Gauti
Örn Arnarson, Birkir Jónsson, Guðlaugur Guðmundsson og Heiðar Marinósson fagna silfurverðlaununum í 4x100 metra skriðsundi.
Morgunblaðið/Brynjar Gauti
Hafdís Hafsteinsdóttir, Louisa Ísaksen, Eva Hannesdóttir og
Kolbrún Ýr Kristjánsdóttir. Silfur í 4x100 metra skriðsundi.
Louisa krækti í gull
FJÓRÐI og síðasti keppnisdagurinn í sundi á Smáþjóðaleikunum á
Möltu var í gær og náði Louisa Ísaksen einu gullverðlaunum gær-
dagsins í 800 metra skriðsundi, og þar að auki bættust við þrenn
silfurverðlaun og ein bronsverðlaun. Íslensku keppendurnir fengu
samanlagt 33 verðlaun á Smáþjóðaleikunum, þar af 11 gull-
verðlaun, 14 silfurverðlaun og 8 bronsverðlaun.
Sigurður Elvar
Þórólfsson
skrifar frá Möltu
Íslenskur kylf-
ingur í norska
landsliðinu
ÓFEIGUR Jóhann Guð-
jónsson, 23 ára Íslendingur,
hefur verið valinn í norska
karlalandsliðið í golfi sem tek-
ur þátt í Evrópukeppni lands-
liða sem haldin er í Hollandi í
byrjun júlí. Hann er efstur á
stigalista norskra kylfinga um
þessar mundir og var því sjálf-
krafa í liðinu ásamt Ole Krist-
ian Olsen, en landsliðsþjálf-
arinn, Pär Sundberg, valdi
síðan þrjá til viðbótar í liðið.
Ófeigur hefur verið búsett-
ur í Noregi undanfarin þrjú ár
og gerðist fyrir skömmu
norskur ríkisborgari til þess
að geta keppt fyrir hönd Nor-
egs og einbeitt sér betur að
golfinu. Hann sigraði á Ar-
endal Open-golfmótinu um
síðastliðna helgi og það
tryggði honum efsta sætið á
stigalistanum.
ÖRN Arnarson sundkappi keppti í
níu greinum á Smáþjóðaleikunum,
fékk fern gullverðlaun og þrenn silf-
urverðlaun. „Ég er bara þokkalega
ánægður með árangur minn og alls
sundliðsins, aðrar þjóðir hafa reynd-
ar bætt sig verulega og má þar
nefna flestar þjóðirnar og Andorra
fékk meira að segja gullverðlaun
hérna í sundinu og það held ég
örugglega að hafi ekki gerst áður.
Við erum enn með flest verðlaun
allra þjóða og getum því ekki kvart-
að,“ sagði Örn.
Varðandi árangur hans sjálfs
sagði kappinn: „Ég fékk fjögur gull
og þrjú silfur, við vorum dæmd úr
leik í einu boðsundi og svo synti ég
400 metra fjórsund áðan í rólegheit-
unum og varð næstsíðastur. Ég
tognaði í baki fyrir ekki löngu og því
var ákveðið að ég hitaði bara rólega
upp í fjórsundinu og tæki frekar á
því í boðsundunum.“
– Næstsíðastur? Er ekki langt
síðan þú hefur verið í þeirri stöðu?
„Jú, það er nú orðið eitthvað síð-
an,“ svarar sundkappinn brosandi.
Hann byrjar að synda sig niður eftir
tvær og hálfa viku en heimsmeist-
aramótið í sundi verður í Barcelona
á Spáni í lok júlí. „Það verður kær-
kominn tími að fara að keyra sig nið-
ur fyrir HM, ég er búinn að æfa
mjög mikið og tímabilið hefur verið
bæði langt og strangt,“ sagði Örn.
„Við erum enn á toppnum“
Leigubíla-
vandamál
á Möltu
ERFIÐLEGA gengur að
komast á milli keppnisstaða
á Möltu þar sem skipulag
rútuferða milli staða er ekki
nógu gott. Leigubílar eru af
skornum skammti og nú
þegar risastórt skemmti-
ferðaskip er í höfninni í
Valletta eru uppgrip hjá
leigubílstjórum, sem sjást nú
varla nema við höfnina þar
sem „aðalvertíðin“ er.