Morgunblaðið - 10.06.2003, Blaðsíða 13
VIÐSKIPTI
MORGUNBLAÐIÐ ÞRIÐJUDAGUR 10. JÚNÍ 2003 13
BRESKIR fjölmiðlar fylgjast náið
þessa dagana með mögulegri yfirtöku
Baugs á bresku leikfangakeðjunni
Hamleys. Verð hlutabréfa Hamleys
hefur hækkað mjög í kjölfar umræð-
unnar og var lokaverð Hamleys 193,5
pens í gær.
Á baksíðu Financial Times í gær
veltir blaðamaðurinn Sophy Buckley
fyrir sér áhuga tveggja af þeim þrem-
ur sem nefndir hafa verið til sögunnar
sem mögulegir kaupendur á leik-
fangakeðjunni, þeim Tim Water-
stone, stofnanda Waterstone-bóka-
búðanna, og Jóns Ásgeirs
Jóhannessonar, forstjóra Baugs, á því
að eignast Hamleys-leikfangakeðj-
una. Fyrirtæki sem ekki hefur gengið
sem skyldi að undanförnu.
Í greininni spyr hún sjálfa sig að
því hvort þeir séu einungis fullvaxin
börn sem enn elski leikföng eða þeir
telji sig geta snúið þróuninni við hjá
versluninni og breytt henni í arðbær-
an rekstur.
Fjöldi gesta ekki nóg
Í Financial Times kemur fram að
verslanir Hamleys séu heimsþekktar
og alls sæki um fjórar milljónir keðj-
una heim árlega. Það sé hins vegar
ekki nóg þar sem einungis 1,4 millj-
ónir gesta versli, aðrir komi til að
skoða þann töfraheim sem helsta
verslun Hamleys við Regent Street í
London þykir vera. Hamleys glími við
þann vanda að þurfa að reiða sig mjög
á ferðamenn en Hamleys tapaði
890.000 pundum á árinu 2001 vegna
samdráttar í ferðamannastraumi til
London í kjölfar atburðanna 11. sept-
ember. Keðjan hefur hins vegar ekki
birt uppgjör fyrir síðasta rekstrarár
sem lauk um mánaðamótin mars/apríl
sl.
Á fréttavefnum Timesonline í gær
kemur fram að Hamleys hafi skrifað
undir bindandi samkomulag um að
Baugur fjármagni kaupin á Hamleys
fyrir tvo af stjórnendum fyrirtækis-
ins, þá John Watkinsson aðalfram-
kvæmdastjóra og Ian Parker fjár-
málastjóra, en fyrir rúmum mánuði
var tilkynnt að stjórn Hamleys hefði
gefið þeim leyfi til að leita fjármagns
til að kaupa fyrirtækið. Sagt er að
þeir hafi gengið til samstarfs við Baug
eftir að hafa leitað hófanna hjá nokkr-
um fjárfestum.
Samkvæmt heimildum Morgun-
blaðsins hefur ekki verið gert neitt
bindandi samkomulag um sölu á
Hamleys enda liggi ekki fyrir form-
legt tilboð í verslunina.
Í Financial Times í síðustu viku
kom fram að Baugur Group væri að
undirbúa yfirtökutilboð í Hamleys í
samstarfi við John Watkinsson, aðal-
framkvæmdastjóra félagsins. Þar
kom fram að talið væri að tilboð
Baugs muni hljóða upp á allt að 46,2
milljónir sterlingspunda, eða 190 til
200 pens á hlut.
Í síðustu viku voru Tim Waterstone
og fjárfestingarfyrirtækið HgCapital
nefnd ásamt Baugi sem líklegir til-
boðsgjafar í Hamleys. Verslunin var
stofnuð árið 1760 af William Hamley.
Keðjan rekur fimm verslanir undir
Hamleys-vörumerkinu, 31 verslun
undir vörumerkinu Bear Factory auk
fjögurra annarra verslana.
Væntanleg
kaup á
Hamleys
vekja
athygli
Verslun Hamleys við Regent Street.
AUGLÝSINGADEILD netfang: augl@mbl.is, sími 569 1111