Morgunblaðið - 12.06.2003, Blaðsíða 40
40 FIMMTUDAGUR 12. JÚNÍ 2003 MORGUNBLAÐIÐ
BRÉF
TIL BLAÐSINS
Kringlunni 1 103 Reykjavík Sími 569 1100
Símbréf 569 1329 Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
MÉR hlotnaðist gjöf um daginn. Það
var geisladiskur með yfir 20 hugljúf-
um lögum sem Árni Gunnlaugsson
hæstaréttarlögmaður í Hafnarfirði
hefir nýlega sent frá sér og eru flest
lögin eftir hann sjálfan og eins flutn-
ingur þeirra. Árni er enginn nýgræð-
ingur í þessum efnum. Hann hefir
alltaf verið maður vors og fagurra
hljóma og það sannar þessi góði
hljómdiskur. Á honum eru 16 lög eft-
ir Árna og 7 eftir aðra höfunda. Þá er
flutningur af ýmsum þekktum flytj-
endum svo sem Lúðrasveit Hafnar-
fjarðar, Karlakórnum Þröstum og
tvöföldum kvartett nokkurra góð-
söngvara. Þarna leggja margir
söngvarar lið sitt og má þar til nefna
þá Stefán Skaftason, Árna Frið-
finnsson og Kristján Gamalíelsson
og marga fleiri. Diskurinn sjálfur er
vel unninn og engin viðvaningstök á
honum. Þetta eru þýð og fögur lög
við allra hæfi og öll til þess að leiða
hið ljúfasta fram í huga þess sem á
hlýðir. Ég get sagt þetta af eigin
reynslu, búinn að fara nokkrum
sinnum yfir lögin og ekki orðið fyrir
vonbrigðum, síður en svo.
Ég vil þakka Árna fyrir þetta góða
framlag til íslenskrar tónlistar og
óska honum allra heilla með þetta af-
rek. Ég vildi að lokum benda fólki á
þenna geisladisk. Hann er tilvalinn
til tækifærisgjafa og það munu fleiri
taka undir.
ÁRNI HELGASON
Stykkishólmi.
Gott framlag til ís-
lenskrar tónlistar
Frá Árna Helgasyni:
NÚ GET ég ekki á mér setið lengur
og verð að leggja orð í belg vegna
þess hvernig gengið er fram hjá
helsta málsvara mænuskaddaðra á
Íslandi. Auður Guðjónsdóttir hjúkr-
unarfræðingur kom því til leiðar að
Alþjóðaheilbrigðisstofnunin gerði
Ísland að vettvangi fyrir starfsemi
nefndar um málefni mænuskadd-
aðra. Samt virðist hún ekki eiga að fá
að taka þátt í því starfi.
Auður Guðjónsdóttir er að mínu
mati mesta og besta kraftaverk okk-
ar mænuskaddaðra fram til þessa,
hvað svo sem síðar kann að verða.
Ég hef fulla trú á að hún eigi eftir að
gera miklu meira en hún hefur þegar
gert, fái hún til þess tækifæri.
Ég vona að heilbrigðisráðherra
átti sig á því að Ísland hefði ekki orð-
ið fyrir valinu hjá Alþjóðaheilbrigð-
isstofnuninni hefði það ekki verið
Auður Guðjónsdóttir sem kom þessu
öllu af stað. Ég skora á ráðherra að
nýta krafta Auðar til starfa í þeirri
nefnd sem nú hefur verið komið á
laggirnar. Það sparar bæði tíma og
peninga og flýtir fyrir framförum í
lækningum á mænuskaða. Heimur-
inn allur mun koma til með að njóta
góðs af því ef Auður fær að vera með
í nefndinni.
Nú er tími til kominn að íslenskir
læknar sumir hverjir kyngi stolti
sínu og viðurkenni að Auður hefur
einfaldlega meiri þekkingu en þeir
þegar kemur að mænuskaða. Þeir
ættu að sætta sig við það og reyna að
læra eitthvað af henni. Auður Guð-
jónsdóttir hefur lagt sig alla fram við
að afla sér þekkingar og sambanda
um allan heim.
Ég man öll lætin sem urðu hjá
nokkrum læknum (á Borgarspítalan-
um — þeir taki til sín sem eiga) þeg-
ar Auður fékk hingað til lands kín-
verskan lækni til að gera aðgerð á
Hrafnhildi dóttur sinni. Þeir leyfðu
sér að efast um hæfni hans en hefðu
betur eytt orku sinni í að reyna í
staðinn að afla sér aukinnar þekk-
ingar úr öðrum heimsálfum, öllum til
góðs — og þeim sjálfum líka. Það er
með ólíkindum hvað Auður hefur
lagt á sig fyrir okkur, þessa mænu-
sköðuðu einstaklinga, sem njótum
góðs af þrautseigju hennar og dugn-
aði.
Læknar verða að vera opnir fyrir
nýjungum og fljótir að tileinka sér
þær. Þeir læknar sem eru á móti
Auði verða bara að láta af afbrýði-
semi sinni og reyna að vinna með
henni. Á því þarf heimurinn að halda.
Kæri heilbrigðisráðherra, stönd-
um nú öll saman í þessari baráttu í
sátt og samlyndi því að þá gengur
allt miklu betur.
Áfram Auður, ég stend með þér!
AÐALBJÖRG
GUÐGEIRSDÓTTIR,
Bakkastöðum 89,
112 Reykjavík.
Áfram Auður!
Frá Aðalbjörgu Guðgeirsdóttur:
! " # $
% & '( ) #
#
* "
Vöggusæn
gur
vöggusett
PÓSTSENDUM
Skólavörðustíg 21 sími 551 4050 Reykjavík Mörkinni 6 - Sími 588 5518
Tilboð
Víniljakkar
frá kr. 2.900