Morgunblaðið - 10.06.2003, Blaðsíða 36
MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 ÞRIÐJUDAGUR 10. JÚNÍ 2003 VERÐ Í LAUSASÖLU 190 KR. MEÐ VSK.
ALCOA hefur valið bandaríska fyr-
irtækið Bechtel og íslensku verk-
fræðisamsteypuna HRV til að
hanna og reisa Fjarðaál, nýtt álver
Alcoa í Reyðarfirði. HRV saman-
stendur af fyrirtækjunum Hönnun,
Rafhönnun og Verkfræðistofu Sig-
urðar Thoroddsen, VST. Sam-
kvæmt upplýsingum Morgunblaðs-
ins er vinna HRV við þetta verkefni
á næstu fjórum árum metin á nærri
tvo milljarða króna og gætu skapast
vel á annað hundrað ársverk við
hönnun álversins og eftirlit á fram-
kvæmdatíma. Alls er reiknað með
að bygging álversins skapi um 2.300
ársverk og síðar starfi 450 manns
við álverið sjálft.
Alcoa tilkynnti val sitt á verktök-
unum í gær og í fréttatilkynningu
segir m.a. að Bechtel og HRV muni
nýta sér þjónustu íslenskra verk-
taka og verkafólks við verkefnið að
því marki sem hægt sé. Bechtel
mun annast verkefnisstjórnun,
stjórn verkfræðiþáttarins og inn-
kaup frá áldeild sinni í Montreal í
Kanada. Að sögn Eyjólfs Árna
Rafnssonar, framkvæmdastjóra
Hönnunar, má jafnvel búast við að
Bechtel ráði til sín fleiri íslenska
undirverktaka, viðræður um það
hafi farið fram þar sem markmiðið
sé að hámarka hlut innlends vinnu-
afls eins og kostur sé. Hann segir
HRV-hópinn geta verið ánægðan
með að fá verkefnið en hörð sam-
keppni hafi farið fram á alþjóða-
markaði og einnig hér á landi.
Hann segir ennfremur að Bechtel
hafi lagt sig fram um að kynna sér
allar aðstæður hér á landi.
Fyrirtækin á bakvið HRV eru
ekki að starfa saman í fyrsta sinn.
Samsteypan varð upprunalega til
þegar Norðurál fór af stað á Grund-
artanga en hefur einnig komið að
undirbúningi álvers í Reyðarfirði
allt frá árinu 1997, fyrst með Norsk
Hydro og síðar Alcoa, nú síðast
vegna umhverfismatsvinnunnar.
Jarðvegsvinna í lok næsta árs
Vinna við hönnun verksmiðjunnar
hefst á síðari hluta þessa árs, jarð-
vegsframkvæmdir gætu hafist í lok
árs 2004 en ekki er gert ráð fyrir að
sjálf byggingarvinnan hefjist fyrr
en á síðasta fjórðungi ársins 2005.
Stefnt er að því að verksmiðjan
verði tilbúin síðari hluta árs 2007 og
er gert ráð fyrir að kostnaður verði
um einn milljarður bandaríkjadala
eða rúmlega 72 milljarðar króna.
Bechtel og íslensk fyrirtæki valin til að hanna og reisa álver Alcoa
Hönnun álversins gæti
skapað allt að 200 ársverk
BECHTEL er einkafyr-
irtæki og eitt hið þekkt-
asta í heimi á sviði verk-
fræði, byggingarstarfsemi
og verkefnastjórnunar.
Meðal helstu verkefna sem
það hefur komið nálægt er
Hoover-stíflan í Bandaríkjunum,
göngin undir Ermarsund milli
Bretlands og Frakklands, flug-
völlurinn í Hong Kong og nýlega
gerði Bechtel nærri 50 milljarða
króna samning við bandarísk
stjórnvöld um uppbyggingarstarf
í Írak.
Fyrirtækið var stofnað af
Warren A. Bechtel árið 1898 í
tengslum við lagningu
járnbrauta í Bandaríkj-
unum og er enn utan al-
menns hlutabréfamark-
aðar. Aðalforstjórinn,
Riley Bechtel, er lang-
afabarn stofnandans en
eigendur eru innan við 40 og
starfa allir hjá fyrirtækinu, jafnt
afkomendur Bechtels sjálfs sem
aðrir lykilstjórnendur. Meðal
þeirra sem sæti eiga í stjórn er
George Shultz, fv. utanríkis-
ráðherra Bandaríkjanna.
Hjá Bechtel starfa um 47 þús-
und starfsmenn í fleiri en 60
löndum víðs vegar um heim.
Vinnur við uppbyggingu í Írak
KÖRFUBOLTAMÖNNUM frá íþróttafélaginu Þór á
Akureyri var vel fagnað í Smáralindinni í gær eftir
að hafa rakið bolta á undan sér vel á sjöunda
hundrað kílómetra leið frá Egilsstöðum, annar hóp-
urinn norður um landið og hinn suður.
Körfuboltunum var „driplað“ hringinn í kringum
landið til stuðnings Regnbogabörnum, samtökum
gegn einelti. Þórsarar lögðu upp frá Egilsstöðum á
fimmtudag í tveim hópum og fór annar hópurinn
norðurleiðina en hinn suðurleiðina. Þeir mættust
svo við Rauðavatn og „dripluðu“ síðasta spölinn
saman.
Með þessari frækilegu ferð vildu þeir vekja at-
hygli á fjársöfnuninni, sem stendur nú yfir, og því
grettistaki sem þyrfti að lyfta gegn einelti. Það
rigndi bæði og blés á körfuboltakappana í byrjun en
um helgina batnaði veðrið og varð hið prýðilegasta.
Hátt í þrjár milljónir hafa safnast
Í gær höfðu hátt í 3 milljónir safnast en mark-
miðið með söfnuninni er að strax í haust verði til
nægilegt fjármagn til þess að hefja starfsemi í þjón-
ustumiðstöð Regnbogabarna fyrir börn af öllu land-
inu.
Söfnunin mun standa til mánaðamóta.
Morgunblaðið/Arnaldur
Þórsarar röktu körfuboltann síðasta spölinn að Smáralind í Kópavoginum um hádegisbilið í gær.
Rekja boltann síðustu metrana
„ÞEIR voru að ferja okkur frá
Kabúl yfir til Úsbekistan þar sem
skipt er um flugvél. Þeir tóku
helminginn í þessa rútu og ég var
svo heppinn að vera í seinni rút-
unni sem fór einum degi síðar,“
sagði Magnús Hartmann Gíslason,
íslenskur friðargæsluliði í Afgan-
istan, í samtali við Morgunblaðið,
en hermdarverkaárás var gerð á
fyrri rútuna á laugardag með þeim
afleiðingum að fjórir þýskir friðar-
gæsluliðar létust og tólf eru alvar-
lega slasaðir.
Magnús kom heim í fyrrakvöld
og verður hér á landi í tíu daga leyfi
áður en hann heldur aftur til frið-
argæslustarfa í Afganistan, en
hann hefur verið þar undanfarna
þrjá mánuði.
Hann sagði að um hefði verið að
ræða 32 manna rútu, en hópurinn
hefði verið ferjaður í tvennu lagi
með dags millibili út á flugvöllinn í
Kabúl. Þaðan hefði verið flogið
með þýskum herflutningavélum til
Úsbekistan og þaðan á herflugvöll í
Köln í Þýskalandi. Í fyrri rútunni
hefðu eingöngu verið þýskir frið-
argæsluliðar en í þeirri síðari fólk
af fleiri þjóðernum. Árásin hefði
verið gerð á leiðinni út á flugvöllinn
í Kabúl frá herstöðinni sem væri
höfuðstöðvar friðargæsluliðsins.
Hann sagði að mönnum hefði
brugðið illa við árásina, enda væri
um að ræða fyrstu skipulögðu
árásina á öryggisgæslusveitinar í
Afganistan. Áður hefðu sveitirnar
orðið fyrir óhöppum. Ekið hefði
verið á jarðsprengjur og skotið
hefði verið á sveitirnar af handa-
hófi, „en þetta er fyrsta skipulagða
árásin og menn hafa áhyggjur af
því ef þessu heldur fram, svona
sjálfsmorðsárásum,“ sagði Magn-
ús ennfremur.
Árásin fór þannig fram að bíl var
ekið upp að rútunni og hann
sprengdur í loft upp með fyrr-
greindum afleiðingum. Magnús
sagði að talið væri að í bifreiðinni
sem sprengd var í loft upp hefðu
verið um 130 kíló af TNT sprengi-
efni. Fjórir hefðu látist og tólf
væru alvarlega slasaðir, en allir
sem verið hefðu í rútunni hefðu
slasast eitthvað.
Magnús sagði að þetta væru
mjög slæmar fréttir og kæmu í
kjölfar þess að flugvél hefði farist
yfir Tyrklandi fyrir skömmu með
62 spænskum friðargæsluliðum
innaborðs sem hefðu verið á leið
heim til sín og einnig hefði þýskur
friðargæsluliði ekið á skriðdreka-
sprengju á léttum jeppa með þeim
afleiðingum að hann hefði látist og
félagi hans slasast.
Fjórir létust og tólf særðust í árás
á friðargæsluliða í Afganistan
„Heppinn að vera
í seinni rútunni“
Magnús með dóttur sinni Krist-
ínu Helgu við komuna til Kefla-
víkurflugvallar í fyrrakvöld.
GÓÐ síldveiði hefur verið nálægt
lögsögu Svalbarða undanfarna daga
en bátarnir byrjuðu að tínast inn til
löndunar á Austurlandi um helgina.
„Þetta er blönduð síld og það er
áta í henni,“ segir Guðmundur
Bjarnason, framkvæmdastjóri út-
gerðar hjá Síldarvinnslunni hf. í
Neskaupstað, en Beitir NK og Birt-
ingur NK komu þangað með full-
fermi á sunnudag, Beitir með um
1.150 tonn og Birtingur um 650
tonn, og fór síldin öll í bræðslu.
Skipin fóru út fyrir viku en sigl-
ingin á miðin tekur hátt í þrjá sólar-
hringa frá Neskaupstað. „Þeir tínast
í land einn af öðrum, en þeir þurfa
að sækja hana mjög langt og hún
þarf að fara að finnast nær. Við vit-
um af henni en hún er ekki búin að
þétta sig ennþá,“ segir Guðmundur.
Morgunblaðið/Ágúst Blöndal
Beitir NK og Birtingur NK lönduðu
síld í Neskaupstað um helgina.
Bátarnir að
tínast inn