Morgunblaðið - 14.06.2003, Page 31
UMRÆÐAN
MORGUNBLAÐIÐ LAUGARDAGUR 14. JÚNÍ 2003 31
París – flug og bíll
“Sous le ciel de Paris,
S'envole une chanson....’’
EDITH PIAF
„Undir Parísarhimni
tekur söngurinn flugið....“
Verð frá 37.031 kr.*
á mann miðað við 2 fullorðna og 2 börn í eina viku.
verð frá 47.715 kr.* á mann miðað við 2 fullorðna
í eina viku.
Innifalið; flug, bílaleigubíll í A-flokki í 1 viku, flugvallarskattar
og þjónustugjöld.
Sjá nánari upplýsingar um París á www.icelandair.is/paris
Hafið samband við söluskrifstofur Icelandair eða við
Fjarsölu Icelandair í síma 50 50 100 (svarað mánud. - föstud.
kl. 8-20, laugard. frá kl. 9-17 og á sunnudögum frá kl. 10-16)
Þetta tilboð gefur 3.600 ferðapunkta
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
I
C
E
20
55
2
03
/2
00
3
Icelandair tekur við ferðaávísun MasterCard
og orlofs ávísunum VR í pakkaferðir.
VR orlofsávísun
Munið ferða-
ávísunina
Í DAG, 14. júní 2003, er merkur dagur í sögu Kennaraháskóla Íslands
sem og í íslenskri skólasögu. Tilefnið er að í dag útskrifast tæplega 20
tómstundafræðingar hér á landi í fyrsta sinn frá skólanum. Um er að
ræða 45 eininga diplómanám. Námið er m.a. byggt á
grunni námskráa s.k. „fritidsledara- og fritidspedagog“
menntunar í Svíþjóð og Danmörku. En margir Íslend-
ingar hafa á umliðnum árum sótt slíka menntun út fyrir
landsteinana. Þörfin fyrir heildstætt nám af þessu tagi
hér á landi var orðin mjög knýjandi því fjöldi þeirra sem
starfa á vettvangi frítímans hérlendis skiptir orðið þús-
undum og mun aukast á næstu árum. Kröfur til þess fólks
sem í geiranum starfar munu og hafa aukist og jafnframt er ábyrgð
þeirra orðin mun meiri en var áður fyrr.
KHÍ hefur staðið að námsbraut í tómstunda- og félagsmálafræðum af
miklum myndarskap enda aðsókn verið góð. Sá fjöldi sem í námið sækir
sýnir svo ekki verður um villst að þörfin fyrir nám af þessu tagi hér-
lendis er mikil. Sú skynsama ákvörðum stjórnenda KHÍ frá því í vor að
lengja námið í 90 eininga heildstætt BA-nám er því rökrétt framhald af
vel heppnuðu diplómanámi. Markvisst og gott nám eins og hér um ræðir
mun styrkja hinn íslenska uppeldisgeira verulega á komandi árum.
Margt fólk sem áhuga hefur á að mennta sig á þessu sviði en hefur ekki
viljað eða átt þess kost að flytja utan í þeim tilgangi hefur nú möguleika
til náms.
Ég vil á þessum tímamótum óska stjórnendum Kennaraháskóla Íslands
hjartanlega til hamingju með daginn sem og öllum þeim nemendum sem
í dag ljúka námi af tómstunda- og félagsmálafræðibraut skólans.
Til hamingju
með daginn, KHÍ
Eftir Árna Guðmundsson
Höfundur er æskulýðs- og tómstundafulltrúi í Hafnarfirði
og formaður Samtaka norrænna félagsmiðstöðva, UFN.
Í TENGSLUM við uppstokkun rík-
isstjórnar Sjálfstæðisflokksins og
Framsóknarflokksins var tilkynnt um
ráðstöfun tveggja
embætta með löngum
fyrirvara, þ.e. skipan í
embætti sendiherra í
París og ráðstöfun á
embætti forseta Al-
þingis! Ögmundur
Jónasson, formaður
þingflokks Vinstri grænna, gagnrýndi
þetta í útvarpsviðtali. Það var réttmæt
gagnrýni. Það er ósmekklegt, að til-
kynna nú hver eigi að verða forseti Al-
þingis eftir 2 ár.
Það er Alþingi, sem kýs þingforseta.
Ríkisstjórnin skipar ekki í það emb-
ætti. Það er einnig óeðlilegt, að rík-
isstjórnin sé að tilkynna sendiherra-
skipan eftir langan tíma í tengslum við
stjórnarmyndun.
Sendiherrastöður eiga ekki að vera
fyrir stjórnmálamenn sem duga ekki í
ráðherraembættum. En stjórnarflokk-
arnir hafa verið svo lengi við völd, að
þeir telja sig geta ráðskast með emb-
ætti að vild. Valdið spillir.
Of fáir ráðherrastólar?
Svo virðist sem að þessu sinni hafi
ekki verið nægilega margir ráðherra-
stólar fyrir alla þá gæðinga Sjálfstæð-
isflokksins sem koma þurfti í slíka
stóla. Því var gripið til þess ráðs að út-
hluta öðrum embættum í leiðinni og
lofað ráðherraembættum síðar. Aðeins
einn ráðherrastóll „losnaði“ strax en
koma þurfti 3 þingmönnum fyrir í ráð-
herrastóla, þ.e. Birni Bjarnasyni, Sig-
ríði Önnu Þórðardóttur og Þorgerði
Katrínu Gunnarsdóttur. Björn Bjarna-
son fær stólinn strax en Sigríði Önnu er
lofað stól eftir 15 mánuði og Þorgerði
Katrínu um næstu áramót. Það er nýtt
í íslenskum stjórnmálum, að tilkynning
um skipan í ráðherraembætti sé gefin
út með svo löngum fyrirvara og hér á
sér stað. Svo virðist sem Davíð hafi vilj-
að allt fyrir alla gera nú þegar hann er
að undirbúa brottför sína úr forsæt-
isráðuneytinu. Merkilegt, að ekki skuli
vera tilkynnt hverjir eigi að verða ráð-
herrar árið 2007, eftir næstu kosn-
ingar!
Björn Bjarnason gefst upp
Björn Bjarnason gefst nú upp á
verkefni sínu í borgarstjórn, þ.e. því
verkefni að leiða borgarstjórnarflokk
Sjálfstæðisflokksins. Hann hefur þó
verið svo stutt í því hlutverki, að hann
hefur tæplega sýnt enn hvort hann
ræður við það. Ósigur hans í viðureign-
inni við Ingibjörgu Sólrúnu sl. vor hef-
ur dregið úr honum allan kraft. Mun
mörgum Sjálfstæðismönnum þykja
það svik, að Björn skuli fara úr hlut-
verki leiðtoga Sjálfstæðismanna svo
skömmu eftir kosningar til borg-
arstjórnar, einkum þegar haft er í
huga, að hann flæmdi Ingu Jónu Þórð-
ardóttur úr embætti oddvita Sjálfstæð-
ismanna. Margir telja að Inga Jóna
hefði staðið sig betur en Björn í við-
ureigninni við Ingibjörgu Sólrúnu.
Björn var að sjálfsögðu kosinn til fjög-
urra ára í borgarstjórn og því var
reiknað með að hann yrði leiðtogi Sjálf-
stæðismanna þar út kjörtímabilið. Í
viðtali við Morgunblaðið 3. febrúar
2002 var Björn spurður að því hvort
hann ætlaði að sitja út kjörtímabilið
sem oddviti Sjálfstæðismanna ef Ingi-
björg Sólrún og R-listinn ynnu borg-
arstjórnarkosningarnar. Hann svaraði:
„Að sjálfsögðu. Ég er að bjóða mig
fram til starfa í borgarstjórn og hef
ekki hugsað mér að tjalda til einnar
nætur.“ Nú svíkur Björn þetta fyr-
irheit sitt. Hann og aðrir sjálfstæð-
ismenn eru því að kasta steinum úr
glerhúsi, er þeir gagnrýna Ingibjörgu
Sólrúnu fyrir að hasla sér völl í lands-
málunum.
Óánægja var orðin með Sólveigu
Pétursdóttur sem dómsmálaráðherra
og því var hún látin hætta í ríkisstjórn.
Ekki hefði þó þurft að sækja Björn
Bjarnason til þess að gegna því emb-
ætti, þar eð Sigríður Anna Þórðardóttir
formaður þingflokks Sjálfstæðisflokks-
ins hefði sem best getað gegnt embætt-
inu. Hún er mjög hæf kona og með
mikla reynslu sem stjórnmálamaður.
Hún hefði einnig getað tekið að sér
embætti menntamálaráðherra en hún
gjörþekkir skóla- og menntamál. Vek-
ur undrun að nýr þingmaður, sem að-
eins hefur setið eitt kjörtímabil á þingi,
skuli tekinn fram yfir Sigríði Önnu í
embætti menntamálaráðherra. Sigríð-
ur Anna hefur mun meiri þingreynslu.
Tómas Ingi Olrich er látinn hætta
sem menntamálaráðherra eftir aðeins
1 ár í starfi og lofað sendiherrastöðu
næsta vor! Um leið er honum hælt á
hvert reipi og sagt að hann hafi staðið
sig vel í starfi ráðherra. Ef það væri
rétt hefði hann ekki verið látinn hætta.
Það er að sjálfsögðu mál Sjálfstæð-
isflokksins hverja flokkurinn velur í
ráðherrastóla. En það er óeðlilegt að
þeir sem ekki duga sem ráðherrar fái
úthlutað einhverjum embættum í stað-
inn svo sem sendiherrastöðum.
Stjórnarflokkurinn!
Alþingi kom saman fyrir skömmu og
hélt stutt sumarþing. Þingmenn fengu
afgreidd kjörbréf eftir nokkrar deilur.
Forsætisráðherra flutti stefnuræðu og
umræður urðu um hana. Stjórnarand-
staðan gagnrýndi stjórnina harðlega.
Ræða Össurar Skarphéðinssonar
formanns Samfylkingarinnar vakti at-
hygli vegna þess að hún var hörð og
rökföst en einnig vegna þess að hann
talaði alltaf í ræðu sinni um stjórn-
arflokkinn þegar hann ræddi um
stjórnarflokkana. Þótti þetta táknrænt,
þar eð svo virðist sem Sjálfstæð-
isflokkur og Framsókn séu að renna
saman í eitt. Það er enginn munur á
flokkunum.
Hverjir verða
ráðherrar 2007?
Eftir Björgvin Guðmundsson
Höfundur er viðskiptafræðingur. www.fotur.net