Morgunblaðið - 14.06.2003, Page 48
48 LAUGARDAGUR 14. JÚNÍ 2003 MORGUNBLAÐIÐ
! " #
! #%"
BRÉF
TIL BLAÐSINS
Kringlunni 1 103 Reykjavík Sími 569 1100
Símbréf 569 1329 Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
VIÐ stöndum á tímamótum. Við
gerum okkur ekki öll grein fyrir
því en það er satt. Við stöndum
frammi fyrir vali um tvennt; ann-
ars vegar að losa okkur við banda-
ríska herinn úr landinu og þar með
hætta að skilja eftir okkur spor
hundtryggs aðdáanda stríðs og
blekkinga. Við þurrkum ekki út
þau spor sem liggja eftir okkur og
okkar guðsvoluðu stjórn frá því að
fáir menn ákváðu í nafni örvænt-
ingar, tortryggni og fáfræði að
fyrirgera sjálfstæði Íslands og
selja það í hendur óvissu og eilífr-
ar hræðslu, en við getum byrjað
upp á nýtt. Nýir tímar þar sem
fólk hættir að hylla herinn fyrir að
skapa atvinnu á Suðurnesjum
heldur bölva þeim sem bjuggu svo-
leiðis um hnútana fyrir löngu með
skammsýni sinni að atvinnuöryggi
fjölda fólks getur núna hrunið á
einni stundu að fyrirskipan nokk-
urra manna sem hafa aldrei komið
til Íslands, þekkja ekki fólkið sem
það gerir atvinnulaust og er í raun
skítsama um það.
Já, það verður þröngt í búi fyrir
fólk sem missir vinnuna og nei,
það verður ekkert auðvelt, en ekki
kenna okkur sem sáum þessa
stund fyrir, erum friðarsinnar og
höfum aldrei viljað þennan her á
landinu um. Ég vil að þær fjöl-
skyldur sem missa lífsviðurværi
sitt, sem vill svo til að snýst um að
gera hernum auðveldara að drepa
aðrar fjölskyldur úti í heimi sem
missa aðeins meira en lífsviður-
væri sitt, verði gert auðveldara um
vik, fái styrki og að stjórnin
ábyrgist að það fólk fari ekki á
götuna. Ég vil að atvinnuuppbygg-
ing á Suðurnesjum snúist um eitt-
hvað annað og meira en einn
vinnuveitanda og hafi æðri tilgang
en þann að eyðileggja líf fólks úti í
heimi, en ég vil ekki og ég bið um
að ríkisstjórn Íslands selji ekki
enn á ný sálir okkar allra og geri
ekkert annað en fresta þeirri
stund sem nú er upp runnin.
Hvernig hefði verið að milljónirnar
eða milljarðarnir sem fóru í aðstoð
við að flytja sprengjur á áfanga-
staði sína; írösk íbúðahverfi, götu-
markaði og söfn í stríðinu gegn
íraska fólkinu, hefði farið í það að
byggja upp öðruvísi atvinnu á Suð-
urnesjum svo við yrðum tilbúin
þegar herinn ákvæði að fara eða
enn betra, við hefðum getað rekið
herinn sjálf úr landi þegar hann
gegndi engu hlutverki lengur á Ís-
landi.
Hins vegar getum við haldið
hernum hérna, haldið áfram að
styðja átök og morð og frestað
þeirri stund þegar Suðurnesjafólk
missir vinnuna.
En nú er svo komið að herinn
vill flytja burt og fólk mun missa
vinnuna vegna þess að íslenskir
ráðamenn sýndu vítaverða skamm-
sýni að halda að útlenskur her
myndi alltaf halda sig á Miðnes-
heiði, hann myndi aldrei fara eða
vera rekinn burt af þeim sem enn
hafa einhvern vott af siðferði í sér.
Já, við erum á tímamótum. Ef
við veljum fyrri kostinn getum við
hreinsað samvisku okkar að
stórum hluta og byrjað upp á nýtt
með friðsamt, hlutlaust og mann-
eskjuvænt samfélag, en ekki hund
í bandi hermálaráðherra úti í
heimi sem gæti ekki bent á Ísland
á korti af Íslandi. Það verður ekki
auðvelt en samt sér víðsýnt fólk
strax fyrir endann á þeim erfið-
leikum sem gætu fylgt, það eru
aðrar leiðir. Ef við veljum síðari
kostinn fyrirgerum við sálu okkar
og hugsum á banabeðinum: „Ég
gat breytt öllu en ég kaus að gera
ekkert.“
Friður.
FINNUR GUÐMUNDSSON,
Skeiðarvogi 13,
104 Reykjavík.
Tímamót
Frá Finni Guðmundssyni:
NÚ NÝLEGA sá ég það haft eftir
George W. Bush Bandaríkjaforseta
að efnahagsþvinganir hefðu ekki
getað skilað árangri í Írak því að
landið flyti bókstaflega á olíu. Þessi
staðhæfing heldur ekki vatni. Ef
Írakar hefðu ekki getað selt olíu
umfram þá sem alþjóðasamfélagið
leyfði í vöruskiptum þá hefðu þeir
heldur ekki getað keypt neitt bann-
að. Staðreyndin er hins vegar sú að
um NATO-ríkið Tyrkland var
íraskri olíu smyglað og þess vegna
virkaði viðskiptabannið ekki að
fullu. Nú fer meira fyrir olíu en
fíkniefnum svo hæpið er að þetta
hefði verið hægt án aðildar tyrk-
neskra embættismanna. Rétta leið-
in hefði því verið að setja þumal-
skrúfurnar á Tyrki að loka þessum
viðskiptum. Það kaupir enginn neitt
fyrir ekki neitt. Þetta sýnir hversu
skýrt Bush og hans ráðgjafar
hugsa.
Persónuvernd gerði athugasemd-
ir við framgang stjórnsýslunnar
gagnvart meðlimum Falun-Gong
hreyfingarinnar. Björn Bjarnason,
nýsettur dómsmálaráðherra, segir
að stjórnsýsla heyri ekki undir Per-
sónuvernd. Svona framsetning ber
ekki vott um skilning. Það að gera
athugasemdir við sjálfa stjórn-
sýsluna heyrir undir alla sem hafa
staðfesta vissu fyrir rangri
embættisfærslu. Þetta er hreint og
klárt yfirklór kjána.
Mikið geta þjóðir verið heimskar
að kjósa yfir sig hreina undirmáls-
menn sem leiðtoga.
HILMAR HARÐARSON,
Sléttahrauni 29,
200 Hafnarfirði.
Skortur á
heilastarfsemi
Frá Hilmari Harðarsyni: