Morgunblaðið - 10.06.2003, Blaðsíða 12

VIÐSKIPTI/ATHAFNALÍF
12 ÞRIÐJUDAGUR 10. JÚNÍ 2003 MORGUNBLAÐIÐ
Fræðslufyrirlestur
Stafganga - Nordic walking
Stafganga eða Nordic walking á rætur sínar að rekja til Finnlands og er stunduð af
milljónum manna og kvenna um heim allan. Þetta er hreyfing, sem hentar jafnt ungum
sem öldnum, trimmurum sem og keppnisfólki. Stafganga hefur einnig verið mikið not-
uð sem sem hluti af endurhæfingu, t.d. baksjúklinga og hjartasjúklinga.
Tími: Þriðjudagurinn 10. júní kl. 17:00 - 19:00
Staður: Íþróttamiðstöðin í Laugardal, 3. hæð
Cris Griffin, sjúkraþjálfari, mun kynna niðurstöður rannsókna, sem gerðar hafa verið á
áhrifum stafgöngu fyrir heilsu fólks. Hvernig getur fólk í misgóðu líkamsástandi og á
mismunandi aldri nýtt stafgöngu sér til ánægju og heilsubótar.
Hvernig nýtist stafganga sem endurhæfing?
Jóna Hildur Bjarnadóttir, íþróttakennari og þjálfari hjá Almenningsíþróttadeild
Fram, greinir frá reynslu sinni af þjálfun tilraunahóps Kvennahlaups ÍSÍ í stafgöngu.
Aki Karihtala forseti Alþjóða stafgöngusambandsins kynnir sambandið og starfsemi
þess.
Í lokin verður þátttakendum boðið út fyrir þar sem farið verður yfir grunntækni í
stafgöngu.
Fyrirlestrarnir eru á ensku (Chris og Aki) og opnir öllu áhugafólki um heilsueflingu al-
mennings s.s. læknum, hjúkrunarfræðingum, sjúkraþjálfurum, íþróttafræðingum,
íþróttakennurum og þjálfurum.
Þátttaka er án endugjalds!
Hlíðasmári 1-3
Til leigu/sölu
Stórglæsilegt verslunar- og skrifstofuhúsnæði á besta stað í Smáranum í
Kópavogi. Um er að ræða allt að 8.000 fm. Hvort hús um sig ca 4.000 fm.
Möguleiki á að skipta í minni einingar. Næg bílastæði. Frábært útsýni. Sér-
lega vönduð og fullbúin sameign.
Allar nánari uppl. gefur Andres Pétur eða Ellert Bragi á skrifstofu.
FYRIRTÆKI verða að vera ábyrg
og mega aldrei gera ráð fyrir að
stjórnvöld setji þeim reglur til að
fara eftir,“ segir Maria Livanos
Cattaui, aðalritari Alþjóðaverslun-
arráðsins (ICC) sem er væntanleg
hingað til lands á morgun.
Cattaui kemur til Íslands í boði
Landsnefndar ICC í tilefni af 20
ára afmæli nefndarinnar. Starfsemi
ICC teygir anga sína til 140 landa
og fjöldi fyrirtækja í heiminum eru
aðilar að samtökunum. Cattaui,
sem er grísk að uppruna en sviss-
neskur ríkisborgari, kemur fram
fyrir hönd samtakanna og starfar í
raun sem framkvæmdastjóri
þeirra. Formaður samtakanna er
Frakkinn Jean-René Fourtou, for-
stjóri Vivendi Universal. ICC eru
84 ára gömul samtök og hafa í
gegnum tíðina unnið að því að sam-
ræma reglur og búa til ýmsa staðla
svo viðskipti milli fyrirtækja
heimsins geti gengið á sem skil-
virkastan hátt. Cattaui vill þó ekki
gera of mikið úr hlutverki samtak-
anna sjálfra.
Umbætur komi innan frá
Í samtali við Morgunblaðið sagði
Cattaui að hegðun fyrirtækjanna
sjálfra skipti höfuðmáli „ICC telur
almennt séð að meiri árangri sé
hægt að ná með því að setja þrýst-
ing á fyrirtæki og hvetja þau til að
ganga lengra en lög og reglugerðir
segja til um. Ekki fara bara eftir
reglunum og láta þar við sitja held-
ur gera enn betur. Raunar teljum
við að of mikið af reglugerðum frá
stjórnvöldum auki á hættu á spill-
ingu og óstjórn hjá fyrirtækjum.
Við teljum best að gera umbætur
innan frá. Við teljum mikilvægt að
stuðla að því að fyrirtækin hegði
sér og starfi af ábyrgð. Þess vegna
teljum við að þrýstingur innan frá
og frá neytendum sé meira virði en
reglugerðir.
Við einbeitum okkur ekki sér-
staklega að hlutverki ICC heldur
hlutverki fyrirtækja. Við skoðum
hver er ábyrgð fyrirtækja og
hvernig þau eiga að hegða sér í
samfélaginu til að starf þeirra skili
sem mestu. Um þetta er búið að
setja alþjóðlegan staðal handa fyr-
irtækjum. Þau geta sjálf haft áhrif
á staðalinn með því að taka virkan
þátt í samtökunum,“ segir Cattaui.
Fjallar um aukna
hagsæld á Íslandi
Cattaui hyggst leggja áherslu á
þrennt í erindi sínu hér á landi. „Í
fyrsta lagi ætla ég að segja frá því
mikilvæga starfi sem ICC er að
vinna um allan heim.“ ICC starfar
náið með alþjóðastofnunum eins og
Sameinuðu þjóðunum að því meðal
annars að samræma reglur um við-
skipti á milli landa, stemma stigu
við spillingu og minnka hindranir á
flæði upplýsinga, vöru og þjónustu
milli markaða.
„Annað svið sem mig langar að
fara inn á er hlutverk og ábyrgð
fyrirtækja á öld alþjóðlegs hag-
kerfis. Ábyrgð fyrirtækjanna og
góðir stjórnunarhættir koma þar
við sögu. Auk þess legg ég áherslu
á að skýra hlutverk fyrirtækja og
hlutverk stjórnvalda. Það er mik-
ilvægt að fyrirtæki séu ábyrg og
setji sér sínar eigin leikreglur en
geri ekki ráð fyrir að stjórnvöld
setji þeim þær. Raunverulegur
styrkur fyrirtækja sprettur upp úr
þeirra eigin starfi, þótt ytri reglur
skipti einnig máli.
Þriðja málið sem ég myndi vilja
skoða er það hvernig atvinnulífið á
Íslandi getur tekið virkari þátt í
starfi ICC og hvernig hægt er með
því að auka hagsæld á Íslandi.“
Cattaui segir ICC ekki tjá sig
um mál einstakra fyrirtækja heldur
séu málin sett í alþjóðlegt sam-
hengi. Við lítum almennt á hvað
fyrirtæki geta gert til að bæta
stöðu sína og skoðum sérstaklega
hvernig það á við á Íslandi,“ segir
Maria Livanos Cattaui.
Starfaði við ritstjórn
Britannica
Cattaui hlaut menntun sína við
Harvard-háskólann í Bandaríkjun-
um. Hún situr í fjölmörgum stjórn-
um víðsvegar um heim, m.a. the El-
liot School of International Affairs
(George Washington University)
og í stjórn the London Symphony
Orchestra. Áður en hún tók við
starfi aðalritara hjá ICC hafði hún
meðal annars starfað sem einn af
ritstjórum Encyclopaedia Britann-
ica og sem ritstjóri hjá Time-Life
Books.
Cattaui heldur erindi yfir hátíð-
arkvöldverði ICC á Íslandi í Grill-
inu á morgun. Cattaui hefur ritað
fjölda bóka og greina og er vinsæll
fyrirlesari um heim allan.
Aðalritari Alþjóðaverslunarráðsins, Maria Livanos Cattaui, á Íslandi
Ábyrgð fyrirtækja mikilvæg-
ari en reglugerðir stjórnvalda
„Of margar reglugerðir auka
hættu á spillingu og óstjórn hjá fyr-
irtækjum,“ segir Maria Livanos
Cattaui, aðalritari ICC.
ÞRJÚ stærstu skipafélög heims
sem stunda skemmtisiglingar,
P&O, Princess Cruises og Carnival
Cruises, hafa sameinast undir nafn-
inu Carnival Corporation & Carniv-
al plc.
Hið nýja fyrirtæki er hið stærsta
í heiminum á sínu sviði og sameinar
rekstur alls 13 skipafélaga með 66
skemmtiferðaskip og gistingu fyrir
100 þúsund manns, auk þess sem í
smíðum eru á þeirra vegum 17 ný
skip með rúm fyrir 42 þúsund far-
þega.
Á síðasta ári fluttu skip hins
sameinaða félags hátt í fimm millj-
ón farþega á leiðum sínum um
heimshöfin.
Samkvæmt fréttatilkynningu frá
hinu sameinaða félagi verður
Carnival Corporation & Carnival
plc. eina félagið í heiminum til að
vera bæði í S&P 500 hlutabréfa-
vísitölunni bandarísku og hinni
bresku FTSE 100 vísitölu.
Umboðsmaður hins sameinaða
félags á Íslandi er Heimsklúbbur-
inn-PRÍMA.
Þrjú félög
í skemmti-
siglingum
sameinast
GJALDEYRISFORÐI Seðlabank-
ans dróst saman um 1,6 milljarða
króna milli mánaða og nam 36,9 millj-
örðum króna í lok maí (jafnvirði 518
milljóna Bandaríkjadala á gengi í
mánaðarlok). Erlend skammtímalán
bankans lækkuðu í mánuðinum um
1,2 milljarða og námu þau 9,9 millj-
örðum króna í lok hans. Í frétt frá
Seðlabankanum kemur fram að
Seðlabankinn keypti gjaldeyri á inn-
lendum millibankamarkaði fyrir 2,8
milljarða króna í maí, og er það í sam-
ræmi við áætlun hans um aðgerðir til
að styrkja gjaldeyrisstöðu sína.
Þrátt fyrir þessi gjaldeyriskaup
lækkaði gjaldeyrisforðinn og er það
rakið til lánahreyfinga ríkissjóðs,
lækkunar á erlendum skammtíma-
lánum bankans og styrkingar krón-
unnar en gengi íslensku krónunnar
hækkaði um rúmlega 1% í maí.
Markaðsskráð verðbréf í eigu
bankans námu 4,3 milljörðum króna í
maílok miðað við markaðsverð. Þar
af námu markaðsskráð verðbréf rík-
issjóðs 1,2 milljörðum króna. Kröfur
Seðlabankans á innlánsstofnanir
lækkuðu um 4,7 milljarða króna í maí
og námu 66,3 milljörðum króna í lok
mánaðarins. Kröfur á aðrar fjár-
málastofnanir lækkuðu um hálfan
milljarð króna og námu 7,9 milljörð-
um króna í mánaðarlok. Nettókröfur
bankans á ríkissjóð og ríkisstofnanir
hækkuðu um eitt hundrað milljónir í
maí og námu nettóinnstæður ríkis-
sjóðs 25,8 milljörðum króna í lok
mánaðarins. Grunnfé bankans lækk-
aði í maí um 4,2 milljarða króna og
nam það 32,6 milljörðum króna í
mánaðarlok.
Erlend skamm-
tímalán Seðla-
bankans lækka