Morgunblaðið - 14.06.2003, Blaðsíða 1

Þetta er
Maus
Tíu ár, fimm plötur og fjórir
góðir vinir Fólk 60
„Það er bara svo gaman að
búa til músík“ Lesbók 8
Sigurför
Sigur Rósar
Nýting
sjávarfangs
Hvaða áhrif hefur fiskur á
sjúkdóma? Úr verinu 13
MEÐLIMUR Hamas, róttækra heittrúar-
samtaka Palestínumanna, féll og 26 manns
særðust í flugskeytaárás Ísraelshers á bif-
reið í Gazaborg í gærkvöld. Að sögn lækna á
al-Shifa sjúkrahúsinu voru átta börn meðal
þeirra sem særðust í árásinni og voru þrjú
þeirra alvarlega særð.
Heimildarmenn AFP segja ísraelskar
orrustuþyrlur hafa skotið þremur flug-
skeytum að bíl í Gazaborg með þeim afleið-
ingum að Adel al-Lidawi, 26 ára gamall liðs-
maður Hamas-hreyfingarinnar, lét lífið.
Fjórir voru í bílnum sem varð fyrir árásinni.
Fjöldi fólks var að yfirgefa moskur í borg-
inni að loknu bænahaldi er árásin var gerð.
Ísraelski herinn hefur staðfest að hann
hafi staðið að árásinni en segir þá sem fyrir
árásinni urðu hafa verið að búa sig undir að
skjóta heimatilbúnum flaugum á ísraelsk
skotmörk.
Sharon vill vopnahlé
Ísraelskar herþyrlur skutu einnig nokkr-
um flugskeytum á hús palestínsks manns
sem grunaður er um að vera liðsmaður
Hamas í annarri árás í gærkvöld. Enginn
slasaðist en að sögn vitna er húsið mikið
skemmt. Flugskeytaárásin var sú sjöunda
sem Ísraelsher gerir á Gazasvæðinu á
þremur dögum.
Að sögn palestínskra heimildarmanna
AFP fór háttsettur aðstoðarmaður Ariels
Sharons, forsætisráðherra Ísraels, fram á
vopnahlé við herskáa Palestínumenn seint í
gærkvöld. Þeir segja skilmála vopnahlésins
að það standi í þrjá daga til að byrja með og
taki jafnt til tilræða Ísraels við Hamas-liða
og árása Palestínumanna á Ísrael.
Reuters
Særð palestínsk stúlka færð undir lækn-
ishendur eftir árásina í gærkvöld.
Enn nýjar
árásir á Gaza
Einn Hamas-liði féll og 26
særðust í fyrri árásinni
Gazaborg. AFP.
KANADÍSKA sjávarútvegsfyrir-
tækið Clearwater og Sanford á
Nýja-Sjálandi eiga nú í viðræðum
um kaup á 12,5% hlut hvort félag í
Sölumiðstöð hraðfrystihúsanna.
Erlendu kaupendurnir vonast eftir
því að niðurstaða fáist á næstu
tveimur vikum.
John Risley, aðaleigandi Clear-
water, staðfesti í samtali við Morg-
unblaðið að þessi tvö fyrirtæki
hefðu mikinn áhuga á að kaupa
hlut í Sölumiðstöð hraðfrysti-
húsanna, viðræður stæðu yfir og
vonaðist hann til niðurstöðu innan
tveggja vikna. Hann vildi ekki
segja við hverja væri rætt um
söluna, en samkvæmt heimildum
Morgunblaðsins hefur Íslands-
banki haft milligöngu í þessum
umræðum.
Íslandsbanki á ríflega 17% í SH
og er þriðji stærsti hluthafinn. Þá á
Fjárfestingarfélagið Straumur ríf-
lega 10%, en það er að hluta til í
eigu Íslandsbanka. Stærsti hlut-
hafinn er Landsbankinn með ríf-
lega fjórðung og Burðarás með
tæplega fimmtung.
Miðað við gengið 5,10 á hluta-
bréfum í SH, að síðustu kauptilboð
voru 5,05 og sölutilboð 5,15, gæti
verðmæti þessa hlutar numið um
tveimur milljörðum króna. John
Risley sagði í samtali við Morgun-
blaðið að áhugi Clearwater og San-
ford byggðist á því að Sölumið-
stöðin væri afar öflugt fyrirtæki
með sterka alþjóðlega stöðu á fisk-
mörkuðunum og því væri eftir
miklu að slægjast fyrir fyrirtækin
að eignast hlut í SH.
Þess má geta að leiðir þessara
þriggja félaga, SH, Clearwater og
Sanford, liggja saman í í sjávarút-
vegsrisanum Fishery Products
International á Nýfundnalandi. Öll
eiga þau um 15% hlut í félaginu og
eru því þar með nokkuð ráðandi
stöðu. Það munu vera hugmyndir
þessara þriggja félaga, verði af
kaupunum, að nota Sölumiðstöðina
sem eins konar útrásarfélag á
alþjóðlegum mörkuðum.
Erlendir aðilar vilja 25%
hlut í Sölumiðstöðinni
Íslandsbanki hefur milligöngu í við-
ræðum við Clearwater í Kanada og
Sanford á Nýja-Sjálandi um kaupin


















  
  

 
!
    

" ! #
$# %

$&
'& # (

!) 
  # " %# 
 ! # 

!) 
*!+ %
,
#  

   
-
BANDARÍSKIR hermenn felldu 27 Íraka sem
réðust á skriðdreka norðan við Bagdad í gær og
alls hafa um hundrað stuðningsmenn Saddams
Husseins, fyrrverandi Íraksforseta, fallið síðustu
daga í umfangsmiklum hernaðaraðgerðum banda-
ríska hernámsliðsins í Írak.
Hermenn handtóku einnig 74 menn sem lýst var
sem hugsanlegum stuðningsmönnum hryðjuverka-
samtakanna al-Qaeda norðan við borgina Kirkuk í
norðanverðu landinu á fimmtudag. Talsmaður
Bandaríkjahers sagði þó að enn væri ekki vitað
hvort þeir tengdust al-Qaeda. Þúsundir banda-
rískra hermanna hafa tekið þátt í fjögurra daga
aðgerðum sem miða að því að brjóta á bak aftur
vaxandi andstöðu stuðningsmanna Saddams Huss-
eins norðan við írösku höfuðborgina. Bandaríska
herstjórnin sagði að „skipulagður hópur“ hefði ráð-
ist á skriðdrekana úr launsátri með sprengjum
nálægt bænum Balad, um 56 km frá Bagdad. Ekki
kom fram hvort mannfall hefði orðið í liði Banda-
ríkjamanna.
Richard B. Myers, forseti bandaríska herráðs-
ins, sagði að verið væri að kanna upplýsingar frá
leyniþjónustumönnum um að „erlendir vígamenn“
kynnu að hafa verið í meintum þjálfunarbúðum
hryðjuverkamanna sem bandarískir hermenn réð-
ust á norðvestan við Bagdad í fyrradag. Embættis-
maður í Washington sagði að hermennirnir hefðu
fellt um 70 menn í áhlaupinu og flestir þeirra væru
taldir vera frá öðrum löndum en Írak. Er þetta
fyrsta vísbendingin frá 1. maí um að sjálfboðaliðar
frá öðrum arabaríkjum séu enn í Írak.
Arabíska dagblaðið Al-Quds Al-Arabi birtir í dag
bréf sem Saddam Hussein er sagður hafa skrifað.
Þar er árásum í þeim löndum sem taka þátt í her-
náminu hótað fari ekki „allir erlendir borgarar og
þeir sem komu með hernámsliðinu“ fyrir 17. júní.
Hafa fellt um hundrað
stuðningsmenn Saddams
Balad. AP, AFP.

Um 400 manns/16
EINN mikilvægasti efnis-
þátturinn í lakkrís hefur
reynst merkilega vel gegn
veirunni sem veldur heil-
kennum alvarlegrar og
bráðrar lungnabólgu,
HABL, í tilraunum er gerðar
voru á rannsóknastofu. Kem-
ur þetta fram í niðurstöðum
þýskrar rannsóknar sem
birtar eru í dag í breska
læknaritinu The Lancet.
Glycyrrhizin er efna-
samband unnið úr lakkrísrót
og hefur áður verið prófað
sem mótefni gegn veirum.
Það reyndist duga vel til að
koma í veg fyrir að HABL-
veiran fjölgaði sér, segja
höfundar rannsóknarinnar.
Glycyrrhizin dugði mun
betur en fjögur önnur hefð-
bundin efnasambönd sem
notuð eru til að koma í veg
fyrir að veiru- og krabba-
meinsfrumur fjölgi sér.
Aðeins er um að ræða
frumrannsókn, og mun víð-
tækari rannsókna er þörf á
bæði því hvort óhætt sé að
beita þessu efnasambandi og
einnig áhrifum þess, áður en
hægt verður að fullyrða að
glycyrrhizin lækni HABL.
Engu að síður eru niður-
stöðurnar það jákvæðar að
líta ber á þetta sem mögu-
lega aðferð í baráttunni við
sjúkdóminn, segja höfundar
rannsóknarinnar.
Lakkrís-
rót gegn
HABL
París. AFP.
STOFNAÐ 1913 159. TBL. 91. ÁRG. LAUGARDAGUR 14. JÚNÍ 2003 PRENTSMIÐJA ÁRVAKURS HF. mbl.is
ÍTALSKUR ekill kælir sig með því að hella yfir sig
vatni á Péturstorgi í Róm í gær á meðan hestur
hans horfir löngunaraugum á. Hitabylgja er nú á
Ítalíu og varð hitinn mestur 32 gráður en svo heitt
hefur ekki verið í júnímánuði á Ítalíu frá því á
átjándu öld.
Reuters
Mesti hiti á Ítalíu frá því á 18. öld