Morgunblaðið - 11.06.2003, Blaðsíða 45
FÓLK Í FRÉTTUM
MORGUNBLAÐIÐ MIÐVIKUDAGUR 11. JÚNÍ 2003 45
SPITZ-galleríið, knæpan og tón-
leikabúllan eru á Spitalfields mark-
aðnum í austurhluta Lundúna. Þar
var opnuð sögusýning Smekkleysu í
síðustu viku og opnunarkvöldið voru
haldnir tónleikar þar sem boðið var
upp á naumhyggjulegan spuna og
óhljóðakennt hip-hop. Fyrstir á svið
voru þeir félagar í Napoli 23.
Á framúrskarandi skemmtilegri
plötu Napolí 23 sem kom út fyrir síð-
ustu jól var tónlistin mjög spuna-
kennd og greinilegt að þó tónlistin
væri sameiginleg smíð voru menn að
vinna með hugmyndir hver í sínu
horni. Þau lög sem boðið var upp á á
Spitz voru aftur á móti mun betur
mótuð, laglínur slípaðar og fægðar og
framvindan hnitmiðuð og skýr. Mest
bar á framlagi Eyvinds Kangs en fín-
legri innskot þeirra Skúla, Hilmars
og Matthíasar áttu það til að hverfa
framan af í skvaldrinu frá áheyrend-
um. Þegar Eyvind dró fram hornið
þögnuðu aftur á móti flestir við-
staddra og eftir það komu spuna-
flækjurnar betur í ljós.
Lokalag Napoli 23 að þessu sinni
var ragan af disknum góða með vír-
uðum inngangskafla og eina lagið
sem áður hafði heyrst. Frábær
frammistaða og gaman verður að
heyra þessi lög aftur á góðu sviði án
drykkjuskvaldurs. Ástæða er til að
minna lesendur á að Napoli 23 heldur
tónleika í Borgarleikhúsinu á morg-
un. Ekki missa af þeim!
Það mátti sjá á Einari Erni að hann
var að debútera sem sólólistamaður,
því þó hann bæri sig vel var hann
óstyrkur fyrstu mínúturnar af „Sui-
cide“, en þó furðu fljótur í gang miðað
við að þetta voru fyrstu tónleikar með
tónlist sem varð að mestu til í hljóð-
veri. Það var gaman að sjá þá feðga
Einar Örn og
Hrafnkel Flóka
spila saman á
trompeta í upphafi
og skemmst frá
því að segja að
Hrafnkell stóð sig
einstaklega vel allt
kvöldið, kom alltaf
rétt inn og
skreytti smekk-
lega – með tónlist í
blóðinu.
Tónlistin sem
þeir Einar Örn og
Birgir Örn hafa
soðið saman er rafsoðið,
rokkað hip-hop, skemmti-
legur bræðingur af þungum
brotnum töktum með
spunakenndum talsöng/
öskri. Laglínur eru skældar
og teygðar og áhrifin af tón-
listinni uppsöfnuð ef svo má
segja; klifandi taktur bygg-
ist upp í hátimbraða hávaða-
höll sem síðan hrynur yfir
áheyrandann. Frábært!
Jafnvægi milli raddar og
undirleiks var mjög gott og
sérstaklega var ánægjulegt
hve vel heyrðist í Einari,
hvað röddin var framarlega. Honum
óx ásmegin eftir því sem leið á tón-
leikana og fjórða lagið, „Cough of
Love“, var sérdeilis magnað.
Áður er getið frammistöðu þeirra
feðga Einars Arnar og Hrafnkels
Flóka en eftir að nefna snilldar-
frammistöðu Birgis Arnar takt- og
óhljóðameistara. Gítarleikararnir Óð-
inn og Elís stóðu sig líka afskapega
vel, sérstaklega þegar þeir slettu úr
klaufunum.
Tónleikarnir voru haldnir í tilefni
af sýningu sem segir sögu Smekk-
leysu og er í góðu samræmi við hug-
myndafræði þess félagsskapar að
leiða saman svo ólíka tónlist, svo ólík-
ar hljómsveitir og enn að kynna tón-
list framtíðarinnar.
Tónlist
Tónlist
framtíð-
arinnar
Tónleikar
SPITZ – Lundúnum
Napoli 23 og Einar Örn Benediktsson
Tónleikar á vegum Smekkleysu í Lund-
únum 4. maí. Fram komu Napoli 23, sem
skipuð er þeim Eyvind Kang, Skúla Sverr-
issyni, Hilmari Jenssyni og Matthíasi
Hemstock, og Einar Örn Benediktsson
með hljómsveit sinni sem skipuð er hon-
um, Birgi Erni Thoroddsen, Óðni Erni
Hilmarssyni, Elísi Péturssyni og Hrafnkeli
Flóka Einarssyni.
Árni Matthíasson
Einar Örn kom í fyrsta sinn fram sem sólólistamaður.
Sonur hans Hrafnkell Flóki blæs í trompetinn.
Eyving Kang og Hilmar Jensson, liðsmenn
Napoli 23.
Morgunblaðið/Björg Sveinsdóttir
PLATAN Eftir þögn með tónlist-
armönnunum Óskari Guðjónssyni
saxófónleikara og Skúla Sverrissyni
bassaleikara hefur fengið lofsam-
lega umsögn í hinu virta breska
tónlistartímariti Wire. Platan, sem
fékk tvenn verðlaun á Íslensku tón-
listarverðlaununum í ársbyrjun,
kom út hjá Eddu/Ómi fyrir jólin.
Gagnrýnandinn tekur fram að
þrátt fyrir að platan sé stutt (33
mínútur) sé hún töfrum þrungin,
„sannkölluð gersemi“, segir hann. Í
umsögninni segir að vonandi efli
platan hróður Óskars á erlendri
grundu. Segir ennfremur að Eftir
þögn sé falleg plata, sem veki
myndir af íslensku landslagi. Óskar
er sagður fjölhæfur listamaður, sem
unnið hafi með tónlistarfólki úr sí-
gilda geiranum jafnt og rokkinu, og
er framlagi Skúla einnig hrósað.
Þeir sömdu lögin á plötunni í sam-
einingu en þau eru sögð líkjast
fremur spurningum en svörum.
Rætt er um persónulega hlið
plötunnar, sem er samin til fjöl-
skyldunnar og vina. Upptökur fóru
fram í New York og í Salnum í
Kópavogi.
Eftir þögn fær góða dóma í Wire
Þessi mynd prýðir umslag plötunnar Eftir þögn með Skúla Sverrissyni og
Óskari Guðjónssyni. Hún hefur fengið góða umsögn í blaðinu Wire.
Óskar og Skúli lofaðir
MIÐNÆTURTÓNLEIKAR þar
sem sveitaballastemningin ræður
ríkjum verða haldnir á NASA á föstu-
dagskvöldum í sumar. Gleðihljóm-
sveitin Stuðmenn ríður á vaðið næst-
komandi föstudag. Síðar í sumar má
svo búast við að sjá Sálina hans Jóns
míns, Skítamóral, Írafár og Brimkló á
staðnum, að sögn Einars Bárðarson-
ar tónleikahaldara.
„Ég er alinn upp við sveitaböllin á
Suðurlandi,“ útskýrir Einar og segir
að undanfarið hafi hallað undan fæti á
sveitaballamarkaðinum. „Sífellt færri
og færri hús úti á landi bjóða upp á
dæmigerð íslensk sveitaböll. Það var
því ákveðið að venda sér í þetta í höf-
uðborginni og búa til almennilega
sveitaballastemningu hérna,“ segir
hann.
Einar segir að sviðið og umgjörðin
öll á NASA minni mikið á hefðbundna
sveitaballastaði sem stóðu í blóma á
árum áður. „Það sem er skemmtileg-
ast við þetta er að húsið sem slíkt er
alveg frábært í þetta. Það er ekkert
hús betur til þess fallið í bænum,“
segir hann og nefnir stórt og rúmgott
svið, upphækkun allan hringinn og
stóran sal máli sínu til stuðnings.
„Það verður sett alveg sér hljóðkerfi
inn á NASA fyrir þetta og það verður
flott ljósasýning,“ segir Einar og
bendir jafnframt á að á NASA hafi á
sínum tíma verði reknir einhverjir
vinsælustu skemmtistaðir þjóðarinn-
ar, Sigtún og Sjálfstæðishúsið.
Einhver eftirminnilegasta senan úr
kvikmyndinni Með allt á hreinu var
mynduð á NASA, sem þá hét Sigtún.
„Þar fer Dúddi Rót mikinn í leit að
þátttakendum í fegurðarsamkeppni
en honum verður ekki kápan úr því
klæðinu en í staðinn kemur fram mið-
ill sem finnur reiðhjól og framinn er
gjörningur með mjólk og hattinum
hans Kriss á Klapparstígnum,“ minn-
ist Einar glaður í bragði.
Tónleikaröð á NASA á föstudagskvöldum
Stuðmenn ríða á vaðið með sveita-
ballastemningu á NASA við Aust-
urvöll á föstudagskvöldið.
Sveitaböll í höfuðborginni