Morgunblaðið - 08.06.2003, Síða 49

Trujillo í brimbrettaferð til Los Ang-
eles. Fjórir bassaleikarar voru reynd-
ir og allir, að Bob Rock meðtöldum,
voru með það á hreinu að Trujillo
væri rétti maðurinn. Og hann var
samstundis innlimaður í Metallicu-
fjölskylduna, gerður að félaga í Met-
allicu-stofnuninni, fékk sæti í stjórn
Metallicu, þar sem hið eina sanna lýð-
ræði, fullkomið jafnrétti er haft í
heiðri. St. Anger er nefnilega fyrsta
plata sveitarinnar þar sem liðsmenn
sömdu öll lögin saman allt niður í ein-
staka hljóma og orð – en fram að því
hafði sú ábyrgð að mestu hvílt á Hetf-
ield .
Naflaskoðunin, endurnærður vin-
skapur Hetfields, Ulrichs og Hamm-
etts, fyrirmæli Bobs Rocks, liðs-
styrkur nýja bassaleikarans og
lýðræðisskipanin nýja gáfu þann
ávöxt, að sögn allra, að aldrei fyrr
hafði verið eins auðvelt að gera plötu.
Öll neikvæðnin sem gegnsýrt hafði
samstarfið allt frá upphafi var á bak
og burt og í staðinn var uppbyggileg
gagnrýni og gagnkvæm virðing höfð í
heiðri – einkunnarorð endurhæfðra,
þroskaðra og upplýstra manna.
Bræðralag
En þrátt fyrir alla þessa jákvæðu
strauma sem ríktu við gerð plötunnar
þá reyndist útkoman kannski reið-
asta og háværasta plata sveitarinnar
frá ... And Justice For All, eins og
nafn plötunnar, St. Anger, og tit-
illagið sjálft gefa greinilega til kynna.
Þeir segjast vel meðvitaðir um það
og Ulrich segir orðið „anger“ eða
„reiði“ lýsa best þeim 75 mínútum af
tónlist sem platan samanstendur af.
„En það er ekki þar með sagt að þessi
kraftur sem hún býr yfir þurfi að vera
neikvæður. Platan er einfaldlega upp-
full af áleitinni reiði, geðshræringu og
fítonskrafti. Titillinn finnst mér því
frábær og gefa vel til kynna stemn-
inguna á þessari plötu.“
Það var Hetfield sem datt niður á
þennan viðeigandi titil. Það var við
upptökur sem hann rak augun í nisti
sem Hammett bar um hálsinn og
spurði hann út í það. Hammett sagði
það mynd af heilögum Kristófer (St.
Christopher), verndara ferðalanga,
nisti sem hann fengi sálarró af að
bera er hann bærist milli báranna á
brimbretti sínu. Þá á Hetfield að hafa
sagt út í bláinn „St. Anger“ sem gæti
útfærst „heilög reiði“ á íslensku. Og
Hammett stökk um leið á nafnið og
sagði það steinliggja. Upp frá því var
platan aldrei kölluð neitt annað.
Til stendur að fylgja eftir St. Anger
með því að gera víðreist um gervallan
heiminn og markmið sveitarinnar er
að leika í eins mörgum löndum og
mögulegt er.
„Þetta bræðralag er orðið það öfl-
ugt og við viljum endilega fá að sýna
hversu vel stemmd Metallica er um
þessar mundir.“
Í Bandaríkjunum mun sveitin spila
ásamt öðrum rokksveitum undir yf-
irskriftinni Summer Sanatorium
ásam Limp Bizkit og Linkin Park
m.a. „Þetta eru sveitir sem ég ber
mikla virðingu fyrir. Þeir taka allar
eftirhermurnar sem fylgt hafa í kjöl-
farið gjörsamlega í nefið,“ segir Lars
Ulrich.
skarpi@mbl.is
St. Anger er komin út.
FÓLK Í FRÉTTUM
MORGUNBLAÐIÐ SUNNUDAGUR 8. JÚNÍ 2003 49
HANNIBAL Lecter,
morðóður maður
með tilhneigingu til
að borða fórnarlömb
sín, og hugsjónamað-
urinn og lögfræðing-
urinn Atticus Finch,
eru í efsta sæti yfir
illmenni og hetjur
kvikmyndasögunnar,
samkvæmt Banda-
rísku kvikmynda-
stofnuninni, AFI.
Anthony Hopkins
lék geðlækninn Lect-
er í Lömbin þagna
(Silence of the
Lambs) frá 1991 og
tveimur framhalds-
myndum en Gregory
Peck var í hlutverki
samviskusama lögfræðingsins
Finch í Hermikráka drepin (To
Kill a Mockingbird) frá árinu
1962. Báðir unnu þeir til ósk-
arsverðlauna fyrir leik sinn.
Næstmesta hetjan er Indiana
Jones í Leitin að týndu örkinni
(Raiders of the Lost Ark), sem
Harrison Ford lék við góðan orð-
stír. Í þriðja sæti kemur síðan
James Bond (Sean Connery) í Dr.
No frá 1962, sem var greinilega
gott ár fyrir góðmenni. Rick
Blaine (Humphrey Bogart) úr
Casablanca frá 1942 skipar fjórða
sætið.
Konur eru líka vondar
Af illmennum er líka nóg að
taka í kvikmyndum og fær Norman Bates (Anthony Perkins) úr
Psycho frá árinu 1960 heiðurinn af því að vera næstmesta illmenni
kvikmyndasögunnar. Enginn annar en Svarthöfði úr annarri Stjörnu-
stríðs-myndinni, sem gerð var (Star Wars – The Empire Strikes Back)
frá árinu 1980, lendir svo í þriðja sæti enda hefur það aldrei þótt góð-
ur kostur fyrir föður að reyna að fá son sinn til liðs við myrkraöfl.
Konur fá smá pláss á lista yfir hetjur og illmenni því Hin illa norn
vestursins úr Galdrakarlinum frá Oz (The Wizard of Oz) frá árinu
1938 og hjúkrunarkonan Mildred Ratched (Louise Fletcher) úr Gauks-
hreiðrinu (One Flew Over the Cuckoo’s Nest) fylgir fast á hæla henn-
ar.
Listi Bandarísku kvikmyndastofnunarinnar var gerður eftir að 1.500
leikarar, leikstjórar, gagnrýnendur og kvikmyndasagnfræðingar kusu
100 óþokka og góðmenni úr 400 tilnefningum.
Hundur, hákarl og tölva
Einnig komust á hetjulistann anstæðingur Lecters, FBI-rannsókn-
arlögreglumaðurinn Clarice Starling (Jodie Foster), T.E. Lawrence í
Arabíu-Lawrence (Lawrence of Arabia), Spartacus, Superman og Bat-
man í samnefndum myndum. Ein óvenjuleg hetja að því leytinu til að
hún er ekki mennsk komst í 39. sæti listans en það var Lassie í mynd-
inni Lassie komdu heim (Lassie Come Home).
Af fleiri óþokkum sem komust á illmennalistann voru Regan Mac-
Neil í Særingarmanninum (The Exorcist) og drottningin illa í Mjallhvít
og dvergunum sjö (Snow White and the Seven Dwarfs). Ómennskar
verur komust líka á illmennalistann því þar var að finna hákarlinn í
Ókindinni (Jaws) og tölvuna HAL 9000 í 2001: Geimferðin (2001: A
Space Odyssey).
Mestu illmenni og hetjur
Anthony Hopkins í hlutverki
Hannibals Lecters í Lömbin þagna.
Harrison Ford í hlutverki sínu sem fornleifafræð-
ingurinn og ævintýramaðurinn Indiana Jones.
kvikmyndasögunnar valin
Presslink
Hannibal
Lecter og
Indiana Jon-
es ofarlega