Morgunblaðið - 11.06.2003, Blaðsíða 21

LISTIR
MORGUNBLAÐIÐ MIÐVIKUDAGUR 11. JÚNÍ 2003 21

  
  







 

 



  

 !
!

"
  !

 

#
#$ % 
 
 # #$ % 
AFRÍKUVIKA hefst í dag með opn-
un ljósmyndasýningarinnar „The
Real Africa“ samtímis á kaffihús-
unum Café Kulture og Te og kaffi á
Laugaveginum kl. 17. Á sýningunni
verða um sextíu myndir eftir fimm-
tán ljósmyndara. Meðal ljósmynd-
ara er Yasser Booley sem á einar
fimmtán myndir á sýningunni.
Yasser hefur tekið ljósmyndir í
meira en áratug, en fyrstu mynd-
irnar sem hann tók voru af minn-
ingarathöfn sem haldin var í
Höfðaborg til heiðurs hópi ráða-
manna sem höfðu verið vegnir úr
launsátri. „Mér hafði verið bannað
að fara inn í borgina, en ákvað
samt að fara til þess að sjá hvað
væri um að vera og tók myndavél-
ina með mér. Lögreglan skaut að
okkur og notaði táragas. Æ síðan
hefur myndavélin fylgt mér hvert
fótmál,“ segir Yasser sem gerðist
atvinnuljósmyndari fyrir tæpum
þremur árum og tekur fyrst og
fremst fréttaljósmyndir. Yasser
leggur stund á fjölmiðla-, stjórn-
mála- og sálfræði í heimaborg
sinni, Höfðaborg. „Draumur minn
er að geta ferðast um heiminn, tek-
ið myndir og skrifað greinar með
það að markmiði að gera fólk með-
vitað um að við erum öll eins hvað
sem öllum fjölbreytileika líður. Við
erum jú öll manneskjur sem höfum
sömu þarfir og deilum sömu plán-
etunni. Ég vil leggja mitt af mörk-
um til þess að auka víðsýni fólks og
ef til vill breyta hugarfari þess,“
segir Yasser í samtali við Morgun-
blaðið.
Aðspurður um komu sína til Ís-
lands segist Yasser hafa hitt þýska
konu í Mósambík í fyrra, þegar
hann var þar á ferð, sem stakk upp
á því að hann kæmi og hitti sig á Ís-
landi. Eftir að hann ákvað að koma
hingað frétti hann af því að halda
ætti afríska daga og komst í kynni
við skipuleggjendur daganna,
þeirra á meðal Hildu Sigurbjörns-
dóttur. „Hugmynd okkar með ljós-
myndasýningunni var að sýna Afr-
íku í jákvæðara ljósi. Yfirleitt fáum
við bara að sjá neikvæða hluti frá
Afríku, s.s. sveltandi börn, í frétt-
unum. En við sem höfum ferðast til
Afríku höfum séð svo margt já-
kvætt þar og því fengum við bæði
innfædda ljósmyndara og ljós-
myndara sem hafa ferðast um land-
ið til liðs við okkur,“ segir Hilda.
Myndir Yassers á sýningunni eru
bæði frá Mósambík og Höfðaborg.
„Á sýningunni má t.d. finna myndir
af daglegu lífi í Höfðaborg og af
hátíðahöldum. Mig langar að kynna
Höfðaborg fyrir Íslendingum og
skapa tengsl milli landanna
tveggja, Íslands og Afríku,“ segir
Yasser.
Aðspurður segir Yasser sér líða
afskaplega vel hér á landi. „Mér
fannst afar gott að geta séð til
fjalla og vera svona nálægt sjónum
því það minnir mig á Höfðaborg.
Auk þess hefur það komið mér afar
þægilega á óvart hve vingjarnlegt
og elskulegt fólkið er,“ segir Yass-
er sem bjóst við því að hér yrði
miklu kaldara.
Á Afríkuvikunni, sem stendur til
17. júní nk., verður m.a. boðið upp
á afríska tónlist í Hinu húsinu á
morgun, fimmtudag, kl. 21, upp-
lestur og tónlist í Máli og menningu
á föstudag kl. 14 og málþing um
málefni tengd Afríku í Norræna
húsinu á laugardag kl. 14. Hægt
verður að bragða á afrískum mat á
Café Kulture um helgina, en þar
verður auk þess hægt að fá upplýs-
ingar um viðburði vikunnar. Afr-
íkuvikunni lýkur með afrískum
dönsum og tónlist á Ingólfstorgi
síðdegis 17. júní nk.
Afríkuvika í Reykjavík dagana 11.–17. júní
„Við erum
öll eins“
Ljósmynd/Yasser Booley
Börn að leika sér með flugdreka á ströndinni í Mósambík.
SAFN – heitir nýtt samtímalistasafn
sem opnað verður í dag kl. 14. Þetta
er einkasafn Péturs Arasonar og
Rögnu Róbertsdóttur með fjölda
verka þekktra erlendra og íslenskra
samtímalistamanna, sem þau hafa
safnað í meir en þrjátíu ár. Pétur og
Ragna gerðu í janúar samning við
Reykjavíkurborg um að almenningi
yrði auðveldaður aðgangur að ein-
stæðri safneign þeirra. Pétur og
Ragna leggja einnig til eigið hús-
næði á Laugavegi 37, sem lengstum
hýsti fataverslunina Faco, en á síð-
ustu mánuðum hefur verið unnið að
betrumbótum á húsnæðinu með hlið-
sjón af nýju hlutverki þess, en borg-
in styrkir rekstur Safns.
Verkin eiga það sameiginlegt að
hafa verið keypt sem nýjustu verk
hvers listamanns á hverjum tíma.
Þar er að finna öndvegis listamenn
mikilvægra listastefna seinni hluta
síðustu aldar, svo sem mínimalisma,
flúxus og hugmyndalistar. Þar eru
verk af ólíkustu gerðum, högg-
myndir, málverk, myndbönd, teikn-
ingar, hljóðmyndir og ljósmyndir.
Sem dæmi um listamenn sem eiga
verk í Safni eru Donald Judd, Carl
Andre, On Kawara, Karin Sander,
Don Flavin og Dieter Roth. Af Ís-
lendingunum má nefna Hrein Frið-
finnsson, bræðurna Kristján og Sig-
urð Guðmundssyni og Magnús
Pálsson.
Pétur Arason segir að vel hafi
gengið að koma safninu upp, þótt
það hafi verið mikil vinna, allt frá
því að samningurinn við borgina var
undirritaður í janúar. „Þá fór allt af
stað. Það hafa verið gerðar miklar
lagfæringar á húsnæðinu bæði í
smíði, uppsetningu öryggiskerfis og
fleiru.“ Pétur segir að um helm-
ingur safns þeirra Rögnu verði til
sýnis við opnunina, en eins og kveðið
var á um í samningnum við borgina
fara verk úr safninu til láns á sýn-
ingar í Listasafni Reykjavíkur. „Ég
hugsa þetta fyrst og fremst sem
safn, og þar eru lykilverk sem ég vil
hafa sem mest uppi, kannski helst
stærri verkin, en þó verður ein-
hverju skipt út fyrir önnur verk. Við
verðum til dæmis með kynningar á
ýmsum listamönnum og þá með
fleiri verkum sem taka þá pláss af
öðru. Eins eru fyrirhugaðar sýn-
ingar á verkum ungs fólks sem er
nýbyrjað að skapa sér nafn. En
stærri verkin vil ég helst ekki taka
út. Mér finnst það vera vandamál á
söfnum á Íslandi að maður getur
ekki gengið að ákveðnum hlutum á
vísum stað, og mér finnst það viss
ókostur.“
List sem hægt er að hafa heima
„Það hefur lítið sést hér að ís-
lenskir listamenn kallist á við er-
lenda, og einn aðaltilgangur safnis
er að sýna íslenska list á móti list eft-
ir heimsþekkta listamenn.“
Pétur segir það líka mikilsvert,
eins og margir þeirra erlendu lista-
manna sem eiga verk í safninu hafa
bent á, að húsnæðið henti afar vel
fyrir samtímalist. „Við erum vön
stórum sölum með mikilli lofthæð,
en hérna er listin í þeim arkitektúr
sem sýnir að það er hægt að hafa
hana heima hjá sér. Við höfum alltaf
kynnst nútímalistinni þannig að hún
sé bara fyrir söfn. En hér sjáum við
að það er vel hægt að hafa hana inni
hjá sér, og ég legg mikla áherslu á
að sýna fram á það.“
Á laugardag var Safn opnað fyrir
boðsgesti og til að kynna það sem
þar er. Pétur segir að viðbrögð
gesta þá hafi verið mjög jákvæð.
„Það hefur verið svolítill pirringur í
listamönnum vegna þeirra fjármuna
sem safnið hefur fengið, en meira að
segja þeir sem voru að skrifa á móti
þessu komu að skoða. En það hefði
verið betra að fólk kæmi fyrst að
skoða en að byrja á því að skrifa um
eitthvað sem það veit ekkert um.“
Safn er opið miðvikudaga til
sunnudaga frá kl. 14–18. Aðgangs-
eyrir er 200 krónur en frítt fyrir
skólafólk og eldri borgara.
Safn – nýtt samtímalistasafn á Laugavegi 37 opnað almenningi í dag
„Vil hafa lykil-
verkin uppi“
Morgunblaðið/Arnaldur
Frá Safni, samtímalistasafninu á Laugavegi 37.
Bókin Um víðerni Snæfells er eftir Guð-
mund Pál Ólafsson, náttúrufræðing og
ljósmyndara. Hún er sú fyrsta í ritröð
sem ber heitið Öræfi Íslands – tign og
töfrar, þar sem einstökum svæðum á
öræfunum verða gerð ítarleg skil í máli
og myndum. Bókin er unnin í samstarfi
við þrjá kunna ljósmyndara, Friðþjóf
Helgason, Jóhann Ísberg og Ragnar Ax-
elsson.
„Fjallað er um staði á hálendinu
sem fáir þekkja, en allt stefnir í að stór
hluti þeirra muni brátt hverfa undir lón
Kárahnjúkavirkjunar. Að því leyti er
þessi bók minning um land sem var,
stórbrotinn óður í máli og myndum um
náttúru sem hefur verið fórnað,“ segir í
fréttatilkynningu frá útgefanda.
Guðmundur Páll er þekktur fyrir verk
sín um íslenska náttúru, meðal annars
bókina Hálendið í náttúru Íslands en
fyrir hana fékk hann Íslensku bók-
menntaverðlaunin í flokki fræðibóka
árið 2000.
Útgefandi er Mál og menning.
Bókin er 135 síður, prentuð hjá
Prentsmiðjunni Odda hf. Kápu hannaði
Guðjón Ingi Eggertsson en ljósmynd á
kápu tók Friðþjófur Helgason.
Hálendið
Morgunblaðið/Golli
Vigdís Finnbogadóttir tekur við
fyrsta eintaki bókarinnar úr hendi
Guðmundar Páls Ólafssonar.
HAFNARFJARÐARLEIKHÚSIÐ
stendur fyrir leiklistarnámskeiði
fyrir börn á aldrinum 8–12 ára dag-
ana 18.–28. júní nk. Lögð er áhersla
á tjáningu, jákvæð samskipti, leik-
ræna túlkun og leiki.
Leiðbeinendur eru leikkonurnar
Vala Þórsdóttir og Ingibjörg Þóris-
dóttir. Kennt verður alla daga frá
10–14 nema sunnudag 22. júní.
Leiklist fyrir
8–12 ára börn
♦ ♦ ♦