Morgunblaðið - 11.06.2003, Blaðsíða 23
LISTIR
MORGUNBLAÐIÐ MIÐVIKUDAGUR 11. JÚNÍ 2003 23
Við erum sérfræðingar í viðarvörn. Á rannsóknastofu Málningar er haft
strangt eftirlit með framleiðslu og hráefnum og unnið kröftuglega að
vöruþróun þar sem nýjungar á sviði yfirborðsmeðhöndlunar með tilliti til
íslenskra aðstæðna hafa skapað viðarvörn frá okkur algjöra sérstöðu.
Kjörvari 16 - þekjandi
-- alkýðolíubundin þekjandi viðarvörn
sem hefur góða viðloðun og frábært
veðrunarþol. Fáanlegur í gríðarlegum
fjölda lita.
Kjörvari 12 - pallaolía
- olíubundin viðarvörn
á sólpalla.
Smýgur einstaklega vel
inn í viðinn og hefur frábært
veðrunarþol.
Fæst í meira en 300 litum.
Kjörvari 14 - gagnsær
- olíubundin viðarvörn á hvers konar
við sem smýgur mjög vel inn í
viðinn. Fæst í miklum fjölda lita.
fyrir íslenskar aðstæður
Sérhönnuð viðarvörn
Við erum sérfræðingar í útimálningu
fyrir íslenskar aðstæður.
Útsölustaðir Málningar:
Byko Kópavogi • Byko Hringbraut • Litaver Grensásvegi • Byko Hafnarfirði • Málningarbúðin Akranesi • Byko Akranesi
• Axel Þórarinsson, málarameistari, Borganesi • Verslunin Hamrar, Grundafirði • Litabúðin Ólafsvík • Núpur
byggingavöruversl. Ísafirði • Vilhelm Guðbjartsson, málarameistari, Hvammstanga • Verslunin Eyri, Sauðárkróki • Byko
Akureyri • Versl. Valberg, Ólafsfirði • Versl. Vík, Neskaupstað • Málningarþjónustan Selfossi • Miðstöðin
Vestmannaeyjum • Byko Keflavík
ÞAÐ hefur orðið mikil breyting á
lúðrasveitartónleikum í áranna rás.
Marsar með nær öllu horfnir af dag-
skrá og metnaðarfull tónverk og
söngdansar æ meira áberandi. Tón-
listarskólabyltingin íslenska hefur
einnig orðið til þess að sveitirnar eru
fullar af ungu vel menntuðu tónlist-
arfólki og þegar mikið liggur við,
einsog á þessum tónleikum, er hóað í
fræga lúðrasveitarstjórnendur og
sinfóníuspilara til að styrkja sveit-
ina. Eina deildin þarsem gömlu jaxl-
arnir ráða ríkjum er básúnudeildin
með Björn R. Friðrik Theodórsson,
Halldór Einarsson og Þórarin Ósk-
arsson í broddi fylkingar og svo blæs
gamall stjórnandi sveitarinnar enn í
klarinettið: Guðmundur Norðdahl.
Að vísu vantaði tvo í básúnudeildina í
upphafsópusnum, Birdland eftir
austuríska djassmeistarann Joe
Zawinul; Björn R. hafði lagst undir
hnífinn og hinn sautjan ára Sigur-
björn Ari var að búa sig undir kons-
ert fyrir básúnu og hljómsveit eftir
Rimskíj-Korsakoff er fylgdi í kjölfar
Birdlands.
Zavinul samdi þennan ópus fyrir
frægustu bræðingsdjasssveit allra
tíma, Weather Report, er hann
stjórnaði ásamt Wayne Shorter.
Þetta var Garden Party þeirra.
Leikur hljómsveitarinnar var með
miklum ágætum og átti ekki vold-
ugur pákusláttur Steef van Oost-
erhout hvað sístan þátt í því. Afturá
móti var síðara bræðingslagið er
sveitin lék, Cargo Fund eftir Hol-
lendinginn Schaars, heldur lítilsiglt
– hann fékk þó uppreist æru seinna á
tónleikunum með ágætum útsetn-
ingum á verkum Piazzola og Jobims.
Sigurbjörn Ari stóð sig vel í konsert
Rimskíj-Korsakoff og má búast við
miklu af honum í framtíðinni haldi
hann ótrauður áfram á listabraut-
inni. Jungle Fantasy nefnist þjóðlag
sem enginn veit hvaðan er og var út-
sett af Japana og bárust dularfull
frumskógarhljóð um salinn í upphafi
og brassið urraði ellingtonískt yfir
kröftugum hryn er pákan leiddi. Síð-
asta verki fyrir hlé var Overture
Jubilioso eftir Frank Erickson. Upp-
blásinn lúðrasveitarkonsert af þeirri
gerð er var mann lifandi að drepa á
öllum lúðrasveitartónleikum þegar
verið var að brjótast úr viðjum
marsa og ættjarðarlaga til nýrri efn-
istaka. Það bjargaði þó miklu að
Lárus Halldór leiddi sitt fólk af festu
og öryggi og það kunni á sín hljóð-
færi.
Eftir hlé réðu tangóar og söng-
dansar ríkjum og fóru þá fyrir sveit-
inni snillingarnir Tatu Antero frá
Finnlandi og Ólafur Kjartan úr
Vogahverfinu. Fyrst var boðið uppá
þrjá gráa tangóa eftir Úrúgvæann
Luis Pasquet. Nokkuð dapurlegir
tangóar leiknir glæsilega uppá
finnsku af Kantomaa, sérí lagi sá síð-
asti þarsem lífsgleðin var farin að
láta á sér kræla. Svo kom klassíski
slagarinn alkunni Csardas eftir
Monti og loks einn af hápunktum
tónleikanna; Adios Nonino eftir
Astor Piazzola, frumherja nýja
tangósins og helsta meistara hans.
Kantomaa lék listavel þarna og
sveitin fín undir styrkri stjórn Lár-
usar. Piazzola var argentínskur og
næst var haldið í norður til Brasilíu
og leitað fanga hjá höfuðtónskáldi
sömbunnar, Antonio Carlos Jobim,
og Ólafur Kjartan söng sömbu hans
sem þekktust er undir enska heitinu
How Insensitive og Tatu lék með.
Þarna var í lagi að nota enskuna en
þegar verk Rússans
Rimskíj-Korsakoffs er nefnt Conc-
erto for trombone and band þurfa
menn að vara sig að lenda ekki í pytti
kvikmyndaskrifara er nefna flestar
myndir uppá ensku en geta ekki
frummálsins og íslenska ekki nema
stundum. Ólafur er frábær söngvari,
en ef það er eitthvað sem hrópar
ekki á sterka rödd óperuættaða er
það samban. Hún á meirað segja erf-
itt að sætta sig við krúnerana. Hann
var betri í söngdansi Harold Arlens
Over The Rainbow og fór síðan á
kostum í Here’s That Rainy Day eft-
ir þá van Hausen og Burke. Þar lék
Tatu ljúfan sóló og sveiflan var bara
góð hjá þeim félögum og sveitinni.
Fyrra aukalag var smellur Jimmy
McHuges: On The Sunny Side Of
The Street þarsem sauð á keipum í
kraftmiklum söng og ekkert gefið
eftir. Ólafur lauk tónleikunummmeð
bravúr: I Feel A Song Coming On.
Ólafur er glæsilegur barrýton og
söng flott sem slíkur þótt þessi lög
hæfi frekar rödd krúnerana. Hef ég
ekki heyrt íslenskan óperusöngvara
syngja jafn djassað og Ólaf sé Krist-
inn Hallsson undanskilinn, en um
margt er Ólafur líkur Kristni og er
þar ekki leiðum að líkjast. Afturá
móti heyrði ég fínan ungan barrýton
(sem ég í fákænsku minni hélt tenór,
vitandi þó að Bing Crosby hefði ver-
ið barrýton) krúna lög Oddgeirs
Kristjánssonar með eligans í vetur
nær óperulaust. Hafsteinn Þórólfs-
son heitir hann, Oddgeir langafi
hans og lofar hann góðu.
Ósvikin skemmtun
TÓNLIST
Borgarleikhúsið
Tuttugu málmblásarar, tuttugu og átta
tréblásarar auk sjömanna hrynsveitar
undir stjórn Lárusar Halldórs Grímssonar.
Einleikarar með sveitinni voru Sigurbjörn
Ari Hróðmarsson básúnuleikari og Tatu
Antero Kantomaa harmonikkuleikari.
Söngvari: Ólafur Kjartan Sigurðarson.
Þriðjudagskvöldið 27.5. 2003.
LÚÐRASVEIT REYKJAVÍKUR
Vernharður Linnet
GOSPELKÓR Reykjavíkur
heldur tónleika í Hvítasunnu-
kirkjunni Fíladelfíu, Hátúni
2, kl. 20 annað kvöld, fimmtu-
dagskvöld. Í kórnum eru 25
meðlimir og starfar hann
undir stjórn Óskars Einars-
sonar. Á þessum tónleikum
kemur kórinn fram ásamt
átta manna hljómsveit og
mörgum einsöngvurum.
Hljómsveitina skipa: Jóhann
Ásmundsson, Eyþór Gunn-
arsson, Halldór G. Hauksson,
Agnar Már Magnússon, Ómar
Guðjónsson, Sigurður Flosa-
son, Óskar Guðjónsson og
Kjartan Hákonarson. Gesta-
söngvarar eru Fanny K.
Tryggvadóttir, Edgar Smári
Atlason, Guðrún Gunnars-
dóttir, Maríanna Másdóttir
og Páll Rósinkranz.
Allur ágóði rennur til ABC-
hjálparstarfs.
Sungið til
styrktar
hjálpar-
starfi