Morgunblaðið - 10.06.2003, Blaðsíða 5

KNATTSPYRNA
MORGUNBLAÐIÐ ÞRIÐJUDAGUR 10. JÚNÍ 2003 B 5
JÓN Þórir Jónsson tók á laugar-
daginn við þjálfun 1. deildarliðs
Breiðabliks í knattspyrnu en Jör-
undi Áka Sveinssyni var þá sagt
upp störfum. Jörundur Áki hafði
þjálfað liðið í hálft annað ár en
hann tók við því eftir að það féll úr
úrvalsdeildinni haustið 2001.
„Við fengum aðeins sjö stig í
seinni umferðinni í fyrra og vorum
aðeins komnir með eitt stig eftir
fjóra leiki í ár, þannig að við töldum
að gera þyrfti breytingar. Okkar
samstarf við Jörund hefur verið
gott, og auðvitað er það ekki sjálf-
gefið að slæmt gengi sé alltaf þjálf-
aranum að kenna en við ákváðum
að fara þessa leið,“ sagði Magnús
Skúlason, formaður knattspyrnu-
deildar Breiðabliks.
Jón Þórir er 36 ára og lék um
árabil með Breiðabliki. Hann var
um skeið þjálfari og leikmaður Dal-
víkinga og síðan aðstoðarþjálfari
Breiðabliks, síðast fyrir þremur ár-
um. Fyrsti leikurinn undir stjórn
Jóns Þóris var á kunnuglegum slóð-
um fyrir hann, gegn Leiftri/Dalvík
í Ólafsfirði. Blikar náðu þar að
knýja fram sinn fyrsta sigur á tíma-
bilinu, 3:2, en þeir höfðu aðeins
skorað eitt mark í fyrstu fjórum
leikjunum í deildinni.
Magnús sagði að ekki væri frá-
gengið hve lengi hann yrði með lið-
ið. „Ef þetta fer vel af stað undir
hans stjórn liggur beint við að hann
haldi áfram, og við skoðum síðan
framhaldið í haust,“ sagði Magnús
við Morgunblaðið.
Jón Þórir með Breiðablik
í stað Jörundar Áka
Eyjólfur
heilsaði upp
á leikmenn
EYJÓLFUR Sverrisson, fyrr-
um fyrirliði íslenska lands-
liðsins, heilsaði upp á leik-
menn í morgunverði á Hótel
Loftleiðum fyrir leikinn á
móti Færeyingum. Eyjólfur
er fluttur heim til Íslands eft-
ir glæsilegan feril hjá Herthu
Berlín í Þýskalandi og hefur
komið sér fyrir í húsi sínu í
Kópavogi. Landsliðsþjálfar-
arnir Ásgeir Sigurvinsson og
Logi Ólafsson hafa ekki úti-
lokað að Eyjólfur taki þátt í
verkefnum landsliðsins síðar
á árinu og hafa rætt við hann
um þau mál. Eyjólfur gat
ekki gefið kost á sér í leikina
við Skota og Færeyinga
vegna meiðsla sem hafa verið
að hrjá hann meira og minna
undanfarna mánuði.
Uni lagði skóna á hilluna síðastasumar vegna þrálátra meiðsla
og starfar nú sem blaðamaður í
Þórshöfn. Hann er
annar markahæsti
leikmaður færeyska
landsliðsins í opin-
berum landsleikjum
frá upphafi, gerði sitt 8. og síðasta
mark í 1:0 sigri á Liechtenstein
snemma á síðasta ári. Aðeins Todi
Jónsson (9) hefur skorað fleiri mörk
fyrir Færeyjar gegn aðildarþjóðum
FIFA.
„Þetta var mjög skemmtilegur
leikur. Íslenska liðið var betra í
heildina en eftir að Færeyjar skor-
uðu datt leikur þess niður og ég var
farinn að halda að nú væri komið að
því að við myndum sigra Ísland.
Sóknarleikur okkar var hinsvegar
ekki nógu góður, liðið náði ekki að
skapa sér marktækifæri, nema
þetta eina, og nýtti það, sem er
ágætur árangur útaf fyrir sig.
Ég var farinn að reikna með jafn-
tefli, okkar fólk var byrjað að
syngja þjóðsönginn í stúkunni, en
svo kom markið. Úrslitin voru
vissulega sanngjörn en það var
mjög slæmt fyrir okkur að fá þetta
mark, svona á síðustu stundu. Við
vorum svo nálægt því að fá stig. Ég
sagði fyrir leikinn að þetta yrði góð-
ur dagur fyrir Færeyjar ef staðan
yrði jöfn fram á síðustu mínútu. Þá
gæti hvort liðið sem væri skorað og
unnið leikinn, og það var einmitt
það sem gerðist.“
Uni var sérstaklega ánægður
með fyrrverandi félaga sinn úr HB,
hinn tvítuga miðvörð Jón Róa Jac-
obsen. „Hann er frábær leikmaður,
aðeins nýorðinn 20 ára en spilar
eins og hann sé sá reyndasti í liðinu.
Jón Rói er besti knattspyrnumaður
sem komið hefur fram í Færeyjum
á eftir Tóda Jónssyni. Hann spilar
ávallt sem varnarmaður í landslið-
inu en áður en hann gerðist leik-
maður með Bröndby var hann í
sókninni og ég spilaði þar með hon-
um hjá HB. Hann er eflaust sá fljót-
asti í liðinu og getur spilað hvort
sem er í vörn eða sókn,“ sagði Uni
Arge.
„Vorum svo
nálægt stigi“
UNI Arge, fyrrum landsliðsmaður Færeyja og leikmaður með Leiftri
og ÍA, var á meðal áhorfenda á Laugardalsvellinum á laugardaginn.
Hann var í hópi 700 Færeyinga sem komu á leikinn með leiguflugi
Atlantic Airways og sagði við Morgunblaðið að þetta væri besta að-
sókn Færeyinga á leik á útivelli síðan þeir spiluðu gegn Dönum í
Kaupmannahöfn árið 1990.
Eftir
Víði
Sigurðsson
Þetta var skrýtinn dagur fyrir migog öðruvísi tilfinning að vera
orðinn fyrirliði liðsins. Allt í einu var
maður með band á
hendinni og líðanin
var öðruvísi en
venjulega. Þetta var
mikil stund fyrir mig
og mikill heiður að fá að gegna þess-
ari stöðu. Ég lít á þetta sem stórt
skref á ferlinum og ég vona að ég geti
þróast enn betur í þessu hlutverki,“
sagði Eiður Smári við Morgunblaðið.
Varst þú lengi að ákveða þig þegar
Ásgeir spurði þig hvort þú værir
tilbúinn í að gegna fyrirliðastarfinu?
,,Nei. Okkar samtal stóð yfir í ein-
hverjar tvær mínútur þar sem ég
lýsti því yfir að ég væri tilbúinn að
axla þessa ábyrgð. Ég þurfti ekkert
að hugsa mig um og það var enn sæt-
ari sigur fyrir mig að fyrsti leikurinn
þar sem ég er fyrirliði skyldi vinnast.
Ég viðurkenni að það kom mér
skemmtilega á óvart þegar Ásgeir
fór þess á leit við mig að ég tæki við
fyrirliðabandinu.“
Eiður Smári fékk nokkur ágæt
færi í leiknum en hann hafði ekki
heppnina með sér.
,,Ég fann það í seinni hálfleik að ég
hafði ekki spilað leik í nokkuð langan
tíma. Það var samt eitthvað með
þennan fyrirliðadag að hvernig sem
ég reyndi þá tókst mér ekki að skora.
Ég var í færum og kom mér í góða
stöðu en skotin hjá mér eða skall-
arnir fóru alltaf nokkrum sentímetr-
um framhjá markinu.
Sigurinn var torsóttur og við
þurftum svo sannarlega að hafa fyrir
hlutunum. Fótboltinn í dag er orðinn
þannig að flest öll lið spila varnar-
leikinn mjög skipulega og sérstak-
lega þau sem ætla sér ekki að sækja
mikið. Það getur reynst erfitt að
brjóta niður þannig lið og sérstak-
lega ef fyrstu tvö til þrjú færin fara
forgörðum. Ég var hins vegar mjög
ánægður með fyrri hálfleikinn. Mér
fannst við spila skemmtilegan fót-
bolta og við sköpuðum mörg ágæt
færi. Seinni hálfleikurinn hefði mátt
vera betri af okkar hálfu. Við gáfum
aðeins eftir þegar við skoruðum
markið í stað þess að láta kné fylgja
kviði. Ég var óhress með að við
skyldum láta Færeyingana skora úr
föstu leikatriði en það er hlutur sem
við höfum oft og iðulega hamrað á að
láta ekki gerast. Ég segi ekki að ég
hafi verið úrkula vonar um að við
skyldum fara með öll stigin. Ég hélt í
vonina um að annað markið kæmi og
sem betur fer gerðist það. Markið
var vel útfært. Bæði var aðdragand-
inn góður og afgreiðslan hjá Tryggva
til fyrirmyndar.“
Eiður segir að úrslitin í leikjum
riðilsins um helgina geri það að verk-
um að leikurinn við Litháa annað
kvöld sé gríðarlega mikilvægur upp á
framhaldið í keppninni.
,,Ef okkur tekst að ná í þrjú stig á
móti Litháunum verður virkilega
gaman að sjá hvað gerist í framhald-
inu. Aðalatriðið að mínu mati er að
við töpum ekki leiknum. Það yrði
mjög gott að fara heim með eitt stig
en best væri ef þau yrðu þrjú. Við
gerum okkur grein fyrir því að leik-
urinn verður gríðarlega erfiður og til
þess að ná hagstæðum úrslitum þarf
í raun allt að ganga upp hjá okkur.“
Morgunblaðið/Einar Falur
Eiður Smári Guðjohnsen var færeysku vörninni stöðugur ógnvaldur í leiknum og hér fylgist Jákup
Mikkelsen, markvörður Færeyinga, áhyggjufullur með honum.
Eiður Smári Guðjohnsen bar fyrirliðabandið í fyrsta sinn á Laugardalsvellinum
„Mikill heiður að fá að
gegna þessari stöðu“
LEIKURINN við Færeyinga markaði tímamót á knattspyrnuferli Eiðs
Smára Guðjohnsen en hann bar fyrirliðabandið í fyrsta sinn í 23.
landsleik sínum. Ásgeir Sigurvinsson landsliðsþjálfari ákvað að
gera Eið Smára að fyrirliða en Rúnar Kristinsson hefur gegnt því
hlutverki eftir að Eyjólfur Sverrisson ákvað að hætta með liðinu.
Guðmundur
Hilmarsson
skrifar frá
Kaunas