Morgunblaðið - 11.06.2003, Blaðsíða 3

MORGUNBLAÐIÐ MIÐVIKUDAGUR 11. JÚNÍ 2003 B 3
bílar
GLÆSIVAGNINN Mercedes-Benz, V
553, árgerð 1958, verður boðinn upp
16. júní næstkomandi og andvirði
bílsins látið renna til átaksins Þjóð
gegn þunglyndi. Um er að ræða bif-
reið sem er lítillega skemmd eftir
umferðaróhapp og er í eigu VÍS. Bif-
reiðin verður sýnd almenningi í
Smáralind næstu daga og síðan boð-
in upp 16. júní nk. Einnig verður hægt
að bjóða í hana á heimasíðu VÍS,
www.vis.is.
Þessi Mercedes-Benz-fornbifreið
hefur lengst af átt heima í Vest-
mannaeyjum. Bíllinn hefur verið
gerður upp í tvígang auk þess sem
síðasti eigandi – á undan VÍS – lag-
færði hann verulega. Bíllinn hefur
skipt litum margsinnis um dagana.
Hann er núna dökkblár en var brúnn,
rauður, svartur og grár á árum áður.
Ekið var á bílinn kyrrstæðan í
Reykjavík síðastliðið sumar og við
það beyglaðist framstuðari nokkuð
og grillið sömuleiðis. VÍS gerði þáver-
andi eiganda tilboð í bílinn og eign-
aðist hann í framhaldi af því.
Eigendasagan að hluta
Benzinn hefur trúlega verið í
Reykjavík frá því hann kom nýr til
landsins og þar til Eyjamaðurinn Páll
Árnason keypti hann fyrir 140.000
krónur á bílasölu í borginni árið 1964.
Þá var númerið á honum R 13517 en
Benzinn varð við eigendaskiptin
V 172. Benzinn vakti að vonum mikla
athygli þegar nýi eigandinn, þá á
nítjánda ári, ók honum um götur í
Eyjum. Páll á margar góðar minn-
ingar um Benzann og segir bílinn
hafa verið afar vandaðan og mjúkan.
Benzinn var á þessum tíma með
þaklúgu (svokölluðum dragtopp) og
Páll segir að vinir sínir hafi stundum
tekið upp á því á rúntinum í Eyjum
að standa upp úr aftursætinu, reka
höfuðið upp úr lúgunni og syngja.
Páll átti Benzann í fáein ár og seldi
hann þá manni úr Vottum Jehóva í
Reykjavík. Hann segist alla tíð hafa
séð eftir bílnum.
Ekki leið langur tími þar til Benz-
inn sást á nýjan leik á götum Vest-
mannaeyja því aðkomumaður þar,
Sverrir að nafni, keypti bílinn fyrir
sunnan og notaði til leiguaksturs í
Eyjum. Eftir því sem næst verður
komist seldi hann bílinn síðan skip-
stjóra hjá Eimskip sem þá bjó á höf-
uðborgarsvæðinu en er nú búsettur í
Kanada
Enn og aftur lá leið bílsins til Eyja
eftir að Þórður Magnússon, oftast
kallaður Þórður á Skansinum, keypti
hann í Reykjavík í kringum 1970.
Hann segist hafa gert bílinn upp frá
grunni og varið til þess jafnvirði nýrr-
ar Volkswagen-bjöllu.
Þórður afskráði Benzann á árinu
1982 og geymdi hann númerslausan
í Eyjum þar til Rúnar Sigurjónsson,
stjórnarmaður í Fornbílaklúbbnum,
keypti hann árið 2000. Rúnar er vél-
virki og hefur fengist við að gera upp
gamla bíla, aðallega af Mercedes-
Benz-gerð. Hann lagfærði Benzann
talsvert og skráði hann á nýjan leik
sem fornbifreið og valdi bílnum núm-
erið V 553 samkvæmt nýlegum
reglum um fornmerki. Þetta er
skráningarnúmerið sem hafði verið á
bílnum á meðan Þórður á Skansinum
átti hann.
Eyjabens-
inn boð-
inn upp
Bíllinn eins og hann lítur út í dag.
Á brúnni yfir Þjórsá á sjöunda ára-
tugnum.
NÚ fer í hönd sá árstími þegar
margir hyggja á ferðalög með hjól-
hýsi, kerrur, hestakerrur eða aðra
eftirvagna. Til þess að aka fólksbíl
eða sendibíl sem er 3.500 kg eða
léttari þarf ökuskírteini í B-flokki,
eða almenn ökuréttindi. Einnig er
heimilt að vera með tengdan eft-
irvagn eða tengitæki sem er 750 kg
eða minna að leyfðri heildarþyngd.
Þá er heimilt að vera með eftirvagn
eða tengitæki sem er meira en 750
kg að leyfðri heildarþyngd ef leyfð
heildarþyngd beggja ökutækja er
3.500 kg eða minna og leyfð heild-
arþyngd eftirvagnsins eða tengi-
tækisins ekki meiri en eigin þyngd
dráttartækisins.
BE-merking í ökuskírteini veitir
hins vegar rétt til að stjórna sam-
tengdum ökutækjum þar sem drátt-
artækið er í flokki B, þ.e.a.s. 3.500
kg eða léttara, og leyfð heildar-
þyngd eftirvagns eða tengitækis er
meiri en 750 kg.
Eftirvagn má aldrei vera þyngri
en skráð er í skráningarskírteini
dráttarbílsins, annars vegar fyrir
vagn án hemla og hins vegar fyrir
vagn með hemlum. Í eldri bílum eru
þessar þyngdir ekki skráðar í
skráningarskírteini og gildir þá
reglan að eftirvagn án hemla má
ekki vera þyngri en helmingur af
eigin þyngd dráttarbílsins.
Allir eftirvagnar með leyfða heild-
arþyngd yfir 750 kg skulu búnir
hemlum. Oftast er um að ræða svo-
kallaða ýtihemla eða rafmagns-
hemla á vögnum með minni leyfða
heildarþyngd en 3.500 kg. Á þyngri
vögnum skulu hemlar vera sam-
tengdir hemlum dráttarbílsins.
Ekki er skylt að hafa hemlabúnað á
eftirvagni með minni leyfða heild-
arþyngd en 750 kg nema þyngd
vagnsins sé meiri en skráð er í
skráningarskírteini dráttarbílsins.
Rétt er að benda á að einungis
stærstu og öflugustu fólksbílar og
jeppar mega draga hemlalausa
vagna sem eru sem næst 750 kg
þungir.
Hámarkshraði með eftirvagn
Almenna reglan er sú að fólks-
bifreið og sendibifreið með eftir-
vagn má ekki aka hraðar en 80 km/
klst. Bílar með óskráð tengitæki
mega ekki fara hraðar en 60 km/
klst. Enn munu vera í umferðinni
nokkrir gamlir eftirvagnar sem eru
með leyfða heildarþyngd meiri en
750 kg og án hemla. Eru þeir frá
þeim tíma áður en reglur voru sett-
ar um að allir eftirvagnar með
leyfða heildarþyngd yfir 750 kg
skuli búnir hemlum. Hámarkshraði
með þessa eftirvagna er 60 km/klst
en rétt er að benda á að ekki eru
nema fáir bílar sem mega draga
þessa vagna.
Hættuleg samsetning
Margir nýlegir fólksbílar eru bún-
ir ABS-hemlum. Eftirvagnar með
ýtihemla eru sjaldan með þennan
búnað. Þessi samsetning getur verið
hættuleg þegar nauðhemlað er á
miklum hraða á blautum vegi. Hjól
bílsins stöðvast ekki þannig að hægt
er að stýra bílnum við slíkar kring-
umstæður. Öðru máli gegnir um
vagninn, sem missir veggripið og
getur lagst fram með bílnum.
Ljósabúnaður eftirvagna
Allir eftirvagnar skulu búnir ljós-
um sem eru hliðstæð aftur- og hlið-
arljósum bifreiða. Ef eftirvagn
hindrar baksýn úr dráttarbílnum
þarf að framlengja hliðarspegla bíls-
ins báðum megin. Speglarnir skulu
gera ökumanni kleift að sjá beggja
vegna aftur með ækinu.
Lengd og breidd eftirvagna
Eftirvagn má ekki vera breiðari
en 2,5 metrar og ekki ná meira en
30cm út fyrir hvora hlið dráttarbíls-
ins, þ.e. ekki vera meira en 60 cm
breiðari en dráttarbíllinn. Eftir-
vagnar mega ekki vera lengri en 12
metrar og hámarkslengd bíls og eft-
irvagns er 18,5 metrar.
Morgunblaðið/Ómar
Ekki gilda sömu reglur um hestvagna af þessari gerð og aðra eftirvagna.
Eftirvagnar og reglugerðir
Að mörgu að hyggja
fyrir eigendur
PIPAR OG SALT Klapparstíg 44
Sími 562 3614
GEFÐU HÚSINU SVIP
Vönduð ryðfrí húsaskilti
Fjölbreytt myndaval fyrir
hús & sumabústaði