Morgunblaðið - 14.06.2003, Page 23
SUÐURNES
MORGUNBLAÐIÐ LAUGARDAGUR 14. JÚNÍ 2003 23
Opið mán-fös 10-18 laugard. 11-16
Bæjarlind 4, 201 Kópavogur s. 544 5464
www.arthusgogn.is
MYND júnímánaðar í Reykjanesbæ
er eftir Hjördísi Árnadóttur. Mynd
listamannsins er til sýnis í Kjarna á
Hafnargötu 57 í Keflavík út mánuð-
inn.
Mynd mánaðarins er kynning á
myndlistarmönnum í Félagi mynd-
listarmanna í Reykjanesbæ á vegum
Listasafns Reykjanesbæjar.
Hjördís Árnadóttir er fædd í
Reykjavík 28. desember 1952 en
flutti á fyrsta aldursári til Reykja-
nesbæjar og hefur verið búsett þar
síðan. Hjördís hefur lengi haft áhuga
á listum og var meðal annars í stjórn
Leikfélags Keflavíkur í mörg ár en
síðustu sjö árin hefur hún nánast al-
veg helgað myndlistinni frístunda-
tíma sinn, að því er fram kemur í
fréttatilkynningu frá menningarfull-
trúa Reykjanesbæjar.
Hjördís starfaði með Baðstofunni,
áhugahópi um myndlist, í mörg ár og
var formaður hennar um tíma og er
nú formaður Félags myndlistar-
manna í Reykjanesbæ.
Hjördís hefur tekið þátt í fjölda
samsýninga. Hún sýnir þessa dag-
ana verk sín í húsnæði Hitaveitu
Suðurnesja á Brekkustíg 36 í Njarð-
vík og er sýningin opin virka daga
frá kl. 10 til 16.
Hjördís Árnadóttir við mynd mánaðarins sem nú er til sýnis í Kjarna.
Hjördís Árnadóttir
listamaður mánaðarins
Reykjanesbær
FYRRA sumarnámskeiði Ævintýra-
skólans í Púlsinum í Sandgerði lýkur
senn og skráning hafin á seinna vik-
unámskeið skólans sem hefst 18.
júní.
Þátttaka barna er góð á fyrra
námskeiðinu. Margt er til gamans
gert í skólanum, að því er fram kem-
ur í tilkynningu. Þjóðsögur af Suð-
urnesjum lærðar og leiknar, ævin-
týri sungin og leikin, stomp-tónlist
búin til, karókí-söngur í hljóðnema,
gömlu útileikirnir rifjaðir upp, fugla-
skoðun og fjöruferð. Dagskránni
lýkur síðan alla daga á krakkajóga
og slökun.
Sumar-
námskeið í
Ævintýra-
skólanum
Sandgerði
MINJAFÉLAG Vatnsleysustrandar-
hrepps hefur fengið umráðarétt yfir
elsta húsi hreppsins, hlöðu á kirkju-
staðnum Kálfatjörn. Félagsmenn
munu ganga í að lagfæra húsið til
bráðabirgða og hyggjast síðan beita
sér fyrir að því verði komið í sem
næst upprunalegt horf og fundnir
nýtingarmöguleikar við hæfi.
Ekki er vitað nákvæmlega hve-
nær húsið var byggt. Það sést á
mynd sem teiknuð var af húsum á
Kálfatjörn 1857 og Birgir Þór-
arinsson, varaoddviti sveit-
arstjórnar, segir að Herdís Erlends-
dóttir, fyrrverandi húsfreyja á
Kálfatjörn, sem þar er fædd og alin
upp, telji að hlaðan sé allt að 200 ára
gömul.
Á árinu 1926 byggði Erlendur
Magnússon bóndi fjós við hlöðuna
og síðar lítinn kvist á þak hennar.
Síðar var hesthúsi bætt við. Fá ár
eru síðan hætt var að nota hlöðuna.
Jörðin er komin í eigu Vatns-
leysustrandarhrepps og fyrr í vik-
unni samþykkti sveitarstjórn að
veita Minjafélagi hreppsins umráða-
rétt yfir hlöðunni. Húsið er friðað en
það liggur undir skemmdum. Þann-
ig hafa hleðslur brotnað á síðustu
árum, líklega vegna ógætilegrar
meðferðar vinnuvéla á hlaðinu.
Hleðslurnar gefa einmitt húsinu
mest gildi, auk aldurs þess, vegna
þess að fá útihús munu vera heilleg
sem hlaðin eru úr grjóti með þessum
hætti samkvæmt upplýsingum Snæ-
bjarnar Reynissonar og Oktavíu
Ragnarsdóttur sem eru í forsvari
fyrir Minjafélagið.
Félagið hefur fengið leyfi Húsa-
friðunarnefndar til að rífa síðari
tíma viðbyggingar. Að sögn Birgis,
Snæbjarnar og Oktavíu verður
gengið í það í sumar að rífa við-
byggingar, loka húsinu og mála og
snyrta umhverfið. Síðan verður
gengið í það að fjármagna viðgerðir
á húsinu.
Ætlunin er að láta gera uppdrátt
af hlöðunni og gera áætlun um
hvernig best er að nýta hana í fram-
tíðinni. Mun verða leitað ráðgjafar
hjá Þjóðminjasafni Íslands við það.
Forsvarsmenn Minjafélagsins segja
upplagt að nýta húsið sem sal fyrir
ýmsa menningarviðburði og Snæ-
björn segir mikilvægt að tengja það
sögulegum minjum sem Vatnsleysu-
strönd og ekki síst Kálfatjörn séu
svo rík af en lítið hafi verið hirt um
til þessa.
„Það er mikið verk fram undan en
annað eins hefur nú verið gert,“
segir Birgir Þórarinsson og Oktavía
bætir við: „Þetta kostar mikið en við
þurfum ekki að réttlæta það því
minjavernd hefur lítið verið sinnt
hér.“
Nýstofnað Minjafélag hyggst bjarga elsta húsi sveitarfélagsins
Snæbjörn Reynisson, Þórarinn Birgisson, Birgir Þórarinsson og Oktavía Ragnarsdóttir skoða gömlu hlöðuna.
Hátt í 200
ára gömul
hlaða
Vatnsleysuströnd
Morgunblaðið/Helgi Bjarnason
Moggabúðin
Stuttermabolir, aðeins 1.000 kr.
Moggabúðin
Geisladiskahulstur, aðeins 700 kr.