Morgunblaðið - 11.06.2003, Blaðsíða 34

MINNINGAR
34 MIÐVIKUDAGUR 11. JÚNÍ 2003 MORGUNBLAÐIÐ
✝ María Magnús-dóttir fæddist á
Kolgröfum í Eyrar-
sveit 13. september
1915. Hún varð
bráðkvödd á heimili
sínu að kvöldi
þriðjudagsins 3. júní
síðastliðinn. For-
eldrar hennar voru
Magnús Jónsson og
Jóhanna Elísdóttir.
Uppeldissystir
Maríu er Áslaug
Georgsdóttir, f.
17.10. 1924.
María giftist hinn
7. júlí 1940 Ingvari Agnarssyni
frá Haugi í Miðfirði, f. 26. des-
ember 1912, d. 25. mars 1998.
Börn Maríu og Ingvars eru: 1)
Magnús, f. 7.6. 1941, býr í Kópa-
vogi, kvæntur Kristínu Pálsdótt-
ur, f. 14.7. 1949. Börn þeirra
eru: a) Ingvar, f. 23.2.1974, sam-
býliskona hans er Þorbjörg
Pálmadóttir, f. 22.10.1973, b)
Ólafur Páll, f. 14.11.1975, sam-
býliskona hans er Hjördís Hilm-
arsdóttir, f. 17.6.1976, og c)
Agnar, f. 23.2.1980; 2) Jóhanna,
f. 7.7.1945, býr í Kópavogi, gift
Sigurði Baldurssyni, f. 30.9.
1952. Börn þeirra eru: a) Jó-
hanna María, f. 3.1. 1975, b)
Erna Guðrún, f. 29.10. 1981, c)
Baldur, f. 28.1. 1983, og d) Ingv-
ar, f. 30.3. 1985; 3) Gunnar Hall-
dór, f. 1.9. 1948, býr á Kol-
gröfum; 4) Elís, f. 18.12. 1950,
býr í Kópavogi, kvæntur Bopit
Kamjorn, f. 18.5. 1963; 5) Gróa
Herdís, f. 9.9. 1956,
býr á Akranesi, gift
Ragnari Eyþórs-
syni, f. 27.6. 1952.
Börn þeirra eru: a)
Ingvar, f. 1.8. 1979,
sambýliskona hans
er Fanney Reynis-
dóttir, f. 21.8. 1980,
barn þeirra er
Stefnir Snær, f.
3.11. 2000, b)
María, f. 17.8. 1982,
sambýlismaður
hennar er Atli Við-
ar Halldórsson, f.
1.5. 1982, barn
þeirra er Fríða Sif, f. 12.4. 2003,
og c) Birna Rún, f. 21.7. 1989; 6)
Guðríður Arndís, f. 14.8. 1960,
býr í Mosfellsbæ, gift Lúðvík
Hermannssyni, f. 4.10. 1954.
Börn þeirra eru: a) Elísabet
Inga, f. 15.5. 1991, og b) Berg-
lind Rut, f. 18.8. 1994.
María ólst upp á Kolgröfum
og veturinn 1936–1937 var hún
við nám í húsmæðraskólanum á
Staðarfelli. María og Ingvar
ráku bú á Kolgröfum frá 1940
og til ársins 1982 en þá hætti
Ingvar að búa vegna heilsu-
brests. Gunnar sonur þeirra tók
þá við rekstri búsins en María
og Ingvar sáu áfram um rekstur
heimilisins og María allt til dán-
ardags.
Útför Maríu fer fram frá
Grundarfjarðarkirkju í dag og
hefst athöfnin klukkan 14. Jarð-
sett verður að Setbergi í Eyr-
arsveit.
Elsku mamma, það er erfitt að
trúa því að þú sért dáin. Þú sem
varst svo hress upp á síðkastið. Við
áttum góða stund með þér á sunnu-
daginn þegar við komum í heimsókn
til þín. Þú varst svo hress og kát og
gerðir að gamni þínu við okkur öll.
Einnig þegar ég talaði við þig í síma
klukkustund áður en þú lést.
Þú varst svo hress og glöð og tal-
aðir um allt mögulegt. Þú sagðir mér
svo margt á þessum fáu mínútum
sem við töluðum saman. Svo hringdi
Gunnar, bróðir minn, og sagði, að
mamma væri dáin. Hún hefði orðið
bráðkvödd í eldhúsinu. Ég ætlaði
ekki að geta trúað þessu. Einum
klukkutíma eftir að við töluðum sam-
an.
Mamma var mjög sterk og dugleg
og vildi ekki gefast upp. Hún náði sér
ótrúlega vel upp úr hjartaáfalli sem
hún fékk fyrir 12 árum. Í fyrrasumar
lá hún lengi á sjúkrahúsi, en hún
komst aftur heim og náði allgóðri
heilsu.
Það var alltaf gott og gaman að
koma til þín og pabba í heimsókn.
Allir sátu við eldhúsborðið og fengu
sér kaffi og kökur. Það voru góðar
stundir og skemmtilegar. Þá var
rætt um allt milli himins og jarðar og
hlegið mikið.
Mamma las mikið og fylgdist með
öllum fréttum. Hún var mjög minn-
ug á allt sem hún las og heyrði. Þá
fylgdist hún alltaf með veðurfréttum
eins og pabbi var vanur að gera,
enda var mikið undir veðri komið
með störf í sveitinni.
Mamma var mjög minnug, bæði á
nöfn og liðna atburði. Hún hafði
gaman af að ræða um þau mál, sem
voru efst á baugi í þjóðfélaginu
hverju sinni. Hún hafði sínar skoð-
anir, en tók alltaf tillit til skoðana
annarra.
Mamma talaði aldrei illa um nokk-
urn mann. Hún kaus að sjá það góða
í fari allra. Mikil gestrisni var á mínu
heimili og foreldrar mínir tóku öllum
opnum örmum. Var þá sama hvort
um var að ræða ættingja og vini eða
þá sem komust ekki leiðar sinnar
vegna veðurs eða bilana á farartækj-
um.
Eitt sinn, áður en brúað var yfir
Slýána innst í Kolgrafarfirði, voru 24
menn í vandræðum þar vegna mikils
vatns í ánni. Allir fengu gistingu og
góðgerðir í litla bænum á Kolgröf-
um. Það var alltaf nóg pláss.
Mamma var mikil prjónakona og
prjónaði margar lopapeysur, vett-
linga og sokka á okkur systkinin og
síðar á börnin okkar.
Mamma var mjög heimakær og
elskaði sveitina sína og þar vildi hún
alltaf vera. Hún fæddist á Kolgröf-
um og dó á Kolgröfum og ég veit að
hún hefði ekki viljað deyja annars
staðar.
Henni fannst mjög gaman að fara í
bíltúra, t.d. í kringum Eyrarfjall.
Það þurfti ekki langa bíltúra til að
hún væri ánægð. Hún þekkti öll
kennileiti með nafni.
Mamma og pabbi fóru í margar
bændaferðir. Höfðu þau mikla
ánægju af þessum ferðum með sveit-
ungum sínum. Þá hittu þau aðra
bændur og gistu hjá þeim. Oft mynd-
aðist góður kunningsskapur milli
manna frá ólíkum landshlutum eftir
slíkar ferðir. Þeim varð tíðrætt um
þessi ferðalög og allt það góða fólk
sem þau hittu og kynntust.
Eitt sinn fóru þau til útlanda, en
það var með mér og fjölskyldu minni
til Svíþjóðar þegar við bjuggum þar.
Þetta var ógleymanlegur tími. Þau
nutu þess að skoða allt sem fyrir
augu bar, hvort sem það voru kon-
ungshallir eða bændabýli. Þó held
ég, að sænsku búskaparhættirnir
hafi vakið meiri áhuga hjá þeim en
stórar og fínar hallir.
Mamma og pabbi voru mjög sam-
rýnd og þegar pabbi missti heilsuna
stóð mamma eins og klettur við hlið
hans allan tímann þar til hann dó.
Pabbi og mamma voru mjög barn-
elsk og allir kepptust um að sitja við
hliðina á pabba í eldhúsinu á koffort-
inu við matarborðið. Og það var mik-
ið hlegið. Þetta voru skemmtilegustu
stundirnar. Mamma og pabbi tóku
marga stráka til sín yfir sumarið og
færri komust að en vildu. Svo var
komin röðin að barnabörnunum að fá
að vera í sveitinni á sumrin. Þar á
meðal voru Baldur og Ingvar nokkur
sumur að hjálpa til við búskapinn og
eiga þeir margar góðar minningar
frá þeim tíma. Góðar minningar um
afa, ömmu og Gunnar frænda, sem
var löngu tekinn við búinu þegar þeir
fóru að vera í sveitinni.
Þú varst vön að sitja við eldhús-
gluggann og dást að fegurðinni úti.
Þér leið best heima.
Elsku mamma mín, með söknuði
kveð ég þig og þakka þér fyrir allar
góðar minningar. Ég veit að núna
ertu hjá pabba. Vertu sæl, elsku
mamma.
Jóhanna, Sigurður og börn.
Elsku mamma mín.
Margs er að minnast,
margt er hér að þakka.
Guð sé lof fyrir liðna tíð.
Margs er að minnast,
margs er að sakna.
Guð þerri tregatárin stríð.
Far þú í friði,
friður Guðs þig blessi,
hafðu þökk fyrir allt og allt.
Gekkst þú með Guði,
Guð þér nú fylgi,
hans dýrðarhnoss þú hljóta skalt.
( V. Briem)
Takk fyrir allt, elsku mamma mín.
Þín dóttir
Guðríður Arndís (Dísa).
Nú er hún amma okkar í sveitinni
dáin. Hún sem var alltaf svo góð við
okkur. Við hlökkuðum alltaf til að
fara í sveitina þar sem amma tók
ávallt fagnandi á móti okkur. Amma
var alltaf til í að baka pönnukökur
fyrir okkur og ef við vildum ekki
borða það sem var í matinn fengum
við að fara í búrið og gá hvort þar
væri ekki eitthvert góðgæti. Alltaf
var amma tilbúin að spila og oft var
spilað tímunum saman. Ef við vorum
í sveitinni þegar ísbíllinn kom sá
amma til þess að við fengjum fullt af
ís.
Á vorin hringdi amma til okkar
þegar kindurnar okkar voru búnar
að bera og sagði okkur frá lömbun-
um, hvernig þau væru á litinn og
hvernig þau döfnuðu.
Það verður skrýtið að koma í
sveitina og engin amma verður til að
taka á móti okkur en hún er nú hjá
Guði þar sem hún er búin að hitta afa
Ingvar.
Láttu nú ljósið þitt
loga við rúmið mitt.
Hafðu þar sess og sæti,
signaði Jesús mæti.
Takk fyrir allt, amma María.
Elísabet Inga og Berglind Rut.
Elsku amma. Þegar ég frétti á
þriðjudaginn að þú værir dáin, þá
ætlaði ég bara ekki að trúa því. Þú
sem varst svo hraust og kát þína síð-
ustu daga, þú gerðir öll heimilis-
störfin.
Ég þakka fyrir allan þann tíma
sem við áttum saman. Það var mjög
gott að koma í sveitina. Ég minnist
þeirra stunda þegar við krakkarnir
vorum í sveitinni og það var alltaf
spilað á kvöldin.
Þegar ég varð eldri, þá fór ég að
vera í sveitinni allt sumarið. Þessi
sumur voru góð og eftirminnileg.
Venjulega var mikið að gera á sumr-
in.
Ég vann úti með Gunnari, en
amma sá um heimilið. Þegar stund
gafst, sátum við amma í eldhúsinu og
töluðum saman. Hún gat rætt um
hvað sem var og veitti öllum mínum
áhugamálum athygli. Þegar ég var
búinn að reisa háa loftkastala, sagði
hún gjarnan: „Já, heldurðu það?“ og
hló svo dátt. Já, hún hló góðlega, en
gerði aldrei lítið úr frjálsu ímynd-
unarafli mínu.
Síðar, þegar ég eignaðist hesta,
hafði hún mikinn áhuga á að heyra
um þá og hvernig gengi. Rifjaði hún
þá oft upp þegar hestar voru hjá
henni.
Þegar mamma talaði við ömmu í
símann, þá spurði amma alltaf um
hestana og allt sem að þeim sneri.
Hún hafði alltaf áhuga á öllu sem
við gerðum, en það leyndi sér ekki,
að það sem tengdist bústörfum, vakti
mestan áhuga hennar. Enda var
amma fædd í sveit, á Kolgröfum, og
starfaði þar alla sína ævi.
Amma var alltaf í góðu skapi. Hún
var jákvæð og talaði vel um alla.
Þannig á ég góðar minningar úr
sveitinni og um ömmu mína.
Guð blessi þig.
Ingvar Sigurðsson.
MARÍA
MAGNÚSDÓTTIR
 Fleiri minningargreinar um Mar-
íu Magnúsdóttur bíða birtingar og
munu birtast í blaðinu næstu daga.
R A Ð A U G L Ý S I N G A R
FÉLAGSSTARF
Aðalfundur Sjálfstæðis-
félags Garðabæjar
Aðalfundur Sjálfstæðisfélags Garðabæjar verð-
ur haldinn fimmtudaginn 19. júní nk. kl. 20.00
að Garðatorgi 7, Garðabæ.
Venjuleg aðalfundarstörf.
Fyrir aðalfundinn verður haldin grillveisla fyrir
utan Garðatorg 7 og hefst hún kl. 18.00.
VERUM BLÁTT - ÁFRAM
Stjórn Sjálfstæðisfélags Garðabæjar.
KENNSLA
Orkubrautir og vöðvaáhrif
16. 18. 19. og 20. júní.
Upplýsingar í síma 557 5000, 557 9736
og 691 3736.
Um er að ræða nám í dagskóla sem tekur tvær annir (einn vetur).
Vélfræðinám er sveigjanlegt, spennandi nám sem opnar þér fjölbreytta möguleika í atvinnulífinu. Menntunin veitir mikilvæg
alþjóðleg starfsréttindi auk þess sem hún hefur gildi stúdentsprófs við inntöku í háskóla.
Inntökuskilyrði: Eins árs siglingatími staðfestur með sjóferðabók og að umsækjandi sé 22 ára eða eldri. Sveinar í rafiðngreinum
þurfa ekki fyrrnefndan siglingatíma og fá auk þess ýmsa áfanga metna.
Námsskipulag
Hraðferðin byggist á því að almennar greinar, t.d. raungreinar og tungumál, eru felldar út sem styttir nám til 750kW réttinda úr
83 einingum í 48 einingar.
Umsóknir um skólavist: Skriflegar umsóknir berist til Vélskóla Íslands fyrir 12. júní n.k. Haustönn hefst mánudaginn 25. ágúst.
Frekari upplýsingar eru veittar í síma 551 9755 alla virka daga frá kl. 8 til 16.
Sjómannaskólanum v/Háteigsveg, 105 Reykjavík
Sími: 551 9755 Fax: 552 3760 Netfang: vsi@velskoli.is Vefsíður: www.velskoli.is og www.maskina.is
Vélskóli Íslands
HRAÐFERÐ TIL 2. STIGS VÉLSTJÓRANÁMS SEM
VEITIR 750kW RÉTTINDI
Vélskóli Íslands
Skólameistari
N
O
N
N
I
O
G
M
A
N
N
I
I
Y
D
D
A
•
N
M
0
9
5
6
2
•
sia
.is