Morgunblaðið - 12.06.2003, Blaðsíða 19
LANDIÐ
MORGUNBLAÐIÐ FIMMTUDAGUR 12. JÚNÍ 2003 19
IBM gagnageymslulausnir
FIMMTUDAGS-
TILBOÐ
Suðurlandsbraut
Sími 533 3109
Opið
mán.-fös. kl. 12-18
laugardaga kl. 10-16
Dömusandalar
Leður
Litir:
Svart og dökkblátt
Stærðir: 35-42
VERÐ ÁÐUR 5.995
VERÐ NÚ 2.995
UM nokkurra ára skeið hefur verið
siður á Leikskólanum Sólvöllum í
Grundarfirði að útskrifa vænt-
anlega grunnskólanemendur með
viðhöfn. Þar hefur einnig tíðkast að
fara í baðstrandarferð út í Sandvík-
urfjöru við Krossnes einhvern sól-
ardaginn fyrir útskrift. Fyrir
skömmu fór útskrift 21 leikskóla-
nema fram með viðhöfn í Sam-
komuhúsinu í Grundarfirði. Eftir
að leikskólastjórinn Sigríður Páls-
dóttir hafði ávarpað útskriftarhóp-
inn og þau sungið nokkur lög fékk
hver og einn afhenta möppu með
vinnu sinni undanfarin ár og síðan
var útskriftarhúfan sett upp. Sal-
urinn var þétt setinn af foreldrum
og systkinum. Síðan var haldið í
skrúðgöngu út á veitingastaðinn
Kaffi 59 þar sem snæddar voru
kræsingar við hæfi barna.
Morgunblaðið/Gunnar Kristjánsson
Skrúðganga með leikskólakennurum og foreldrum í átt að Kaffi 59.
Útskrift á Sólvöllum
Grundarfjörður
HEIÐURSHJÓNIN Guðmundur
Sigurðsson og Hildur Þorsteinsdóttir
láta af störfum í Grunnskólanum í
Borgarnesi nú í sumar. Þau hófu störf
við skólann árið 1958 og hafa samtals
kennt Borgfirðingum og Mýramönn-
um meira en fimmtíu þúsund
kennslustundir. Hildur hefur að
mestu helgað sig sérkennslu en Guð-
mundur kenndi stærðfræði uns hann
varð skólastjóri árið 1978. Því starfi
gegndi hann til ársins 1998 en hefur
síðan verið stundakennari. Þau flytja
suður í Garðabæ og hætta kennslu-
störfum.
Á skólaslitum í liðinni viku þakkaði
Bæjarstjórn Borgarbyggðar og
fræðslunefnd þeim hjónum fyrir
ánægjulegt samstarf í gegnum árin
og heiðraði þau með blómum og bóka-
gjöf. Kennarar og starfsfólk grunn-
skólans færði þeim að skilnaði borg-
firskar lopapeysur og listaverk að
gjöf. Guðmundur sagði við það tæki-
færi að sér hefði líkað sérdeilis vel að
búa og starfa í Borgarnesi. Hann lét
þess og getið að sér fyndist börn vera
alin upp í góðum siðum og alltaf hefði
hann mætt hlýju viðmóti hér.
Morgunblaðið/Guðrún Vala
Guðmundur Sigurðsson og Hildur Þorsteinsdóttir með lopapeysurnar.
Listaverkin á bakvið þau eru eftir Guðmund.
Hafa kennt meira
en 50 þúsund
kennslustundir
Borgarnes
OPNUÐ hefur verið sýning á
myndum eftir listakonuna Brynju
Dís Björnsdóttur í Halldórskaffi í
Vík í Mýrdal. Sýninguna kallar
hún Strengi og eru myndirnar all-
ar hugsaðar út frá tónlist, eins og
nöfn verkanna bera með sér, en
þau eru t.d. allegró, stef, dúett og
fleira.
Myndirnar eru allar unnar með
akrýl á striga.
Brynja Dís lærði í Kennarahá-
skóla Íslands og fór síðan í mynd-
listardeild hans og að því loknu í
Myndlista- og handíðaskóla Ís-
lands í málaradeild. Hún starfar
auk þess að mála sem myndlistar-
kennari við Hjallaskóla í Kópa-
vogi. Þetta er fyrsta einkasýning
hennar en áður hefur hún verið
með í samsýningu í Portinu í
Hafnarfirði og vinnustofusýningu.
Sýningin stendur til 28. júní og
eru myndirnar allar til sölu.
Brynja Dís Björnsdóttir við mál-
verkið, Blá sinfónía.
Brynja Dís
sýnir á Hall-
dórskaffi í Vík
Fagridalur
Ljósmynd/ Jónas Erlendsson