Morgunblaðið - 08.06.2003, Síða 39

FRÉTTIR
MORGUNBLAÐIÐ SUNNUDAGUR 8. JÚNÍ 2003 39
FYRIR nákvæmlega 10 ár-um, í júní árið 1993, hafðiMorgunblaðið þetta eftirÓmari Smára Ármanns-syni, aðstoðaryfirlög-
regluþjóni í Reykjavík:
„Við tökum yfirleitt eftir því að á vorin þegar
göturnar verða auðar, malbikið þornar og
sólin hækkar á lofti, eykst ökuhraðinn og
ökumenn eru með augun annars staðar en
fram undan sér. Þeir beina athygli sinni að
umhverfinu í kring og vilja gleyma sér …“
Þetta er að stórum hluta enn við
lýði áratug síðar, nema það að vet-
urinn kom bara aldrei að heitið
gæti að þessu sinni. Og ekki að það
bæti úr skák.
Umferðin hér á landi tók 257
mannslíf á árunum 1971–1980, 255
á árunum 1981–1990 og 226 á ár-
unum 1991–2000. Samtals eru
þetta 738 einstaklingar af holdi og
blóði, fólk sem var elskað heitt og
er nú sárlega tregað. Tíminn
læknar nefnilega engin sár, hann
einungis mildar, deyfir, gerir hlut-
ina bærilega, en sjaldnast meira en
það.
Seint mun ég þreytast á að rifja
upp orð Karls Sigurbjörnssonar
biskups, frá 26. júlí árið 2000, sem
hann mælti í tilefni afhjúpunar
mannvirkisins um fórnarlömb um-
ferðarslysa á Íslandi, í Svína-
hrauni, milli Reykjavíkur og
Hveragerðis. Hér er um að ræða
pall með tveimur bifreiðum, sem
lent hafa í árekstri.Þar var líka
komið fyrir áberandi skilti, þar
sem við blasir kross, svartur að lit,
og í hann er fest tala látinna, eins
og hún er frá einum degi til annars.
Biskup gerði þarna að umtalsefni
töluna á skiltinu; hún var þá 15, en
átti eftir að hækka til muna og
enda í 24 á áramótum. Hann bað
áheyrendur um að hafa það hug-
fast, að merkið í krossinum væri
ekki bara tala, heldur annað og
meira. Og orðrétt sagði hann m.a.:
„Á bak við þessa tölu eru mannslíf, mann-
eskjur, ungar og gamlar, konur og karlar,
fólk eins og þú og ég, fólk sem beið bana í
slysum á götum og þjóðvegum landsins á
þessu yfirstandandi ári. Þetta var fólk með
sín sérkenni, sína sögu, hæfileika, væntingar,
drauma.
Að baki þessari tölu er saga, örlög, oft mikil
skelfing, sársauki og kvöl. Og síðast en ekki
síst sorg þeirra sem eftir lifa og þurfa að lifa
við söknuðinn og missinn og sár sem seint
eða aldrei gróa. Á bak við þessa tölu er líka
fólk sem lifði af, en berst við afleiðingar slysa
sem hefðu ekki átt að verða.
Nei, þetta er ekki bara tala, alltof há tala,
þetta er fólk, einstaklingar, þar sem hver og
einn er óendanlega mikils virði. Og þetta er
áminning til okkar allra, hvar sem við erum
og hvar sem við erum á ferð; við getum ekki
og við megum ekki sætta okkur við þetta.
Þessum mannfórnum á vegunum verður að
linna. Leggjum okkur fram um það hvert
fyrir sig að stöðva þessa óheillaþróun. Það
þarf samstillt þjóðarátak. Við þurfum að
gera okkur grein fyrir því hvert og eitt að við
höfum það í okkar valdi. Það sem þarf er að
hvert og eitt okkar göngum fram með það að
leiðarljósi sem gullna reglan segir: „Allt sem
þér viljið að aðrir menn gjöri yður, það skul-
uð þér og þeim gjöra“. Sú tillitssemi sem þú
vilt að þér sé sýnd á veginum, sýndu hana. Sú
aðgæsla sem þú vilt að aðrir sýni, þar sem
þeir eru á ferð, sýndu hana sjálfur.“
Eins og allir vita hafði biskup
rétt fyrir sér; þetta er ekki bara
ópersónuleg tala í krossinum, held-
ur á bak við hana mannslíf, ein-
staklingar, þar sem hver og einn er
óendanlega mikils virði. Og á bak
við hana eru líka grátandi hjörtu.
Fimm árum áður, hinn 4. júní
árið 1995, sagði aukinheldur í rit-
stjórnargrein Morgunblaðsins:
Ævi sérhvers manns er vegferð, sem vanda
verður. Hún lýtur, ef grannt er gáð, hlið-
stæðum lögmálum um aðgát og tillitssemi við
náungann sem aðrar vegferðir. Aðgátar er
þörf í nærveru sálar, í umgengni við fólk og
lífríki jarðar. Það sem mestu máli skiptir fyr-
ir hamingju og velferð manna á lífsleiðinni er
að kærleikurinn nái að móta hugarfar þeirra,
bæði sem einstaklinga og heildar; að þeir
virði þær samskiptareglur sem kristinn boð-
skapur hefur fært þeim í hendur.
Allt er þetta á sömu nótum.
Hugarfarið, samskiptamynstrið,
er það sem verður að bæta, til þess
að gera okkur lífið öruggara og
tryggara. Okkur ber, m.ö.o., að
virða bæði umferðarreglur lífsins
sem og þjóðarinnar.
Elskurnar mínar, akið nú með
sérstakri gát um vegi og götur
landsins í dag og á morgun. Ekki
hverfa á brott ótímabært af þess-
ari jörð og úr þessum heimi fyrir
verkan eigin glæfraaksturs eða
annarra. Þið eruð allt of dýrmæt,
ættingjum, vinum og kunningjum.
Komið heil á leiðarenda. Það er
fólk sem bíður ykkar og treystir á
að fá að sjá ykkur aftur og hafa
með sér á komandi árum.
Ekki verða aðalfrétt helg-
arinnar. Sú á að fjalla um heilagan
anda, þriðju persónu guðdómsins,
og afmæli kristindómsins, sem er í
dag. Þetta er hátíð gleði, en ekki
sorgar.
Í Guðs friði og með kveðju og
ósk um góða hvítasunnudaga,
slysa- og ofbeldislausa.
Morgunblaðið/Ásdís
Aðalfrétt
helgarinnar
Ein af þremur stórhátíðum kirkjuársins er
runnin upp. Hún er jafnframt ein mesta um-
ferðarhelgi ársins. Sigurður Ægisson óskar
landsmönnum Guðs blessunar og hvetur veg-
farendur jafnframt til að sýna ítrustu gætni í
dag og á morgun.
sigurdur.aegisson@kirkjan.is
Páll Höskuldsson - sími 864 0500
pall@remax.is Viggó Jörgensson lögg. fastsali
Heimilisfang: Gautavík 11.
Stærð eignar: 116,4 fm.
Bílskúr: 31,6 fm.
Brunabótamat: 17,8 millj.
Byggingarár: 1996.
Áhvílandi: 0 millj.
Verð: 18,9 millj.
Falleg eign í Víkurhverfi - Grafarvogi.
Sérlega smekkleg 4ra herbergja 116,4
fm íbúð ásamt 31,6 fm bílskúr. Íbúðin
er á jarðhæð í fallegu viðhaldsfríu 2ja
hæða húsi. Gengið er úr stofu út á
sérverönd og suðurgarð. Þetta er
glæsieign sem vert er að skoða
Páll Höskuldsson, sölufulltrúi
Re/max, tekur á móti
gestum frá kl. 14-16.
OPIÐ HÚS - Gautavík 11
Ingólfur G. Gissurarson, logg. fast. - www.valholl.is - Opið virka daga frá kl. 9-17.30.
Uppl. veitir Magnús Gunnarsson, s. 588 4477 eða 822 8242.
Nýtt á skrá: Til sölu/leigu samtals 1.000 fm tveir eignahlutar 706 fm á tveimur hæðum, innréttaðir sem
aðgerða- og læknastofur. Einnig 294 fm á annarri hæð, innréttaðir fyrir sjúkraþjálfun og skrifstofur.
Mjög góð staðsetning, mjög góð aðkoma. Mögulegur byggingarréttur. Verð tilboð.
ÁLFTAMÝRI/TIL SÖLU/LEIGU
Suðurlandsbraut 54,
við Faxafen, 108 Reykjavík.
Sími 568 2444, fax 568 2446.
Ingileifur Einarsson lögg. fasteignasali.
Til sölu einbýlishúsið við Þrúðvang 29,
Hellu. Húsið er steinsteypt 131 fm að
stærð og skiptist m.a. í 3 góð
svefnherbergi, eldhús með borðkrók,
þvottaherb., baðherbergi, hol og stóra
stofu. Vandaðar innréttingar.
Húsið stendur á mjög fallegum
útsýnisstað alveg við ánna.
Stór og falleg ræktuð lóð.
LANDSBYGGÐIN
Þrúðvangur 29, Hellu
HUGVEKJA
Bridsdeild Félags eldri
borgara í Reykjavík
Tvímenningskeppni spiluð í Ás-
garði í Glæsibæ mánud. 2. júní 2003.
Spilað var á 8 borðum.
Meðalskor 168 stig.
Árangur N-S.
Sæmundur Björnss. – Olíver Kristóf. 200
Sigtryggur Ellerts.– Þórarinn Árnason 189
Július Guðmundss. – Rafn Kristjánss. 182
Árangur A-V.
Eysteinn Einarsson – Magnús Oddsson 204
Albert Þorsteinsson – Bragi Björnsson 186
Ingibjörg Stefánsd. – Jóhann Lútherss. 179
Tvímenningskeppni spiluð fimmt-
ud. 5. júní. Spilað var á 7 borðum.
Meðalskor 168 stig.
Árangur N-S.
Sigtryggur Ellertss. – Þórarinn Árnas. 201
Halldór Magnússon – Þórður Björnsson 187
Eysteinn Einarsson – Magnús Oddsson 183
Árangur A-V.
Alda Hansen – Jón Lárusson 192
Jón Karlsson – Valur Magnússon 179
Björn E. Pétursson – Kristján Ólafsson 172
Félag eldri borgara
í Hafnarfirði
Spilað var hjá eldri borgurum í
Hafnarfirði þriðjudaginn 2. júní
2003.
Úrslit urðu þessi.
Norður/suður-riðill
Kristján Ólafsson – Ólafur Gíslason 120
Árni Bjarnas. – Þorvarður S. Guðm. 118
Jón Pálmason – Sverrir Jónsson 102
Austur/vestur-riðill
Árni Guðmundsson – Hera Guðjónsd. 113
Sófus Berthelsen – Sigurður Hallgr. 111
Jón Ól. Bjarnas. – Jón Rafn Guðm. 95
BRIDS
Umsjón Arnór G.
Ragnarsson
SKÁKFÉLAGIÐ Hrókurinn og
Edda útgáfa hf. munu halda áfram
samstarfi sínu og dreifa bókinni
Skák og mát eftir Anatoly Karpov
til grunnskólabarna. Í vetur hefur
bókinni verið dreift til allra þriðju-
bekkinga í grunnskólum landsins.
Skák og mát er kennslubók í
skák, allt frá grunni og að flóknum
leikfléttum. Bókin er myndskreytt
af listamönnum Walt Disney og
teiknimyndapersónur aðstoða les-
endur við að kynnast skákinni. Til-
gangur bókagjafanna er að stuðla
að auknu skáklífi í grunnskólum en
að sögn Hrafns Jökulssonar, for-
seta Hróksins, hefur árangurinn í
vetur farið langt fram úr vonum.
Hrókurinn og Edda útgáfa hf. munu halda áfram samstarfi
Árangurinn
vonum
framar
Nemendur í 3. bekk í Ingunnarskóla með bókina Skák og mát.