Morgunblaðið - 10.06.2003, Blaðsíða 8

SMÁÞJÓÐALEIKARNIR Á MÖLTU
8 B ÞRIÐJUDAGUR 10. JÚNÍ 2003 MORGUNBLAÐIÐ
ÍSLENSKA kvennaboðhlaups-
sveitin fékk brons, bæði í 4x100 og
4x400 metra hlaupum, á laugardag-
inn. Fyrra bronsið var allsögulegt
því mótshöldurum tókst að klúðra
því eins og mörgu öðru á leikunum.
Vilborg Jóhannsdóttir hljóp
fyrsta sprett fyrir Ísland og eftir að
mikið vesen hafði verið með tæki
og tól ræsis tókst loks að koma
stúlkunum af stað en þegar þær
höfðu hlaupið tæpa 50 metra hvað
við hátt bíbb-bíbb-hljóð. Stúlkurnar
hægðu á sér og Vilborg stoppaði,
sneri við en sá þá að keppinautarnir
héldu áfram. Hún tók þá á rás en
munurinn var auðvitað orðinn það
mikill að vonlaust verk var að skjót-
ast upp í annað sætið þannig að
stúlkurnar urðu að sætta sig við
þriðja sæti.
Gerð var athugasemd við fram-
kvæmd mótsins og hlaupið kært en
heimamönnum tókst að humma það
fram af sér og ekkert var gert.
Í 4x400 metra hlaupi fengu stúlk-
urnar einnig brons, en sveitina
skipuðu, auk Vilborgar, Sigurbjörg
Ólafsdóttir, Silja Úlfarsdóttir og
Sunna Gestsdóttir.
Karlasveitin í 4x100 metrunum
varð síðust eftir að fyrsta skipting
mistókst. Í 4x400 varð það sama
upp á teningnum. Þrátt fyrir að all-
ar skiptingar hefðu gengið þokka-
lega þá skustust Mónakómenn fram
úr íslensku sveitinni og fimmta sæt-
ið var niðurstaðan.
Brons í boðhlaupunum
Við misstum taktinn og brotnuðumhreinlega niður sem lið – það er
eina sem hægt er að segja um þennan
leik. Einstaklings-
framtakið var
ríkjandi á lokakafla
leiksins og úrslit
leiksins eru mikil
vonbrigði fyrir okkur þar sem við
stefndum á gullverðlaun,“ sagði Guð-
mundur en hann var í liði Íslands sem
vann gullið fyrir áratug – á Möltu.
Íslenska liðið byrjaði vel í leiknum,
og var yfir að loknum fyrsta leik-
hluta, 24:20, og staðan í hálfleik var
42:36, Íslendingum í vil. Damon
Johnson fékk fjórar villur er annar
leikhluti var rétt hálfnaður og hafði
það nokkur áhrif á liðið í framhaldinu
þar sem Kýpurmenn sóttu hart að
Damon í vörninni það sem eftir lifði
leiks.
Í þriðja leikhluta var útlitið bjart
hjá íslenska liðinu er Friðrik Stefáns-
son kom liðinu í 14 stiga forskot,
58:42, og munurinn var 11 stig í lok
þriðja leikhluta, 63:52.
Fjórði leikhluti var skelfilegur hjá
íslenska liðinu og skoruðu Kýpur-
menn 12 stig gegn engu í upphafi
leikhlutans og staðan var 65:66, Kýp-
ur í vil. Fannar Ólafsson, Gunnar
Einarsson og Páll Axel Vilbergsson
skoruðu næstu sjö stig leiksins og
staðan var 72:66 þegar um þrjár mín-
útur voru eftir af leiknum. Á loka-
kaflanum skriðu íslensku leikmenn-
irnir inn í skel og aðeins Damon
Johnson og Guðmundur Bragason
náðu að skora stig og Kýpur fagnaði
sigri, 77:79, en Logi Gunnarsson átti
síðasta skot leiksins, fyrir utan
þriggja stiga línuna rétt áður en leik-
tíminn rann út, en skotið geigaði.
Damon Johnson var atkvæðamest-
ur í liði Íslands og lék vel þrátt fyrir
að vera með 4 villur megnið af leikn-
um þökk sé vafasömum dómum frá
slökum dómurum leiksins. Gunnar
Einarsson, Logi Gunnarsson og
Helgi Magnússon áttu fína spretti en
því miður var lokakafli leiksins liðinu
að falli.
„Við klúðruðum þessu sjálfir og ég
tel að við höfum afhent þeim sigurinn
– þeir unnu okkur ekki af því að þeir
eru betri en við – við hentum þessu
frá okkur,“ sagði Damon Johnson
eftir leikinn en hann var afar von-
svikinn með niðurstöðuna. „Við ætl-
uðum okkur að vinna þetta mót, allur
okkar undirbúningur miðaðist við
gullið og nú verða menn að líta í eigin
barm og skoða hvað fór úrskeiðis. Við
hættum að gera það sem okkur er
ætlað að gera, hlutverkin eru á
hreinu í þessu liði og menn hættu að
hafa trú á eigin getu og fóru þess í
stað að huga að afleiðingunum ef
skotin myndu ekki fara ofaní – ég er
sár og svekktur þessa stundina,“
sagði Damon og var hvorki sáttur við
sjálfan sig né félaga sína í íslenska
landsliðinu.
Stig Íslands: Damon Johnson 31,
Logi Gunnarson 15, Gunnar Einars-
son 13, Fannar Ólafsson 6, Friðrik
Stefánsson 5, Guðmundur Bragason
4, Páll Axel Vilbergsson 3, Sverrir
Þór Sverrisson 2, Helgi Magnússon
2, Jón Nordal Hafsteinsson, Magnús
Gunnarsson, Baldur Ólafsson kom
ekki við sögu í leiknum.
„Vinnum og töpum sem lið“
„Við vinnum leiki sem lið og töpum
leikjum sem lið, ég sem þjálfari hefði
getað gert ýmislegt betur í þessum
leik líkt og leikmennirnir. Það eru
mikil vonbrigði að ná ekki gullinu.
Allir sem koma að þessu liði hafa
unnið fagmannlega að því að ná gull-
verðlaunum á Smáþjóðaleikunum
enda er áratugur síðan við unnum
þetta mót síðast. Því miður tókst okk-
ur það ekki og í fljótu bragði er skýr-
ingin sú að við hættum að skjóta úr
þeim færum sem við vitum að við get-
um hitt úr. Menn hikuðu í aðgerðum
sínum og það má bara ekki gerast,“
sagði Friðrik Ingi en hrósaði leik-
mönnum sínum jafnframt fyrir dugn-
aðinn. „Það er mjög sorglegt að okk-
ur skyldi ekki takast að fara yfir
þennan þröskuld sem hefur verið fyr-
ir framan okkur í langan tíma. Strák-
arnir lögðu sig fram í allt sem þeir
gerðu en það eru aðeins lokamínútur
þessa leiks gegn Kýpur sem gera það
að verkum að við erum með silfur um
hálsinn en ekki gull. Sú tilfinning sem
við upplifum núna sem lið er ekki
góð, við erum með yfirhöndina í 90%
af leiknum en við verðum að taka
þessu af karlmennsku og horfa fram
á veginn,“ sagði Friðrik.
„VIÐ fórum að hugsa of mikið
um að halda okkar hlut þegar
við náðum 14 stiga forskoti. Á
sama tíma slökuðum við á í
vörninni þannig að leikmenn
Kýpur fengu auðveld skot og
fengu sjálfstraust síðustu fimm
mínútur leiksins,“ sagði Guð-
mundur Bragason að loknum
síðasta landsleik sínum þar
sem Ísland tapaði gegn Kýpur,
79:77, í úrslitaleik um gull-
verðlaun á Smáþjóðaleikunum á
Möltu. Guðmundur lék 169
landsleiki og var í byrjunarliði
Íslands að þessu sinni ásamt
þeim Gunnari Einarssyni, Frið-
riki Stefánssyni, Helga Magn-
ússyni og Damon Johnson.
Morgunblaðið/Brynjar Gauti
Damon Johnson treður í körfu Kýpverja í úrslitaleiknum.
Sigurður Elvar
Þórólfsson
skrifar frá
Möltu
Karlaliðið
henti frá
sér gullinu
Steindór taldi að aðrar þjóðir áSmáþjóðaleikunum hefðu sýnt
miklar framfarir undanfarin misseri,
Andorra hefði náð í
eitt gull í fyrsta sinn,
Mónakó væri í fram-
för og Lúxemborg
væri með enn sterk-
ara lið en áður. Íslendingar settu
fjögur Íslandsmet að þessu sinni og
náði Kolbrún Ýr Kristjánsdóttir Ól-
ympíulágmarki í 50 metra skrið-
sundi og var Steindór sammála því
að heilt yfir væri árangur liðsins góð-
ur. „Það er alltaf á svona mótum að
einhverjir eru að synda hægar en við
eigum að venjast, aðstæðurnar eru
aðrar, mikill hiti, maturinn er öðru-
vísi og svona mætt lengi telja en það
voru 6 keppendur að stíga sín fyrstu
skref á Smáþjóðaleikum og flestir
þeirra voru að synda við sína bestu
tíma eða voru að bæta sig.
Það er mikil gróska í sundíþrótt-
inni á Íslandi en sem landsliðsþjálf-
ari kem ég ekki mikið að þjálfun ann-
arra sundmanna en þeirra sem eru
hjá okkur í ÍBR. Það má segja að
starf landsliðsþjálfara sé fram-
kvæmdastjórn, ég reyni að láta mis-
munandi áherslur sundþjálfara
passa inn í okkar starf hjá landslið-
inu.“
Heimsmeistaramótið í sundi verð-
ur í Barcelona í lok júlí og hafa sjö
sundmenn hafa nú þegar náð lág-
mörkum á. Steindór segir að Ólymp-
íuleikarnir í Aþenu á Grikklandi á
næsta ári verði hápunkturinn hjá
sundfólkinu. „Við höfum sett okkur
það markmið að sundmenn sem taki
þátt á næstu Ólympíuleikum fari
þangað til þess að bæta sinn besta
árangur, þeir verði því búnir að ná
Ólympíulágmörkunum nokkuð fyrir
leikana og mæti því ekki „flatir“ á
ÓL til þess eins að ná ekki sínum
besta árangri. Við vonumst til þess
að einn sundmaður nái í verðlaun á
Ólympíuleikunum,“ og þar átti
Steindór við Örn Arnarson. „Að auki
eru sundmenn á borð við Jakob Jó-
hann Sveinsson og Kolbrúnu Ýr
Kristjánsdóttur sem við vonumst til
þess að nái í milliriðla og vonandi í A-
úrslit. Þetta eru hinsvegar aðeins
vangaveltur að sjálfsögðu og tíminn
einn mun leiða það í ljós hvernig til
tekst – en við ætlum okkur stóra
hluti í framtíðinni,“ sagði Steindór.
Steindór Gunnarsson landsliðsþjálfari í
sundi er sáttur við árangurinn á Möltu
„Meiri sam-
keppni frá öðr-
um þjóðum“
„VIÐ unnum ekki eins mörg verðlaun á þessum Smáþjóðaleikum en
samt sem áður erum við sátt við okkar hlut þegar á heildina er lit-
ið,“ sagði Steindór Gunnarsson þjálfari íslenska landsliðsins í
sundi sem vann til 11 gullverðlauna, 14 silfurverðlauna og 8 brons-
verðlauna á leikunum á Möltu. Steindór bætti því við að íslenska
sundfólkið væri með mismunandi áherslur í sínu æfingaferli á móti
sem slíku, sumir mættu „ferskir“ á mótið og úthvíldir á meðan aðrir
höfðu æft stíft fram að mótinu og ekki tekið sér hvíld.
Sigurður Elvar
Þórólfsson
skrifar frá
Möltu
BJÖRN Margeirsson gerði sér lítið fyrir og sigraði í
1.500 metra hlaupi karla síðasta keppnisdaginn á
Smáþjóðaleikunum á Möltu, fékk tímann 3.48,53
sekúndur og bætti eigin árangur um tæpar fimm
sekúndur. Hlaupið hjá honum var sérlega vel útfært,
hann byrjaði á því að taka forystu strax í upphafi og
hélt henni allt þar til Kýpurbúi fór fram úr honum
eftir 800 metra. Þegar þeir komu inn í síðustu beygj-
una bætti Björn í á meðan dró af keppinaut hans,
skellti sér utan með honum og framúr og kom fyrst-
ur í mark.
Ég held að allir hafi búist við að þetta yrði taktískt
hlaup og þar sem ég veit að einhverjir þarna eru
eitthvað hraðari en ég á endasprettinum ákvað ég
að gera þetta svona, ég vildi ekki lenda í einhverju
kraðaki og veseni í lokin. Ég fæ ekki mörg hlaup á
ári af þessum styrkleika þannig að það var um að
gera að nýta sér það, klúðrið hjá okkur í 800 metr-
unum hjálpaði líka til, maður vildi reyna að bæta að-
eins fyrir þá vitleysu. Annars var ég búinn að
ákveða fyrir löngu hvernig ég ætlaði að hlaupa
þetta og það stóðst,“ sagði Björn eftir sigurinn.
Spurður hvort hann hefði ekkert óttast að missa
Kýpurbúann of langt frá sér eftir 800 metrana sagði
Björn: „Nei, ég var ákveðinn í að sleppa honum ekki
of langt frá mér og var í raun feginn að hann fór
fram úr mér þarna vegna þess að hringurinn frá 800
metrunum og að 1.100 eða 1.200 metrunum er oft
erfiðasti kaflinn í hlaupinu, þá eru menn orðnir
þreyttir en það er of langt í mark til að spretta úr
spori. Ég hefði sjálfsagt samt getað hafið lokasprett-
inn fyrr, en þetta var allt á áætlun hjá mér, ég hljóp
til dæmis fyrstu 800 metrana á 2.01 sem er nákvæm-
lega sá tími sem ég hafði lagt upp með,“ sagði Björn.
– Hvenær vissir þú að þú myndir hafa Kýpur-
búann?
„Þegar ég sá að hann var farinn að stífna aðeins í
öxlunum rétt áður en við komum í síðustu beygjuna.
Ég fann að ég átti nóg eftir og vissi að ég gæti kom-
ist fram úr honum,“ sagði meistarinn.
Morgunblaðið/Brynjar Gauti
Björn Margeirsson fangaði vel sigr-
inum í 1.500 metra hlaupinu.
Glæsilegt hlaup og sigur
hjá Birni í 1.500 metrunum
MALTA sigraði Kýpur 64:42 í úr-
slitaleik kvennaliða í körfuknatt-
leik á Smáþjóðaleikunum á Möltu
og er þetta í fyrsta sinn sem Malta
sigrar í körfuknattleik á Smáþjóða-
leikum. Færri komust að en vildu á
úrslitaleikinn en leikurinn var einn-
ig sýndur í beinni sjónvarpsútsend-
ingu í ríkissjónvarpi Möltu og á
veitingastöðum var víða hægt að
sjá heimamenn jafnt sem ferða-
menn fylgjast með útsendingunni.
Þegar úrslitin voru ráðin brutust út
gríðarleg fagnaðarlæti á meðal
leikmanna Möltu sem og áhorfenda
og var eins og liðið hefði sigrað á
Ólympíuleikum eða öðru álíka stór-
móti – slík voru lætin.
Gríðarlegur
fögnuður
Möltubúa